教育王國

標題: 關於內地姊妹學校的問題 [打印本頁]

作者: Naturedoo 時間: 15-1-25 16:30 標題: 關於內地姊妹學校的問題

最近好多關於增加與內地學校交流的消息，相信好多家長好關心，我個仔16年準備讀小學，暫定在net14，請問大家知唔知每間小學都有d咩內地姊妹學校的呢？網上查唔查倒的呢？

作者: scyauchris 時間: 15-1-25 21:01

交乜流，我唔會比我女去！政府簡直不知所謂，D高官仔女不是國際學校，就初中去左外國讀書！咁好，掂解唔去內地升學！

同我女一講返內地，佢立即想起拐子佬，有毒的食物同貪官！今時今日的教育制度要多謝政府，攪到香港的小朋友咁忙！

要講多句一體一藝是費話，特別有學音樂的小朋友，學左唔練就叫培養興趣，叫浪費時間同金錢！

作者: scyauchris 時間: 15-1-25 21:05

還有什麼培養閱讀習慣，更本班細路功課多到無時間看書，唔該有d學校該反省吓，還有有些學校所謂功課堂攞左來教書！

作者: Naturedoo 時間: 15-1-25 21:11

我就係想避免第日個仔要參加d咁嘎交流，想知道有無學校係無d咁嘎姊妹學校嘎。

作者: MASAYA 時間: 15-1-25 23:06

如果遲d全港普教中, 全港內地交流, 冇得揀既話, 點避?

作者: alichan130 時間: 15-1-25 23:13 標題: 引用：如果遲d全港普教中,+全港內地交流,+冇得揀

原帖由 MASAYA 於 15-01-25 發表
如果遲d全港普教中, 全港內地交流, 冇得揀既話, 點避?

請病假囉....

作者: mykate 時間: 15-1-25 23:30 標題: 回覆：關於內地姊妹學校的問題

唔攞回鄉証。
反正我地唔番大陸。

作者: MASAYA 時間: 15-1-26 00:02

alichan130 發表於 15-1-25 23:13
請病假囉....

http://goo.gl/F4aGzq <-- 中大教育學士（中國語文教育）學位，課程需要到北京師範大學修讀普通話並考證書。

http://goo.gl/voTOS2 <-- 六年級音樂科吹笛考試，就硬性學生吹奏《義勇軍進行曲》。經過再三求證之後，校方回應指選取考試範圍以外的歌曲是不獲評分。

呢d請假解決唔到喎

作者: brother4 時間: 15-1-26 00:44 標題: 回覆：關於內地姊妹學校的問題

找D宗教學校，佢地姊妹學校是星加坡/歐州

作者: Naturedoo 時間: 15-1-26 08:43

回覆 MASAYA 的帖子

連吹笛都要吹國歌，簡直仲恐怖過當年我表姐係廣州讀書。。。。。。。。。。
普通話考試一定要上京，呢d分明係睇中港人中意文憑呢個弱點，根本上成個政府早已配合上邊做好曬呢d洗腦工作。。。。。。。

作者: Naturedoo 時間: 15-1-26 08:47

回覆 brother4 的帖子

其實我本人可以接受宗教學校，但我老公接受唔倒，佢驚細路第時入左宗教，一樣係無得返轉頭，唉，總之小朋友讀書都幾頭痕，根本上我就無乜揀擇，而政府更在推波助瀾，搞到我更加無得揀。。。。

作者: mansum92 時間: 15-1-26 09:16 標題: 引用：回覆+MASAYA+的帖子連吹笛都要吹國歌，簡

原帖由 Naturedoo 於 15-01-26 發表
回覆 MASAYA 的帖子

連吹笛都要吹國歌，簡直仲恐怖過當年我表姐係廣州讀書。。。。。。。。。。

有咁驚咩！我老公外籍人工，佢都未聽過有細路唔識唱國歌。另外，我仔學校交流團係去北京/上海，得36個位，而且你可以選唔去。

作者: Naturedoo 時間: 15-1-26 09:41

回覆 mansum92 的帖子

我表姐以前係廣州讀書，從未試過音樂考試一定要唱國歌，因爲佢地每星期一都要升國旗唱國歌，我個point唔係指識唔識唱國歌，我個point係指校方硬性規定你一定要吹，識係一回事，但你規定只能吹國歌先可以pass，敢就係根本上成個規則都被政治化，敢就變味了。就正如爾加d咩姊妹交流學校，政府連呢d都要管埋，根本上就係想將教育都政治化。而加你就話可以選擇去或唔去，過多幾年就可能你連揀都無得揀，你唔上去啊嘛，佢直頭空降一批老師落來“教育”你班學生都夠膽啊。哎。。。

作者: scyauchris 時間: 15-1-26 12:06

講起義勇軍進行曲，我女K3幼稚園教唱，因此佢便在家自彈自唱，結果我忍無可忍丙左佢一鑊！我同講首歌背後是死左好多人，為何國旗是紅色的，因為用好多人民的血換反來！

政府自己有問題，大部份高官大話連編，個位史醫生更funny 話中國政府是人民撰出來。佢地是否打算教導我們子女講大話，品德

決德佢地就識教！

慈母，真係頂佢地唔順！

作者: scyauchris 時間: 15-1-26 12:17

唔去咪唔去交流囉，不打算申請回鄉証，政府係揾我們子女開刀，個教育越改革越差，半日教得切書，反而全日教唔切，還要有功課攞返屋企做。

怪獸家長就無，怪獸政府就有一個！

作者: Naturedoo 時間: 15-1-26 14:34

回覆 scyauchris 的帖子

呃，其實我唔係想做鴕鳥，係根本上未有資格企出來反對d咩咩野，所以雖然我好唔認同，但只能選擇暫避風頭。。。。。。。回返正題，我發呢個post個初衷係想知道多d關於姊妹學校的信息，睇下Net14入邊咩學校會同内地咩學校聯成姊妹學校，如有子女入讀緊知道有關呢方面的信息，請提供比我，等我可以再揀多幾下，又或者大家比出來嘎信息係其實間間學校都有不同程度的姊妹學校，話比我聼根本避無可避的話，敢起碼我可以再選擇下可以避開北方點的學校，因以我對上面的了解，越北方洗腦越嚴重，又或者提前同小朋友打定預防針，等佢唔至於在毫無防備的情況下不知不覺接收倒一d影響佢價值取向的信息。

作者: scyauchris 時間: 15-1-26 16:31

回覆 Naturedoo 的帖子

抱歉，我離左題！可以找教會學校比較安全些，但最好直接問返d家長。另外也要主意老師係課堂如何指引學生。

作者: chanwendy 時間: 15-1-26 17:33

Naturedoo 發表於 15-1-26 09:41
回覆 mansum92 的帖子

我表姐以前係廣州讀書，從未試過音樂考試一定要唱國歌，因爲佢地每星期一都要升國旗 ...

你講緊考牧童笛喎, 我相信大部份學校音樂科考試都一定係全班唱同一首歌, 吹同一首歌去作評分架啦, 咁有咩問題呀, 你始終就係介意指定的那首歌係國歌啫, 如果換作另一首歌, 我相信你唔會咁大反應囉. 你舉的事例就等同作文考試, 全班都要作我的志願, 如果作其他題目就不獲評分, 咁你會唔會覺得咁樣係好離譜好過分的事?
作為中國人, 識唱國家係本份, 如果學校要學生識吹國家, 我唔覺得係過份或者係洗腦的要求.

作者: Naturedoo 時間: 15-1-27 09:07

回覆 chanwendy 的帖子

歌曲有千千萬萬首，點解你一定要指定果首，敢指定果首果個人制定呢條規定果個人係咪就有政治意圖呢？你覺得敢樣唔係洗腦敢你咪buy囉，但我就覺得有問題囉。我覺得内地姊妹學校交流好有問題，敢你都可以覺得無問題嘎，你覺得無問題咪去交流囉，返上去學習下大陸“一日千里”的優秀教育模式囉，我相信政府同學校都會無任歡迎嘎。同樣一件事，各人會有各人唔同睇法，呢d就係叫價值觀。係呢個post我主要想了解咩學校有d咩姊妹學校，純粹搜集資料，至於價值觀方面，仁者見仁智者見智，希望點到爲止。

作者: catiou627 時間: 15-1-27 09:32

本帖最後由 catiou627 於 15-1-27 09:36 編輯

其實唔使咁憂慮, 好似之前有POST講過呢個話題, 當中有留言, 我都應同, 去一次大陸交流, 咁仔女就被洗左腦, 咁個仔女個腦都好有問題, 唔使擔心太多, 而家學校咩都要家長同意兼簽名, 所以你唔同意, 學校迫唔到. 我囡NET 14嘉諾撒, 咩都要家長同意先參加. 學校都無講自已有咩姐妹學校. 不過有咩姐妹學校都無所謂, 無咩幾多交流, 我諗都係得個掛名啫.

作者: MASAYA 時間: 15-1-27 11:18

catiou627 發表於 15-1-27 09:32
其實唔使咁憂慮, 好似之前有POST講過呢個話題, 當中有留言, 我都應同, 去一次大陸交流, 咁仔女就被洗左腦, ...

如果好多野唔同意，咁一開始就唔應該揀呢間學校，一次兩次當然冇問題，不過如果做教育只做一次兩次，無論想教育乜野，都唔會成功，所以先要睇教學方針，因為學校想教既野，絕對唔會得一次兩次，必然係多方面配合
p.s. 呢段字我唔係針對呢個話題，只係想講教育係長期，選校要睇遠d

作者: Naturedoo 時間: 15-1-27 11:24

回覆 catiou627 的帖子

多謝你比嘎信息，其實去内地交流都要睇去做乜囉，有d野係避無可避，有d野則會潛移默化，我相信子女的價值觀最大構建來自于父母，不過學校的氛圍都好重要，呢度好就好在學你話齋，咩都必須父母同意，不過有時父母都會有壓力嘎，比如個個同學都去做咩你唔去，如果你自身無清晰的堅持的觀念，你無法令小朋友自身可以排除對於來自外部環境的疑惑，對小朋友的成長也會有不好的影響。

作者: Naturedoo 時間: 15-1-27 11:27

回覆 MASAYA 的帖子

無錯，其實最希望係揀倒間我能認同教育觀念的學校而佢又能同我個仔夾，呢個先係重點。

作者: torunpoland 時間: 15-1-27 11:43 標題: 回覆：Naturedoo 的帖子

有d野係避無可避，有d野則會潛移默化，我相信子女的價值觀最大構建來自于父母，不過學校的氛圍都好重要--->是，但大家不要忘記｛｛文化大革命｝｝。

作者: scyauchris 時間: 15-1-27 12:53

初小有幾多小朋友可以回家把事情一一講給父母聽，無錯對某部份小朋友真係不易洗腦，佢地會尋根問底！好似老師同佢講左某些事情同媽媽講的有出入，佢會再去深入了解同問其他人。

不過唔多唔少老師同學校有一定影響力，找一間合適的學校和同自己教育觀念差唔多的學校是好重要，唔係大人同小朋友都辛苦。

作者: scyauchris 時間: 15-1-27 12:57

提一提學習一首歌除懂得彈同唱，要知道首歌的作者包括背景及首歌的意義。

作者: scyauchris 時間: 15-1-27 13:12

回覆 Naturedoo 的帖子

net 14 大熱的學校都多人抽，位又唔多！你該睇吓想小朋友適合那類型的學校，之後可以上網望吓間學校d資料，一定睇到d野，另外再問身邊有無朋友的仔女在那間學校就讀。

作者: mansum92 時間: 15-1-27 13:24 標題: 回覆：關於內地姊妹學校的問題

我都唔覺net14北循有姊妹學校，去北京交流行程好似去旅行咁，去博物館，冇去學校上堂

作者: alichan130 時間: 15-1-27 13:42 標題: 引用：唔攞回鄉証。反正我地唔番大陸。 +

原帖由 mykate 於 15-01-25 發表
唔攞回鄉証。
反正我地唔番大陸。

我都冇幫阿仔拿...

作者: scyauchris 時間: 15-1-27 13:53

回覆 mansum92 的帖子

我就是不想阿女變得貪飲貪食，基本上大部份這類交流團是玩玩食食！

作者: Naturedoo 時間: 15-1-27 13:54

回覆 mansum92 的帖子

北京咩博物館？上面d博物館有好多訊息都係為XX服務嘎，呢d野就係潛移默化中的一種喇。其他地方唔敢包，北京，帝都所在，咩都要綫路正確嘎，換言之就係好似新聞聯播敢囉。

作者: Naturedoo 時間: 15-1-27 14:05

回覆 scyauchris 的帖子

呢種亦係潛移默化的一種，大家唔好以爲大陸人天生就係無禮貌啦隨街大小便啦講野聲大大啦，其實呢d野我可以好肯定敢講絕對係49年以後逐漸被教坏嘎，要認真講起來真係一匹布甘長。。。如果唔係，點解同係中國人血統，只有上面d人會甘呢？而唔見台灣人係甘，唔見香港人係甘，甚至師承中國儒家的韓國人日本人東南亞華人。。。

作者: scyauchris 時間: 15-1-27 14:06

我之前提過幼稚園時，阿女自彈自唱國歌，不過我就時常話佢。有日我同佢回家途中，我女同我講要多謝政府，政府好好比飯我地食。我聽完是呆左，立即訓我女話，我話如果爸爸失業，樓都比銀行收反，你估政府會幫你供樓咩。你有飯食是爸爸有工返，政府多謝我地就真，爸爸有份交税養政府！

作者: fufu17 時間: 15-1-27 14:12

請問你女兒讀那間幼稚園

作者: scyauchris 時間: 15-1-27 14:12

去台灣旅行佢用國語對住d台灣人講台灣是中國的，我直頭想找洞躲起！

去d飲飲食食交流團咪大鑊！

作者: scyauchris 時間: 15-1-27 14:48

當然對住台灣人，佢K3完左我帶佢去台灣旅行！佢流利國語，問題佢父母唔係，我係唔知如何反應。

我女是讀普教幼稚園的，不過佢班主任是香港人，我覺得佢自己睇課本唔知自己理解左d乜！我現在是較留意佢宗教及德育堂，課堂是教什麼！

國歌佢私底下問佢私人普通話老師關於背後的意義和作家資料，當然佢有向老師投訴我唔准對住我唱國歌，好彩老師明白事理，佢同我女講世上只有阿媽唔會對你講大話。

今次真係十分理題！

作者: scyauchris 時間: 15-1-27 14:53

小朋友理解的事情，係我地大人完全估唔到的。吃喝玩樂的團最好遠離，課本上的資料都要小心。

作者: MASAYA 時間: 15-1-27 15:01

scyauchris 發表於 15-1-27 14:48
當然對住台灣人，佢K3完左我帶佢去台灣旅行！佢流利國語，問題佢父母唔係，我係唔知如何反應。

我女是讀普 ...

你係阿女讀完幼稚園之後有所體會而改變想法, 定一開始已經反對呢種教學?

作者: Naturedoo 時間: 15-1-27 15:25

回覆 scyauchris 的帖子

完全能明白你的感受，估唔到爾加依度d教育已經變成甘樣，同上面仲有咩分別，再過多幾年恐怕更令人難以放心。唯有靠自己啦，多d同小朋友溝通，提前同佢打定預防針，揀學校更加要小心，哎。。。。

作者: autumnx3x 時間: 15-1-27 15:29

提示: 作者被禁止或刪除內容自動屏蔽

作者: scyauchris 時間: 15-1-27 15:36

回覆 MASAYA 的帖子

我媽媽是經歷過文化大革命的，所以我由細到大都聽過唔少野！
最記得推出國教，那年我女是K2, 我有參加遊行的。不過我唔會同佢傾關於政治方面的事情，幼稚園講左佢都未必理解，特別是六四對佢有一定心理恐慌！不過有次經過時代，近六四佢見到d相片問我，我迫住簡單講左少少，不過我女是會有機會會同佢的私人老師查證。

國歌不是不准佢唱，不過不是不停唱！忍唔住才丙佢，當然佢要我比理由佢。我不樓不主張太快同小朋友傾政治上問題，不過佢太快問我，我才答佢。

作者: scyauchris 時間: 15-1-27 16:11

回覆 Naturedoo 的帖子

預防針我今年幫佢打左好多，差d攪到佢精神分裂，你知班小朋友幾respect消房員，郵差，……。

作者: MASAYA 時間: 15-1-27 16:25

scyauchris 發表於 15-1-27 16:11
回覆 Naturedoo 的帖子

預防針我今年幫佢打左好多，差d攪到佢精神分裂，你知班小朋友幾respect消房員，郵 ...

已經唔係預防針，係事後針

社會上太多是非，所以我地從小就教佢分辨是非，唔係電視新聞話係就係，無論邊個立場既新聞都會有偏頗，所以要識得同一件事搵唔同既新聞源去分析，當然，細個唔識自己搵，都係父母同佢講

我目標係佢大個識得自己諗，唔好人云亦云，連父母都未必一定正確，又或者話好多事冇絕對正確，因為我父母都係咁教我

我識有d父母所謂獨立思考係指子女唔受朋輩或傳媒影響，而跟自己既諗法一致，我唔認為咁樣係獨立思考

作者: scyauchris 時間: 15-1-27 16:32

回覆 MASAYA 的帖子

就是太中立的看法，咪攪到佢精神分裂！我都唔記得我整哭佢幾多次，新聞簡直兒童不易！睇完佢就有十萬個為什麼。

作者: MASAYA 時間: 15-1-27 16:37

scyauchris 發表於 15-1-27 16:32
回覆 MASAYA 的帖子

就是太中立的看法，咪攪到佢精神分裂！我都唔記得我整哭佢幾多次，新聞簡直兒童不易！ ...

唔係中立，而家冇中立，只有抽離或深入，就算同自己立場一致，都要知道件事有冇誤傳或造假，如果確認係事實可以更堅定自己立場，小朋友而家細個當然唔適合帶佢地睇得太深入啦，但基本辨別是非要識囉
p.s. 我都覺越黎越離題...

作者: Naturedoo 時間: 15-1-27 16:40

回覆 scyauchris 的帖子

請問你女女而加幾嵗？聼你描述，我覺得佢已經開始識思考識唸好多野啦，而且仲有少少處於反叛期，你要小心引導先好，引導之餘係咪要注意下親子關係，關係唔好你講咩佢都會逆向思維，甘你講嘎野佢反而唔會接受。

作者: scyauchris 時間: 15-1-27 20:24

回覆 Naturedoo 的帖子

我女剛剛8歲啦，唔理佢咁多學業上d野，關係會好好多。現在d細路其實好多思想，好有自己想法的！

作者: chanwendy 時間: 15-1-28 10:16

scyauchris 發表於 15-1-27 14:06
我之前提過幼稚園時，阿女自彈自唱國歌，不過我就時常話佢。有日我同佢回家途中，我女同我講要多謝政府，政 ...

接近的思想我女都講過好多次, 但主角唔係政府, 而係神, 佢都開口埋口話咩都要感謝神, 樣樣都係神賜的. 基督教都一樣好洗腦.

作者: little_yolky 時間: 15-1-28 10:40

MASAYA 發表於 15-1-26 00:02
http://goo.gl/F4aGzq

我覺得攞得中國passport既人, 都應該識唱國歌。我囡囡學校考試要考唱歌, 可揀音樂書入面既歌仔, 入面明明有國歌, 我問可唔可以唱國歌考試, 但老師唔俾揀, 要揀入面既兒歌。

作者: MASAYA 時間: 15-1-28 10:45

little_yolky 發表於 15-1-28 10:40
我覺得攞得中國passport既人, 都應該識唱國歌。我囡囡學校考試要考唱歌, 可揀音樂書入面既歌仔, 入面明明有 ...

係既，同有阿媽要識唱世上只有媽媽好同有生日都要識唱生日快樂一樣

作者: little_yolky 時間: 15-1-28 10:49

Naturedoo 發表於 15-1-27 13:54
回覆 mansum92 的帖子

北京咩博物館？上面d博物館有好多訊息都係為XX服務嘎，呢d野就係潛移默化中的一種喇 ...

唔好意思, 請問你有無真係參觀過中國國家博物館同故宮博物館? 中國既省級博物館做得好唔錯的, 而且, 政治係無乜干預古代歷史學術研究的。中國既歷史教科書雖然印刷唔精美, 但內容比香港的要好好多, 都係引用最新既研究資料, 好update。

作者: little_yolky 時間: 15-1-28 11:12

scyauchris 發表於 15-1-27 13:53
回覆 mansum92 的帖子

我就是不想阿女變得貪飲貪食，基本上大部份這類交流團是玩玩食食！ ...

唔係玩玩食食團啦, 要present的。好似我哋學校, 前年去星加坡, 學習環保; 舊年去西安, 學習中國古文化。不過, 我同老公都一致認為去中國學習古文化就一定唔會俾佢去, 因為我哋自己講解會好過啲導遊。不過, 如果無咁既背景既父母, 都係好值得去學習既。

作者: scyauchris 時間: 15-1-28 11:15

回覆 chanwendy 的帖子

關於你講神即天主，我女女半年前亦有提過天主已安排了一齊。我同佢講是對的，天主安排有A, B, C, D…的路比你，每條路都有分支，你每決定行那一條路個結果會唔同，即你將來條路是自己行出來。我叫佢不要把責任推給人，路是自己行出來。

作者: Naturedoo 時間: 15-1-28 11:37

回覆 chanwendy 的帖子

無錯，我老公都怕教會呢樣野，而且入左會的話更加難退出來。係咪甘嘎？

作者: scyauchris 時間: 15-1-28 11:37

回覆 little_yolky 的帖子

我同意你睇法，中國古代文化是值得看，但我對大部份交流團有所保留包括其她外國交流團。加上阿梁先生話一定要去，我就更加反感！
國歌佢這代是要懂唱，不過個細路行街又唱，返到屋企又唱，連彈琴都要彈，是否有些過火呢？

作者: scyauchris 時間: 15-1-28 11:45

其實好多野是看我們大人如何指引小朋友，佢地從書本上學到唔同的知識包括上綱，身邊所見的事物同接觸的人，佢地想法有時我地都估唔到。我地多些同佢地傾計，可以更加了解都佢地想法。

作者: little_yolky 時間: 15-1-28 11:53

scyauchris 發表於 15-1-28 11:15
回覆 chanwendy 的帖子

關於你講神即天主，我女女半年前亦有提過天主已安排了一齊。我同佢講是對的，天主 ...

事實亦是如此。

作者: Naturedoo 時間: 15-1-28 11:56

回覆 little_yolky 的帖子

我只能講，根本上上面的歷史教育從頭到尾都係根據馬克思主義的歷史觀編的，所有事件都從階級性講起，硬性將古代社會分爲原始社會奴隸社會封建社會，而這些東西係會潛移默化在博物館展示出來的，你咪以爲去博物館就係睇文物敢簡單，文物背後的來歷説明諸如此類都可以人爲製造，而呢d所謂研究無論點自由根本上係唔可以跳出以上說的馬克思歷史觀的框框，所以會有好多似是而非的東西夾雜在裡面。即使如你所說，爾加的學術研究比較自由都不過係因爲政府目前暫時忽略左呢方面的禁錮，但班學者本身就係受紅色教育，佢地個思維框框永遠跳唔出我上面所講的局限，所以話唔會受影響係假的，有對比先有真相。

作者: little_yolky 時間: 15-1-28 11:58

scyauchris 發表於 15-1-28 11:37
回覆 little_yolky 的帖子

我同意你睇法，中國古代文化是值得看，但我對大部份交流團有所保留包括其她外國 ...

那是因為佢剛剛學, 喜歡而已。國歌的旋律都好聽, 所以佢鐘意就唱, 都無乜問題。佢唔鐘意, 你迫佢都唔會唱。老實講, 有D國家國歌好似死氣唔斷咁, 真係聽到都唔開胃, 好彩中國國歌夠勁, 唱出嚟似番首國歌。佢咁細個你鬧佢做乜鬼, 鬧完佢都唔知點解俾人鬧, 仲覺得阿媽無理取鬧就仲大鑊添。唱得一排學咗另一首好聽歌, 你想佢唱番轉頭都難, 中國學校日日升旗, 你問下D大陸細路有幾多個愛國? 佢哋好聰明, 老師問佢就識官腔咁答, 私底下睬你都儍, 年青人好有思想的。

作者: little_yolky 時間: 15-1-28 12:57

Naturedoo 發表於 15-1-28 11:56
回覆 little_yolky 的帖子

我只能講，根本上上面的歷史教育從頭到尾都係根據馬克思主義的歷史觀編的，所有 ...

首先, 馬克斯係偉大既學者, 佢既學說响好多古代社會, 尤其係文明既社會(例如中國)都係根據呢個法則演變, 你唔能夠話因為共產黨用馬克斯主義, 所以馬克斯學說就唔啱, 咁樣對馬克斯既研究唔公平。
至於你所講既學術研究以馬克斯主義為框架, 响六、七十年代係好普遍, 但係改革開放後已經見唔到。學術界領導層開會時仍然要用什麼什麼思想, 因為開高層會時有書記在, 但返到研究崗位, 佢哋係好清晰只進行學術研究, 因為學術研究用自己個名, 佢哋都要去國外交流, 研究唔掂都整臭自己個名。文科如此, 理科我相信會更科學客觀。

依家省級市級博物館既古代史展覽或專題展, 內容純綷學術介紹, 至於XXX主義偉大既言論, 响現代史果part就見到, 因為現代史涉及政治既課題會好多。我唔同意國內學者受紅色教育所以思想受影響既講法, 尤其係研究古代史既學者, 完全同現代政治沾不上邊。

作者: catiou627 時間: 15-2-5 12:31

Naturedoo 發表於 15-1-28 11:37
回覆 chanwendy 的帖子

無錯，我老公都怕教會呢樣野，而且入左會的話更加難退出來。係咪甘嘎？

我囡讀天主教, 本身老公佛教, 個囡都開始祈禱, 老公一開始都有不滿, 但我講, 你比得佢入去讀, 就要比宗教自由佢, 唔係佢點繼續讀落去, 跟住老公以後收聲. 當初都係因為間小學校風好, 又有聯係中學, 所以揀. 我囡暫時都係無入教會的, 我叫佢將來大個, 真係信, 才自已撰揀. 不過我都提醒個囡: "爸爸有自已信仰, 不要叫他跟你一起祈禱. 帶你去教會."

作者: MASAYA 時間: 15-2-5 12:40

catiou627 發表於 15-2-5 12:31
我囡讀天主教, 本身老公佛教, 個囡都開始祈禱, 老公一開始都有不滿, 但我講, 你比得佢入去讀, 就要比宗教自 ...

係，畀得佢讀就要畀佢有宗教自由，你係一個開明媽媽

我女讀幼稚園時日日祈禱，結果我畀佢感染，之後一齊返教會

歡迎光臨教育王國 (/)