教育王國

標題: 粵語詞改標準漢語　習作惹質疑 [打印本頁]

作者: elbar 時間: 15-1-8 13:44 標題: 粵語詞改標準漢語　習作惹質疑

【明報專訊】網上流傳一幅明愛粉嶺陳震夏中學中文科工作紙圖片，上面有10條填充題，要求學生將粵語詞彙改寫成標準漢語，10個詞彙分別係頭殼、手板、冷衫、的士、巴士、取錄、質素、嘜頭、雪糕同冷氣（圖）。有網民指上述詞彙香港通用，質疑學校逼學生使用「大陸用語」。

屬中文科工作紙校長：勿政治化

明愛粉嶺陳震夏中學校長何應翰話畀Emily知，撮圖的確係來自該校一份初中級中文科工作紙。佢話，工作紙除要求學生將口語改寫成書面語，亦會要求將書面語改寫成口語，「口語、書面語對譯，不存在邊種語重要」。何校長仲話，教師設計工作紙只會考慮學生學習語文需要，期望助學生書寫更流暢中文，「但唔係寫『的士』就唔流暢，有詞彙係約定俗成，係睇整篇文章」，強調考試唔會考核口語、書面語對譯，唔希望大眾將教育政治化。

中大中國語言及文學系副教授黃念欣解釋，標準漢語係指廣泛通行漢族社會語言，包含「講」同「寫」，「講」係指北京話，「寫」係白話文，香港一直有教授標準漢語白話文，而粵語詞彙就通常出現通俗刊物、大眾用語或現代文章創作，「兩種用語並行，無話邊個重要」。

Emily請黃念欣做一次題目，建議答案係1.頭顱、2.手掌、3.毛衣、4.計程車、5.公車、6.錄取、7.素質、8.商標、9.冰淇淋、10.空調。

作者: siukingkwok 時間: 15-1-8 16:42 標題: 引用：+【明報專訊】網上流傳一幅明愛粉嶺陳震夏

提示: 作者被禁止或刪除內容自動屏蔽

作者: ANChan59 時間: 15-1-8 18:26 標題: 回覆：siukingkwok 的帖子

我都覺得冇乜問題！

作者: Unclejt 時間: 15-1-8 19:38

其實「空調」是專指「冷氣」，還是冷、暖氣皆稱空調？

作者: ANChan59 時間: 15-1-8 20:53 標題: 引用：其實「空調」是專指「冷氣」，還是冷、暖氣

原帖由 Unclejt 於 15-01-08 發表
其實「空調」是專指「冷氣」，還是冷、暖氣皆稱空調？

有聽過空調及冷暖空調！

作者: Yanamami 時間: 15-1-8 20:59

我女小學都有呢d廣普對照，都要測考，但我好相信考完就全忘記曬~~

作者: goodenough 時間: 15-1-8 22:32

以後我們作文時應該用巴士還是改用公共車，繼續用冷氣還是要跟國內接軌改寫成空調。有趣！

歡迎光臨教育王國 (/)