教育王國

標題: 理大之寶獲頒老人牌 [打印本頁]

作者: elbar 時間: 15-1-31 13:59 標題: 理大之寶獲頒老人牌

本帖最後由 elbar 於 15-1-31 14:00 編輯

■在理大工作20年的眼科視光學院院長杜嗣河（左）及工作40年的教務長湯劉毓苓昨齊獲「老人牌」。

八大院校各有鎮校之寶，理大之寶教務長湯劉毓苓服務理大四十年，三月退休，比港大之寶教務長韋永庚早一年，湯太噚日獲校長唐偉章親頒長期服務「老人牌」。

湯太畢業於名女校瑪利諾修院學校，係校內首個中大生，唔係成績差入唔到港大，而係俾中大崇基書院校園吸引，所以寧自修半年考入中大英文系。佢曾係前校長潘宗光身邊女人，唔好誤會，只係做過潘校長助理四年半。湯太七四年加入理工時，特首梁振英剛好畢業離校，所以對佢冇印象。佢話以前大學生好單純，專心一意讀書；𠵱家學生冇咁易教，但個腦轉得好快。呢十年多咗內地生，湯太話內地生早瞓、本地生半夜唔瞓，係中港矛盾源頭，不過近幾年雙方了解多咗。

攞二十年老人牌嘅眼科視光學院院長杜嗣河，係理工學院一九八四年眼科視光學專業文憑首屆學生。佢話半成小六學生近視深度逾五百度。不過令佢頭痛係阿囡鍾意睇書同畫畫，七歲已近視一百度要戴眼鏡，唯一好處係身邊有個可作研究個案。

李八方

歡迎光臨教育王國 (/)