教育王國
標題: 叩門FAQ [打印本頁]
作者: hkpapa852 時間: 15-2-6 14:22 標題: 叩門FAQ
本帖最後由 hkpapa852 於 15-2-9 11:28 編輯
見到成日都有人問叩門既野, 試下整理D資料俾大家參考 (主要針對官津小學):
第一部份: 叩門疑問
(1) 叩門有咩要準備?
最基本既: K3成績表或學校評估報告, 出世紙影印本
其它: 學校指定既"叩要表格" (如有), 所有証書影印本 (如有), Portfolio (如有), 洗禮証明 (如有/如需要), 自行和統一派位表格影印本 (如需要, 其實唔係間間要呢樣資料)
(2) 唔交Portfolio得唔得?
得, 點會唔得? 就好似你個小朋友派到入寶校唔去叩門, 你覺得無問題咪OK囉!
假設有100個申請人, 得你一個無交Portfolio, 你的確會好突出, 突出到可能即刻將你份申請資料攞去回收
去到叩門時, 只係做多少少野就可能為小朋友爭取到一個機會你都唔做, 咁你覺得無問題就得啦!
(3) 幾時可以遞交叩門申請?
間間學校唔同, 要求亦唔同, 有D要求你填寫指定既叩門/插班申請表, 有D只係要你交份資料(如DPS, 陳瑞琪等).
有D學校係大抽獎結果公佈前已經接受申請, 有D要結果公佈後先接受申請, 最好去定期相關學校查詢, 或定期留意校網.
(4) 幾時進行叩門面試?
又係間間學校唔同, 官津小學叩門面試一定係大抽獎公佈結果後, 最早的學校會係結果公佈後既星期一, 多數會在6月中有第一輪面試, 星期一至六都會有.
(5) 無111係咪唔叩得?
你諗下, 如果只可以叩111個間, 咁你可以叩幾多間? 去到叩門時, 你又會唔會只叩一兩間?
無111你去交叩門申請, 佢最多咪唔收你份申請表, 或者收咗份申請表後唔俾你面試; 咁你都只係浪費咗少許時間, 少許車錢同一D紙張啫, 但隨時可能為小朋友爭取多一個機會, 點解咁都要諗?
而且, 就算有111又如何? 一定收你嗎? 如果係咁駛乜抽獎呀!
(2月9日新追加)
(6) 叩門幾時有結果? 結時完?
都係間間學校唔同, 最早既只有一輪面試, 面試完幾日就有結果 (6月以內). 但叩門係一個音樂椅效應, 不斷會有人放位, call waiting, 一路會維持到9月初先停.
(7) 暑假(6至8月期間)我想去旅行, 但又擔心叩門, 咁點好?
做咗人父母咁大個人, 應該識判斷邊D野緊要D. 咁如果你覺得去旅去緊要D, 咁咪安心去囉, 咁解仲要係度問? 話實, 去少一次半次旅行會死人咩?
不過, 如果去少呢次旅行真係影響你既身體健康甚至人身安全, 我諗只要你有証明, 學校都應該會著情處理既
(8) 如果要去旅行, 可唔可以要求學校改叩門日期/時間, 或者長途電話面試
嘩! 恭喜你, 你有咁既諗法, 証明你心態已經回歸祖國, 和祖國同胞相近了!
首先大家要攪清楚自己既角色, 而家到底係你想人地俾個位你個仔/女, 定係人地求你既仔/女去讀佢間學校. 如果係你去求人, 乜你認為你仲有好多議價能力可以去要求呢樣要求個樣咩?
如果我係校長, 而令郎/千女可能係人中龍鳯既好生, 我會為收唔到呢個小朋友而可惜, 但同時會為唔駛對住呢D連自己角色都攪唔清既家長而開香檳
畢竟, 辦學仍然係香港學校首要做既事, 而唔係做"客戶服務".
第二部份: 叩門時有機會遇到較難應付的問題 (自己諗定答案啦!)
(1) 你排我地學校係第二志願, 咁你有冇叩第一志願果間?
(2) 你排我地學校係第二志願, 如果我地收咗令郎/千金之後, 第一志願果間又話收你, 你會揀邊間? 同埋點解?
(3) 你自行/甲部都無放我地學校喎? 點解而家想入我地學校?
(2月9日新追加)
第三部份: 叩門留意的事情
(1) 多數官津小學收叩門表都有時限, 有不少仲只接受親身去交表, 所以千祈咪郵寄 (除非相關小學一早已接受叩門申請, 又講明唔駛親身遞交). 最好整定個叩個學校名單, 再諗定個路線圖.
(2) 叩要有咩要求? 首要: 學術能力, 以中英文對答, 數學能力為主
(3) 部份學校叩要係要"筆試", 所以要留意
(4) 有朋友曾同我講過, 叩門時學校會要求學生即場表演Portfolio中提及既一些技能, 如曾在朗誦比賽得獎, 曾在小提琴比賽攞獎, 請即場表演 (學校音樂室有多種樂器可供使用啊!)
暫時諗到咁多....... 諗到多D再加!
作者: sissysze 時間: 15-2-6 14:36 標題: 回覆：叩門FAQ
真係麻煩哂
作者: simsimwong 時間: 15-2-6 15:14
thanks ah!!!
作者: siden 時間: 15-2-6 15:25 標題: 回覆：叩門FAQ
最掂係第一部份嘅No. 2
咪係囉，講中哂
作者: 奥脫福 時間: 15-2-6 15:36
hkpapa852 發表於 15-2-6 14:22 
3. 你自行/甲部都無放我地學校喎? 點解而家想入我地學校?
因為自行若填左 貴校，我驚無得玩大抽獎。同樣道理，若甲部填左 貴校，我驚無得抽
乙一。
但在呢一刻，最重要的還是實實在在的一個學位。 
作者: melody228 時間: 15-2-6 15:37 標題: 回覆：叩門FAQ
Thx!
作者: Soundervolt 時間: 15-2-6 16:18 標題: 回覆：叩門FAQ
如果貴子女屬高智商，能提交有效證明，對某尐學校可能會有優勢
作者: Soundervolt 時間: 15-2-6 16:42 標題: 回覆：Soundervolt 的帖子
資優未必有絕對優勢，有朋友試過到一線學校叩門成功，但唔知關唔關呢個原因之一。
作者: hkpapa852 時間: 15-2-6 16:46
Soundervolt 發表於 15-2-6 16:42 
資優未必有絕對優勢，有朋友試過到一線學校叩門成功，但唔知關唔關呢個原因之一。
...
作者: 甜滋滋 時間: 15-2-6 18:54 標題: 引用：+本帖最後由+hkpapa852+於+15-2-6+15:33+編
原帖由 hkpapa852 於 15-02-06 發表
本帖最後由 hkpapa852 於 15-2-6 15:33 編輯
見到成日都有人問叩門既野, 試下整理D資料俾大家參考 (主要 ...
作者: siden 時間: 15-2-6 18:56 標題: 引用：Quote:Soundervolt+發表於+15-2-6+16:42+資
原帖由 hkpapa852 於 15-02-06 發表
其實好睇學校既心態, 有D學校會覺得資優雖然能力高, 但通常都不容易受教, 屬於麻煩一族, 寧願只要學術能加 ...
作者: catcc2000 時間: 15-2-6 23:29 標題: 引用：+本帖最後由+hkpapa852+於+15-2-6+15:33+編
原帖由 hkpapa852 於 15-02-06 發表
本帖最後由 hkpapa852 於 15-2-6 15:33 編輯
見到成日都有人問叩門既野, 試下整理D資料俾大家參考 (主要 ...
作者: sissysze 時間: 15-2-7 09:18 標題: 引用：Quote:原帖由+hkpapa852+於+15-02-06+發表
原帖由 catcc2000 於 15-02-06 發表
可否俾埋第二部份嘅參考答案
作者: sissysze 時間: 15-2-7 09:18 標題: 引用：Quote:原帖由+catcc2000+於+15-02-06+發表
原帖由 sissysze 於 15-02-07 發表
呢啲邊有參考答案架，個個人要叩門原因不同，做定功課啦，重有大把慢慢你唸
...
作者: HMmummy 時間: 15-2-7 09:23 標題: 回覆：hkpapa852 的帖子
好在有些叩門不用見家長！
作者: naughtybj 時間: 15-2-7 13:39 標題: 引用：Quote:原帖由+hkpapa852+於+15-02-06+發表
提示: 作者被禁止或刪除 內容自動屏蔽
作者: hkpapa852 時間: 15-2-9 09:24
今日追加咗少少資料
作者: nillnill 時間: 15-2-9 10:05 標題: 回覆：hkpapa852 的帖子
有些小學叩門會問平日生活遇困難時如何解難，我小朋友試過被問到如果有日外面迷路與家人失散，要如何解決？
作者: sumaggie101 時間: 15-2-9 10:59
提示: 作者被禁止或刪除 內容自動屏蔽
作者: Lam3Tai 時間: 15-2-9 11:17
大把人覺得辦學=客戶服務
作者: jlbb1 時間: 15-2-9 15:50
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |