教育王國

標題: 好唔開心 [打印本頁]

作者: szenana 時間: 15-2-2 13:44 標題: 好唔開心

星期五我仔k2家長日,佢班主任話佢留係呢間學校好似好浪費,好哂時間,明明叫我比e位訓練小册佢睇話可以幫我仔訓練,而家又話睇完本小册子就算幫佢訓練好似害佢咁,佢話佢一對22個一定要跟課程教,跟住話我仔仲有嬰母式對話,但佢平時係出面對答完全無問題,最攪笑佢話我仔同同學仔無交流但可以一齊跳舞,但唯一我最嬲既係之前我仔比同學仔蝦同打,唔即時同我講,要等家長日先同我講,剩係話如果排到s位話比佢知,而家我個仔一起身就喊住話唔返學,佢話成日比班主任吹同話,又唔教佢,又比同學仔蝦佢

作者: assado 時間: 15-2-2 13:53 標題: 回覆：szenana 的帖子

邊間幼稚園甘冇愛心。

作者: szenana 時間: 15-2-2 13:55 標題: 回覆：assado 的帖子

青山村聖彼得幼稚園,佢同學仔都唔肯做功課,又遊魂,人地係家教會就唔話佢

作者: DENNIS201 時間: 15-2-2 14:38 標題: 回覆：好唔開心

你仔已算不錯，係老師無責任心

作者: szenana 時間: 15-2-2 15:29 標題: 回覆：DENNIS201 的帖子

我仔k1已經出面訓練,佢已經比初初進步好多,起碼坐定,同識簡單對答,而家肯自己寫字,其實有耐性教,我仔一定好快學識

作者: annie40 時間: 15-2-3 21:50

好少成年人懂得正確的傳遞信息的。因此你的孩子的問題沒有老師的嚴重，應該高興才對。化悲憤為力量，努力！

作者: szenana 時間: 15-2-4 02:04 標題: 回覆：annie40 的帖子

我今日同佢退左學好似鬆左一口氣

作者: chowqv 時間: 15-2-4 02:49 標題: 回覆：好唔開心

間學校咁搞笑，佢地知唔知自己做緊咩？

作者: annie40 時間: 15-2-4 08:45

回覆 szenana 的帖子

照片中的是妳的孩子嗎？長相很好喎。

作者: annie40 時間: 15-2-4 08:55

為孩子找合適的學校很重要。好學校是交一份學份，全家一起從學校，老師，家長，和同學之間，也能學習得益的。

請不要氣餒，也不要妥協，找著能溝通的有愛心學校便是。孩子有困難，卻不需接受這些待遇的。

作者: szenana 時間: 15-2-4 11:38 標題: 回覆：annie40 的帖子

張相係我仔仔個樣

作者: szenana 時間: 15-2-4 11:39 標題: 回覆：chowqv 的帖子

佢地學校未幫住佢班主任講野

作者: DENNIS201 時間: 15-2-4 13:41

你退學,咁下一步點 ?

作者: szenana 時間: 15-2-4 14:44 標題: 回覆：DENNIS201 的帖子

主任話叫我仔唔好退學,讀到7月,9月返s位

作者: leungsiufan 時間: 15-2-4 15:37 標題: 回覆：好唔開心

其實就算一齊跳舞都唔代表會同同學有交流，不過好難怪老師，因為一個老師對咁多小朋友好難淨系關注你個囝，但如果你真系決意退學咁就要好好安排下囝囝唔洗返學嘅時間做啲咩

作者: Fa媽媽 時間: 15-2-4 16:29

感同身受，我個囝都係上星期五家長日，兩位老師+一位主任一齊數落我囝幾差，暗示轉校 😡😡😡

作者: szenana 時間: 15-2-4 16:54 標題: 回覆：leungsiufan 的帖子

但佢放學,佢同同學仔一齊玩一齊拖手,攬住大家

作者: szenana 時間: 15-2-4 16:55 標題: 回覆：Fa媽媽的帖子

但而家轉校好難轉到

作者: Fa媽媽 時間: 15-2-4 17:12

最嬲係5個月（開學9月以來）從冇同我講阿囝有問題，點解要等到家長日先講！

作者: szenana 時間: 15-2-4 17:24 標題: 回覆：Fa媽媽的帖子

有d老師真係好衰,問佢咩都話ok,但家長日先黎講,如果小朋友有問題應該一早講

作者: kitty0909 時間: 15-2-4 19:48 標題: 回覆：好唔開心

其實佢係家長日肯講已經好好，我仔有一輪好抗拒換衫除褲，又唔肯換衫番學，1至5（要番學的日子）晚上瞓瞓下會爆喊喊醒，好心痛！唔知佢係學校發生咩事，問班主任永遠只會話佢係學校好開心無咩特別，老師都好錫佢咁…

作者: Jolly 時間: 15-2-5 16:44

撞到好老師好似中六合彩咁難架。
我隻小丙仔上年去幼稚園咪又比老師日日數。嬲架，忍住度氣，有日放學時唔比佢數先，直接講，「你今日同我講左佢做得好做得到嘅野先。」佢諗來諗去，話我仔小息食野好合作會跟從指令。係冇乜特別，但我厚顏，係仔面前大大聲誇讚佢，老師都睇到我仔面上浮出自信嘅笑容。小朋友，a or not a, 咪都係鍾意比人讚多過比人話。老師唔識發現同發掘小朋友好野，做乜鬼老師丫！唉。

作者: Olympian 時間: 15-2-5 19:31

szenana 發表於 15-2-4 14:44
主任話叫我仔唔好退學,讀到7月,9月返s位

如果可以表達得到學校的事情，如常被老師催，老師不教他都講得出，我認為你個仔能力不低。
其實你覺得你需要讀Ｓ位嗎？有冇再評過？
老師說他鸚鵡學舌，其實好多語言遲緩的小朋友，初初學會了對答，都會因為環境壓力而鸚鵡學舌。當佢地說話再叻一些就不再會了。
一般就算跟同學冇交流，一般老師都不會太介意。老師最怕情緒行為問題，其次是學業是否跟得上。
坦白講在Ｓ位學不了太多社交。

作者: szenana 時間: 15-2-6 15:51 標題: 回覆：Olympian 的帖子

因為我仔13年評估過既時,佢成晚無訓所以份評估差d,無眼神接觸同埋仲有太空話唔識對答,醫生話懷疑佢自閉,本身只係寫e位,跟住佢問我有無學校收,我話無佢先寫埋s位,之後13年9月返關愛基金協康早期訓練,返左一個月開始有進步,肯坐定,k1老師都話佢ok,到14年9月就開始返e位,e位導師評估話佢認知ok其實可以唔洗讀s位,k2班主任就話佢記憶力好強,教佢地成班點樣做工作紙,佢已經自己可以做好哂,認知同認字完全無問題,簡單對答都ok,但佢k2班主任話佢語言同社交差左少少

作者: szenana 時間: 15-2-6 15:51 標題: 回覆：Jolly 的帖子

就算普通小朋友都鍾意比人讚

作者: muimui5 時間: 15-2-6 16:43

聽落你仔情緒行為問題較輕，真不似要入S位，今年派唔派到位又唔知，都要揾間門檻低又有愛心的幼兒園讀下先，如東華三院和路得會那些。甚至訪諗下I位。

作者: Olympian 時間: 15-2-6 19:48 標題: 回覆：szenana 的帖子

可否e位？或都普通幼稚園。自費training?

作者: szenana 時間: 15-2-7 02:09 標題: 回覆：Olympian 的帖子

我仔而家返左e位五個月

作者: Olympian 時間: 15-2-7 08:45 標題: 回覆：szenana 的帖子

我誤會了你是I位。那乾脆幼稚園好了！

作者: Olympian 時間: 15-2-7 08:53 標題: 引用：我仔而家返左e位五個月 +

原帖由 szenana 於 15-02-07 發表
我仔而家返左e位五個月

呢間幼稚園好唔掂。想人走就叫人入S位，都唔理是否最適合！還有，佢叫你讀到7月，都係想keep住張學券，係為自己。

K2插班應唔難找。個你已經好唔想返。唔好讀了！

作者: ding1 時間: 15-2-7 09:48 標題: 引用：Quote:原帖由+szenana+於+15-02-07+發表我

原帖由 Olympian 於 15-02-07 發表
呢間幼稚園好唔掂。想人走就叫人入S位，都唔理是否最適合！還有，佢叫你讀到7月，都係想keep住張學券，係為 ...

樓主間學校已經不錯啦，事實上有些更差。

作者: Olympian 時間: 15-2-7 10:47 標題: 引用：但而家轉校好難轉到 +

原帖由 szenana 於 15-02-04 發表
但而家轉校好難轉到

間間打去問，有位一定收。學校都想有人補返空左的學位。唔好同新校講佢自閉。最多話佢講野有d慢就得。不過要好好想下校理由。

二月停一個月唔返都冇所謂啦，放假都冇左半個月了。

作者: Olympian 時間: 15-2-7 11:06 標題: 引用：其實佢係家長日肯講已經好好，我仔有一輪好

原帖由 kitty0909 於 15-02-04 發表
其實佢係家長日肯講已經好好，我仔有一輪好抗拒換衫除褲，又唔肯換衫番學，1至5（要番學的日子）晚上瞓瞓下 ...

其實即使老師好錫佢。佢係學校的壓力好可能都好大架。佢地又表達唔到，壓力又加大了些。

我仔3歲返過幾個月K1。只是放書包，換鞋，填色已好大壓力。雖然老師都好錫佢。但佢做每樣都慢過人，有時老師都話不能要其他小朋友等我個仔一個，所以會捉手幫佢。我仔係學校又唔夠膽講野，所以佢超大壓力。

佢放學會冇端大哭，返學唔肯換校服，用糖氹佢，佢去到門口咸到糖都從口掉出來。唔係扭計咁簡單，係好驚的表現。非常心痛，返左三個月就冇返。咁樣係唔會學到野。

歡迎光臨教育王國 (/)