教育王國

標題: 神校interview報告！！ [打印本頁]

作者: ccngsy 時間: 15-2-11 11:50 標題: 神校interview報告！！

星期六，七号in. 去到好多人等緊，好多人排隊，咁我地就兵分兩路，媽媽就排隊，爸爸就帶囝囝四處參觀，希望 maintain 住佢係一個好 good 嘅 condition，一路走來走去，一路返媽媽道食吓蛋糕，囝囝好乖，等咗半個鐘都冇扭計，以為狀態大勇，點之……

作者: yuhehe 時間: 15-2-11 12:03 標題: 回覆：神校interview報告！！

點知？

作者: netbb 時間: 15-2-11 12:06

回覆 ccngsy 的帖子

點知咩呢

作者: ccngsy 時間: 15-2-11 12:17 標題: 回覆：神校interview報告！！

等咗大約半個鐘，終於有得入去啦……
囝囝狀態仍然ok，之後就入去玩玩具，最初都玩得好開心，玩完一個玩具就同其它小朋友交換玩，玩得都好開心，望一望隻錶，大約玩了大半個鐘，再望一望其它小朋友……有一個大喊，有一個喊住要走，有一個喪食手指，崩潰了！！
而作為家長，因地方有限，企又吾係，坐又吾係，都等到又倦又累，汗流夾背，而我就用咗一個方法，就係我坐係櫈仔，囝囝坐係我大脾，之後一直同佢介紹下學校，課室，走廊，天花板，地板，老師，同學，裝飾……希望可以引開佢注意力，再等多大約五至十分鐘，終於有得入去啦…………

(p.s. 要多得枱上面有個扭蛋機，囝囝先可以捱到咁耐！！)

作者: netbb 時間: 15-2-11 13:04

作者: ccngsy 時間: 15-2-11 13:56 標題: 回覆：神校interview報告！！

可能小朋友平時訓練有素，入課室的時候已經冷靜番，入咗課室，一個一個坐底，全組都好叻好乖，而我就 hea 填問卷，主力enjoy吓囝囝interview 的表現

一開始，老師就問小朋友叫咩名，冇一個小朋友有反應，只得囝囝講得出自己的全名，哈哈哈哈！！之後老師就叫小朋友把生果放入顏色碟，囝囝認得出橙，good，但老師叫佢放落“黄色”碟道，佢好猶豫，吾知“黃色”即係“yellow”，但老師好有耐性，比咗三次幾會佢，不過好似得四隻碟……

做完呢個task之後，開始有小朋友吾耐煩，已經開始走來走去，囝囝也不例外，因為interview 的環境同感覺好似好活動的playgroup 咁，所以佢地好似上playgroup咁坐吾定！！

之後佢見到有小朋走出去玩壁報板，即時跟出去……佢對住個小朋友好大聲咁講“曳曳”，老師睇到眼都突埋，我亦比佢吹脹，講完之後，佢當然冇返自己位繼續同果個小朋友一齊玩！！老師好好人，老師拖佢返位坐，再比一次機會佢，叫佢看圖認動物，我一睇張圖，好多動物佢一定識同知叫咩名，但當老師問佢，佢就好跳皮咁用外星話答老師，答完就哈哈哈大聲笑，老師再問，外星話又出，又哈哈哈……激死！！老師冇佢咁好氣，問其它小朋友，個個都可講出一兩樣！！之後佢再走出去，再無返回坐位亦都冇再理老師了！！

最後送餅的時候就返回坐位，有講Thank you！！咁吾知只識講自己名同thank you可吾可以拿到2nd in 的機會呢？！？！

不過果日同KM撞期，之後再算！！

作者: joycewsm 時間: 15-2-11 14:43

回覆 ccngsy 的帖子

你囝囝已經好叻了
咁有耐性
得唔得唔重要
最重要知道自己小朋友的能力去到邊

作者: Cutemom0808 時間: 15-2-11 16:30

St Cat?

作者: 貝珠 時間: 15-2-11 16:45 標題: 回覆：神校interview報告！！

St cat, 咁又唔駛用神校呢個 term

作者: markey 時間: 15-2-11 19:04 標題: 引用：可能小朋友平時訓練有素，入課室的時候已經

提示: 作者被禁止或刪除內容自動屏蔽

作者: ccngsy 時間: 15-2-12 09:30 標題: 回覆：貝珠的帖子

Haha, 我覺得PN報名人數達到七八千人已經係神級，冇乜其它學校有呢個數字！！或這可以用“神經”個神字，just joking, please dont mind！！

作者: ccngsy 時間: 15-2-12 11:57 標題: 回覆：joycewsm 的帖子

唉！！都吾算叻啦！！只不過係單對單 interview 的命中率(抽獎中獎)會高啲，group in 就，哈哈哈哈！！！

作者: Jacmavbb 時間: 15-2-12 15:59 標題: 回覆：ccngsy 的帖子

認同！發神經！
結論：pn ，無所謂，唔稀罕。

歡迎光臨教育王國 (/)