教育王國

標題: 囝囝將讀全日班，返到fulltime工嗎? [打印本頁]

作者: OsansanO 時間: 15-1-10 00:47 標題: 囝囝將讀全日班，返到fulltime工嗎?

自己本身冇咩學曆，只有飲食業經驗，可以有咩長工可以配合到囝囝返全日班?又唔想囝囝遲放學，要延遲到夜晚湊佢，我覺得返學咁長時間已經好慘，重要咁遲先返到屋企!各位比啲意見~thanks!

作者: chiliwu 時間: 15-1-10 07:52 標題: 回覆：囝囝將讀全日班，返到fulltime工嗎

除非間公司係你開，否則邊搵到分full time返9點後，4點半前收工?

作者: superlammy1031 時間: 15-1-10 08:02 標題: 回覆：囝囝將讀全日班，返到fulltime工嗎

仲有學校長假期起碼旅兩星期，到時又邊個湊呢？？

作者: yanxiang47 時間: 15-1-10 12:03 標題: 回覆：OsansanO 的帖子

Part time有，fulltime好難

作者: liliankaykay 時間: 15-1-10 15:10 標題: 回覆：囝囝將讀全日班，返到fulltime工嗎?

或者freelance、識得人知道你的狀況，會體諒而請你的。可以由有公司的朋友著手，問下佢地請唔請人！

作者: dlee_ca 時間: 15-1-10 16:53 標題: 回覆：囝囝將讀全日班，返到fulltime工嗎?

聖安娜

作者: yanlaw0824 時間: 15-1-10 18:49 標題: 引用：自己本身冇咩學曆，只有飲食業經驗，可以有

原帖由 OsansanO 於 15-01-10 發表
自己本身冇咩學曆，只有飲食業經驗，可以有咩長工可以配合到囝囝返全日班?又唔想囝囝遲放學，要延遲到夜晚 ...

我奶奶隔離屋個鄰居，係屋邨餐廳返朝早九點至下午三點，放工買餸回家再湊放學。
另外我經常在屋邨餐廳食野，佢地係part time形式嘅full time,返朝早九點到下午五點。
其實要求唔高都會有，如果又有要求人工高福利好又要去高級餐廳做就冇咩可能。
同埋我覺得你做兼職會比較好，因為初初返學一定會多病，你做長工嘅話冇可能隨時隨地比你請假同早走，兼職個時間會好好多

作者: OsansanO 時間: 15-1-10 23:06 標題: 回覆：superlammy1031 的帖子

短暫都搵到人湊，長期我就唔想比人湊

作者: OsansanO 時間: 15-1-10 23:06 標題: 回覆：liliankaykay 的帖子

我都係咁諗，否則都幾難有人體諒你請你

作者: OsansanO 時間: 15-1-10 23:09 標題: 回覆：yanlaw0824 的帖子

Parttime真係戳動啲，謝謝你回覆，最初開學我都會返parttime先，都係擔心佢成日會病

作者: piggymonkey 時間: 15-1-12 10:00

回覆 OsansanO 的帖子

其實真係好難, 可以睇下仔仔學校附近有無餐廳食肆請人, 你帶完仔返學即返工, 放學去接, travelling time 好緊要, 要朝9晚4.30 仲要扣埋搭車接送時間, 一係在學校附近返工, 一係揾餐廳淨做lunch peak hour 幾粒鐘

作者: siumak 時間: 15-1-12 10:07

本帖最後由 siumak 於 15-1-12 10:07 編輯

我好好彩﹐
公司有彈性上班時間﹐
番早D就放工早D﹐
另外如果小朋友唔舒服唔番得學﹐
可以托佢去婆婆度﹐
我同老公都係雙職父母。

作者: karinawong1031 時間: 15-1-12 11:54

全職真係難啲，試下去勞工署揾家務助理既工，時間比較彈性，但係你要讀相關課程，不過有津貼的，否則就係餐廳既早市同午市。
如果有屋企人幫手湊放學會好啲。我都係全職仲要工作時間唔穩定同好長，個仔嫲嫲湊放學食埋晚飯，我放工先去接佢返屋企，有時太夜就响嫲嫲度過夜

歡迎光臨教育王國 (/)