教育王國

標題: trouble 2特徵定有自閉傾向？ [打印本頁]

作者: cherimama 時間: 15-1-18 09:34 標題: trouble 2特徵定有自閉傾向？

我仔2歲半，歲幾番playgroup 0個陣留，老師要求舉手點名，佢第1堂都肯做，之後完全唔肯，扶佢手舉埋都同我鬥力唔舉。

由歲幾到宜家，老師話一齊跳舞，我仔會黑面，企0係度…正式番學都係咁，老師0係評估表話佢唔肯跟老師跳舞。上星期學校運動會比賽，叫佢跟爸爸一齊跑，唔同其他人跑好地地，一有其他同學仔0係跑線上面又情緒病發作，唔跑，企0係度，黑面。

同埋番學有無邊個同學仔係佢朋友，佢答我無…其他同學仔見到佢叫佢好熱情，但佢會唔so人，有時仲黑面

我昨晚睇大家0既post話有自閉傾向鍾意0既野都好狹窄，對文字同數字比較敏感，我仔係最鍾意英文字母同數字，例如玩puzzle, 動物puzzle玩都無玩，買左字母puzzle之後就係咁玩，仲要求我買數字puzzle,其他公仔唔要…佢連玩lego都係砌A B C 同 1 2 3的

大家覺得其實我仔係咪trouble 2 情緒病發作定有少少自閉傾向?

作者: joefish 時間: 15-1-29 22:16 標題: 回覆：cherimama 的帖子

如果有擔心,試下問下老師意見,打去健康院叫姑娘跟進下

作者: cherimama 時間: 15-1-31 00:13 標題: 引用：如果有擔心,試下問下老師意見,打去健康院叫

原帖由 joefish 於 15-01-29 發表
如果有擔心,試下問下老師意見,打去健康院叫姑娘跟進下

Thanks, 我問左老師啦
佢話佢講野同老師有眼神接觸，唔係自閉

作者: cherimama 時間: 15-1-31 00:14 標題: 回覆：trouble 2特徵定有自閉傾向？

不過我就擔心佢社交問題
問佢有無好朋友，好快話「無」
一係就話佢好朋友係爸爸

作者: joefish 時間: 15-1-31 02:45 標題: 回覆：cherimama 的帖子

甘細個小朋友未必識社交,有好朋友

作者: cherimama 時間: 15-1-31 11:51 標題: 引用：甘細個小朋友未必識社交,有好朋友 +

原帖由 joefish 於 15-01-31 發表
甘細個小朋友未必識社交,有好朋友

老師話我仔同小朋友玩唔識用力，叫我留意下，要教好佢，如果唔係影響佢將來社交

作者: joefish 時間: 15-1-31 19:27 標題: 回覆：cherimama 的帖子

我個女都係甘,好易推人,或者好肉緊攬住人,搞到嚇親人,其實佢想同人玩

歡迎光臨教育王國 (/)