教育王國

標題: 怎樣看書才有效 [打印本頁]

作者: sumyau1012 時間: 15-2-3 07:54 標題: 怎樣看書才有效

我女由幼稚園到現在都晚晚看書，以前一直我讀書給她聽，現在每晚她讀一本英文書（ort8-10或其他）我讀中文一章節。（已維持一年多）但見作文作句，也未能運用得好。
請問是否我們看書的方法錯誤，因為我一直沒有特別解釋文中內容。我是否該做多些，什麼方法可以提升語文運用

作者: troubledaisy 時間: 15-2-3 08:08

現在幾歲?
如果想訓練作句 , 除閱讀外，可多與小朋友口頭練習。
你一句，她一句，如她未有好點子，試試給予生詞作提示。如她未能組織句子，請她先用口語道出心意，你替她重組。

作者: sumyau1012 時間: 15-2-3 08:41 標題: 回覆：troubledaisy 的帖子

8歲

作者: ch-cheung 時間: 15-2-3 08:49 標題: 回覆：怎樣看書才有效

提示: 作者被禁止或刪除內容自動屏蔽

作者: scyauchris 時間: 15-2-3 09:10

回覆 sumyau1012 的帖子

我女女是中文作文無英文作文咁好，佢現在已獨立看中文書差不多兩年。我覺得我女女是把中文句子複雜化，因為她想表達太多野，但有未有能力好順暢寫出來，最後就寫到好亂！另外我覺得佢識寫的中文字比英文少好多，所以中作方面便有個限制！

作者: 王家爸爸 時間: 15-2-3 09:41

能理解比識讀重要，所以下一步係理解。

作者: brother4 時間: 15-2-3 10:10 標題: 回覆：怎樣看書才有效

方間有很多課外讀物，有理解，串字，遊戲，試看

作者: scyauchris 時間: 15-2-3 10:13

我覺得無論英文卷或中文卷也好，高分不能反應到小朋友真正是否完全掌握到那種語文的運作！從作文中，我便見到女女中英的分別。或者又或者女女中作未完全ready!

我試過提議女女中作用英作的方法，不過佢話中文作文同英文完全不同！其實是否正確呢？

作者: MASAYA 時間: 15-2-3 10:15

我有一個想法, 沒甚麼理據, 純粹是一個想法, 這一代認字很深很多, 但上到小學很多人理解題目有困難, 不知是不是幼時學習是用認字卡或填充題, 都是片段式學習, 單字沒問題, 一句就不行, 我女不是從單字學起, 上小學沒出現數學文字題的困難, 認字卡其實是從聽說讀寫的第三階段學起

作者: MrBeast 時間: 15-2-3 10:23

閱讀是input, 作文是output, 你可以等孩子開hill時爆發性進步，等唔到就要練習一下。

作者: scyauchris 時間: 15-2-3 10:31

回覆 MASAYA 的帖子

這方面我也有聽過，兩歲後基本不可以用字卡，字卡學習太悶啦！

作者: scyauchris 時間: 15-2-3 10:34

回覆 MrBeast 的帖子

等……希望等到！

作者: mansum92 時間: 15-2-3 10:37 標題: 回覆：怎樣看書才有效

會等到的，逼都冇用，我等到4年級終於等到了

作者: haihaimom 時間: 15-2-3 10:43

本帖最後由 haihaimom 於 15-2-3 10:43 編輯

學校老師提議閱讀時可以把好詞佳句抄下，作句作文是翻看一下，但這樣會否影響閱讀興趣?唉!兩難啊!

作者: MrBeast 時間: 15-2-3 12:12

haihaimom 發表於 15-2-3 10:43
學校老師提議閱讀時可以把好詞佳句抄下，作句作文是翻看一下，但這樣會否影響閱讀興趣?唉!兩難啊! ...

只要不給壓力孩子便可，曾經有親友made cmt on 我個作的句子，傳統觀念是要perfect才可見人，我只笑答肯寫已好好。

作者: little_yolky 時間: 15-2-3 13:32

MASAYA 發表於 15-2-3 10:15
我有一個想法, 沒甚麼理據, 純粹是一個想法, 這一代認字很深很多, 但上到小學很多人理解題目有困難, 不知是 ...

係喎, 我小朋友都無讀字卡喎, 都係一本一本書咁讀的。上小學時都係無出現數學文字的困難, 佢只有計數方面既困難。

BTW, 多口講句, 星期日去咗灣仔唔知咩中心, 聽咗位台灣著名兒童作家王XX先生既講座, 佢同小朋友講咗一個寫作建議, 寫作要：
1. 眼睛似放大鏡：多觀察
2. 鼻子如豬鼻子：嗅嗅四周不同氣味
3. 耳朵大如米奇老鼠：多聽四周聲音

然後, 每天把想到看到的東西寫下來, 給爸媽看。看到一隻青蛙, 想一想, 故事就出來了。

我去年暑假時都是大概(當然無咁專業)訓練阿女啲作文, 除了錯字, 其他完全唔改, 仲有回應添, 阿囡好開心咁寫嘢。

另外, 我會同阿女讀學校課文。因為佢哋本中文書課文很好, 所以, 我哋一齊讀, 欣賞下文章結構咁, 仲講下有乜好添。

以上係我少少分享。

作者: fc926 時間: 15-2-4 07:34 標題: 回覆：怎樣看書才有效

嘗試叫小朋友每天寫一兩句日記俾你，我們每晚見到日記會有些回應，有時是對內容方面，例如小朋友說今天做了甚麼乖事，我們會讚一句，或有錯別字時，寫番個正確字給他，至於句子結構，我們不在日記上改，只會記在心，等其他適當時候才教番，他們每次都很期待看到我們的回應。過左一段時間，你會發覺小朋友越寫越長，越流暢。還有，這是一個了解小朋友內心世界的很好渠道。

作者: sumyau1012 時間: 15-2-4 07:42 標題: 回覆：fc926 的帖子

很好。但我女只喜歡看書，不喜歡寫字

作者: sumyau1012 時間: 15-2-4 07:48 標題: 回覆：王家爸爸的帖子

我女是理解內容,所以她不喜歡我解釋,但如果佢真的不明白也會問。只是作文時經常諗到長編大論，故事很長，但沒有用到書中的句子,間中一兩句佳句會出現。我只是在想會不會有更好的看書方法，我們未懂怎樣好好

作者: sumyau1012 時間: 15-2-4 07:52 標題: 回覆：ch-cheung 的帖子

因為每晚時間不多，而英文故事較短，可以一口氣我完一本,如果給她自己看中文，不知她什麼時候才停，她中英文故事書也是同樣喜歡的

作者: sumyau1012 時間: 15-2-4 07:53 標題: 回覆：MrBeast 的帖子

我也在等output,在等的同時，希望了解看書的方法是否正確

作者: sumyau1012 時間: 15-2-4 07:55 標題: 回覆：haihaimom 的帖子

我近排也有將佳句寫出來貼在家中，希望可以幫到。

作者: scyauchris 時間: 15-2-4 08:21

嗯！我是什麼也不做，最多remind吓佢要睇中文書。我女唔喜歡伴讀，她喜歡自己睇書。日記，佢寫英文有key lock 住，邊會同我分享

最近太多要畫畫的功課，佢都無乜時間寫日記！我女比較懶寫中文。

作者: sumyau1012 時間: 15-2-4 08:42 標題: 回覆：scyauchris 的帖子

我本來也是什麼都不做，由得佢睇書

作者: brother4 時間: 15-2-4 08:52 標題: 回覆：怎樣看書才有效

自己孩子喜看書，什麼都看，包括漫畫，在中學分班試，分中英題，中題是四字成語，我自己不懂是什麼意思，佢能解釋到，入了精英班，開卷有益。。。

作者: scyauchris 時間: 15-2-4 08:56

我現在都由佢，只是我不太喜歡她看翻譯小說！有時我覺得佢睇得多太長的小說，所以output唔到！

不過佢表姐都是愛閱讀的人，升左上high school, 反而法文比母語的英文成績更好。不過佢法文的程度是相等於母語，因為science是用法文教授。寫作方面也是soso, 聽聞強science的人，語文寫作方面無咁好。

作者: HKTHK 時間: 15-2-4 08:57

回覆 sumyau1012 的帖子

每日寫一句? 寫作也是需要練習的。你看的是什麼種類及程度的中文書?

作者: MrBeast 時間: 15-2-4 09:44

sumyau1012 發表於 15-2-4 07:53
我也在等output,在等的同時，希望了解看書的方法是否正確

在下愚見，閱讀作為興趣會比較好，但如你想有系統地增強閱讀能力，可參考聰明仔爸的方法（請爬下文），但亦要明白看得懂和快都未必＝作文好，至少大部份的人來說，for the first few years, 唔會有很明顯的效果。

作者: little_yolky 時間: 15-2-4 10:01

scyauchris 發表於 15-2-4 08:21
嗯！我是什麼也不做，最多remind吓佢要睇中文書。我女唔喜歡伴讀，她喜歡自己睇書。日記，佢寫英文有key lo ...

所以, 我好開心咁同佢一齊去書局, 各自揀咗一本日記, 大家交換對方鎖匙, 係玩「交換日記」。

日日lunch時頻頻能能咁一邊食飯一邊寫幾句, 或交換後响佢日記旁寫回應, 佢又會在我寫既日記旁回應。佢好鐘意, 但真係好辛苦。

作者: scyauchris 時間: 15-2-4 10:10

回覆 little_yolky 的帖子

哈哈……咁都比你想到！

作者: little_yolky 時間: 15-2-4 10:13

scyauchris 發表於 15-2-4 10:10
回覆 little_yolky 的帖子

哈哈……咁都比你想到！

不過真係好辛苦, 只可以利用lunch hour一邊食一邊寫, 或夜晚大家瞓晒時熬夜寫, 好攰。

作者: dontaskme 時間: 15-2-4 12:45 標題: 回覆：little_yolky 的帖子

Good suggestion, may work better for girls..

作者: dontaskme 時間: 15-2-4 12:48 標題: 回覆：little_yolky 的帖子

依家做家長真的不簡單！

作者: little_yolky 時間: 15-2-4 13:06

scyauchris 發表於 15-2-4 08:56
我現在都由佢，只是我不太喜歡她看翻譯小說！有時我覺得佢睇得多太長的小說，所以output唔到！

不過佢表姐 ...

你是對的, 有中文老師說睇太長output唔到, 但係你又唔好阻止佢睇喎, 只係適時加插一些幾百字既短文俾佢睇就得。

作者: little_yolky 時間: 15-2-4 13:08

dontaskme 發表於 15-2-4 12:45
Good suggestion, may work better for girls..

我諗男仔係完全唔一樣既一個物體, 女仔work男仔唔一定work, 男女好似兩個物種咁

作者: HMmummy 時間: 15-2-4 13:57 標題: 回覆：sumyau1012 的帖子

大家的意見都好，試吓先！

作者: Ahbee02 時間: 15-2-4 14:15

回覆 sumyau1012 的帖子

試下慫恿她從一句，兩句開始啦！日子有功，講吾定會有驚喜。

作者: sumyau1012 時間: 15-2-4 18:52 標題: 回覆：scyauchris 的帖子

你說得對，可能我女睇的中文書也較長。等我試下間中俾短文章書俾佢先.

作者: sumyau1012 時間: 15-2-4 18:53 標題: 回覆：HKTHK 的帖子

我女多數是看翻譯小說

作者: sumyau1012 時間: 15-2-4 18:55 標題: 回覆：MrBeast 的帖子

係咪睇書，由得佢，幾年後就睇到output

作者: sumyau1012 時間: 15-2-4 19:06 標題: 回覆：little_yolky 的帖子

很好的分享，我都試下同女一齊去書店買本日記先。不過我女唔鐘意寫字，希望可以做到

作者: scyauchris 時間: 15-2-4 21:47

回覆 little_yolky 的帖子

佢肯睇中文我已好開心，不過我無你咁勤力！我會去書店找吓短篇文章給她看。

作者: hadwinboy 時間: 15-2-4 22:20 標題: 引用：係咪睇書，由得佢，幾年後就睇到output +

原帖由 sumyau1012 於 15-02-04 發表
係咪睇書，由得佢，幾年後就睇到output

不一定，水過鴨背，看了等於冇看。要記住內容，讀下內容，咬文嚼字，才會入腦。有了記憶體，自然有output.

作者: little_yolky 時間: 15-2-4 22:49

scyauchris 發表於 15-2-4 21:47
回覆 little_yolky 的帖子

佢肯睇中文我已好開心，不過我無你咁勤力！我會去書店找吓短篇文章給她看。 ...

有一本《林良爺爺700字故事》(大概係咁), 好好睇的, 响「讀書人」買。阿囡同你小朋友啱啱相反, 鐘意睇中文, 英文書唔係話唔鐘意, 但程度差太遠, 所以追唔上。中文佢已經睇咗好多台灣改篇既古典名著, 但英文就......仲睇緊ORT Level 4

佢唔係唔鐘意睇英文書, 係太鐘意睇中文書了。

不過呢, 睇呢D故事書對中文科作文係無乜幫助, 因為係故事, 但中文作文一般係記敘文, 唔係寫故事, 所以就好似無乜幫助咁, 但閱讀理解就so good。因為依家考試卷成60%係閱讀理解, 所以佔好重比例。有次考中文前阿囡仲睇閒書, 當然佢我鬧一鑊, 佢就駁咀, 話睇得多呢D書(閒書), 溫書先會快。其實佢係啱的。

至於初小作文, 我想, 同佢哋分析教科書內的文章就好好了, 因為教科書都係幾百字, 同佢哋要求接近, 咁可以教佢篇幅結構, 第一段寫乜, 第二段寫乜, 結尾寫乜咁, 文章結構好, 咁攞高分就有望了。

作者: GreenMaDad 時間: 15-2-5 08:06

我小孩學校有要求寫週記，當然這幾乎等於我幫她寫，但過程中我都發覺她不明白一篇文怎樣編排，希望經過無數的練習她會明白應怎樣寫。

作者: HMmummy 時間: 15-2-5 08:19 標題: 回覆：sumyau1012 的帖子

初小伴讀也很重要，提提小朋友要留意的重點,如主旨、句子結構！

作者: amyamy 時間: 15-2-5 08:45

little_yolky 發表於 15-2-4 10:01
所以, 我好開心咁同佢一齊去書局, 各自揀咗一本日記, 大家交換對方鎖匙, 係玩「交換日記」。

日日lunc ...

多謝分享, 呢個方法好好咁, 我都要同阿女試下先~

作者: S-Kwok 時間: 15-2-6 14:24 標題: 引用：Quote:scyauchris+發表於+15-2-4+08:21+嗯

原帖由 little_yolky 於 15-02-04 發表
所以, 我好開心咁同佢一齊去書局, 各自揀咗一本日記, 大家交換對方鎖匙, 係玩「交換日記」。

日日lunc ...

你囡肯寫真係好，我囝會覺得煩，日日只想睇書

作者: annie40 時間: 15-2-7 07:59

不求回報，看書的得著是最大。

作者: skkeung 時間: 15-2-8 09:21 標題: 引用：Quote:MASAYA+發表於+15-2-3+10:15+我有一

原帖由 little_yolky 於 15-02-03 發表
係喎, 我小朋友都無讀字卡喎, 都係一本一本書咁讀的。上小學時都係無出現數學文字的困難, 佢只 ...

我們太功能，什麽也想拿高分!像你的看法的人太少了!欣賞!

作者: scyauchris 時間: 15-2-8 11:06

我都喜歡高分

不過我覺得我捉住佢温都無乜可能達100分，所以就由佢自己處理。加上佢次次問完我d中文句子，次次由對變錯！

作者: little_yolky 時間: 15-2-9 11:33

skkeung 發表於 15-2-8 09:21
我們太功能，什麽也想拿高分!像你的看法的人太少了!欣賞!

高分喎, 同錢一樣, 邊個唔想要, 我都好虛榮的

不過, 中文呢樣嘢, 佢自己溫又係咁多分, 我教完佢又係咁多分, 咁點解要自己咁辛苦呢

, 既然升到班, 又唔係話差到無朋友, 咁咪take it easy囉。

作者: MrBeast 時間: 15-2-9 11:34

From todays skypost

自從學校要有「閱讀計劃」開始，個個學生都有要天天閱讀故事書的家課。這人人都要參與的計劃，是希望培養學生的閱讀習慣，因為過去的統計數字顯示香港學生欠缺良好的閱讀習慣，語文水準下降。
按照計劃的本意，理應能提升學生們的閱讀興趣，可惜，大部分都只是視閱讀為一門要完成的家課，只有小部分能把習慣變為興趣，一生受用，有所得着。
當「閱讀計劃」變得受到關注，備受重視時，學生就個個都是有閱讀的一分子，更有要記字、認字的訓練，寫讀後感的為交功課而閱讀，填交閱書數字報告的為數字和獎狀而借書看書，這反使學生的閱讀習慣只浮於表面。
能培養學生可以進入喜歡閱讀的世界去是「閱讀計劃」的本義，要是成功的話，今天個個學生都會喜歡閱讀，卻並不是。雖然能至少令學生在年幼時多看幾本故事書，但卻大部分都是除了那些便不會主動拿些別的書來看的學生。
不視作是計劃，不視為是家課，而是一個自然的過程，才會有自然的結果。自然的結果，就是孩子會自然地愛上閱讀，這就要看父母是怎樣親自參與了。（五之一）

作者: little_yolky 時間: 15-2-9 11:46

MrBeast 發表於 15-2-9 11:34
From todays skypost

自從學校要有「閱讀計劃」開始，個個學生都有要天天閱讀故事書的家課。這人人都要參 ...

我家孩子幼稚園係有「閱讀計劃」的, N1開始有, 唔同年級有不同數量閱讀目標。原意係好, 但最攞命係小小朋友時, 佢哋唔識字, 我一般係睡前故事, 但「閱讀計劃」係要寫書名, N2(即K1)開始小朋友要參與, 要畫下公仔寫下字咁。問題嚟喇, 睡前講完故仔, 唔通起番身寫閱讀報告? 咁緊係第二日寫啦, 無奈小小朋友第二日乜故事都湮消云散, 唔記得了。其實我每年都有响計劃完結時的問卷中寫建議, 建議閱讀計劃可以規字小朋友看一定數量的中及英文書, 咁就唔會側重其中一種語文(好似我大女咁), 然後, 又建議看一定數量既故事書及非故事書, 又可以減少小小朋友偏食習慣(看書既偏食

, again又係好似我大女咁), 最重要係, 不要小朋友寫報告, 因為小小朋友唔識字, 閱讀只為培養興趣, 不為識字, 所以不需要俾佢哋做功課既壓力。要寫閱讀報告, 應該係小一以後的事。

不過, 校方意見接受, 做法照舊。

作者: moondream3003 時間: 15-2-9 11:59 標題: 引用：Quote:MrBeast+發表於+15-2-9+11:34+From+t

原帖由 little_yolky 於 15-02-09 發表
我家孩子幼稚園係有「閱讀計劃」的, N1開始有, 唔同年級有不同數量閱讀目標。原意係好, 但最攞命係小小朋友 ...

所以我K2 的弟弟我無佢參加閱讀計劃，唔參加要寫原因，我的原因寫屋企已經太多書，又有大量借圖書館d 書，唔使借學校d 書啦。

作者: MASAYA 時間: 15-2-9 12:00

學校閱讀計劃其實幾多餘，我想小朋友睇課外書，學校就限小朋友一個學期睇幾多，有d仲要寫報告，最後畀個閱讀獎咪又係計分一種，課外書變課內書，除非天生就鍾意讀書做功課，否則點會提起興趣？

作者: little_yolky 時間: 15-2-9 12:01

moondream3003 發表於 15-2-9 11:59
所以我K2 的弟弟我無佢參加閱讀計劃，唔參加要寫原因，我的原因寫屋企已經太多書，又有大量借圖書館d 書 ...

學校咁麻煩, 唔參加都要寫原因? 我哋如果唔參加, 就唔填本書仔報告就得了, 係學期尾無奬狀咁。

作者: Lam3Tai 時間: 15-2-9 12:10

我又有參加，學校書0係做功課時睇加做報告(寫寫畫畫)，睡前故事照講。當然，無疑係再睇多D。

作者: MrBeast 時間: 15-2-9 12:24

Kg 閱讀計劃我覺得其實是訓練父母伴讀的技巧和習慣，若已有好閱讀習慣，好自然會覺得多余，但當年乜都唔識的我又覺得幾有用。

作者: grandview 時間: 15-2-9 12:24

提示: 作者被禁止或刪除內容自動屏蔽

作者: little_yolky 時間: 15-2-9 12:27

MrBeast 發表於 15-2-9 12:24
Kg 閱讀計劃我覺得其實是訓練父母伴讀的技巧和習慣，若已有好閱讀習慣，好自然會覺得多余，但當年乜都唔識 ...

我哋為咗集郵儲奬狀, 搞到好鬼辛苦, 尤其係妹妹係隻懶惰精, 今年小學有著落, 我真係理鬼佢, 叫阿妹自己記得寫就寫兩本。

作者: scyauchris 時間: 15-2-9 15:06

回覆 little_yolky 的帖子

你同我都一樣咁阿Q精神

作者: myfanwy 時間: 15-2-9 15:23 標題: 回覆：怎樣看書才有效

咁點解國際學校又會令到較多學生喜歡閲讀呢？它們的方法與本地學校有乜唔同？

作者: MrBeast 時間: 15-2-9 17:32

little_yolky 發表於 15-2-9 12:27
我哋為咗集郵儲奬狀, 搞到好鬼辛苦, 尤其係妹妹係隻懶惰精, 今年小學有著落, 我真係理鬼佢, 叫阿妹自己記得 ...

其實起初我都係為左集郵，因為我個冇乜野叻，點知佢又好重視個豬肉獎，變成了動力，有時又真是穚唔怕舊，最緊要受。
言歸正傳，閱讀興趣其實才是最重要，我想之前skypost 的文的主止也是這樣，能否培養到就看父母功力了。

作者: HMmummy 時間: 15-2-9 18:15 標題: 引用：咁點解國際學校又會令到較多學生喜歡閲讀呢

原帖由 myfanwy 於 15-02-09 發表
咁點解國際學校又會令到較多學生喜歡閲讀呢？它們的方法與本地學校有乜唔同？

...

學校的讀書氣氛好緊要，我自己覺得只是填寫閱讀記錄是不行的！

作者: MrBeast 時間: 15-2-9 19:07

myfanwy 發表於 15-2-9 15:23
咁點解國際學校又會令到較多學生喜歡閲讀呢？它們的方法與本地學校有乜唔同？

...

這不太凊楚，身邊都有fd讀is, 有reading list, 閱讀報告，仲要在班中present. 比local 做多好多野。之前亦有聽過is 學生作文完全唔掂要補習，但可能只是個别例子。

作者: scyauchris 時間: 15-2-9 20:10

回覆 HMmummy 的帖子

對於大量閱讀的小朋友，寫list已十分足夠！我女就浪費時間寫個list再加畫公仔整靚靚個list, 我有時嬲到想call班主任。我女係咪都睇書，一本分分鐘睇超過十次，佢都就快睇到盲。如果要佢寫最喜歡的句子，佢係超級認真係本書到慢慢揾，我見到便好頭痛！

作者: scyauchris 時間: 15-2-9 20:13

閱讀報告可以做，但不用多！我從來唔問佢睇左d乜，大了佢又會同我分享本書的內容。

作者: licpd 時間: 15-2-9 20:16

myfanwy 發表於 15-2-9 15:23
咁點解國際學校又會令到較多學生喜歡閲讀呢？它們的方法與本地學校有乜唔同？

...

students reading levels at IS varies, probably same as LS. I dont really think IS has magic key to increase student's reading interest. family involvement makes the difference. early/advanced readers at IS are taught outside school!

作者: IloveJJ 時間: 15-2-9 23:11 標題: 引用：回覆+HMmummy+的帖子對於大量閱讀的小朋

提示: 作者被禁止或刪除內容自動屏蔽

作者: scyauchris 時間: 15-2-10 07:39

回覆 IloveJJ 的帖子

肯睇書又煩，唔睇又煩。家裡有一書蟲就會明白為何我會丙女，因為真係睇書睇到乜都唔做，還要睇到聾左！

作者: sumyau1012 時間: 15-2-10 07:51 標題: 回覆：MrBeast 的帖子

我女間學校都係會叫一組組的學生扮演唔同角色，將故事演一次。學校唔洗點寫報告，我覺得好好。

作者: HMmummy 時間: 15-2-10 13:14 標題: 回覆：scyauchris 的帖子

都是專注的表現！

作者: MrBeast 時間: 15-2-10 16:11

scyauchris 發表於 15-2-10 07:39
回覆 IloveJJ 的帖子

肯睇書又煩，唔睇又煩。家裡有一書蟲就會明白為何我會丙女，因為真係睇書睇到乜都唔 ...

曾經有人說，中意看書的，讀書點都唔會差得去邊。不過你有否培養看non fiction books?

作者: scyauchris 時間: 15-2-10 16:36

回覆 MrBeast 的帖子

我屋企乜書都有，反而幼稚園佢睇得更多non fiction，不過只是英文。現在小二就多左睇fiction書，不過有時都睇non fiction, non fiction 我感覺佢比較喜歡看history方面的書。我喜歡買書，因為佢會重復看。

作者: little_yolky 時間: 15-2-10 17:45

MrBeast 發表於 15-2-10 16:11
曾經有人說，中意看書的，讀書點都唔會差得去邊。不過你有否培養看non fiction books? ...

我囡只鐘意fiction book, 如果果個禮拜, 派到本non-fiction俾佢, 佢就會好唔開心咁做閱讀報告。佢睇書咁單一都係令我好心煩。

作者: scyauchris 時間: 15-2-10 19:23

你是指我幸福定我女

作者: ting-ma 時間: 15-2-11 22:15

提示: 作者被禁止或刪除內容自動屏蔽

作者: IloveJJ 時間: 15-2-12 09:29 標題: 引用：回覆+little_yolky+的帖子我囡5歲,+英文

提示: 作者被禁止或刪除內容自動屏蔽

作者: IloveJJ 時間: 15-2-12 09:31 標題: 引用：回覆+MrBeast+的帖子我屋企乜書都有，反

提示: 作者被禁止或刪除內容自動屏蔽

作者: S-Kwok 時間: 15-2-12 10:32 標題: 引用：回覆+IloveJJ+的帖子肯睇書又煩，唔睇又

原帖由 scyauchris 於 15-02-10 發表
回覆 IloveJJ 的帖子

肯睇書又煩，唔睇又煩。家裡有一書蟲就會明白為何我會丙女，因為真係睇書睇到乜都唔 ...

係，我嗰一睇書就阿媽係邊個都唔知

作者: little_yolky 時間: 15-2-12 11:59

ting-ma 發表於 15-2-11 22:15
回覆 little_yolky 的帖子

我囡5歲, 英文書閱讀比中文好好多, 可能佢識phonics 同自細讀好多佢聽.佢自己可 ...

你真係要加把勁了, 如果讀中文小學, 中文唔好真係一科累三科(中、數、常), 雖然話小一有老師讀題, 但係都唔依賴得咁多。我本人覺得, 除咗英文科, 小一課程根本係考緊小朋友中文程度而已。

作者: edutm 時間: 15-2-12 12:14 標題: 引用：回覆+little_yolky+的帖子我囡5歲,+英文

原帖由 ting-ma 於 15-02-11 發表
回覆 little_yolky 的帖子

我囡5歲, 英文書閱讀比中文好好多, 可能佢識phonics 同自細讀好多佢聽.佢自己可 ...

我同你有同一問題，我女又係除了識學校中文課本D字，其他中文書唔會去認，她都唔主動去睇中文書。就算我陪佢睇，佢只聽我講唔去望住本書D字。中文書好難選到適合她程度。

作者: A-Mum 時間: 15-2-12 12:52

我個兩個初時都只恨睇英文故事書，不過我規定要一中一英一本知識書咁間住睇，可能開始得早，佢地都無乜大反抗，睇睇下中文程度高番，睇到有趣D嘅中文書，依家中英文書都鍾意，不過 fact books 仲係要提。

趁細個改變閲讀習慣會易D，大前提當然係已經鍾意睇書。未鍾意就求其佢肯睇咩都好啦。

作者: ting-ma 時間: 15-2-12 13:33 標題: 回覆：A-Mum 的帖子

提示: 作者被禁止或刪除內容自動屏蔽

作者: lolomaymay 時間: 15-2-12 15:39

提示: 作者被禁止或刪除內容自動屏蔽

作者: A-Mum 時間: 15-2-12 15:43

ting-ma 發表於 15-2-12 13:33
She like reading very much ga!!
Just I don't know how to choose interesting Chinese books for her .
...

台灣童書幾好睇架，依家仲有金石堂、博客來，已經易揾書好多喇

作者: sumyau1012 時間: 15-2-12 19:43 標題: 回覆：A-Mum 的帖子

我都有訂台灣書，但要留意台灣書，有台灣人的語句，有些小分別

作者: A-Mum 時間: 15-2-12 22:48

sumyau1012 發表於 15-2-12 19:43
我都有訂台灣書，但要留意台灣書，有台灣人的語句，有些小分別

台式中文我 ok 呀，又好老實，唔覺佢地作文用得番出黎

歡迎光臨教育王國 (/)