教育王國
標題: 連續2年小女都係1至2月斷斷續續病, 請教強身健體方法!! [打印本頁]
作者: 小時了了 時間: 15-2-4 10:47 標題: 連續2年小女都係1至2月斷斷續續病, 請教強身健體方法!!
本帖最後由 小時了了 於 15-2-4 10:55 編輯
阿女呢2年都係第一學期考試時開始斷斷續續係咁發燒, 感冒, 作嘔....係咁病, 舊年要病到三月中(第二學期測驗完後)先至完全無病, 今年阿女又由1月中開始斷斷病到依家, 真心向大家求救點樣才能令小女身體健康呢???? 佢以前細個病極都係最盡一星期就好, 但呢2年係要病成2個月, 唉!! 係咪流感病真係咁惡毒, 其實香港好多人中招, 我唔需要過份擔心呢?
我已經係以下兩帖中正在改善自己教養小女的事情上重新編排優先次序了, 係咪我依家太心急立即想要成效, 太急進呢??
考試及測驗先至發燒, 真心求教平日應點樣保持身心健康? http://www.edu-kingdom.com/forum.php?mod=viewthread&tid=2979125
父母嘅時間，係子女最好嘅補充劑 http://www.edu-kingdom.com/forum ... &tid=2751943&page=3
有兩樣野我將會做的:
1) 真係會"的"起心肝捉小女睇中醫調理身體 (呢次要長時間破財了);
2) 小女係史X福學咗3年游水, 原本打算今個月到期唔再學, 依家應該轉泳會繼續游, 希望小女身體健康.
大家仲有無咩野好建議呢? 先多謝大家
作者: little_yolky 時間: 15-2-4 11:07
小時了了 發表於 15-2-4 10:47 
阿女呢2年都係第一學期考試時開始斷斷續續係咁發燒, 感冒, 作嘔....係咁病, 舊年要病到三月中(第二學期測驗 ...
作者: 小時了了 時間: 15-2-4 11:21
little_yolky 發表於 15-2-4 11:07 
我屋企有用一隻空氣殺菌劑, 植物抽取, 叫AQ, set咗時間掣30分鐘噴一次, 屋企人有病可以set密D, 仲有細枝裝, ...
"空氣殺菌劑, 植物抽取, 叫AQ", 係邊度有得買? 貴唔貴?
話時話, 您唔講我都忘記咗, 好耐以前我買過幾百蚊一部 3M 好細部藍色嘅空氣清新機, 放係儲物櫃好耐無用, 唔知依家仲用唔用到呢?
作者: Yanamami 時間: 15-2-4 11:28
本帖最後由 Yanamami 於 15-2-4 11:38 編輯
中醫調理有點要注意：服食中藥時，未知草藥有沒有激素又或者重金屬成份，都肝臟可以不好。有次我去全身檢查時，肝酵素偏高，醫生就問我有沒有食中藥或保健產品。
游泳是可以健體，但不是每周兩次那種閑游，就算不是操5天，最低限度也要3天，每次兩小時不斷操那種游法才有效。
作者: IloveJJ 時間: 15-2-4 11:39 標題: 回覆：連續2年小女都係1至2月斷斷續續病, 請教強身健體方法!!
提示: 作者被禁止或刪除 內容自動屏蔽
作者: little_yolky 時間: 15-2-4 11:44
IloveJJ 發表於 15-2-4 11:39
你女係咪每次病都係會發燒?如果係，就係抵抗力弱，咁你就要針對加強抵抗力方面。要加強抵抗力，實在有太多 ...
咁我兩個囡都成日感冒傷風, 但唔會成日發燒, 就算係都係好低 37.5-38, 咁即係邊度出事?
作者: little_yolky 時間: 15-2-4 11:47
小時了了 發表於 15-2-4 11:21
"空氣殺菌劑, 植物抽取, 叫AQ", 係邊度有得買? 貴唔貴?
話時話, 您唔講我都忘記咗, 好耐以前我買過幾百 ...
前排响實惠見到另一隻同性能品牌, 但平好多, 我未得閒上網check兩者分別。
作者: LeeCC 時間: 15-2-4 13:37
多些在太陽下做運動，不用上學的日子，依舊早起做運動，才做功課，上興趣班，下午再去公園跑跑跳跳一個鐘吧
作者: S-Kwok 時間: 15-2-4 13:58 標題: 引用：Quote:IloveJJ+發表於+15-2-4+11:39+你女係
原帖由 little_yolky 於 15-02-04 發表
我大囡作病係會曳同發脾氣, 所以好好認
咁我兩個囡都成日感冒傷風, 但唔會成日發燒, 就算係都係 ...
所以如果留意到有先兆，見有病徵就食藥，再早啲瞓，飲多啲水，可能會好啲。
作者: S-Kwok 時間: 15-2-4 14:00 標題: 引用：Quote:小時了了+發表於+15-2-4+11:21+"空氣
原帖由 little_yolky 於 15-02-04 發表
响一田買, 都貴, 部機又貴, 佢唔係空氣清新原理, 係空氣殺菌, 將空氣入面細菌病毒同致敏源清除咗。有時, 响 ...
作者: little_yolky 時間: 15-2-4 14:15
S-Kwok 發表於 15-2-4 14:00
AQ我都有買, 出街帶支細嘅，仔房就一部細機，定時噴滅菌。
作者: Ahbee02 時間: 15-2-4 14:19
除左鍛煉，充足睡眠，營養均衡的飲食外，可以試下燉瘦肉汁，以下帖子教得好詳細：
http://www.baby-kingdom.com/foru ... p;extra=&page=1
作者: 小時了了 時間: 15-2-4 14:31
Ahbee02 發表於 15-2-4 14:19
除左鍛煉，充足睡眠，營養均衡的飲食外，可以試下燉瘦肉汁，以下帖子教得好詳細：
http://www.baby-kingdo ...
我真係估唔到BK / EK 學到咁多野, 又學到少爺雞, 嘉美雞, 點樣整好快捷好有營養嘅早餐, 又學人用閱讀教女學英文...... 依家又第一次聽及學 "燉瘦肉汁" 保健身體, 真係獲益良多, 過兩日小女好啲時即刻試下先.
作者: little_yolky 時間: 15-2-4 14:34
本帖最後由 little_yolky 於 15-2-4 14:34 編輯
小時了了 星期日去大埔一田找下先 發表於 1 分鐘前
係沙田一田呀, 三樓超市前有專門counter。
作者: IloveJJ 時間: 15-2-4 14:35 標題: 引用：Quote:IloveJJ+發表於+15-2-4+11:39+你女係
提示: 作者被禁止或刪除 內容自動屏蔽
作者: Ahbee02 時間: 15-2-4 14:38
回覆 小時了了 的帖子
系啊！在EK / BK真是學到好多野，真系好多謝很多家長教養子女無私的分享。我真是獲益良多。
作者: MASAYA 時間: 15-2-4 14:40
小時了了 發表於 15-2-4 14:31
我真係估唔到BK / EK 學到咁多野, 又學到少爺雞, 嘉美雞, 點樣整好快捷好有營養嘅早餐, 又學人用閱讀教女 ...
作者: Ahbee02 時間: 15-2-4 14:44
回覆 MASAYA 的帖子
都吾一定嘎！好多爸爸的經驗是
作者: silvia_ng 時間: 15-2-4 14:49
如果每次都係感冒果D, 又可以考慮下做天灸喎!
作者: little_yolky 時間: 15-2-4 14:51
IloveJJ 發表於 15-2-4 14:35
如果病易發脾氣，有機會係喉嚨痛唔舒服唔識講
作者: torunpoland 時間: 15-2-4 15:03 標題: 回覆：小時了了 的帖子
我冇咩野幫到手，唯一是提議令千金（什至全家）唔好飲凍野（夏天一口起、三口止），雪糕冬天唔食，夏天一口吃、三口止。難，但係所費無幾的保建貼士。我兩個仔屬於少病，因為唔飲凍野。信不信由你。最好在家時腳子要暖，穿襪或毛拖。
作者: IloveJJ 時間: 15-2-4 15:04 標題: 回覆：連續2年小女都係1至2月斷斷續續病, 請教強身健體方法!!
提示: 作者被禁止或刪除 內容自動屏蔽
作者: IloveJJ 時間: 15-2-4 16:11 標題: 回覆：連續2年小女都係1至2月斷斷續續病, 請教強身健體方法!!
提示: 作者被禁止或刪除 內容自動屏蔽
作者: silvia_ng 時間: 15-2-4 16:15
天灸小朋友做得架! 可以上網CHECK下資料, 亦可以問下相熟中醫。因指定日期做的, 而家最快好似要今年夏天先可以開始了。
作者: ac917 時間: 15-2-4 16:33 標題: 回覆：連續2年小女都係1至2月斷斷續續病, 請教強身健體方法!!
做左天炙，明顯傷風感冒少左
作者: little_yolky 時間: 15-2-4 16:56
但要注意, 熱底人做天炙係無用的。寒底人功效會顯著D。
作者: little_yolky 時間: 15-2-4 16:58
IloveJJ 發表於 15-2-4 15:04
要講增強抵抗力，真係好多方法。睡眠要充足，飲食要均衡，多做運動，呢啲就肯定無錯。另外，想分享飲食方面 ...
我就好D, 得老公虛, 我哋三母女都係熱底, 我以我都無理佢 不過見佢咁可憐, 學咗燉瘦肉, 今晚燉俾佢飲先。
作者: MrBeast 時間: 15-2-4 17:04
身體健康離不開：均衡飲食，作息和運動。
防疫best practice 就：打流感針和個人衛生，ie常洗手。
之前網友有類似topic, 其實最主要問題原來是鼻敏感，若其他方法無效，最effective 方法就是噴慮固純(當然要有e生指引）。
作者: birdbird 時間: 15-2-4 20:59
touchwood, 我仔比較少病痛. 冇咩買特別用品比佢 '補身', 我覺得小朋友要健康, 其實好簡單.
1) 睡眠要足夠 - 小學生要有10小時睡眠, 但香港小朋友好多都只得8-9小時;
2) 均衡飲食
(a) 魚/菜/肉/水果/奶, 樣樣食d, 以新鮮野為主,
(b) 少煎炸, 少吃即食麵, 腸仔火腿呢d腌製食物.
(c) 雪糕/汽水/薯片, 可以食少少, 因為戒得太清的話, 小朋友一食少少就會易病!
(d) 湯水 - 呢樣好緊要. 簡單的如青紅蘿蔔湯, 蘋果湯都好有益.
(e) 燉肉汁 - 我早兩年在bk學曉的, 我覺得有用的
3)在太陽下做運動 - 太陽可殺菌, 又可幫助吸收vitamin D 有助骨骼生長. 比小朋友去公園跑下跳下, 呼吸新鮮空氣, 人都醒神d. 至於游水, 係好, 不過有個問題是室內池, 曬不到太陽!
4) 冬天不要穿過多的衫 - 大人覺得凍, 其實小朋友未必覺得凍的, 佢地個 metabolic rate 比大人高, 且又比大人活躍. 香港小朋友在冬天普遍穿得太多. 至閉係室內室外都係著咁多. 小朋友返到學校唔會除低外套, 又或者在校服內著住羽絨, 熱起上來除唔到, 仲易病. 小朋友長期著得太多, 令到身體對天氣的感應下降, 而且著得太多, 阻礙活動能力與意欲.
作者: little_yolky 時間: 15-2-4 22:37
birdbird 發表於 15-2-4 20:59
touchwood, 我仔比較少病痛. 冇咩買特別用品比佢 '補身', 我覺得小朋友要健康, 其實好簡單.
1) 睡眠要足夠 ...
作者: IloveJJ 時間: 15-2-4 23:06 標題: 引用：Quote:IloveJJ+發表於+15-2-4+15:04+要講增
提示: 作者被禁止或刪除 內容自動屏蔽
作者: IloveJJ 時間: 15-2-4 23:08 標題: 引用：身體健康離不開：均衡飲食，作息和運動。防
提示: 作者被禁止或刪除 內容自動屏蔽
作者: S-Kwok 時間: 15-2-5 08:37 標題: 引用：但要注意,+熱底人做天炙係無用的。寒底人功
原帖由 little_yolky 於 15-02-04 發表
但要注意, 熱底人做天炙係無用的。寒底人功效會顯著D。
作者: S-Kwok 時間: 15-2-5 08:41 標題: 引用：除左鍛煉，充足睡眠，營養均衡的飲食外，可
原帖由 Ahbee02 於 15-02-04 發表
除左鍛煉，充足睡眠，營養均衡的飲食外，可以試下燉瘦肉汁，以下帖子教得好詳細：
http://www.baby-kingdo ...
係咪淨瘦肉+水燉就得吓?
要燉幾耐?
作者: IloveJJ 時間: 15-2-5 08:50 標題: 引用：Quote:原帖由+Ahbee02+於+15-02-04+發表除
提示: 作者被禁止或刪除 內容自動屏蔽
作者: 小時了了 時間: 15-2-5 08:50
本帖最後由 小時了了 於 15-2-5 09:09 編輯
S-Kwok 發表於 15-2-5 08:41
條link cut咗，睇唔到
係咪淨瘦肉+水燉就得吓?
燉瘦肉條 link 仍在, 咁我稍後 copy & paste 出來俾大家參考啦
Baby Kingdom---烹飪錦囊 -- [湯水] 燉瘦肉水(汁)，燉雞汁 (圖解+步驟) : http://www.baby-kingdom.com/forum.php?mod=viewthread&tid=4809592&extra=&page=1
燉瘦肉水
材料：瘦肉25蚊(洗淨切片，唔駛出水，唔駛醃)，杞子約20粒(浸軟)，
花旗參10幾片 (如果燉比小朋友飲最好唔加藥材)
杞子同花旗參放係湯碗下面蓋住，瘦肉圍住係碗邊，燉盅內唔駛加水，
加蓋隔水燉2-3個鐘(電子燉盅)
呢次我燉o左3個鐘(電子燉盅)，D瘦肉燉到好柴，一夾就散...
夾起晒D肉個樣，碗邊係乾o架~
(我見有JM問：唔汆水D肉會唔會有血水味/污蹧？你地睇，D血已經比D熱力迫晒出o黎痴係燉盅邊，所以碗入面淨返o既都係肉既精華o黎呀~ )
一攞起隻碗，D精華即刻出晒黎，好香花旗參味!!!
精華係咁多喇，一飯碗都唔夠... 我飲o左一細啖咋，其餘比晒老公飲~~~
橫切面~~~ (唔好意思，D字好肉酸...)
* * * * * * * *
Update 一o下~ 自從我老公飲o左肉汁之後，近呢一年都無乜病過 ，而且個人精神o左好多~~ 連我感冒都野唔到佢~~~ 我通常一個星期燉兩次比佢飲，唔加藥材（因為老公話咁最好味)
我覺得燉肉汁堅work!!!
@03Aug2013
* * * * * * * *
(感冒期間不適合飲用燉瘦肉水)
* * * * * * * *
其實，燉瘦肉水我都係係BK學返o黎o架咋
我乜都唔識o架... 所以你地有問題我未必答到你地o架... 真係唔好意思... 
我D料全部都係下面個post攞返o黎o架~ 好多好勁o既JM o架~ 
參考: 其實燉瘦肉水，對身體有甚麼好處？
淨用瘦肉，燉出黎會係咁o既色o架(鳴謝: beernabeer)
燉雞汁
今日試埋燉雞汁~~~ 
呢到4隻雞髀(冰鮮)，洗淨"瓊"乾水後，係個較位切開佢，去皮，去肥膏，
係肉面介幾刀幫助出汁
照燉瘦肉水方法，排好D雞肉係碗邊
燉o左三個鐘(電子燉盅)，揭起個燉盅蓋見到D雞肉仲濕濕地以為今次失敗添...
燉完o既D雞肉... 咦~~~ 都唔係好柴，應該可以搣絲撈落沙律食~
碗邊仲濕濕地，諗住衰梗喇今次....
點知一攞起隻碗好多雞汁!!! 呵呵~~
有足兩飯碗呀!!! 今次我都有得飲!!! 好好味! 好味過X蘭氏好多!!! 唔腥，飲完個口唔笠，
同埋係自己整既特別覺得好飲D!!! 嘻嘻~~~ 係有少少油，我諗要買返個隔油壺先得喇~~~
* * * * * * * *
飲完燉雞汁果晚唔知係咪補得制，典來典去成三點先訓得著
但係跟住果日全日精神奕奕，連喊露都無打過!
我諗住之後一個月燉一次再睇o下點~ 
補充:
♥ 燉瘦肉水適合常捱夜人士，產後坐月，大病初癒，手術後復原及幫助小朋友增強體魄，補而不燥~
♥ 唔建議燉比2歲下
飲老火湯(我唔係話咁唔啱呀) 試唔試請自己衡量呀...
♥ 如果係比小朋友/孕婦/病人飲，就最好咩都唔加，淨用瘦肉燉~
♥ 產後補身飲唔駛加薑，改用果皮切絲 (記得刮囊呀)，同瘦肉一齊放就得喇~ (鳴謝: 小溱)
♥ 如果要加藥材，好似杞子/紅棗/元肉呢D，最好事先浸軟先燉(花旗參唔駛浸軟，不過都要濕一濕水，如果唔係驚佢會火農)
♥ 其他牛肉/雞都可以用呢個方法燉，不過會比較補/燥, 唔係個個人都適合飲，最好搞清楚自己/家人體質先好燉~ (鳴謝: SARIDON )
♥ 豬潤都可以用呢個方法燉o架~ (鳴謝: yantabo)
♥ 有熱咳唔係太適合飲，寒咳可以加兩片薑一齊燉o黎飲~
♥ 豬肉有D部位燉出o黎係會比較多汁D o既，可以去肉檔問下D檔主用邊part 好D~ (鳴謝:meiling222)
♥ 豬肉剁碎會比較出水D (鳴謝: CutieSo)
♥ 除o左剁碎D肉，將D肉薄切o黎燉都可以增加肉汁 (鳴謝:liuliu)
♥ 有JM試過用飯煲燉唔出肉汁... (鳴謝: 南南自語)
♥ 有JM用舊款象印飯煲燉成功! (鳴謝: lam0121)
♥ 有JM用高速煲燉30分鐘，再焗1個鐘，成功! (鳴謝:TMMA)
♥ 有JM用娥姐煲，得o左! (鳴謝: 天瑜 方法I / 男人老狗 方法II)
♥ 有JM用真空煲都成功! (鳴謝: viva 方法+圖)
♥ 有JM用樂信牌紫砂燉盅都燉成功呀~ (鳴謝: oasis-baby)
♥ 有JM用憶世X迷你蒸籠蒸燉一個鐘都成功呀~ (鳴謝:史科菲)
♥ 有JM用鑄鐵鍋(LC/Staub)燉20分鐘成功!!!!<---好勁呀! ( 鳴謝: motherlau & hinhin_ma)
♥ 有JM提供用電煲湯煲，燉完3.5小時之後，再繼續保溫數小時，燉出o黎肉汁會比較多o架~ (鳴謝: liuliu)
♥ 無燉盅o既話可以用細碗反轉吸住大碗燉 (鳴謝: CannieWP)
♥ 用碗燉既JM，可以係碗面加張牛油紙"come"住 (鳴謝: kellyly)
♥ 用碗燉除左加牛油紙，仲可以加張錫紙，或者係用隻瓦碟冚住個碗；目的係想存氣一D，咁會保留多D肉汁。(鳴謝:kayingivy提供用瓦碟方法)
♥ 唔該晒JM peggy1020 提供用大碗+錫紙燉肉汁o既圖示~~~ (鳴謝:peggy1020)
♥ 用明火o既話，先用大火滾15分鐘，之後細火燉75-90分鐘就夠，用電子燉盅要2-3個鐘頭~
♥ 燉完D柴皮肉可以用黎做肉鬆，一D都唔會晒~ (鳴謝:happypiano 方法)
♥ 燉完D肉，可以加水同少少藥材(花旗參，元肉等)再燉一次(一個鐘到)，當湯飲都有味的~ (鳴謝:margaretcc)
♥ 坐月炖雞汁食法(鳴謝: mimiso)
♥ 除o左用雞髀燉之外，有JM提供燉雞汁仲可以用成隻雞殼燉(即係切晒雞髀/胸/翼，淨低果個雞架)，另外拍碎D骨先燉更好~ (鳴謝: kellyly)
♥ 另外可以用水展肉加水同瑤柱一齊燉，聽聞對眼好好的~ (鳴謝: chungna)
♥ 有高尿酸、痛風問題的人士不適合飲用燉瘦肉水/雞汁等!!! (鳴謝: crazyEE)
♥ 感冒期間不適合飲用雞汁!(鳴謝: crazyEE)
♥ 有JM請教過中醫，話燉肉汁係比健康人飲o黎保健，感冒o既人都唔適合飲o架~(鳴謝:kayingivy)
♥ 有JM詳細解釋點解用呢個方法燉肉可以迫出瘦肉o既精華(鳴謝:khman)
(特別鳴謝: 54heima好多料係佢提供o架~ 仲有好多JM有提供資料/實驗結果o架，不過我一時搵唔到係邊個post，搵到會加返入o黎~~)
作者: S-Kwok 時間: 15-2-5 09:09 標題: 回覆：連續2年小女都係1至2月斷斷續續病, 請教強身健體方法!!
感謝大家
作者: MrBeast 時間: 15-2-5 10:24
其實初小常識是有教均衡飲食，各mami可問下自己細路順便當溫書
作者: licpd 時間: 15-2-5 10:40
有老人家教我，要清好熱氣便不容易病，我一家大細都經常喝茅根晶之類，從此以后甚少病（touch wood!)
作者: little_yolky 時間: 15-2-5 10:45
回覆 小時了了 的帖子
我噚晚漏夜燉俾老公飲, 加蟲草花同果皮, 佢今日講精神咗
我買咗一近豬展, 用個大小小碗(約1.5碗飯), 燉完豬肉汁多D, D豬展唔係好柴, 我壓碎加XO醬、豉油、麻油炒香, 做lunch box唔好嘥, 無廚餘, 環保。
作者: 小時了了 時間: 15-2-5 11:20
本帖最後由 小時了了 於 15-2-5 11:23 編輯
little_yolky 發表於 15-2-5 10:45
回覆 小時了了 的帖子
我噚晚漏夜燉俾老公飲, 加蟲草花同果皮, 佢今日講精神咗
第一: 尋晚十一點幾見您咁有心係 BK / EK 活學活用漏夜燉豬肉汁俾老公飲, 心底真係對您十分敬佩, 衷心的
第二: 剛見您 post .....燉俾老公飲...加蟲草.......一斤豬展...., 立即心諗您都好重手喎, 俾 C6 加碼飲燉豬肉蟲草汁, 但仔細再睇多次係 "加蟲草花", 我即刻想起自己原來真係有"差不多先生"基因. 哈!哈!哈!
作者: little_yolky 時間: 15-2-5 11:36
小時了了 發表於 15-2-5 11:20
第一: 尋晚十一點幾見您咁有心係 BK / EK 活學活用漏夜燉豬肉汁俾老公飲, 心底真係對您十分敬佩, 衷 ...
我只捨得俾囡囡飲蟲草, 老公蟲草花已經好好了 
作者: little_yolky 時間: 15-2-5 11:46
licpd 發表於 15-2-5 10:40
有老人家教我，要清好熱氣便不容易病，我一家大細都經常喝茅根晶之類，從此以后甚少病（touch wood!) ...
作者: little_yolky 時間: 15-2-5 11:50
IloveJJ 發表於 15-2-4 23:06
我地兩熱兩寒呢！除咗煲湯，仲要仲要煲豬骨湯俾少爺煮粉，成日都好唔得閒。我而家都有燉豬肉水俾 ...
作者: IloveJJ 時間: 15-2-5 12:03 標題: 引用：Quote:IloveJJ+發表於+15-2-4+23:06+我地兩
提示: 作者被禁止或刪除 內容自動屏蔽
作者: little_yolky 時間: 15-2-5 12:05
IloveJJ 發表於 15-2-5 12:03
我無食過美心既湯粉，但我用豬骨煲出嚟既湯底係白色架喎!
作者: IloveJJ 時間: 15-2-5 12:57 標題: 引用：Quote:IloveJJ+發表於+15-2-5+12:03+我無食
提示: 作者被禁止或刪除 內容自動屏蔽
作者: Ahbee02 時間: 15-2-5 14:13
回覆 IloveJJ 的帖子
百佳、惠康有咩？平時沒留意到。
是冷凍定新鮮豬骨啊？
作者: IloveJJ 時間: 15-2-5 16:20 標題: 引用：回覆+IloveJJ+的帖子
百佳、惠康有咩？平
提示: 作者被禁止或刪除 內容自動屏蔽
作者: ch-cheung 時間: 15-2-5 17:11 標題: 回覆：連續2年小女都係1至2月斷斷續續病, 請教強身健體方法!!
提示: 作者被禁止或刪除 內容自動屏蔽
作者: scyauchris 時間: 15-2-5 21:29
買羊肚菇一星期焗飯吃，可以少d傷風的。
作者: Yanamami 時間: 15-2-5 21:33
little_yolky 發表於 15-2-5 11:50
想問吓你知唔知美心快餐早餐D湯粉, 湯頭點解咁白? 我囡囡鐘意食, 成日話想早餐食美心米粉, 咁我用豬骨、雞 ...
作者: little_yolky 時間: 15-2-6 09:02
Yanamami 發表於 15-2-5 21:33
美心果d湯底……有保留｡有無買过味千麵連豬骨湯底？果包灰灰地色膏狀物一冲滾水就变白色豬骨湯底！ ...
作者: IloveJJ 時間: 15-2-6 09:19 標題: 引用：Quote:Yanamami+發表於+15-2-5+21:33+美心
提示: 作者被禁止或刪除 內容自動屏蔽
作者: catiou627 時間: 15-2-6 10:14
scyauchris 發表於 15-2-5 21:29
買羊肚菇一星期焗飯吃，可以少d傷風的。
作者: scyauchris 時間: 15-2-7 08:55
回覆 catiou627 的帖子
在sogo同citysuper都見過，不過好貴。你地可以去西環賣海味的地會平些或者jordon裕華超市有。
作者: scyauchris 時間: 15-2-7 08:55
回覆 catiou627 的帖子
在sogo同citysuper都見過，不過好貴。你地可以去西環賣海味的地會平些或者jordon裕華超市有。
作者: scyauchris 時間: 15-2-7 08:57
腸胃唔好便吃yoghurt，因為決少益生菌。
作者: scyauchris 時間: 15-2-9 15:20
益力多如果你肯定佢地有放入冷藏櫃一定得，益生菌要放入雪櫃，唔係會死唒。我女上年有差不多半年不停放屁，肚又時常唔舒服。本來以為佢食得唔夠菜，水果或者飲水不夠，不過其實佢diet habbit 一直都無乜掂改。試左多d水果，菜……都是不停放屁！最後我上網揾資料，試左yogurt, 佢就無再放屁。
作者: scyauchris 時間: 15-2-9 15:23
我女唔太喜歡飲有味的飲品，所以我無買益力多！
作者: little_yolky 時間: 15-2-9 15:38
scyauchris 發表於 15-2-9 15:20
益力多如果你肯定佢地有放入冷藏櫃一定得，益生菌要放入雪櫃，唔係會死唒。我女上年有差不多半年不停放屁， ...
作者: scyauchris 時間: 15-2-9 16:06
回覆 little_yolky 的帖子
我無買過！不過唔雪入雪櫃，乜活性益生菌都死唒。
作者: 小時了了 時間: 15-2-9 17:30
問了相熟中醫師, 2015年天灸日期:
http://acupuncturephysio.com/en/chinese-medicine-dog-days-summer (參考資料)
初伏: 13/7/2015
中伏: 23/7/2015
末伏: 12/8/2015
打算今年暑假第一次俾女天灸.
阿女呢兩日暫時好返, 無再係話想嘔 (佢上兩星期連續 4日話想嘔, 但嘔唔出, 最後都係無嘔而不藥而愈, 真係唔知點解咁)
我只有星期六/日有時間帶女睇中醫調養身體, 要呢個星期六帶佢去睇
燉豬肉汁要等阿女清晒啲病菌先, 打算過年前後實行
不可飲凍野, 已開始溫和地執行
在家要著鞋, 不要令寒氣由足入侵亦開始執行.
減少食熱氣野有難度, 因為控制唔到小女係學校, 老爺奶奶家及婆婆家食啲咩野, 反而將來會多啲煲涼茶俾佢清熱氣(以前我無煲
) 老爺及姐夫又話夏枯草好涼 (小女好鍾意飲夏枯草+羅漢果, 唔落糖), 咁涼, 我正頭痛緊應該煲咩野涼茶中性無咁涼????
作者: little_yolky 時間: 15-2-9 17:39
我都無煲涼茶, 因為C6好鬼虛, 食涼茶太多唔得。你星期六睇中醫時問埋佢夏天煲乜涼茶無晒涼咪得囉。
我屋企有兩味：羅漢果水, 半個煲一大煲成家飲幾日。菊花水, 加D杞子明目添, 菊花可以輕身延年。
夏天食多D苦味嘢都係清熱, 例如：苦瓜炆魚腩。
作者: 小時了了 時間: 15-2-9 17:43
本帖最後由 小時了了 於 15-6-12 10:58 編輯
睇到呢個帖, 我真係驚驚地, http://www.edu-kingdom.com/forum ... 5608&extra=page%3D3
令我想起當年結婚時情況, 我自己係沙士(2003年) 5月結婚, 個時行教堂, 個個觀禮客人戴晒口罩, 咪高峄用保鮮紙包住等....
希望阿女出年小五要呈分試, 我除咗學業要注意之外, 身體健康都好緊要. 另外, 因為小女操行係 B, 而我及小女心儀直資操行要 B+, 我更要加強管教佢品行, 如果唔係, 操行唔達標, 到時連面試都無得見
作者: wister 時間: 15-2-9 22:42 標題: 回覆：小時了了 的帖子
每天吃維他命C,每周保持做運動......
作者: IloveJJ 時間: 15-2-9 23:08 標題: 引用：問了相熟中醫師,+2015年天灸日期:+http://a
提示: 作者被禁止或刪除 內容自動屏蔽
作者: Bigpig_2007 時間: 15-2-10 00:39 標題: 回覆：連續2年小女都係1至2月斷斷續續病, 請教強身健體方法!!
你囡囡成日呢個時間病，明顯受寒所致，你諗諗以下事項吧~
1. 平日衣著保暖足夠嗎？如果工人跟多數差，自己要跟眼補足。
2. 呢個天氣飲食以溫熱滋潤為主，湯水唔少得。早起一定飲暖水，食足早餐，蔬菜便便要ok 咪飲汽水雪糕啦。
3. 開始M咪？有冇血氣問題，好似成日手腳凍之類？有就中醫起左係咩底，自己再學幫佢長期調理。
4. 有冇氣管問題？抵抗力差都要知咩原因。西藥咪成日用，治本積埋重衰。
5. Schedule full? 要休息夠，另外有冇太大考試壓力？有人會因心理影響生理的。
6. 冬天唔好游水啦! 佢容易感冒，好易中招。你俾佢學Yoga 好過，仲全面加強體質健康又relax.
作者: kayi0556 時間: 15-2-10 13:38
我又想問下， 我囡成日手腳冰凍， 天氣一凍返d1x 度時成日都嗌凍， 咁可以煲d乜俾佢飲？
作者: little_yolky 時間: 15-2-10 14:53
我諗你同操題考試一樣, 要以目標為本, 家長日時老老實實問老師, 點先可以操行攞B+會實際D, 有時唔係小朋友有好大問題, 只係唔識(操行分)答題技巧啫
作者: little_yolky 時間: 15-2-10 14:54
IloveJJ 發表於 15-2-9 23:08
清補涼啦！清熱又唔涼，人人都飲得，而且仲補脾胃。但如果勁熱氣，已生痱滋之類，就無效啦！夏天我有時俾鴻 ...
作者: little_yolky 時間: 15-2-10 15:00
kayi0556 發表於 15-2-10 13:38
我又想問下， 我囡成日手腳冰凍， 天氣一凍返d1x 度時成日都嗌凍， 咁可以煲d乜俾佢飲？ ...
作者: kayi0556 時間: 15-2-10 15:15
回覆 little_yolky 的帖子
唔該晒呀， 等我有時間拉個女去睇中醫先
作者: scyauchris 時間: 15-2-10 15:47
食吓羊肉，等佢無咁怕凍！新鲜年子加新鮮百合加瘦肉煲湯都好好，又快又好飲甜甜地。
作者: 小時了了 時間: 15-2-14 17:06
回覆 little_yolky 的帖子
今日"的"起心肝, 放假有空捉阿女去睇中醫調理一下，就咁表面睇阿女一啲傷風感冒徵狀都無，我以為好返晒，但醫師打打脈，再張開口睇舌，原來小女感冒仍未清，有痰，氣管弱，脾胃好虛喎，醫師處方2劑感冒苦茶俾小女。
再問醫師及閑談，因冒感未清而平民百姓好似我咁唔識，以為冒感好返又再亂食熱氣野，身體未康復時就會好易再次中招。唔怪得之阿女呢2年的小傷風感冒要2至3個月先至好啦！都怪我之前唔識照顧，當小女好返無幾耐就會心軟俾佢食熱氣野,原來表面好返，但個底仍未好嘅！
我再問醫師小朋友應該點樣底子強啲，佢話小朋友最緊要健脾，唔好食咁多雪糕及飲咁多凍野會好傷脾胃（同之前網友分享唔好飲凍野一樣道理）。
醫師講一句好過我講千句，我當住醫師面前同阿女再次講1）以後我唔再容許食咁多熱氣野；2）凍野一樣唔再容許食咁多了。以前阿女聽我咁講會同我辯駁，但佢經過呢兩年自己親身受小病魔不斷纏繞困擾之下，佢今次真係一粒聲都唔敢出。
作者: little_yolky 時間: 15-2-16 10:32
小時了了 發表於 15-2-14 17:06
回覆 little_yolky 的帖子
今日"的"起心肝, 放假有空捉阿女去睇中醫調理一下，就咁表面睇阿女一啲傷風感冒 ...
我老公脾胃都好差, 等囡囡好番晒(真係要好番晒喎), 可以煲陳皮、茨實、淮山、蓮子、瘦肉湯佢飲。茨實對脾好好, 又平。
作者: brother4 時間: 15-2-16 11:21 標題: 回覆：連續2年小女都係1至2月斷斷續續病, 請教強身健體方法!!
韓劇，沒關係，乂xxx。。是焦慮症，先減壓，不能看專科，怕將來更嚴重。。
作者: 利口樂 時間: 15-2-16 16:24 標題: 回覆：連續2年小女都係1至2月斷斷續續病, 請教強身健體方法!!
提示: 作者被禁止或刪除 內容自動屏蔽
作者: bbrabbit2011 時間: 15-2-17 11:29 標題: 引用：我俾raw+honey+小朋友吃，每日一tsp. so+fa
原帖由 利口樂 於 15-02-16 發表
我俾raw honey 小朋友吃，每日一tsp.
so far 少感冒一年一兩次，當開始有鼻水時煲少少北芪黨參水加蜜棗水俾 ...
㷛的份量和時間怎樣？
是什麼體質啱飲？
作者: 小時了了 時間: 15-3-1 20:32
本帖最後由 小時了了 於 15-3-1 20:33 編輯
little_yolky 發表於 15-2-5 11:50
想問吓你知唔知美心快餐早餐D湯粉, 湯頭點解咁白? 我囡囡鐘意食, 成日話想早餐食美心米粉, 咁我用豬骨、雞 ...
http://www1.hkej.com/dailynews/arts/article/996765/%E5%88%9D%E6%98%A5%E6%B8%85%E6%96%B0%E9%AE%AE%E5%91%B3+%E9%8C%A6%E7%B9%A1%E6%96%91%E7%90%83%E9%AD%9A%E6%B9%AF
初春清新鮮味 錦繡斑球魚湯
http://bit.ly/1FHBPJJ
過了立春、雨水兩個節氣，未見明媚春光卻先迎來牛毛細雨以及白紗般的霧氣。農曆新年期間少不免大魚大肉，緊接着潮濕的天氣，容易令人食欲不振。這時比起煎炸、油膩、生冷的食物，一道鮮甜清爽的魚湯更加「開胃」。在乍暖還寒的時候喝一口「熱辣辣」的魚湯，暖入心窩。
魚湯最怕有腥味，想辟走異味，事前功夫就要做足。內臟、血囊和血絲位要徹底清除，師傅指這也是煮出奶白魚湯的竅門。另一秘訣是先把魚骨爆至焦黃，魚湯入口更香。加水後用大火熬煮至魚肉融化，隔走魚骨就是雪白濃郁的鮮湯。如果擔心家中火候不及中菜館，師傅建議用滾水撞入鑊，效果相似。
薑與魚是最常見的配搭，除此之外亦可加一點紹酒或蔬菜，也能中和腥味，同時可加強鮮甜味道。今次配搭番茄、味菜和鮮菇等蔬菜為湯底添加一點鹹鮮、微酸，層次更豐富細膩。加上豆味濃烈的布包豆腐，清淡卻不失鮮美。師傅提醒，番茄要清走種子的部位，避免令湯底變得混濁。另外，蔬菜不宜太多，調味料亦只須少許鹽及糖，否則會蓋過魚湯。
為保持魚肉的嫩滑與鮮味，可先把斑片拍上生粉封口，灼一灼後在其他材料上鋪上斑片，再滾三至四分鐘即可享用。
（信報圖片）
#魚湯 #信報 #信報財經新聞
【信報網站新聞，緊貼大家關心的政經話題，最新最快第一手報導。請click入 http://bit.ly/hkejnews】
作者: IloveJJ 時間: 15-3-2 08:34 標題: 引用：Quote:小時了了+發表於+15-2-14+17:06+回覆
提示: 作者被禁止或刪除 內容自動屏蔽
作者: 小時了了 時間: 15-6-12 10:40
本帖最後由 小時了了 於 15-6-12 10:43 編輯
6月9日最後一日考試, 阿女小四差唔多到尾聲啦 ! 舒一口大氣!!!
好多謝大家好寶貴強身健體方法, 小女打破宿命, 3月測驗及6月考試呢2次, 大步檻過無病. 我呢幾個月做過以下事項 (對我來講係好大好大突破及行出好大好大步架!!!):
1) 儘量每晚同阿女行20分鐘返屋企, 一來當做運動, 二來希望唔太大溫書壓力
2) 燉過幾次肉汁俾女飲
3) 每星期都煲清熱氣湯水 或 花旗蔘水飲
4) 呢次考試前1星期不准食熱氣野, 飯菜都係清淡
5) 考試前幾晚無溫書, 早瞓
6) 每朝整有營早餐俾女食
7) 5月開始我每朝一早煮有營午餐俾阿帶飯食
8) 呢個月成日同阿女親子整豆腐花及芒果布甸
下個月7月13日已預約阿女做天灸, 希望阿女出年一月考試時保持身體健康!!!!
作者: scyauchris 時間: 15-6-12 11:59
我囡上個term燒足五日，今個term考math開始病，今日照去考中，不過放學要再去診所聞氣。暑假後一定要佢游返水，佢氣管較弱又唔飲湯水。好羨慕你地小朋友肯飲湯。
作者: 小時了了 時間: 15-6-12 13:38
scyauchris 發表於 15-6-12 11:59
我囡上個term燒足五日，今個term考math開始病，今日照去考中，不過放學要再去診所聞氣。暑假後一定要佢游返水，佢氣管較弱又唔飲湯水。好羨慕你地小朋友肯飲湯。
以前我唔煮早餐, 唔煮飯, 又唔煲湯及涼茶, 星期一至五阿女係奶奶屋企食, 星期六,日及公眾假期一家三全部係出街食 (大家X, 大快X, 美X 之類), 但呢幾個月又每日煮飯, 每星期又煲幾日湯或涼茶及飲肉汁, 又少食咗好多熱氣野, 多管齊下, 阿女健康真係有起色,
您都要加油啊!
作者: IloveJJ 時間: 15-6-12 23:08 標題: 引用：我囡上個term燒足五日，今個term考math開始
提示: 作者被禁止或刪除 內容自動屏蔽
作者: IloveJJ 時間: 15-6-12 23:09 標題: 引用：Quote:scyauchris+發表於+15-6-12+11:59+我
提示: 作者被禁止或刪除 內容自動屏蔽
作者: scyauchris 時間: 15-6-13 07:34
三樣中，我女咪曳休息同食，昨天病都唔瞓！我咪衰假日偷懶唔煮，不過病那星期我又有幾天中午懶煮同佢出街吃飯！
作者: kiov 時間: 15-6-13 22:11 標題: 回覆：小時了了 的帖子
| 歡迎光臨 教育王國 (/) |
Powered by Discuz! X1.5 |