教育王國
標題: 地利亞英文小學 VS 激活英文小學 [打印本頁]
作者: zoezoe2009 時間: 15-2-6 04:32 標題: 地利亞英文小學 VS 激活英文小學
本帖最後由 zoezoe2009 於 15-2-6 04:45 編輯
小兒將於2015九月讀小一，今天收到信激活英文小學已收了小兒。小兒是就讀激幼，對於他們的活動教學很滿意，小兒都讀得很開心，當初報激幼都是為了上激小舖路，但入讀後方知原來激幼上激小並無特別優勢，和其他學校學生一樣。所以當收到激小的收生通知，真是喜出望外！但礙於先前天水圍德宜幼稚園租約滿的事，怕事件會重演在激小身上，真的擔心兒子讀了一年又要搵學校，但知道激小學生會讀得開心和輕鬆，加上我和先生也較喜歡活動教學，所以也不知怎決定。。。
小兒已被聖瑪加利和地利亞英小錄取，但兩者我們較喜歡地小。
因為感覺老師和校長很有愛心，同學有三分二是外籍小朋友，印巴較多，但也有少量日本，韓國，東歐，尼泊爾，印尼，黑人小朋友，英語水平一定會高，而且上到小三又有法語是必修科目，小兒可學多一種語言。我的一個朋友是地小畢業的，她說老師校長都很好，活像一個大家庭，到現在我朋友已三十幾歲，也會和小學老師們食飯，加上我朋友的英文很好，像外國回來的口音，她說是小學開始每天講英語得來的。而且問過住在該校樓上的朋友，都說地小學生雖然多印巴，但都很乖巧，而且該校的印巴都是來自中產或環境好一點的家庭，父母也是有教養和學識的，我們也在放學時去學校觀察過，那些小朋友都好乖，記律好好，學校對於品德方面的教育也做得不錯，升中也不錯，也有學生入男拔，英皇等名校(雖然我並不是希望兒子將來要入名校)，反觀中學部就不要考慮了。不過地少多默書測驗，課程較深，算是嚴少少和較谷的小學，算比較傳統，怕小兒讀得辛苦。加上地小好似返八點，我家住洪水橋，返美孚小兒可能要六點起床，始終遠了點。加上雖然中學部是獨立另一個校長，而地小同地幼係同一個校長，但始終中學辦得唔好，小學部嘅名聲都會連累，即使問過好多人都話地小同地幼好好，但有啲唔熟悉地小嘅人一聽到係地利亞就耍手擰頭，因為佢間中學太「出名」了。
另一方面，激小是活動教學，他現在讀激幼也是活動教學，雖然課程不深，但學到很多傳統幼稚園學不到的知識，又沒有壓力，讀得很開心。加上知道激小也著重中文和普通話，這比地少應較為有優勢。而且壓力應該比地小少一點，加上返九點，又近屋企，小朋友無咁辛苦。激小又無咁嚴，學生會讀得開心啲。不過唯一相比下不足的，就是地小有法語，還有英語水平應該比激小略高一點。激小的學生可能因為活動教學關係，相比之下也較活躍，而地小學生就較有紀律。不過最擔心始終是校舍就快滿約問題，怕因加租而執笠，到時又要周圍搵學校，小兒又要重新適應。。。
請各位激小或地小家長可否評論一下學校的教育理念？子女讀得開心嗎？壓力會否很大？英語流利嗎？校風如何？老師會有愛心嗎？
感激不盡。。。
作者: ac917 時間: 15-2-6 08:19 標題: 回覆：地利亞英文小學 VS 激活英文小學
既然幾間基本上你都認為好，揀最近屋企嗰間，小朋友舟車勞動並非一件樂事
作者: manman0808 時間: 15-2-6 14:57
I want to know more about Delia too!
作者: zoezoe2009 時間: 15-2-6 20:28
回覆 ac917 的帖子
你都講得啱嘅。。。
作者: zoezoe2009 時間: 15-2-6 20:29
回覆 manman0808 的帖子
其實我同先生都好鍾意地利亞，如果無激活offer，我地一定會揀呢間，不過而家仲心大心細。。。
作者: melonfans 時間: 15-2-6 23:26
zoezoe2009 發表於 15-2-6 20:29 
回覆 manman0808 的帖子
其實我同先生都好鍾意地利亞，如果無激活offer，我地一定會揀呢間，不過而家仲心 ...
本地生都要就佢地水平, 我諗你地考慮呢點! 升中最緊要.
作者: babai 時間: 15-2-7 14:56 標題: 回覆：地利亞英文小學 VS 激活英文小學
俾我會揀聖馬加利，地小同激小既優點佢都有，一程西鐵又到
作者: teambuilder 時間: 15-2-7 18:20
回覆 babai 的帖子
但聖瑪學費貴好多喎
作者: chrischeung 時間: 15-2-7 20:39
babai 發表於 15-2-7 14:56
俾我會揀聖馬加利，地小同激小既優點佢都有，一程西鐵又到
作者: zoezoe2009 時間: 15-2-8 15:52
聖瑪加利我都幾鍾意，但我老公心水啲細學校，話似個大家庭，溫馨啲，對小朋友嘅專注又無咁分散喎。。。
作者: zoezoe2009 時間: 15-2-8 15:53
回覆 chrischeung 的帖子
請問你話除非出國否則唔會讀嘅係指聖瑪還是地利亞？
作者: chrischeung 時間: 15-2-8 19:14
回覆 zoezoe2009 的帖子
地利亞
作者: babai 時間: 15-2-8 19:19 標題: 回覆：地利亞英文小學 VS 激活英文小學
最貴應該係激小呀，而且聖得2班定3班1都超小人2
作者: free2bme 時間: 15-2-9 00:02
回覆 zoezoe2009 的帖子
係呀，聖瑪每班27-28同學...激活只有17-20。
作者: free2bme 時間: 15-2-9 00:11
激活貴的原因是每班不多於20同學.... 少點同學＝少點收入
前晚（在家長會）學方保證'small class teaching'不變。
作者: zoezoe2009 時間: 15-2-9 07:56
回覆 free2bme 的帖子
你咁講我信心更大加。。。。請問你是激小家長嗎？可以講下你對學校的睇法嗎？
thx！！
作者: zoezoe2009 時間: 15-2-9 07:57
本帖最後由 zoezoe2009 於 15-2-9 07:58 編輯
回覆 babai 的帖子
激小真係貴。。。加到七萬幾一年，不過佢升中好似唔錯。。。
作者: newcomer550 時間: 15-2-10 10:15
回覆 zoezoe2009 的帖子
我係地小小一家長, 見你另一帖話揀咗激活, 不過都講多少少關於地小俾大家知.
課程冇特別深, 亦冇特別淺, 基本上每兩星期默中及英, 間中有數學小測, 我覺得正常. 中文用一般出版社中文書, 冇特別深, 亦冇特別淺.
老師我覺得有愛心, 不過亦有家長覺得老師不夠好.
學生我覺得都算乖, 英語一定流利, 老師都係主要講英語.
不過小一就冇課外活動, 只有一天制服團隊活動.
作者: manman0808 時間: 15-2-10 12:03
What about P2? Any after school activities?
作者: zoezoe2009 時間: 15-2-10 14:28
回覆 newcomer550 的帖子
唔該哂你~其實我地真的好鍾意地利亞。。。但因資訊不多，所以會多啲擔心
請問知道升中方面如何嗎？真的如大家所講因中文較淺，升中的選擇窄嗎？
作者: hkpapa852 時間: 15-2-10 14:35
zoezoe2009 發表於 15-2-10 14:28
回覆 newcomer550 的帖子
唔該哂你~其實我地真的好鍾意地利亞。。。但因資訊不多，所以會多啲擔心
作者: HMmummy 時間: 15-2-10 14:58 標題: 回覆：地利亞英文小學 VS 激活英文小學
想問地利亞有什麼強項？
作者: zoezoe2009 時間: 15-2-10 16:13
回覆 hkpapa852 的帖子
其實我地將來想比仔仔讀IB或者國際學校，如兩者都入唔到，希望入到英中。
我見激活好多去到宏信，又可以去耀中，又有學生去到英中，好似比較多選擇啲。但地利亞資訊不多，討論的人少，不知道畢業後有何選擇
作者: hkpapa852 時間: 15-2-10 16:36
本帖最後由 hkpapa852 於 15-2-10 16:38 編輯
zoezoe2009 發表於 15-2-10 16:13
回覆 hkpapa852 的帖子
其實我地將來想比仔仔讀IB或者國際學校，如兩者都入唔到，希望入到英中。
有錢讀國際學校就要趁早讀, 國際學校絕對唔會易入得過傳統中小學.
英中都有好多種, 傳統名中學而又學術能力高係一眾家長都想小朋友入既英中; 專收非華裔學生而必須要以英語授課既英中, 係香港都唔少; 轉咗做直資唔再受教育局規管教學語言然後自己話係英中亦唔少.
所以咪以為讀英中一定係好.
係香港讀IB, 除非去國際學校或者啟思, 唔係都只可以等到高中先有少部份學校有.
作者: free2bme 時間: 15-2-10 18:32
回覆 zoezoe2009 的帖子
貴，不過仔女真系開心、⋯⋯
作者: free2bme 時間: 15-2-10 23:23
本帖最後由 free2bme 於 15-2-10 23:32 編輯
回覆 zoezoe2009 的帖子
耀中最尾2年都係IB.... 據我所知願意繳學費的話激活轉耀中不難。激活是好好的stepping stone：孩子小的時候學得開心，離我們家不遠、學費比耀中平....等孩子大的時候才轉耀中，可以自己一個搭火車返學。（...不過你都可以考慮小學讀‘地小’，再轉讀DSC（太古城－地利亞加拿大學校），不過我不太清楚兩校關係如何、容不容易升等....因為太遠啊！）
作者: zoezoe2009 時間: 15-2-11 14:30
回覆 free2bme 的帖子
資料好詳盡，唔該哂你。。
我想睇埋小學睇下仔仔讀咩類型中學係適合。以我所知，激小學生分別可入到耀中，Ib(如宏信)，dse(英中)，所以好似穩陣啲。同埋都知道學生會讀得開心，所以綜合大家意見，再做資料搜集，都你傾向激小多啲。
作者: virgokaren 時間: 15-2-12 18:14 標題: 引用：回覆+free2bme+的帖子
資料好詳盡，唔該哂
原帖由 zoezoe2009 於 15-02-11 發表
回覆 free2bme 的帖子
資料好詳盡，唔該哂你。。
作者: piglet_be 時間: 15-2-12 22:40 標題: 回覆：地利亞英文小學 VS 激活英文小學
我小朋友最終放棄了激活，原因(1) 離家太遠。(2) 雖然小班，但校舍細，讀六年，活動空間小。(3) 換了校長，連最有經驗的副校都走埋，好驚佢地會轉攻內地學生，減少英語環境。(4) 活力教學，但有家長說，有不少功課都需要家長的參與，因要返工，驚未能配合。
作者: free2bme 時間: 15-2-13 00:53
回覆 piglet_be 的帖子
1.同意，越近越好，早點回家，早點食飯、玩吓、瞓覺。2.細嘅不過不擁擠，只要200個學生，低班有遊樂場，高班有大場，全校share外場/內場，而有另外嘅乒乓球區。其他學校750+學生，有啲連埋中學部有1000+⋯⋯好多學校要安排邊班邊日可以落去玩邊日留喺課室/室內場。
3.我唔覺得英文水平差咗⋯⋯大部分新學生係港人⋯⋯之前學校只有兩位外籍老師，似家三個⋯⋯其實初初我都駑校長會收取投資移民既仔女，不過沒發生⋯⋯學校仲系英文學校⋯⋯上堂都要講英文。
4.我覺中文功課較多，其他課OK⋯⋯太多我就寫手冊，唔俾老師罰。
作者: free2bme 時間: 15-2-13 01:04 標題: 回覆：virgokaren 的帖子
有，P5/6。
作者: joeycj 時間: 15-2-13 08:03 標題: 引用：回覆+babai+的帖子 但聖瑪學費貴好多喎
原帖由 teambuilder 於 15-02-07 發表
回覆 babai 的帖子
但聖瑪學費貴好多喎
作者: zoezoe2009 時間: 15-2-13 16:47
其實激小真係幾貴，但無辦法啦，我住洪水橋，校網係天水圍，我先生對天水圍嘅津校無咩心水。屯門元朗區嘅直資同私立小學都報咗，除咗圓玄，因為面試同宏信同一日，所以無報。宏信首輪已失落咗，李宗德我先生又唔太鍾意，呢兩區得激活收咗。有啲九龍區都收咗，但真係幾遠，所以貴都要揀㗎喇。。
作者: gigayan 時間: 15-2-14 09:52 標題: 回覆：地利亞英文小學 VS 激活英文小學
諗多少少，激小今年續租約，俾業主加租加得好勁，呢張租約加學費可以了事，但下一張呢? 就算錢可能唔係大問題，多多都俾得起，但如果好似德怡咁，停辦點算? 小學過程整整六年，我覺得要諗長遠少少。
作者: free2bme 時間: 15-2-14 16:08 標題: 回覆：gigayan 的帖子
開始我都係咁念不過後尾相信機會少。香港地產市場唔會永遠升升升，遲早地價會降低。三年後地價有機會似03/08年降低30+%⋯⋯相反：業主想加租，可以加幾多？加得太多，邊個租？第二間學校都要收貴⋯⋯學費唔係100%交俾業主，業主加租其他expense唔變，假如地價升30%，學費只要加10-15%，唔平不過唔停辦。
作者: Hilarymother 時間: 15-3-3 21:52
回覆 free2bme 的帖子
同意，租金不會升很多。
作者: goodmorningsir 時間: 15-5-20 12:40
newcomer550 發表於 15-2-10 10:15
回覆 zoezoe2009 的帖子
我係地小小一家長, 見你另一帖話揀咗激活, 不過都講多少少關於地小俾大家知.
作者: Cowbit 時間: 15-5-21 08:04 標題: 引用：開始我都係咁念不過後尾相信機會少。香港地
原帖由 free2bme 於 15-02-14 發表
開始我都係咁念不過後尾相信機會少。香港地產市場唔會永遠升升升，遲早地價會降低。三年後地價有機會似03/0 ...
呢區可以做私校或有同類環境的位置不多, 而且元朗區有太多私楼落成, 多咗可負擔學費的客源。其他私校如有興趣搶地插旗, 不難重演德怡事件。 Tender一般精神係價高者得。
最大鑊係, 私校政府理唔到!
以上只係個人睇法。 除非業主唔玩tender。
作者: love_kari 時間: 15-5-22 23:53 標題: 回覆：地利亞英文小學 VS 激活英文小學
最後揀左邊間呢?
作者: Vickyblah 時間: 15-5-23 13:25 標題: 回覆：地利亞英文小學 VS 激活英文小學
俾我會簡聖瑪利亞。其實如果嫌遠應該唔好報。同意以上所講，國際學校想讀就趁早，由幼稚園讀到上。其實有時候唔一定係等你睇到小朋友適合咩先選擇，如果你想佢行邊條路，可以試左先都可以。講真，我未見過身邊有小朋友一開始唔適合國際學校，反而有一開始已唔受谷嘅大把。你如果簡左激小，升中都要報多幾間，唔可能只限於同區。讀得哩啲預左遠，無辦法，唔可能咩都完美。
作者: Jessica.Ceci 時間: 15-5-26 01:20 標題: 回覆：地利亞英文小學 VS 激活英文小學
我都好想知地小既升中派位
作者: markey 時間: 15-5-27 08:07 標題: 回覆：地利亞英文小學 VS 激活英文小學
提示: 作者被禁止或刪除 內容自動屏蔽
作者: sharklaser 時間: 15-6-7 17:42
回覆 piglet_be 的帖子
激活2015/16年將有新校長。
| 歡迎光臨 教育王國 (/) |
Powered by Discuz! X1.5 |