教育王國

標題: 應該退學PN改返PG嗎？ [打印本頁]

作者: mansze1019 時間: 15-1-12 00:41 標題: 應該退學PN改返PG嗎？

阿仔係細b,啱啱1月開始返PN，但佢返左幾日，除左我陪佢上堂嗰日，日日都喊足一個鐘(見其他小朋友喊，自己就喊，但佢就收唔到聲)，學校就見佢喊到差唔多一個鐘就要佢走。佢自己都知喊就走得，仲要第4日就唔肯入學校門口，又話唔上堂，其他小朋友喊，驚驚，見佢返左成個星期，又唔開心，又好似好抗拒間學校，仲要病左，我係咪應該同佢返pg，等佢唔好抗拒學校生活先呢？

作者: Ladyyaya 時間: 15-1-12 08:28 標題: 回覆：mansze1019 的帖子

如家有人睇倒小朋友，駛乜咁早逼佢，大個有排佢讀

作者: newmum2012 時間: 15-1-12 08:54 標題: 回覆：應該退學PN改返PG嗎？

再俾d時間佢適應吓啦，我朋友個B喊咗成個月呀！

作者: HauMiranda 時間: 15-1-12 10:51 標題: 引用：阿仔係細b,啱啱1月開始返PN，但佢返左幾日

原帖由 mansze1019 於 15-01-12 發表
阿仔係細b,啱啱1月開始返PN，但佢返左幾日，除左我陪佢上堂嗰日，日日都喊足一個鐘(見其他小朋友喊，自己就 ...

你覺得間學校有冇愛心去照顧你既小朋友？如果有，我覺得你可以繼續俾小朋友番，但可能要做多啲功夫，同小朋友講下番學幾開心，其實小朋友會好快適應，亦都要學習獨立。我朋友既小朋友當年又係兩歲番學，喊到嘔，但慢慢最後都適應左。但如果學校唔係咁supportive, 咁就退學啦。

作者: vpo0615 時間: 15-1-12 11:19

返PN係為咗K1鋪路(例如可直升K1), PG代替唔到.

作者: kittymilo 時間: 15-1-12 12:13 標題: 回覆：應該退學PN改返PG嗎？

佢哋要慢慢適應，有人喊兩個月都有，但我想知點解喊成個鐘學校就叫人走？如果個個都喊，叫晒佢地返屋企，咁叫適應嗎？咁人哋返全日班嘅唔洗返喇

以上只係我個人意見

作者: hoihoima 時間: 15-1-12 13:05

mansze1019 發表於 15-1-12 00:41
阿仔係細b,啱啱1月開始返PN，但佢返左幾日，除左我陪佢上堂嗰日，日日都喊足一個鐘(見其他小朋友喊，自己就 ...

學校唔應該叫小朋友走！可能小朋友過一排就會適應，未必要這麼快放棄！我孩子都是2歲讀PN，都喊了幾天，然後就很開心了。

作者: picture 時間: 15-1-12 15:01 標題: 引用：佢哋要慢慢適應，有人喊兩個月都有，但我想

原帖由 kittymilo 於 15-01-12 發表
佢哋要慢慢適應，有人喊兩個月都有，但我想知點解喊成個鐘學校就叫人走？如果個個都喊，叫晒佢地返屋企，咁 ...

Agree. 處理哭的小孩是老師份內事……叫佢返屋企咁不負責任？

作者: vpo0615 時間: 15-1-12 15:07

最初嗰幾日喊得犀利, 老師叫家長接返屋企係唔想小朋友怕咗返學. 不過幼稚園確實要俾多D耐性.

作者: andyan324 時間: 15-1-12 15:44 標題: 引用：佢哋要慢慢適應，有人喊兩個月都有，但我想

原帖由 kittymilo 於 15-01-12 發表
佢哋要慢慢適應，有人喊兩個月都有，但我想知點解喊成個鐘學校就叫人走？如果個個都喊，叫晒佢地返屋企，咁 ...

喊好正常，加上你1月b剛2歲喳喎

作者: piggymonkey 時間: 15-1-12 16:45

回覆 mansze1019 的帖子

你覺得你小朋友特登用喊嚟要脅唔洗返學嗎?
其實老師見佢喊, 係咪會隔離佢, 揾D 校工or 助教同佢玩下傾下計, 等佢分散注意力, 習慣咗學校先叫返佢同其他小朋友一齊上堂?

作者: konew720 時間: 15-1-12 17:49

請問間學校係新校?如果有經驗既學校唔會咁安排。
如果我係個小朋友，知道喊一個鐘就有得走，我會喊到K3畢業，學校咁樣做法只會拉長個適應期。

作者: mansze1019 時間: 15-1-13 00:23

嗰間係油塘既mills，都算新校。我俾阿仔讀係因為想佢同其他小朋友一齊玩，希望佢開心。因為K1都唔會讀呢間學校。我要返工，收工又唔定時，想婆婆可以唔洗咁辛苦，所以諗住貴啲都俾佢讀(要6k一個月，因為細龍b，一般學校都唔收佢apply pn份form)。因為雖然有姐姐，但佢只會做家務，完全照顧唔到阿仔。而家見婆婆又辛苦又唔開心，阿仔又唔開心，自己都好唔開心同大壓力，因為我一個決定攪到大家都唔開心。我明白阿仔要時間適應，但就咁由佢喊一個鐘就要家長接走既安排令我覺得阿仔更難適應，因為佢返左2日就知喊就可打俾媽媽接走佢。而我又冇咩辦法可以解決到呢個問題

作者: mansze1019 時間: 15-1-13 00:42

見到阿仔喊到第4日連學校門口都唔肯入，我就真係唔知點好，今日搵過校長，佢就叫我唔好同阿仔提學校，拎玩具俾佢帶返學，希望照做情況有好轉。阿仔平時好小喊，最多話自己喊，希望有人就佢，氹佢。返學一星期，已捱病了，所以呢2日唔返學，希望令佢唔記得會唔開心既野，適應到學校生活

作者: kittymilo 時間: 15-1-13 02:10 標題: 引用：嗰間係油塘既mills，都算新校。我俾阿仔讀

原帖由 mansze1019 於 15-01-13 發表
嗰間係油塘既mills，都算新校。我俾阿仔讀係因為想佢同其他小朋友一齊玩，希望佢開心。因為K1都唔會讀呢間 ...

嚟個係學校處理方法問題出錯，試問如果一個全日班，父母都要返工，一個電話打嚟話因為喊得耐要家長接走，要你妥協，你會唔會放低晒所有工作返去接小朋友？就算有工人、婆婆照顧都係咁話，學校係應該同小朋友共同渡過適應期。

作者: Cherry7443 時間: 15-1-13 04:41 標題: 回覆：應該退學PN改返PG嗎？

我覺得間學校處理有問題！我個囡都有返PN，開頭都有喊，其實返兩歲班小朋友喊好正常！學校不單只唔會叫我接走佢，仲叫媽咪要好拒絕咁樣放低小朋友就要即刻走，佢地話要決絕d小朋友先至會適應返學嘅生活，知道喊係冇用，咁就唔會再喊！我個囡返咗一個星期已經完全無喊，每日開心去返學，我覺得學校處理得好好，好有經驗！

作者: readymama 時間: 15-1-13 08:46

回覆 mansze1019 的帖子

其實好奇怪點解學校因為小朋友喊一粒鐘就叫家長帶走。係學校本身唔夠supportive 同有問題去handle 呢d case. 我姪女都係pn 喊足成個學年，但佢都無話要被人提早送番屋企。佢現K1 去左間好嚴的學校，學校都叫家長不用擔心佢地亦唔會daily update因完全獨立from parents. 姪女都係番學喊放學好開心。

作者: 米里奧 時間: 15-1-13 08:56 標題: 回覆：應該退學PN改返PG嗎？

我小朋友又係今個月返2歲學前班上午班,頭兩日無事,第三日開始就喊啦…我都好唔開心,不過送到學校門口就要決絕啲講拜拜轉身走,好彩學校老師都有經驗有愛心,所以我都放心交比學校

作者: vpo0615 時間: 15-1-13 11:04

我個朋友上年囡囡上PN, 開頭喊, 學校叫我朋友即刻接佢走, 當時我朋友係返緊工(office hour), 無計, 都要即刻鬆人.

作者: jlbb1 時間: 15-1-13 11:30

提示: 作者被禁止或刪除內容自動屏蔽

作者: konew720 時間: 15-1-13 16:35 標題: 引用：見到阿仔喊到第4日連學校門口都唔肯入，我

原帖由 mansze1019 於 15-01-13 發表
見到阿仔喊到第4日連學校門口都唔肯入，我就真係唔知點好，今日搵過校長，佢就叫我唔好同阿仔提學校，拎玩 ...

有冇搞錯，仲叫家長唔好提學校？
其實家長應該不停同小朋友洗腦話要返學，返學好多野玩，俾心理準備小朋友。
我細囡返playgroup咪又係自己入去，好多新黎既家長見個小朋友喊左半個鐘都要求入課室，但老師都建議咁樣對小朋友仲唔好，大部分小朋友2-3堂之後咪又玩得好開心。你果間究竟係咪學校？

作者: 964000 時間: 15-1-13 17:10 標題: 引用：阿仔係細b,啱啱1月開始返PN，但佢返左幾日

原帖由 mansze1019 於 15-01-12 發表
阿仔係細b,啱啱1月開始返PN，但佢返左幾日，除左我陪佢上堂嗰日，日日都喊足一個鐘(見其他小朋友喊，自己就 ...

其實細B咁早分離，是否真的有需要呢？兩歲野都未講好，真係好細個。如果覺得無聊，不如叫工人帶佢去樓下playgroup，等老人家休息下。

作者: mansze1019 時間: 15-1-13 20:30

我地冇request陪佢上堂，在學校附近等，學校打黎叫我地接佢就立即返去。請問如果過半個鐘都未返到學校，一般情況，學校會唔會打俾家長架?因為阿仔仲病緊，我今日有會開，過左鐘先打返去，但佢地都未打俾我，請問係咪通常學校都係咁架?因為我有啲同事話我阿仔學校好似冇咩愛心，淨係為左搵錢。
我自己唔係有錢人，只係同一般媽咪一樣，希望在環境許可下俾到最適合阿仔成長既野佢。如果佢真係抗拒得好厲害，試多2星期都work out唔到，我都諗住同佢退學，問左學校就算退學，2月1號前notice 佢地就得，反正學費都要交到2月尾。唔想影響佢對返學既睇法，因為佢對啲事好似影証件相同睇醫生有陰影，成年幾都仲記得同抗拒

作者: konew720 時間: 15-1-14 00:40 標題: 引用：我地冇request陪佢上堂，在學校附近等，學

原帖由 mansze1019 於 15-01-13 發表
我地冇request陪佢上堂，在學校附近等，學校打黎叫我地接佢就立即返去。請問如果過半個鐘都未返到學校，一 ...

根本成件事就錯晒。
你個仔第一次返學喊好正常，喊1-2星期都ok，同埋好多小朋友係門口喊到死咁滯，其實一入門口已唔喊，只係喊俾屋企人睇。
但學校處理得好差，佢咁處理，相信你個仔會喊超過一個月。如果我係你，我會退學，因為呢間唔係一間學校。正常學校唔會因為小朋友喊一個鐘就叫家長黎接走，亦唔會叫家長唔好同小朋友提返學。
另外如果小朋友無返學，大部份學校唔會打俾家長問，因為呢個係家長責任去通知學校。

作者: belgiumchoco 時間: 15-1-14 18:20 標題: 回覆：應該退學PN改返PG嗎？

其實太細啦，剛2歲，我會選擇9月先返。

作者: picture 時間: 15-1-19 09:02 標題: 引用：Quote:原帖由+mansze1019+於+15-01-13+發表

原帖由 konew720 於 15-01-14 發表
根本成件事就錯晒。
你個仔第一次返學喊好正常，喊1-2星期都ok，同埋好多小朋友係門口喊到死咁滯，其實一入 ...

I agree. 間學校都唔識處理。

我個女當年PN大吵大鬥，除哭，不合作，故意搗亂，唔睬老師，不肯食、飲、痾，玩足老師，嬸嬸三個月，我一個投訴電話都冇收過！

老師只在每日接送時講話佢嗰日有乜新花招然後加句:「放心mummy, 我地會搞得掂！唔好鬧佢。」

佢D搗亂祥情，我三個月後家長會至知。原來佢曳到抗議食茶點，將食物同水倒到老師一身都係。

我當時超embarassed, 但那3個老師真的非常好和敬業，勁感激。個女過左聖誕真係成個乖哂，更敬爱老師。成件事我睇到老師的耐性和愛心。我更明白點解學校將那3個咁experienced 的老師放在P N 而不是K3

作者: vpo0615 時間: 15-1-19 11:51

可能真係有D幼稚園唔想花咁多精神同時間去處理喊嘅小朋友??

作者: twk005 時間: 15-1-19 13:11 標題: 回覆：應該退學PN改返PG嗎？

我嗰個開頭由返學喊到放學，我喊都有幾個星期，佢上堂試過將杯水倒哂，蘋果吐哂，又扯老師頭髮，學校都無打過比我，係我個b自己講返，而且，我都發覺，近聖誕左右，佢成個乖哂，合群左

作者: 964000 時間: 15-1-19 17:16 標題: 引用：Quote:原帖由+konew720+於+15-01-14+發表根

原帖由 picture 於 15-01-19 發表
I agree. 間學校都唔識處理。

我個女當年PN大吵大鬥，除哭，不合作，故意搗亂，唔睬老師，不肯食、飲、痾 ...

請問你邊間學校，可以pm我嗎？我都覺得老師愛心比學術更重要

作者: picture 時間: 15-1-19 19:28 標題: 引用：Quote:原帖由+picture+於+15-01-19+發表I+a

原帖由 964000 於 15-01-19 發表
請問你邊間學校，可以pm我嗎？我都覺得老師愛心比學術更重要

有多間分校，行IB個間。又有間关連playgroup. 我唔敢講所有老師都咁professional. 但係我當年的老師trio 真是幫我很多。

作者: zone2009 時間: 15-1-22 10:45

老師無經驗加無愛心係應該退學, 唔好讓小朋友有上學陰影. 我仔係細仔, N 時校長老師都好, 喊左4日就OK. 但原校上左K, 轉左校長,老師一切唔同哂, 我仔唔鐘意返學, 有情緒, 退左學轉校不到一個星期正常返, 開心哂...依家唔會話唔返學.

歡迎光臨教育王國 (/)