教育王國

標題: 考試，父母訓練EQ的時候 [打印本頁]

作者: dontaskme 時間: 15-1-9 12:45 標題: 考試，父母訓練EQ的時候

想死，琴日叫極都吾肯做D練習，隻手懶到出汁，長小小的問答都吾願做，又冇心機，同一個問題錯完十次都仲係要錯，講解完一次又一次，好灰。終於今日考試衰左！

跪求：EK好多人開帖分享如果教育子女成材，可否有人分享下如何接受子女是讀吾到書的那種人，將來會做低下階層，父母心態應如何調整丶接納，如何避免子女到了三十歳人仍窩在家中吃住父母的，不能獨立。

作者: brother4 時間: 15-1-9 12:57 標題: 回覆：考試，父母訓練EQ的時候

小學生未開竅，現在是考父母EQ的時間，慢慢來，學業不是一生。。。

作者: MASAYA 時間: 15-1-9 12:59

似乎個問題唔係讀唔到書，而係唔肯用功，同未明白做人要對自己負責任，佢要先知道讀書係為自己而唔係為父母，然後要知成績可以先擺埋一邊，但要盡力做左自己應負既責任，如果認真做過都真係讀唔到書，我相信未來就算讀書唔成，都唔會三十歲人仍窩在家中吃住父母

作者: Jane1983 時間: 15-1-9 13:29

幫佢開竅、教佢做人的責任。無好用哦的方法，要實事求是，好認真同佢傾。

小朋友仲細，吾可以甘快放棄佢。就算讀書吾叻，都可以做個有用的人。

作者: dlee_ca 時間: 15-1-9 13:42 標題: 回覆：考試，父母訓練EQ的時候

先了解，佢係唔聽你話定真的不明白。
似乎係唔聴話，找一些兇恨人物同佢做溫習。

作者: little_yolky 時間: 15-1-9 13:42

MASAYA 發表於 15-1-9 12:59
似乎個問題唔係讀唔到書，而係唔肯用功，同未明白做人要對自己負責任，佢要先知道讀書係為自己而唔係為父母 ...

咁好似我果女咁, 努力負責任自己讀書, 都係高不成低不就, 係咪就疊埋心水等佢中六畢業搵嘢做呢?

我真係唔明點解佢啲數學永遠遲人一年先識, present tense third person singular永遠唔記得加s。ing前面又唔記得+ is am are。我真係唔明佢上堂做乜的。

其實, 如果佢讀書不成, 但努力工作, 係咪都唔應該太奢求呢? 佢話第時大個唔想出去做嘢, 想留响屋企寫書。我同佢講：阿囡, 寫書搵唔到飯食的

作者: MASAYA 時間: 15-1-9 13:56

little_yolky 發表於 15-1-9 13:42
咁好似我果女咁, 努力負責任自己讀書, 都係高不成低不就, 係咪就疊埋心水等佢中六畢業搵嘢做呢? 我 ...

小二靠自己唔係幾好咩？亦差唔多代表已知最差成績去到邊，小五小六谷一谷上廿名應該唔難，你諗下而家要靠人先有既成績，小五小六仲可以點衝？衝得幾多？
寫書搵到食，不過應該要三十歲後閱歷多左機會先到

作者: little_yolky 時間: 15-1-9 14:04

MASAYA 發表於 15-1-9 13:56
小二靠自己唔係幾好咩？亦差唔多代表已知最差成績去到邊，小五小六谷一谷上廿名應該唔難，你諗下而家要靠人 ...

我有信心如果我親自出馬操佢, 佢可以考10名內的

不過, 佢會好痛苦就是了

所以, 都係等佢開開心心做中游份子好了。第日讀好D英文, 就算讀書不成, 去律師樓搵份receptionist做下都好。

作者: brother4 時間: 15-1-9 14:47 標題: 回覆：考試，父母訓練EQ的時候

孩子會開竅，初中全級包尾，高中全級頭二十內，現真考家長EQ

，

作者: little_yolky 時間: 15-1-9 15:05

brother4 發表於 15-1-9 14:47
孩子會開竅，初中全級包尾，高中全級頭二十內，現真考家長EQ，

...

呢D情況可能只會响男仔度發生。我老細就係咁, 佢當年小學考尾二, 初中又係衰到無輪, 到高中轉咗男女校讀文科(理科整係無佢份), 因為唔想衰俾D女仔睇, 點知就咁俾佢會考攞咗3條A, 大學First Hon 畢業添, 真唔到你唔信。我諗佢細個時阿媽都無諗到佢讀書咁叻。

作者: brother4 時間: 15-1-9 15:08 標題: 回覆：little_yolky 的帖子

好準

不是女仔

作者: little_yolky 時間: 15-1-9 16:18

dsedse 老細 is lawyer ? 發表於半小時前

No la。係我姨生女當年會考得幾分, 全靠個樣靚(似後生時既袁靚靚), 入咗律師樓做receptionist。可惜佢自己唔爭氣, 做嘢唔好, 3個月俾人炒咗。

作者: JJDBB 時間: 15-1-9 16:20 標題: 引用：dsedse++老細+is+lawyer+?++發表於+半小時

原帖由 little_yolky 於 15-01-09 發表
dsedse 老細 is lawyer ? 發表於半小時前

你姨生女咁靚，你應該都是靚女吧？

作者: little_yolky 時間: 15-1-9 16:21

本帖最後由 little_yolky 於 15-1-9 16:24 編輯

JJDBB 發表於 15-1-9 16:20
你姨生女咁靚，你應該都是靚女吧？

佢係似爸爸

我哋屋企唔知點解個個生頭一個都係似爸爸的, 我阿媽仲勁, 生7個都係似老公。

我囡囡都係, 細個時成日俾人話：哇, 好靚女喎, 然後隔2秒：似爸爸喎。當堂無晒癮

作者: MASAYA 時間: 15-1-9 17:05

little_yolky 發表於 15-1-9 16:21
佢係似爸爸我哋屋企唔知點解個個生頭一個都係似爸爸的, 我阿媽仲勁, 生7個都係似老公。

我囡囡 ...

我老婆都成日話無癮，因為兩個女都似老豆，冇計，基因太強

作者: hellolo 時間: 15-1-9 18:45

我小朋友未到小學，不過都知差差地，有時讀唔到書未必冇出路，為有睇開d，他自有他的命運

作者: Carsonsh 時間: 15-1-9 19:30 標題: 回覆:考試，父母訓練EQ的時候

男仔，唔好話係初小、去到初中都仲發緊夢、遊緊魂啦，我細佬絕對係人版，遊魂直到高中先至醒，結果以優異成績大家畢業，所以家長唔使咁大壓力，做咗本份就得，最緊要唔好消滅咗小朋友嘅好奇心、唔好迫到佢對學習反感

作者: do-re-me 時間: 15-1-9 20:41 標題: 引用：男仔，唔好話係初小、去到初中都仲發緊夢、

原帖由 Carsonsh 於 15-01-09 發表
男仔，唔好話係初小、去到初中都仲發緊夢、遊緊魂啦，我細佬絕對係人版，遊魂直到高中先至醒，結果以優異成 ...

咁女仔點算?

佢仲未明白讀書的重要,佢唔係唔肯讀,但成日响度拖,心裏面諗住想玩,講極都唔明做完功課或讀完就可以盡情玩(六年級)

作者: brother4 時間: 15-1-9 22:07 標題: 回覆：do-re-me 的帖子

不用太擔心，真人真事，是你學校師姐，當年俾老師話垃圾生，中學後留學，取第一畢業生，回來學校兼職老師，真係

歡迎光臨教育王國 (/)