教育王國

標題: 爭掙中,好唔好補習? [打印本頁]

作者: maggie789 時間: 15-1-7 10:38 標題: 爭掙中,好唔好補習?

小朋友下學期就呈分了,佢上學考試成績退步了20名,補唔補習好?佢平時放學會自動做功課的,但就做完功課就冇時間温書了,可能做得慢同在家始終會行來行來去,冇補習社一定要你坐定定.
問題在此,小朋友点都唔肯去補習社,因為知道一去便會好長時間,起碼有3個鐘連温埋書返嚟.咁佢可在家完成功課,我都唔知逼唔逼佢去好,,只係冇時間温書,我應該点做好呢...

作者: MASAYA 時間: 15-1-7 10:54

一般黎講我反對補習，但你目標清晰，就係下學期呈分谷成績，而唔係冇目的純粹人補你又補，我覺得可以試下專為呈分既補習社/老師，不過你小朋友唔肯去，太抗拒去黎都冇用，你可以同佢商議，試補一期，一期時間唔長佢應該會首肯，試過都抗拒就唔好再補，但可以利用呢次經驗做推動力，再唔自己積極d溫習就又要去補習，希望佢可以自發努力，加油

有時小朋友未試過會抗拒，試過又唔係想像中咁差就會繼續

作者: maggie789 時間: 15-1-7 11:12

本帖最後由 maggie789 於 15-1-7 11:13 編輯

回覆 MASAYA 的帖子

謝謝你的回覆,我都唔希望去補習社,我有同小朋友講,嚟緊3月考試如果冇上返20名,又要去補習社,因為我都唔識教了,太深,佢有時做功課返嚟錯了,佢再改又錯,好明顯,去補習社警鐘響起了,唔去唔得.嚟緊呢兩個月我會密切留意佢功課進度,如有需要,真係要去.

作者: jkbb 時間: 15-1-7 11:44

自9月開學起，我比阿囡去左補習，原因係自已教覺得佢D成績好似冇咩大進步和不想和她在功課上有不快，所以决定去補習，但至現在只係補左三個月，佢D成績不但没有進步，反而每科的分數平均跌左20分，仲覺得阿囡比以前依賴，咩都講左吾識先，就吾駛用腦諗，仲會抄功課，補習社比試卷又吾肯做，所以都要睇下自已小朋友適吾適合去補習，以為可以輕鬆D吾駛睇功課，而家反而仲衰，我而家都睇緊或者會找私補，希望會好D。

作者: maggie789 時間: 15-1-7 11:55

MASAYA 發表於 15-1-7 10:54
一般黎講我反對補習，但你目標清晰，就係下學期呈分谷成績，而唔係冇目的純粹人補你又補，我覺得可以試下專 ...

差咁遠?係咪補習社問題.

作者: jkbb 時間: 15-1-7 12:16

我覺得補習社已經好盡責，阿囡會做齊功課温晒書先反黎，其實我都吾明點解可以退步甘多，同補習老師傾過，佢話阿囡個人比較心散，叫我地減少D課外活動，又可能P.3學架野深左，佢未適應，初初以為補習社可以令佢成績進步，原來吾係一定。

作者: little_yolky 時間: 15-1-7 12:28

jkbb 發表於 15-1-7 12:16
我覺得補習社已經好盡責，阿囡會做齊功課温晒書先反黎，其實我都吾明點解可以退步甘多，同補習老師傾過，佢 ...

可能放學又要去補習, 雖然話做晒功課溫晒書, 但一直踩十幾個鐘無休息, 小朋友攰, 所以第二日上堂唔咁集中, 吸收無咁好, 所以成績差咗。

純猜測

作者: littlelamlam 時間: 15-1-7 12:36 標題: 回覆：maggie789 的帖子

我仔都係小五, 以往都無去補習班因為佢吾專心, 平時做功課超慢,我又要住佢至做(我係ftm)！所以你仔仔好乖啦! 暑假開始我請左個補習姐姐來家, 一星期兩次每次個半鐘, 同佢温書only, 星期六兩個鐘操卷班, 佢又好似幾受喎, 上次名次升左20名, 你都可以考慮下

作者: littlelamlam 時間: 15-1-7 12:39 標題: 回覆：littlelamlam 的帖子

同埋我買左D坊間補充來, 臨考試果兩個weeks操下時間同題目, 希望佢到考時注意時間吾好做吾切

作者: ericby 時間: 15-1-7 12:45

逼佢去補習好

作者: Jane1983 時間: 15-1-7 13:00

樓主搵個好的補習姐姐，幫小朋友清左d吾識既野，再温吓書，好過補習社。補習社人多又嘈，一去又幾個鐘，吾一定好有效。

作者: Yanamami 時間: 15-1-7 13:04

Jane1983 發表於 15-1-7 13:00
樓主搵個好的補習姐姐，幫小朋友清左d吾識既野，再温吓書，好過補習社。補習社人多又嘈，一去又幾個鐘，吾 ...

私補都喺一個辦法~

作者: maggie789 時間: 15-1-7 16:34

回覆 Jane1983 的帖子

揾個好的私補也難

作者: skkeung 時間: 15-1-7 19:45 標題: 引用：回覆+Jane1983+的帖子揾個好的私補也難

原帖由 maggie789 於 15-01-07 發表
回覆 Jane1983 的帖子

揾個好的私補也難

上午8時到校，做完功課加温習，七時完成已好叻!吃飯，洗澡後，已差不多9時!比你，一天12小時學習，仲要補習?

作者: naughtybj 時間: 15-1-7 20:04 標題: 回覆：爭掙中,好唔好補習?

提示: 作者被禁止或刪除內容自動屏蔽

作者: naughtybj 時間: 15-1-7 20:06 標題: 回覆：爭掙中,好唔好補習?

提示: 作者被禁止或刪除內容自動屏蔽

作者: natnatbaby 時間: 15-1-7 20:13 標題: 回覆：爭掙中,好唔好補習

我也面對同一問題，囡也小五，今年成績大跌，好擔心。甘耐以來，她未去過補習社，試過私補中文科。她十分抗拒補習，因為失自由，同D老師惡。私補作用不大，老師不了解小朋友，用她自己方法教，小朋友不接受。我在職，惟有辛苦D，每天教小小，多鼓勵方法。今年成績下滑，重提補習，她仍然抗拒，迫也沒用，她只會應酬式，不開心，怎能有進步。我也只能在思想上多影響她，有空便跟她温習，教她考試技巧。考試臨近，危危乎乎，她有D緊張，勤力左。

作者: 二二三 時間: 15-1-7 20:31 標題: 回覆：爭掙中,好唔好補習

提示: 作者被禁止或刪除內容自動屏蔽

作者: jswailam928 時間: 15-1-7 22:36 標題: 回覆：二二三的帖子

同意二二三

作者: yovin 時間: 15-1-8 07:27 標題: 引用：小朋友下學期就呈分了,佢上學考試成績退步

原帖由 maggie789 於 15-01-07 發表
小朋友下學期就呈分了,佢上學考試成績退步了20名,補唔補習好?佢平時放學會自動做功課的,但就做完功課就冇時 ...

可以叫他用嘗試的心態去補，試左原來不太辛苦又成績好，可能佢唔會再反對！試左唔得再想其他辦法。

作者: naughtybj 時間: 15-1-8 07:54 標題: 回覆：爭掙中,好唔好補習?

提示: 作者被禁止或刪除內容自動屏蔽

作者: naughtybj 時間: 15-1-8 08:08 標題: 回覆：爭掙中,好唔好補習?

提示: 作者被禁止或刪除內容自動屏蔽

作者: missli88 時間: 15-1-8 10:21

提示: 作者被禁止或刪除內容自動屏蔽

歡迎光臨教育王國 (/)