教育王國

標題: 只有社交問題A仔讀band 1 小學 [打印本頁]

作者: Jjchow2015 時間: 15-2-9 22:40 標題: 只有社交問題A仔讀band 1 小學

小朋友主要係社交問題同感統不足，如果考到band 1 小學，應該比佢試？怕有d問題要小一之後先出現！

作者: pocoyo123 時間: 15-2-10 00:45

小學無BANDING?

你說的BAND ONE 小學是指, X拔, X MARY, 華X,瑪利X, 這些神校嗎?

如果是經考入,或叩門入, 是小朋友的能力而得到, 當然讀啦, 唔使諗.

作者: Jjchow2015 時間: 15-2-10 09:12 標題: 回覆：pocoyo123 的帖子

不是神校！佢自己考到！因為interview 時間短，我怕小學太辛苦，佢會好大壓力！因為佢情緒一般！

作者: Olympian 時間: 15-2-10 11:18 標題: 引用：不是神校！佢自己考到！因為interview+時間

原帖由 Jjchow2015 於 15-02-10 發表
不是神校！佢自己考到！因為interview 時間短，我怕小學太辛苦，佢會好大壓力！因為佢情緒一般！

...

讀下睇下點先啦！好難預計。記得跟學校多溝通。

作者: Jjchow2015 時間: 15-2-10 11:21 標題: 回覆：Olympian 的帖子

可能開始不講比學校知！

作者: pocoyo123 時間: 15-2-10 11:54

情緒問題就要睇下佢有無騷擾人, 通常受歡迎小學都係比較大班, 好多OVER30人一班, 如果佢在學校無騷擾, 或打人問題, 唔講都得, 但相反, 咁你唔講學校就會好快標籤佢係跩學生,到時可能日日見家長.

作者: Jjchow2015 時間: 15-2-10 14:22 標題: 回覆：pocoyo123 的帖子

佢不會撹人！但容易唔開心忍到回家先發洩！

作者: leungsiufan 時間: 15-2-11 13:33 標題: 引用：可能開始不講比學校知！ +

原帖由 Jjchow2015 於 15-02-10 發表
可能開始不講比學校知！

唔好唔講比學校知，因為如果你唔講，學校就冇得報上社署，變左冇資源去配合學校去幫個小朋友

作者: chowqv 時間: 15-2-11 15:11 標題: 回覆：只有社交問題A仔讀band 1 小學

有評估報告，就應該交俾學校。大家都好做。

作者: fandd 時間: 15-2-11 22:29

我就唔會揀呢類學校，因為絕大部份名校，喺支援特殊教育需要既資源通常都較少(因較少收呢類學生)，而且亦唔會係校方既關注點。即使小朋友喺學業方面表現良好，如果喺其他方面表現差(例如社交、指示、服從、情緒控制等)，可能會影響「師生」或「生生」關係，屆時喺學校缺乏支援下，小朋友既問題會越嚟越嚴重，並且會好唔開心，唔鍾意返學。

作者: Jjchow2015 時間: 15-2-11 22:34 標題: 回覆：fandd 的帖子

我就是怕社交及情緖問題！唉！

作者: Olympian 時間: 15-2-11 22:34 標題: 引用：可能開始不講比學校知！ +

原帖由 Jjchow2015 於 15-02-10 發表
可能開始不講比學校知！

好快現形。上到小學壓力大，情緒就會出。到時學校唔知你個仔係有問題，老師就會話佢曳。所以跟學校講，打定抵先較好。

作者: fandd 時間: 15-2-11 22:46

啱！其實你唔講，老師唔使幾耐都會sense到。如果你唔講，老師sense到都唔好意思開口同你講，到時棧令問題拖延落去，令小朋友喺學校遇到問題都唔點算好！

作者: Jjchow2015 時間: 15-2-11 22:50 標題: 回覆：Olympian 的帖子

多謝大家意見

作者: 洋蔥頭媽咪 時間: 15-2-22 12:15 標題: 引用：小朋友主要係社交問題同感統不足，如果考到

原帖由 Jjchow2015 於 15-02-09 發表
小朋友主要係社交問題同感統不足，如果考到band 1 小學，應該比佢試？怕有d問題要小一之後先出現！

...

小學係冇分banding, 不過較好嘅學校通常稱為一線，二線小學。樓主如果小朋友讀一線學校，你要有心理準備呢類學校一般包容度都冇咁高，如果孩子有社交問題，通常升小後會越來越明顯，唔計成績，處理行為問題部份老師包容度低對孩子影響可以好深遠，你要考慮清楚。

歡迎光臨教育王國 (/)