教育王國
標題: 考試及測驗先至發燒, 真心求教平日應點樣保持身心健康? [打印本頁]
作者: 小時了了 時間: 15-1-7 10:06 標題: 考試及測驗先至發燒, 真心求教平日應點樣保持身心健康?
本帖最後由 小時了了 於 15-1-7 10:14 編輯
事情是這樣, 小女:
1) 去年小三上學期考試 (2014年1月)發燒 照返學考試
2) 下學期測驗 (2014年3月?定4月?唔記得啦)發燒, 照返學測驗
3) 下學期考試 (2014年6月),發燒 照返學考試
4) 今日小四上學期考試 (2015年1月7日)發燒, 今日無返學, 阿女話有老師係門口"嘟"額頭量體溫會被發現發燒, 唔俾返學及考試, 故今次會第一次補考了.
唉!全部考試及測驗先至發燒. 今日零晨 3:30阿女醒咗同我講話好熱, 我心感不妙話妳係咪發燒呀, 用手量額頭好熱, 拿拿臨俾幸福醫藥俾佢食, 但都難逃請假補考.
第一次考試發燒, 我同自己及阿女講可能無游幾星期水, 抵抗能力差咗啫, 游返水抵抗能力好返就無事喇
第二次測驗發燒, 阿女話已經游返水喎, 都發燒嘅. 我話啲菌好惡毒啊, 身體緊要呀. 但我心感不妙了, 已經諗可能關壓力或情緒健康.
第三次考試發燒, 我直接問醫生阿女連續三次都係考試測驗發燒喎, 老醫生笑笑口同我及阿女講, 平日勤力啲溫書, 唔好臨考試時先至谷呀麻.
今次考試, 我真係無以前咁谷了, 以前聖誕節公眾假期係朝10晚8咁溫書, 今次係一家三口去教會親子露營三日兩夜. 而臨考試嘅星期六及日, 又係全天候朝10晚8咁溫書, 今次卻每日只溫得 3 個鐘左右, 其餘時間同小女 book 場打乒乓球, 踏單車, 睇老子動畫電視, 又俾佢睇金庸射鵰咁, 我以為已經好輕鬆咁去應付考試, 點知咁樣小女都發燒.
今朝同 C6 傾阿女惰況, 佢話下次試下臨考試測驗時唔好食熱氣野 (因為 C6 無啦啦星期日買 Pizza 同燒雞返屋企大家食), 唔知有無效呢?
其實, 今日零晨時阿女發燒, 阿女好純真問我係咪 "因為長高發燒", 我心諗好大機會係 "壓力燒", 但我無講出口. 佢瞓時我係咁望住佢, 我瞓唔返, 睇到佢咁, 依家阿女比起我細個時真係好悽涼.
P.S. 其實阿女成績只係一般, 唔係全級 top 10, 只係全級 50/120名以內, 而我希望佢只需要係維持 band 1尾, 最差的話是 band 2頭成績咋, 我希望係咪好強小女所難呢? 思考中!
作者: longlokma 時間: 15-1-7 10:10 標題: 回覆：考試及測驗先至發燒, 真心求教平日應點樣保持身心健康
係，好可能是壓力導致。我都識有同學仔每次測考前会頭痛加呕吐……冇辦法，试下儘量同佢減壓，早d上床休息瞓覺
作者: wan_sosin 時間: 15-1-7 10:29 標題: 回覆：考試及測驗先至發燒, 真心求教平日應點樣保持身心健康
有能力的話，去搵遊戲治療，壓力可能已經唔係因為父母，係你囡囡本身都唔覺地比自己壓力。遊戲治療係幾好釋放壓力嘅方法！如果屋企許可，玩下free play, 即除了唔傷到別人，自己，物件下，玩乜都得，掉嘢，亂畫都得，點玩由小朋友作主，唔需要有規矩，但屋企要設定範圍，保護好牆同四周先得，呢樣玩法對小朋友心理健康好有幫助！但記住要提醒小朋友幾時要返去現實世界！
作者: MASAYA 時間: 15-1-7 10:30
可能壓力, 可能用功過度overheat, 不過你已經調節得好好, 似係佢畀自己壓力多d
作者: 200709 時間: 15-1-7 10:36
我覺得係壓力, 我女小一時都會咁. 而家小二, 好了很多. 小朋友感到壓力也不自知, 但身體會反映出來. 我女有些同學也會這樣. 唯有教她們放鬆, 多休息, 慢慢學會處理壓力.
作者: 仔仔錫錫你 時間: 15-1-7 10:37
我覺得係壓力問題。你話今次已經無咁谷，其實“零晨 3:30”知道發燒，翌日都重要佢去考試就知小朋友要承受壓力唔少。
我唔講我無比壓力細路，但每次考試都係3日前開始温，每次15-30分鐘，因為我清楚知道佢地上堂已明白，温習只係 refresh 佢記憶！更重要一點係我能接受細路成為band 3生，只要佢品行好，唔好學壞，將來學門手藝一樣有飯開。之前試過手術後第2 天去考試，細路話無問題“唔得就下次考好d"，我要小朋友積極面對困難，唔好咩都驚/擔心，做個豁達的人才會開心，病痛都小d。
作者: happy_lavender 時間: 15-1-7 10:58
本帖最後由 happy_lavender 於 15-1-7 10:59 編輯
小時了了 發表於 15-1-7 10:06 
事情是這樣, 小女:
1) 去年小三上學期考試 (2014年1月)發燒 照返學考試
我唔係醫生，唔知係咪壓力導致，但我讀初小時逢星期六都發燒，一年有廿幾個星期六都要請假，上唔到學校的興趣班！所以可以分享一下經驗，讓你參考。現在阿仔得到我的遺傳，也經常發燒，幸好沒有我的情況嚴重。他靠游水已有改善，仍偶有發燒，但次數大減。
據我媽媽的回憶，當年我每次發燒都是因為扁桃腺發炎，都是高燒！當時醫生曾建議我做手術切走扁桃腺但我無做。不過我的外甥切了，之後真的少了發燒。而我經常發燒的另一因由，阿媽說是西藥太散，服後令身體虛，便更易被其他細菌侵襲！當時阿媽帶我睇一個老中醫，吃中藥調理了近一年，身體確實好了些。
作者: mimics218 時間: 15-1-7 12:33
提示: 作者被禁止或刪除 內容自動屏蔽
作者: 小時了了 時間: 15-1-7 13:22
wan_sosin 發表於 15-1-7 10:29
有能力的話，去搵遊戲治療，壓力可能已經唔係因為父母，係你囡囡本身都唔覺地比自己壓力。遊戲治療係幾好釋 ...
多謝您. 遊戲治療阿女幼稚園時我有上呢啲坊間幼兒心理學課程, 阿女係出面玩過一次 (課程免費送一次), 阿女整個幼稚園階段係屋企真係有"特別遊戲時間"俾佢, 亦買了一大堆兒童心理學玩具什麼屋,樹, 人, 面具, 手槍之類, 屋企細, 無沙玩. 依家佢10歲, 純個人覺得, 遊戲治療幼稚園及初小會適合啲
作者: 小時了了 時間: 15-1-7 13:24
仔仔錫錫你 發表於 15-1-7 10:37
我覺得係壓力問題。你話今次已經無咁谷，其實“零晨 3:30”知道發燒，翌日都重要佢去考試就知小朋友要承受 ...
唔好意思, 我唔係對 band 3生有偏見，只係我覺得小女天資尚可, 自己認為 band 1 或 band 2 對小女學業及更重要係朋輩影響會比較好啲, 以及小女亦應該應付到, 所以要我依家急降低要求去到 band 3, 咁我暫時呢一刻真係未接受到. 如果小女真係有情緒X咁又唔同睇法, 我都係度思考及調節中, 多謝您意見
作者: Anniemun 時間: 15-1-7 13:26
小時了了 發表於 15-1-7 10:06 
事情是這樣, 小女:
1) 去年小三上學期考試 (2014年1月)發燒 照返學考試
作者: happy_lavender 時間: 15-1-7 13:28
小時了了 發表於 15-1-7 13:22
多謝您. 遊戲治療阿女幼稚園時我有上呢啲坊間幼兒心理學課程, 阿女係出面玩過一次 (課程免費送一次), 阿女 ...
作者: slamai 時間: 15-1-7 13:33
回覆 小時了了 的帖子
運動對舒緩壓力最有效
作者: 小時了了 時間: 15-1-7 13:35
本帖最後由 小時了了 於 15-1-7 13:39 編輯
happy_lavender 發表於 15-1-7 10:58
我唔係醫生，唔知係咪壓力導致，但我讀初小時逢星期六都發燒，一年有廿幾個星期六都要請假，上唔到學校的 ...
中醫調理身體我無想起過, 您提起, 今次好咗之後我會捉阿女去睇下中醫試下, 但中醫調理診金+執藥都唔平, 又要洗 $$$$$
另外, 係另一討論帖小學生早餐吃什麼 http://www.edu-kingdom.com/forum.php?mod=viewthread&tid=2976208&extra=page%3D1, 我真係睇到自己汗顏, 覺得自己唔識做人阿媽, 無好好咁整有營養早餐俾女食, 今次之後我都要學其他媽咪學習煮什麼嘉美少爺雞煲3個鐘湯底, 做豬骨湯底了
作者: 小時了了 時間: 15-1-7 13:44
本帖最後由 小時了了 於 15-1-7 13:45 編輯
slamai 發表於 15-1-7 13:33
回覆 小時了了 的帖子
運動對舒緩壓力最有效
我都想問下大家意見, 阿女小一開始一星期有一個鐘頭一堂學游水, 學咗都 3年, 我學游水目的係求生及學晒4式就完喇. 原本打算學埋下個月2月就完, 因為見佢學咁耐只學到 3 式, 個游會拖長教, 今年都唔會教蝶式, 唔想浪費金錢
咁, 好唔好繼續俾佢學呢?
作者: MASAYA 時間: 15-1-7 13:51
小時了了 發表於 15-1-7 13:44
我都想問下大家意見, 阿女小一開始一星期有一個鐘頭一堂學游水, 學咗都 3年, 我學游水目的係求生及學晒4式 ...
如果唔係為比賽，其實而家差唔多完成原定目標，可以檢視學最後一式係咪需要/想要？如果話定左目標希望完成佢咪完成埋佢，如果覺得冇所謂，咁唔學蝶式都冇損失
作者: 小時了了 時間: 15-1-7 13:52
happy_lavender 發表於 15-1-7 13:28
畀大個D玩o既咪係歷奇輔導囉。
"歷奇輔導" 邊度有呢? 可否介紹下呢?
小女今年已有參加學校基督少年軍, 舊年暑假又有參加 Outward Bond 了 (又上山又下河, 成身濕晒仲幾日唔沖涼, 佢超鍾意), 佢好鍾意玩呢
作者: MASAYA 時間: 15-1-7 13:58
已經識游水，唔上堂都可以游，彈性仲大
作者: happy_lavender 時間: 15-1-7 13:59
小時了了 發表於 15-1-7 13:52
"歷奇輔導" 邊度有呢? 可否介紹下呢?
小女今年已有參加學校基督少年軍, 舊年暑假又有參加 Outward Bond ...
作者: wan_sosin 時間: 15-1-7 14:21 標題: 引用：Quote:小時了了+發表於+15-1-7+13:22+多謝
原帖由 happy_lavender 於 15-01-07 發表
畀大個D玩o既咪係歷奇輔導囉。
我亦試過藝術同園藝治療，總之有機會我都試下！
依家其實有好多唔同方法幫助小朋友！相信總搵到啱小朋友嘅方法！
作者: JJDBB 時間: 15-1-7 16:17 標題: 引用：+本帖最後由+小時了了+於+15-1-7+13:39+編
原帖由 小時了了 於 15-01-07 發表
本帖最後由 小時了了 於 15-1-7 13:39 編輯
作者: JJDBB 時間: 15-1-7 16:41 標題: 回覆：考試及測驗先至發燒, 真心求教平日應點樣保持身心健康
我囡基本上由小一下学期到岩岩小五上学期都有唔舒服。小二，小三試過發燒，我自己以經會知点避，同会知一定keep住運動。我簡單講下。
其實我知佢對自己有要求，所以温習我會提前叫佢自己溫，者平時上課專心，提前考，測兩星期前的星期日温，數學就平日教完唔識5好問。曾
作者: JJDBB 時間: 15-1-7 16:55 標題: 回覆：考試及測驗先至發燒, 真心求教平日應點樣保持身心健康
sorry，曾經試過傷風(發燒)吃完葯就zzz，温一個小時又zzz，到天光退燒回校考，那次佢做得好小心，成績好好。個次是最嚴重。
今次考試之前，大傷風，感覺温5切……。
食物方面，佢好熱底，基本由幼稚園到小二，薯片，條，炸物好少好少吃，就算雞湯，少少補湯都冇飲，我自己唔識，怕感冒菌系身體入面未清，所以我盡量唔比，但老人家比我又冇say No，所以每次都預左睇下點清。我由一年班到現在都好健康，帶水果，吃多左菜，病少左。我們有時会煲湯，涼茶等等。
作者: 仔仔錫錫你 時間: 15-1-7 17:02
唔係要你接受佢做BAND 3生, 而係要比到個信息佢, 讀書不是一切, 唔得就下次來過. 我仔試過數學測驗唔合格, 跟住考試就全級唯一一個100分的學生, 只要我知佢識,明白就得, 分數真係其次, 咁壓力就會無咁大.
游水係一種好好的運動, 但不是唯一的健康運動, 大人亦未必有時間每星期帶小朋友去游. 我自己閒日會帶小孩落街跑步每星期2次, 另星期六OR日就行山, 夏天先會1兩星期游下水.
其實壓力不是一朝一夕而成, 減壓亦要時間去過渡, 努力!!
作者: JJDBB 時間: 15-1-7 17:06 標題: 回覆：考試及測驗先至發燒, 真心求教平日應點樣保持身心健康
另外，游水真系好得，以前每星期游一堂，冬天停游，唔得。自從三年班游冬天，就算冬天到春天交接，三月定四月到五月，D水都是凍水，都照游，真系少左病。小四轉了每星期游兩堂，個面色都好左，食野多左……所以運動好重要。
平時放假，多D去郊外行下，踏单車……。
最後，最重要，如果考試有压力，咁就早D温習，作息正常，就算病去考試也不用怕5識啦。
唔好意思太長了，個人经歷。
作者: MC1128 時間: 15-1-7 18:54
點解發燒都要回校考試?是否補考扣分?
作者: natnatbaby 時間: 15-1-7 18:58 標題: 回覆：考試及測驗先至發燒, 真心求教平日應點樣保持身心健康
吾好介意，見到你說朝十晚八温習，真心覺得小朋友的定力真是很好，但對小四來說會否太累及形成壓力？我看中學，大學生，成人也未有甘的定力……，可否分開下，半天溫，半天出外行下。
作者: IloveJJ 時間: 15-1-7 23:52 標題: 引用：+本帖最後由+小時了了+於+15-1-7+13:45+編
提示: 作者被禁止或刪除 內容自動屏蔽
作者: IloveJJ 時間: 15-1-7 23:58 標題: 引用：+本帖最後由+小時了了+於+15-1-7+13:39+編
提示: 作者被禁止或刪除 內容自動屏蔽
作者: Jessy 時間: 15-1-8 00:37
本帖最後由 Jessy 於 15-1-8 00:37 編輯
考試前比D VITAMIN C 佢食, 不過唔好過量, 例如每天沖半片康鈣C
作者: hkspiderman 時間: 15-1-8 07:34
MC1128 發表於 15-1-7 18:54
點解發燒都要回校考試?是否補考扣分?
作者: kerkermui 時間: 15-1-8 09:26
小時了了 發表於 15-1-7 13:22
多謝您. 遊戲治療阿女幼稚園時我有上呢啲坊間幼兒心理學課程, 阿女係出面玩過一次 (課程免費送一次), 阿女 ...
play therapy 大人細路都啱，只不過人越大，越想收埋心底話，唔願放出嚟，比較難去到潛意識
作者: Rachelmummy2008 時間: 15-1-8 09:26
“心病還需心藥醫“
父母無條件的爱是良藥了。
作者: kerkermui 時間: 15-1-8 09:33
本帖最後由 kerkermui 於 15-1-8 13:13 編輯
回覆 小時了了 的帖子
Nature's Way, Original Sambucus For Kids, Black Elderberry
如果想增強抵抗力，可以試試呢支嘢 (或其實elderberry產品)
我會係小朋友作病時，天氣轉，或考試前俾佢地食，試過哥哥病，細佬作病，細佬食咗兩次，第二日就精神返！
另外，少食西醫，我兩個病都係睇中醫，同食維C糖
响自然療法裡面，維C無過量問題(要過，可能係平時嘅幾十倍)，特別係身體病時，需要比平時多嘅維生去打杖！
後註：呢枝嘢加埋Echinacea，對傷風感冒好呀！
超市無，見過citysuper裡面嘅healthquest有，我就响iherb定嘅
作者: Rachelmummy2008 時間: 15-1-8 09:39
IloveJJ 發表於 15-1-7 23:58
如果你女平時無病無痛，只係考試先病，呢啲係壓力病，搵中醫都無用喎!唔好成日用keep到咩成績為目標，咁樣 ...
作者: 小時了了 時間: 15-1-8 11:00
本帖最後由 小時了了 於 15-1-8 11:02 編輯
hkspiderman 發表於 15-1-8 07:34
就算補考無分，我都唔會比阿女發緊燒去考試！只係3，4年班，衰左沒有什麼大不了。 ...
分數我反而唔係真係好介意, 係我本人有個傻傻地諗法或者偏見:
1) 我以為考試係學校來說係一件好重要事, 最好唔好補考 (因為我自己從未補考過, 唔知補考後果係點),
2) 我驚學校標籤小女係麻煩學生, 需要學校額外安排試卷及人手,
3) 又或者以為我女詐病唔考試 (都係標籤小女係麻煩學生)
4) 我又驚小女心理上慣咗可以用病來逃避一啲野而唔去面對, 將來佢自己成長及出來工作咁點面對及處理呢?
作者: 小時了了 時間: 15-1-8 11:07
JJDBB 發表於 15-1-7 17:06
另外，游水真系好得，以前每星期游一堂，冬天停游，唔得。自從三年班游冬天，就算冬天到春天交接，三月定四 ...
多謝您寶貴經驗之談, 我會認真參考及效法. 衷心多謝
作者: JJDBB 時間: 15-1-8 11:15 標題: 引用：Quote:JJDBB+發表於+15-1-7+17:06+另外，游
原帖由 小時了了 於 15-01-08 發表
多謝您寶貴經驗之談, 我會認真參考及效法. 衷心多謝
作者: MASAYA 時間: 15-1-8 11:29
JJDBB 發表於 15-1-8 11:15
由於佢細時成日病，小二時在想，功課越來越多，压力就越來越大，升小五呈分，又面臨發肉，女孩子攪得5好，m ...
作者: little_yolky 時間: 15-1-8 11:44
JJDBB 發表於 15-1-7 16:55
sorry，曾經試過傷風(發燒)吃完葯就zzz，温一個小時又zzz，到天光退燒回校考，那次佢做得好小心，成績好好 ...
細囡上次燒到39.8度, 夜晚係咁震(應該係發冷), 佢哋touch wood好少發高燒, 所以果晚我都好驚, 醫生話下次咁樣要入醫院穩陣D。第二朝, 燒退咗D, 話要食美心米粉(即早餐C4湯米粉), 咁我咪熬豬骨湯, 秘油做湯底, 煮美心米粉佢食囉。
雞湯底係平時好人好姐吃面條/烏冬時用的。
作者: JJDBB 時間: 15-1-8 12:34 標題: 引用：Quote:JJDBB+發表於+15-1-7+16:55+sorry，
原帖由 little_yolky 於 15-01-08 發表
係, 感冒未清千祈唔好飲雞湯 (雖然, 老外話感冒飲雞湯會好, 但我哋始終係中國人), 感冒時會煲豬骨湯做湯底 ...
作者: JJDBB 時間: 15-1-8 12:40 標題: 引用：Quote:JJDBB+發表於+15-1-8+11:15+由於佢細
原帖由 MASAYA 於 15-01-08 發表
說起M到，我都擔心將來女兒發育時期撞正呈分或面試影響表現，不知怎樣避免，因為老婆是會痛得死去活來那種. ...
作者: little_yolky 時間: 15-1-8 12:41
JJDBB 發表於 15-1-8 12:34
其實病時也不用吽湯，等病好了清晒再吃正常餐，其實以經好好。到時先吽朱骨湯仲易吸收也不怕燥！(個人意見) ...
作者: 小時了了 時間: 15-1-8 12:59
JJDBB 發表於 15-1-8 12:40
少飲冰冷飲品，在家多穿拖鞋，不要赤脚……其實仲有好多。爸爸能諒解女兒，實屬可貴！
...
在家多穿拖鞋，不要赤脚 ------- 呢個真係無聽過, 唔識喎, 真心求教.
嘩! 上得 EK 多, 真心覺得原來自己識嘅野好少好少, 連皮毛都談不上, 自己唔識煮有營早餐, 選雞又唔識, 又唔識幫助小女處理壓力, 小女今學期開學時, 我自己仲要第一次搵學校社工查問小女情緒情況而得知小女可能已步入青春期..... 愈來愈覺得自己唔識做人阿媽, 真心覺得自己唔係好稱職嘅媽咪
作者: little_yolky 時間: 15-1-8 13:05
小時了了 發表於 15-1-8 12:59
少飲冰冷飲品 ----- 中醫師成日話傷脾胃
在家多穿拖鞋，不要赤脚 ------- 呢個真係無聽過, 唔識喎, 真心求 ...
作者: JJDBB 時間: 15-1-8 13:09 標題: 引用：Quote:JJDBB+發表於+15-1-8+12:34+其實病時
原帖由 little_yolky 於 15-01-08 發表
佢無胃口, 所以話要食美心米粉。咁你平時煮湯面/米用咩湯底架?
有時肉碎湯，其實好随意的！
作者: JJDBB 時間: 15-1-8 13:23 標題: 回覆：小時了了 的帖子
"諸病從寒起，寒從足下生"
病得多就知。
作者: MC1128 時間: 15-1-8 16:23
小時了了 發表於 15-1-8 11:00
分數我反而唔係真係好介意, 係我本人有個傻傻地諗法或者偏見:
1) 我以為考試係學校來說係一件好重要事, ...
純經驗分享,希望勿誤會。
小女就讀的學校,清楚講明,有病千祈唔好返學,有醫生紙,補考不扣分
因此,在我的理解,萬一孩子在測考期間生病未能回校,對我的不便是,病好後要再溫習多一次應付補考(延長我的"痛苦"),學校有程序處理補考,不必擔心校方的想法
學校一定會檢查孩子體溫,所以,家長不會搏返學校測考,因為一旦測考中途被送回家,或勉強完成考試,後果仲麻煩
很多網民提供的強身健體方法都很好,但令媛的問題,似乎在考試壓力
發燒仍回校,其實已是無形壓力
除了強身健體,輕鬆溫習,若下次測考前生病,索性請假,讓孩子明白你的心意
祝令媛身體健康!
作者: 仔仔錫錫你 時間: 15-1-8 17:38
回覆 仔仔錫錫你 的帖子
唔洗sorry, 你只係緊張個女！ 得閒諗吓阿女出世時你想佢點，你就會發覺好多野比佢學業更重要，自然小孩大人都會無咁大壓力。
作者: 仔仔錫錫你 時間: 15-1-8 17:44
回覆 仔仔錫錫你 的帖子
係男仔！揾女婿
作者: Yanamami 時間: 15-1-8 17:46
本帖最後由 Yanamami 於 15-1-8 17:49 編輯
其实我睇你果个“我女這样学典故/中史/……”既post已經覚得好有压力，以你女女P3先开始閱讀，禁短時間背晒禁多野，連中学書都睇埋，就算佢自己本身鈡意，我都覚得太急太多太快……腳步可以輕鬆d?
作者: ILoveCinderella 時間: 15-1-8 18:04 標題: 回覆：考試及測驗先至發燒, 真心求教平日應點樣保持身心健康
曾經聽過一個講座，講者話好多小朋友都會喺考試、測驗既時候病，原因係佢哋有壓力又唔識表達。我諗真係要學懂放鬆，唔好睇得成績太緊要！
至於游水，小女既情況跟您囡囡有啲相似，由P1學到宜家，又係仲欠蝶式未教。但係我哋又覺得冇所謂喎！因為我哋志在當運動咁做，唔計較其他野，目標希望可以游至升F1前。
作者: YolandaTam 時間: 15-1-8 19:33
我自己讀書時期都有焦慮: 考試當日朝早例必肚痛十五分鐘, 痛到行唔到, 一定要坐喺度.
我囡本身有焦慮症, 之前考試前三星期開始失眠. 今年小五反而冇, 可能同佢自己信心有關, 另外考試嗰幾日唔係開TURBO温書嘅好時間, 我方針係之前温咗, 嗰幾日做少少算.
佢今日考中文, 明日英文, 今日同佢去咗行街.
作者: JJDBB 時間: 15-1-8 21:01 標題: 引用：我自己讀書時期都有焦慮:+考試當日朝早例必
原帖由 YolandaTam 於 15-01-08 發表
我自己讀書時期都有焦慮: 考試當日朝早例必肚痛十五分鐘, 痛到行唔到, 一定要坐喺度.
我囡本身有焦慮症, 之 ...
作者: natnatbaby 時間: 15-1-9 01:53 標題: 回覆：考試及測驗先至發燒, 真心求教平日應點樣保持身心健康
係la,平日多温習，考試前不要全日10-8作戰。早上早少少起來，吃個靚早餐，再溫習，下午又出去輕鬆幾小時行下，午睡下又好，再温多一陣咪吃飯，效率好D，無甘緊張。
作者: natnatbaby 時間: 15-1-9 01:55 標題: 回覆：JJDBB 的帖子
我囡也一樣，很會放鬆自己，考試期間一定午睡
作者: 小時了了 時間: 15-1-9 10:32
本帖最後由 小時了了 於 15-1-9 10:36 編輯
真心多謝大家用您地寶貴時間分享您地見解, 方法及心得, 真係令我有支持及打打氣之感.
女人, 每個月生理上有幾日週期性情緒失調, 如果做人阿媽嘅女人, 一年又會多2測2考時有嘅超級情緒低落症候群+脾氣暴躁失調症, 唔好意思, 本人失儀了.
一個唔係好稱職而學緊做人阿媽嘅我, 不斷調較教養兒女步伐, 希望能開始及堅持唔再太急太多太快……腳步輕鬆d去陪阿女走一段人生路
好多謝 happy_lavender 網友名下面金句, 金句尋日不斷係我腦中不斷出現, 提醒自己, 教養兒女係要 "萬軍之耶和華說、不是倚靠勢力、不是倚靠才能、乃是倚靠我的靈、方能成事。(撒迦利亞書 4:6)" 我無聰明, 亦無智慧, 才能及耐性, 係呢個時候真係要搵返得力來源, 倚靠神、方能成事 (唔好意思, 如果唔係基督徒, 不喜勿插)
作者: 小曳人 時間: 15-1-9 21:07
小時了了 發表於 15-1-8 12:59
在家多穿拖鞋，不要赤脚 ------- 呢個真係無聽過, 唔識喎, 真心求 ...
作者: hadwinboy 時間: 15-1-9 22:52 標題: 引用：+本帖最後由+小時了了+於+15-1-8+11:02+編
原帖由 小時了了 於 15-01-08 發表
本帖最後由 小時了了 於 15-1-8 11:02 編輯
作者: WHPH 時間: 15-1-10 00:02
回覆 小時了了 的帖子
我覺得你是個很稱職的媽媽啊!
作者: marble2004 時間: 15-1-10 00:04
回覆 natnatbaby 的帖子
Absolutely agreed with you. I told my kid to study one chapter for each subject every day but start doing so a bit early before the exam since she's in P.1. Then during the exam week, I will let her get ready for rest at 8.30 pm - she can do some reading or whatever she wants except watching TV. Then sharp at 9 pm, she has to go to bed.
Starting from this year at P.5, it's a bit difficult compared with the past years due to the quantity on homework. But she can still manage to do some study every day. Well, should say in this way, just start doing so one month before she has the exam. One month before the exam, I will rather let her do more reading.
So far, it works well.
For me going back to the good old day, like what you said,I really prefer taking a short siesta every day after school before doing homework。
作者: marble2004 時間: 15-1-10 00:09
回覆 小時了了 的帖子
大部分 媽媽 都 經 曆 過 你 現在 的 情況， 不 用 介懷， 繼續 努力， 共 勉 之
作者: GreenMaDad 時間: 15-1-12 08:14
有沒有想過轉校到非傳統學校? 我明白要教小朋友應付壓力，但一考試就發燒似乎已說明小朋友這階段應付不到該壓力. 或者轉到非傳統學校學得更多+開心+身體健康呢。
作者: 小時了了 時間: 15-2-15 08:05
happy_lavender 發表於 15-1-7 13:28
畀大個D玩o既咪係歷奇輔導囉。
"歷奇輔導" ---- 剛剛想起及找到 基甸中心 - 生命導向課程 http://www.gchk.com.hk/235672085335347322442341638498.html, 每個星期六下午2:00 - 5:00有訓練，好似幾好咁，阿女操行麻麻地又成日容易病，都係時間操操佢了。
作者: scyauchris 時間: 15-2-15 10:47
WHPH 發表於 15-1-10 00:02
回覆 小時了了 的帖子
我覺得你是個很稱職的媽媽啊!
不如你真係試吓新鮮蓮子加新鮮百合加瘦肉煲湯，健脾的。我女唔飲有味的飲品，不過我比蓮子佢吃，因為佢肯吃，面色好左。羊肚菇是好有益，一個星期一次都夠。多水果，少雜糧，我女吃得雜量多便會病，佢自己都知，連續天天吃糖便出事。
不是個個小朋友肯瞓
，好多野只有有苦自己知。
作者: 星運教授 時間: 15-2-15 23:06
我唔係醫生, 不過熱氣野油膩野同甜野係會降低抵抗力, 我兩個女都試過好多次考試測驗黎病, 不過補考遮, 濕濕碎啦. 所以而家閒時我都會控制住佢地食呢d野既份量, 臨近測驗考試直頭勸籲佢地自己戒食.
作者: scyauchris 時間: 15-2-16 11:23
熱氣野當然唔可以吃得，其實零食唔可以吃多囉。餅都熱氣，生冷野無益。凍飲女仔最好少飲，我咪飲得凍野多入廠，所以不停提阿女唔可以飲太多寒涼野包括要提佢爸爸。
以前老人家講的話是對的！
作者: lojo11 時間: 15-2-16 12:20
平時我要呀仔早D休息... 身體好要靠長期努力的... 考試就唔會特別溫得多... 考試時放半日我會比佢落去公園打下波輕鬆下... (我仔小四)
朝十晚八咁溫書? 無可能發生係我仔身上... 兩, 三個鐘已經好難了
作者: zilch01 時間: 15-2-24 07:34 標題: 回覆：小時了了 的帖子
壓力只一定的，當然有時可能真是抵抗力下降了。不過重點係…她的潛意識已將考試測驗=壓力。
的確，在減壓方面你已做得很好，但潛意識的話，便需要找些較專業的人幫忙。芳間也有些是免費的，需要介紹可pm我
作者: dereklam050526 時間: 15-2-24 08:01 標題: 回覆：小時了了 的帖子
我完全了解你的問題，因為我本人當年都是一樣，會考個年燒左3個月，現在仔仔都係考試先發燒，他在三年級時燒到104，抽筋，入埋醫院，後來我在測考前1星期開始不要他溫習，幫他減壓（打機，打波，跑步），這個問題就解決了，當然平日會辛苦d,因為每日完成功課後都要溫習，這樣成績不但沒有差，返而好左
作者: w_y 時間: 15-2-24 13:51
小三小四常識:
保持身體健康四大方法: 睡眼充足, 適當運動, 均衡飲食, 愉快心情
這四點都是可以控制的, 尤其運動和飲食, 可以多下點心機安排, 幫下小朋友打好底子。
過來人經驗, 樓主在孩子學習上, 不必事事費心, 有時媽媽適度的懶憜, 小孩才會有空間自主學習, 保有自發學習的動力和興趣, 效用才持久,上到高年級你就會明白。大家加油吧!
| 歡迎光臨 教育王國 (/) |
Powered by Discuz! X1.5 |