教育王國

標題: 何為伴讀 [打印本頁]

作者: bennyeva 時間: 15-2-8 23:18 標題: 何為伴讀

我和女兒一直都有講故事嘅習慣，我想問下各位，如果係中文書，你地點伴讀？因為小朋友細，我開始時只係想提起佢閱讀興趣同教德育等，所以我自己係自己先睇一次，用口語化嘅廣東話去講故事，中間加插角色扮演，問答等等。

前陣子佢開始留意到隔離d字，問我係咩來的，我解釋比佢知叫中文字，認得d字就可以自己講故事，佢話我知想學。咁我係咪應該開始續個中文字去讀出來，再用廣東話去解釋一次？咁樣開始教認字？

但故事書又太多字，我又唔知咁會否太快…其實我有參考過學校用開嘅書，有d書係重覆用字的，好似「我會自己讀」系列，但故事比而家睇緊嘅無咁有趣。

你地係點做的？謝謝

作者: HKTHK 時間: 15-2-9 01:47

小朋友幾大先?

作者: bennyeva 時間: 15-2-9 09:15 標題: 回覆：HKTHK 的帖子

2歲5個月，其實，佢語言發展係比較快，所以睇年齡係有點兒…=_=

我一直只係講故事，無諗過教認字，但係佢問左我好多次，因為佢鍾意講故事比公仔聽，平時係依靠記憶故事內容去講，而家一見到新書就問d字，所以我想了解下一般點講，始終中文字同廣東話有不同。

作者: MASAYA 時間: 15-2-9 11:15

佢有興趣學就教，佢想知想學就即係適齡，每個人都唔同，唔駛根據其他人甚至專家話幾時適齡

用口語係過渡期，之後都係讀書面語照本宣科，如果一直用口語，佢地唔會變得識自己閱讀，但如果抗拒你用書面語，就即係未到時候照本宣科，咁你繼續用口語，不過有d小朋友初初抗拒，之後好快就接受，都每個人唔同，自己留意就可以

作者: tsangnamnam 時間: 15-2-9 11:52

每個小朋友嘅發展不同，佢主動提出，佢有興趣，就回答佢。你嘅回應，對提高/延續佢嘅學習興趣有正面效應。

作者: bennyeva 時間: 15-2-9 15:48 標題: 回覆：MASAYA 的帖子

本帖最後由 bennyeva 於 15-2-9 15:57 編輯

謝謝兩位的回覆，咁我係咪開始指住每個字去讀比佢聽就得？有d生字平時廣東話係無的，所以我要再解釋比佢知。請問有無邊d書可以介紹比我，係容易d講㗎。thanks!

作者: MASAYA 時間: 15-2-9 16:51

bennyeva 發表於 15-2-9 15:48
謝謝兩位的回覆，咁我係咪開始指住每個字去讀比佢聽就得？有d生字平時廣東話係無的，所以我要再解釋比佢知 ...

指唔指視乎小朋友鍾唔鍾意，你可以一時指一時唔指，睇佢反應，開始照字讀初期可以選擇讀返佢熟悉既故事，因為故事發展佢已知，一般黎講唔會太抗拒照本宣科，所以應該都可以唔駛指住讀，我覺得父母心態上最好係想小朋友鍾意睇書，而唔係認字先決

作者: HKTHK 時間: 15-2-9 16:52

用口語或書面語讀書並沒有對錯之分, 因為你的孩子還小, 用口語也沒有問題。若是他對文字有興趣, 可以慢慢用書面語, 其實只要一段時間, 習慣了便沒有問題。像我的孩子現在大了, 我平常使用書面語讀給他們聽, 但若是讀一本很好玩或是簡單的故事, 也會有時改用口語。

作者: bennyeva 時間: 15-2-9 18:45 標題: 回覆：MASAYA 的帖子

明白了，謝謝。我仲以為要用新書Tim，原來用舊書仲好d。其實我一開始講故事主要係為左教佢徳育同情緒控制（佢以前好大脾氣），但現在反而很好地培養左佢閱讀興趣，一本接一本要求我講故事。

其實我知道佢真係好想自己講故事，我已經解釋過比佢知叫佢慢慢來唔好心急，但佢呢排真係問左好多次d字咩來，我唔想消滅左佢嘅熱情，同時又怕太早=_=

近排我買了幾本新故事書，佢好想講又講唔到（因為之前係依靠記憶去講），我見佢好失落，同我講「媽咪，呢本我唔識講…」，所以先至想教下認字…

作者: bennyeva 時間: 15-2-9 18:48 標題: 引用：用口語或書面語讀書並沒有對錯之分,+因為你

原帖由 HKTHK 於 15-02-09 發表
用口語或書面語讀書並沒有對錯之分, 因為你的孩子還小, 用口語也沒有問題。若是他對文字有興趣, 可以慢慢用 ...

明白了，咁我試下睇情況轉tone, 謝謝你的意見！

作者: MASAYA 時間: 15-2-9 19:03

bennyeva 發表於 15-2-9 18:45
明白了，謝謝。我仲以為要用新書Tim，原來用舊書仲好d。其實我一開始講故事主要係為左教佢徳育同情緒控制（ ...

你可以鼓勵佢看圖講故事，雖然大部份家長都希望小朋友早d認到字自己閱讀，但未認到字都有另一個好處，可以更天馬行空想像故事既世界，有助發展創意思維

作者: bennyeva 時間: 15-2-9 20:10 標題: 引用：Quote:bennyeva+發表於+15-2-9+18:45+明白

原帖由 MASAYA 於 15-02-09 發表
你可以鼓勵佢看圖講故事，雖然大部份家長都希望小朋友早d認到字自己閱讀，但未認到字都有另一個好處，可以 ...

哈哈，其實佢而家都有時亂咁講，仲將兩本故事書嘅情節一齊講Tim :)

作者: YinMichelleBaby 時間: 15-5-26 10:49 標題: 回覆：bennyeva 的帖子

我女三歲，都有類似情況。我想揀一些字體大又清楚，句子簡短的中文書，照書直讀，等她可以學中文字，但好難揾; 我自己會讀系列，漢字基礎500，阿女覺得悶。

作者: bennyeva 時間: 15-5-28 14:43 標題: 回覆：YinMichelleBaby 的帖子

可能因為係重覆性句子所以悶？而家我都係睇番佢有興趣嘅故事書為主，興趣第一，認字為次

歡迎光臨教育王國 (/)