教育王國

標題: 自行時，中學係咪鍾意收他區學生？ [打印本頁]

作者: choichoibb 時間: 15-1-13 20:45 標題: 自行時，中學係咪鍾意收他區學生？

有一講法，自行時D中學比較鍾意吸納外區學生，因為覺得如果係本區，隨時都會抽到入去！咁如果揀自行時一間本區，一間他區係咪較有勝算？

作者: 小吉媽媽 時間: 15-1-14 11:45

學校應該有列明收生標準，例如學業成績（即次第），面試表現，操行及其他方面等，邊個學生優勝就收邊個，話之佢乜區，各位高人，有錯請指正。

作者: 王家爸爸 時間: 15-1-14 12:02

choichoibb 發表於 15-1-13 20:45
有一講法，自行時D中學比較鍾意吸納外區學生，因為覺得如果係本區，隨時都會抽到入去！咁如果揀自行時一間 ...

有趣的講法，但應該是錯誤的。因為今年係影相年，自行時D中學比較鍾意吸納成績好既學生。
當然，如果學校想降 banding 除外。

作者: @@ 時間: 15-1-14 12:30 標題: 回覆：自行時，中學係咪鍾意收他區學生？

個人認為自行階段學校一般會以成績為主 (logical speaking, 有得揀我會揀成績好嘅學生 :) ).

作者: sum-yan 時間: 15-1-14 12:33

自行是比D中學選擇收學業成績及操行突出既學生，最大得著是除了本區還可以從他區吸納優等生。

作者: KT0603 時間: 15-1-14 16:19 標題: 回覆：自行時，中學係咪鍾意收他區學生？

提示: 作者被禁止或刪除內容自動屏蔽

作者: goodenough 時間: 15-1-14 18:43

本區是否有優勢，某程度上都要看本區的整體程度。次第排名其中一個好主要的因素就是學校的調整分，只要學校的整體成績高，同學在PreS1的平均成績都會偏高，而調整分就會自然較高。如果本區的程度偏低，同學的排名次第就會偏後，容易被忽略。

相反對於強區的同學，由於能容易取得次第的有利位置，所以形成一錯覺好像較受其他區的歡迎。

總括來說，學校都係傾向於次第的排列，只要成績好，機會都係較大。強區強校的同學去到邊都係屬受歡迎的一類，那要看中學身處那一個校區了！

作者: WATHT 時間: 15-1-15 10:22 標題: 引用：Quote:choichoibb+發表於+15-1-13+20:45+有

原帖由 王家爸爸 於 15-01-14 發表
有趣的講法，但應該是錯誤的。因為今年係影相年，自行時D中學比較鍾意吸納成績好既學生。
當然，如果學校 ...

影相年，點解？

作者: 王家爸爸 時間: 15-1-15 10:28

WATHT 發表於 15-1-15 10:22
影相年，點解？

影相年是指教育局將用今年中學的收生 Banding 來檢討中學的 Banding。收不夠B1生，中學可能會被降級，從英中降級成為中中。

歡迎光臨教育王國 (/)