教育王國

標題: 2歲1個月 [打印本頁]

作者: shui1111 時間: 15-1-26 13:07 標題: 2歲1個月

囝囝番N一個月, 老師每周電話言談間覺得老師有懷疑囝囝有某類問題, 有提過有無去做評估, 但無正面指出懷疑D咩. 其實自己一直都有懷疑, 但情況又好似唔嚴重所以未處理, 大家可幫忙分析下要去甚麼地方評估嗎

1) 性格固執, 不易屈服
如佢唔想做/講, 無論點引佢都唔會妥協。番學前, 每次換新鞋都要收起舊鞋再角力一排先可以著新鞋

2) 社交
老師話佢無視其他小朋友, 基本同枱上堂無問題, 但零交流亦唔可以有任何身體接觸, 如要佢拖小朋友, 佢會話唔好, 再迫佢就會爆喊唔停

一直由細到大, 囝囝都比較內向, 有人玩緊一樣玩具, 就算佢想玩, 都唔會去拎, 會等人放低左佢先埋去玩, 玩波波池, 滑梯都係等無人先玩, 大左其實覺得佢有改善, 無咁怕人, 但交流同身體接觸仲係唔得.

3) 撞頭,
曾經有一段時間, 當心情唔好發脾氣就會搵地方撞頭。已經無發生一段時間, 但最近又出現。仲會自己打自己執面

4) 講野,
囝囝講野同眼神交流我覺得無問題, 已經識好多生字, 平時對話亦有舉一反三既反應, A-Z大小階, 數數字到100, 同英文生字都識好多, 屋企有講全句句子, 老師話玩玩具仲會四圍走, 但有字母既LEGO就好鐘意玩, 講野就單字多

5) 陌生
極害怕陌生環境, 每次去新地方, 會"滅聲"或抗拒.需事先話佢知等陣去邊做咩, 突如其來的話, 佢會好抗拒, 而家大左, 我覺得情況好左, 但間中係屋企會忽然驚左某一樣野, 例如一直擺係度既閉路鏡頭, 冷氣機, 眼神會好奇怪咁望住, 跟住話驚驚, 厘埋係某處喊,

作者: legolas625 時間: 15-1-26 13:32

自閉兒童會有以上的特徵，唔好介意我咁講，可能老師想你留意下，幫下小朋友，包括固執、社交弱，怕陌生、唔鍾意新衫新鞋、鐘意數字、英文、自殘，可能感統有問題，所以怕身體接觸。

作者: legolas625 時間: 15-1-26 13:33

另外，同其他人溝通OK嗎，包括應名、眼神、對答，不可以只限照顧者。

作者: shui1111 時間: 15-1-26 13:40 標題: 回覆：legolas625 的帖子

眼神溝通我覺得ok,係慢熱，肯同陌生大式小朋友打招呼，對答都有，生保人就通常單字多。老師話佢好識表達自己想點。。。

作者: 聽雨聲 時間: 15-1-26 15:23

我都覺得需要正視,及早糾正。去做下評估吧

歡迎光臨教育王國 (/)