教育王國
標題: 究竟應該點教? [打印本頁]
作者: ivychan5252 時間: 15-1-17 09:56 標題: 究竟應該點教?
我仔今年 3.5歲, 讀 k1, 佢係幼稚園識左個小朋友, 兩個小朋友都當對方係好朋友, 本來是一件好事, 但這星期老師話我知, 佢地兩個係學校成日糖痴豆, 集團活動時兩個一痴埋就聽唔到老師講野, 又成日兩個掛住傾計, 仲試過比老師罰企添, 我有問老師佢上堂專唔專心, 老師話因為上堂係分開佢地, 所以算是專心, 我同老公都已經不停同我仔講, 你同佢玩可以係放學後, 但返學時間就唔可以咁樣, 一定要聽老師話, 如是者一星期過去, 係屋企都答我地"好好好", 但回到校咪又忘記哂我地既說話, 我真係好嬲, 我昨天忍唔住打左佢手掌幾下, 話佢知媽媽有幾嬲幾唔開心, 因為老師話佢玩開左個心, 好難專心喎, 下學期會試下同佢地分組
我講道理試過, 打又試過, 但都無咩成效, 我應該點做好呀?
身邊朋友有 d 就話佢只係 3.5歲, 仲要小朋友, 係咁架啦, 有 d 就話依家唔教好, 上到 k2, k3 仲有咁心散就唔得架啦, 亦有朋友叫我轉校添 .... 我真係好煩惱呀!~
作者: picture 時間: 15-1-17 14:23 標題: 引用：我仔今年+3.5歲,+讀+k1,+佢係幼稚園識左個
原帖由 ivychan5252 於 15-01-17 發表
我仔今年 3.5歲, 讀 k1, 佢係幼稚園識左個小朋友, 兩個小朋友都當對方係好朋友, 本來是一件好事, 但這星期 ...
作者: picture 時間: 15-1-17 14:26 標題: 引用：Quote:原帖由+ivychan5252+於+15-01-17+發
原帖由 picture 於 15-01-17 發表
這不應該是父母負責處理的問題喎！課堂上的秩序是老師的責任。個老師不能只向家長投訴而自己不想辦法解決。 ...
作者: 964000 時間: 15-1-17 14:42 標題: 回覆：究竟應該點教?
其實老師將佢地分番組玩咪得囉。
咁細個自制能力一定差D，慢慢教啦，最緊要自己𣎴要失控
作者: bigboyenzo 時間: 15-1-20 18:32
提示: 作者被禁止或刪除 內容自動屏蔽
作者: 宏心 時間: 15-1-25 16:12
提示: 作者被禁止或刪除 內容自動屏蔽
作者: tuelovefei 時間: 15-1-26 00:17 標題: 回覆：ivychan5252 的帖子
好小事唔需打佢呀，整件事都無問題，你咁做只會搞到佢唔開心唔想返學！k1自制能力有限，老師應該要分開他們才對，而不是把責任推落家長身上，我覺得你可以繼續哦個仔而唔係用打來解決問題！
作者: bonmom 時間: 15-1-26 09:20
打係解決唔到問題,而且呢D係老師管理課堂問題,關家長咩事? 俾我實問番老師轉頭,你有無advice俾我? 咁細個小朋友,玩開阿媽姓咩都唔記得啦。
最多家長在家同小朋友玩role play,從中讓他明白課堂上要專心,和婉拒同學仔的技巧,每日放學同佢傾下,用問題引導,慢慢教。千析唔好再打佢喇,搞到佢怕左返學仲大件事。
作者: ChunChunLeeLee 時間: 15-1-27 07:19
個老師問題啵，呢個應該係佢管理課堂能力既問題！唔關你仔仔事
作者: ivychan5252 時間: 15-2-16 09:40
其實我仔係學校有好朋友, 我的確開心架, 同埋我留意左佢地一般日子, 而我亦有同呢個好朋友的媽媽傾計, 發覺佢地兩個小朋友係雙向對待對方, 所以我亦沒有阻止我仔同佢成為好朋友, 而我答應佢比佢地放學之後玩, 我有對現承諾架, 每日都會帶佢喜歡的食物接學校, 依家要每份 x 2, 因為我仔想同佢好朋友 share .....
小朋友的確係一張白紙, 我依家不斷同佢講, 上堂就要專心, 要玩就放學先玩啦, 慢慢地, 佢依家在校表現都 ok 番啦, 我都無咁擔心 ......
作者: lym718 時間: 15-2-16 12:31
我都覺得個老師處理麻麻地... 老師有冇同你講佢地上堂傾乜？
同埋你同小朋友講上堂要專心，其實佢唔明咩叫「專心」架
作者: ivychan5252 時間: 15-2-16 16:00
其實我覺得老師太新, 無咩經驗的老師, 佢愛心係有, 但始終經驗少, 有時我想老師比 d 意見我但無 lor ....
作者: vpo0615 時間: 15-2-17 12:16
第日升咗班仲會唔會同一個老師?
作者: ivychan5252 時間: 15-2-23 15:22
回覆 vpo0615 的帖子
升上 k2 就會轉老師, 不會同一個老師架
| 歡迎光臨 教育王國 (/) |
Powered by Discuz! X1.5 |