教育王國

標題: Galilee International School [打印本頁]

作者: HadesBB 時間: 15-1-8 18:15 標題: Galilee International School

請問有冇人既小朋友係果到讀，大家覺得如何，老師？環境？課程？

作者: viviannky 時間: 15-1-9 13:34

小朋友返pn ,無課本，但每星期有newsletter 和相放上網，知道小朋友學近乜。我讀英粤班，老師很有爱心，活動教學，我的小朋友很喜歡

作者: liliankaykay 時間: 15-1-9 13:55 標題: 回覆：Galilee International School

我女都係讀PN ，但讀英普班，佢番學都好開心，有好多有趣活動。學校都好有愛心，與家長的溝通好好。小班教學，一班13個學生但有一班主任同助教。因為會讀番學券學校所以k1會轉，忍痛放棄k1學位....

佢地行IB, 課程真係好活潑同生活化！我都好唔捨得離開呀。

作者: liliankaykay 時間: 15-1-9 13:59 標題: 回覆：Galilee International School

仲有一樣要讚既佢地都好重視德育同自理。環境方面就係戶外空間較少，校舍亦唔大，只係勝在夠新！

作者: cubixluk 時間: 15-1-9 14:10

我有朋友响入面教, 係佢講, 我先識呢間學校

作者: HadesBB 時間: 15-1-9 17:05 標題: 回覆：liliankaykay 的帖子

因為我小朋友較活潑

即係坐唔定，所以擔心佢家校比太大自由度佢，佢之後讀返學卷k1都會上堂佢走來走去

請問你小朋友有呢個問題嗎？
其實我都好鍾意Galilee啲老師，笑容好好

作者: HadesBB 時間: 15-1-9 17:07 標題: 回覆：viviannky 的帖子

請問你小朋友讀上午班？定下午？會唔會有功課

因為本人覺得pn唔太需要功課

作者: liliankaykay 時間: 15-1-10 00:08 標題: 引用：請問你小朋友讀上午班？定下午？會唔會有功

原帖由 HadesBB 於 15-01-09 發表
請問你小朋友讀上午班？定下午？會唔會有功課因為本人覺得pn唔太需要功課

...

PN係無功課，只係有時會叫家長帶下相、玩具等俾佢地show and tell。我女讀上午班。至於走黎走去呢個問題，佢地會令小朋友學習坐定定，我睇番佢地每星期上堂既相個個都會坐定定，好乖。當然佢地上堂坐既方式唔係成日一樣，有時圍圈坐櫈，有時坐地下、坐直線、前後兩三排，根據活動需要會有唔同坐的方式，所以佢地唔會悶。老師係好諄諄善誘，會依據唔同小朋友性格和進度教佢地。唔會鬧或者迫，小朋友有問題會同家長合作睇下點一齊解決，幫小朋友改進！

我女最初上PN前都有坐唔定問題，而家無啦，in K時表現都好好，乖乖答問題又肯聽指令。

作者: LawYauYan 時間: 15-1-20 18:18

回覆 cubixluk 的帖子

咁佢覺得間學校好唔好呀？

歡迎光臨教育王國 (/)