教育王國

標題: 大池小魚or小池大魚 [打印本頁]

作者: HowHowHow    時間: 15-1-5 21:17     標題: 大池小魚or小池大魚

最近有位朋友問我,會讓小朋友做大池小魚定小池大魚。這問題是個好問題,唔知大家又點睇呢?

我傾向小池大魚,覺得人自信心都會大d。除非小朋友係top中既top, 否則在大池裏包尾的,會自卑、亦冇人留意到。




作者: tsangnamnam    時間: 15-1-5 21:23

我細細個時一直喺中游,中游幾好丫。
其實做top都唔好,壓力會比較大呀。
作者: myfanwy    時間: 15-1-5 21:28     標題: 回覆:大池小魚or小池大魚

問題係你入去個池游之前,你無法估計其他魚是怎樣的魚,所以唔會知自己會是大魚或小魚,我傾向揀個靚池先,游唔掂再跳池




作者: AgapePa    時間: 15-1-5 21:29

HowHowHow 發表於 15-1-5 21:17
最近有位朋友問我,會讓小朋友做大池小魚定小池大魚。這問題是個好問題,唔知大家又點睇呢?
我傾向小池大 ...
"小池大魚" ----- 另一形容詞是"井底之蛙".

作者: HowHowHow    時間: 15-1-5 21:30     標題: 引用:問題係你入去個池游之前,你無法估計其他魚

原帖由 myfanwy 於 15-01-05 發表
問題係你入去個池游之前,你無法估計其他魚是怎樣的魚,所以唔會知自己會是大魚或小魚,我傾向揀個靚池先, ...
你又啱喎




作者: naughtybj    時間: 15-1-5 21:32     標題: 回覆:大池小魚or小池大魚

提示: 作者被禁止或刪除 內容自動屏蔽
作者: HowHowHow    時間: 15-1-5 21:33     標題: 引用:Quote:HowHowHow+發表於+15-1-5+21:17+最近

原帖由 AgapePa 於 15-01-05 發表
"小池大魚" ----- 另一形容詞是"井底之蛙".
我朋友都係話做“小池大魚”冇志向。佢認為在大池裡會激發鬥志、鬥心,只會越做越好




作者: Jane1983    時間: 15-1-5 21:46

培養小朋友學習態度和應付逆境/壓力的心理質素更重要,始終天外有天、人外有人。就算這一刻做到大池大魚,人生的路還長呢。


作者: B.B.BaBa    時間: 15-1-5 22:29

個問題好奇怪⋯⋯呢個世界唔係只有黑色同白色,仲有好多色
池、魚亦唔只得大同小⋯⋯
作者: longlokma    時間: 15-1-5 22:38     標題: 引用:問題係你入去個池游之前,你無法估計其他魚

原帖由 myfanwy 於 15-01-05 發表
問題係你入去個池游之前,你無法估計其他魚是怎樣的魚,所以唔會知自己會是大魚或小魚,我傾向揀個靚池先, ...





作者: lkf_leung    時間: 15-1-5 22:46     標題: 回覆:大池小魚or小池大魚

最重要唔好揀錯池, 明明係金魚, 但放在海水度養, 咁就大件事. 魚在大池与小池也冇所謂.




作者: ericby    時間: 15-1-6 08:47

小池大魚
作者: JJVV    時間: 15-1-6 09:03     標題: 回覆:大池小魚or小池大魚

其實無必要同其他魚比較⋯

最重要係自己一日比一日進步;今日做得比尋日好⋯

山外有山,人外有人⋯下下要同人地比較,好辛苦啊




作者: 熊牛不兩立    時間: 15-1-6 09:12     標題: 引用:最近有位朋友問我,會讓小朋友做大池小魚定

原帖由 HowHowHow 於 15-01-05 發表
最近有位朋友問我,會讓小朋友做大池小魚定小池大魚。這問題是個好問題,唔知大家又點睇呢?

我傾向小池大 ...
其實你地諗野係咪錯曬?小學階段邊有大池小池?我只會睇邊間小學是一個合適的池,讓小朋友能學習到,打好根基,養成一條健康強狀的魚,將來游出大海(中學,大學等)才和其他魚競爭…




作者: sakbbjaijai    時間: 15-1-6 09:18     標題: 引用:Quote:原帖由+HowHowHow+於+15-01-05+發表

原帖由 熊牛不兩立 於 15-01-06 發表
其實你地諗野係咪錯曬?小學階段邊有大池小池?我只會睇邊間小學是一個合適的池,讓小朋友能學習 ...
Agree,  小學吧了。不過而家唔知點解就連幼稚園D 家長都會分小池大池,世界越來越變態了




作者: kvvvcheung    時間: 15-1-6 09:59


作者: jaycee_mami    時間: 15-1-6 10:05

這世界除了大池和小池, 還有中池,

我覺得做中池大魚幾好, 中上已good enough, 太top好大壓力, 去到高小會頂唔順.  

作者: ha8mo    時間: 15-1-6 10:38

提示: 作者被禁止或刪除 內容自動屏蔽
作者: MrBeast    時間: 15-1-6 10:49

有大池揀冇理由去小池,入唔到大池亦無需太執著,除遇而安。
作者: 活C人    時間: 15-1-6 10:53     標題: 引用:有大池揀冇理由去小池,入唔到大池亦無需太

原帖由 MrBeast 於 15-01-06 發表
有大池揀冇理由去小池,入唔到大池亦無需太執著,除遇而安。
同意呀




作者: daddyday    時間: 15-1-6 10:55     標題: 回覆:大池小魚or小池大魚

我不會選大池或小池,只會選好水質的池及合適的池。他變成怎樣的魚要看他的造化及自己的努力了




作者: gsrover    時間: 15-1-6 10:57

呢個問題, 睇三樣野
1。你的小朋友的資質,佢天份係咩,唔到你改變, 你可以俾佢去大池,但係個期望要合乎佢能力,同埋預個選擇有一日要跳船,或者發展佢其他嘅能力。

2。你自己的目標同心態,如果同人每日比較,每次考試都比較,咁響大池,你會每日都痛苦,響大池入面都冇長勝將軍,A LEVEL考6A的同學,中一都只係一個普通學生, 年年頭幾名,去到會考都可能係4/5個A,而8A嗰D都係前列,而當年所謂年年包尾的同學都有23/24分,計埋呢D失手的包尾同學,都有20/21分,呢個就係大池的景況。以而家的標準,即係33224都有9成以上的把握。

3。每樣事情都有不同講法, 什麼細個頑皮大個發力,什麼小池做大魚,我一概不信,我只睇數字反映現實。一間TOP 津小,佢入BAND1英中的有70﹪成,咁一間B1A英中入U 有70﹪,即係行呢條路,你有50﹪機會入到U, 如此類推,你入一間普通的小學有30﹪入英中,咁呢條路就得20﹪機會入U。呢D都係冇得呃人的數據。所以小朋友有能力入成績好的學校,到考DSE同入U就見真章,嗰D所謂小池大魚的信心,恐怕一下子還返晒俾DSE。

當然人生好多路可以行,但係要睇小朋友的能力響邊,同有冇毅力,但係讀書的路有讀書路的要求同行法,要做萬中無一的小時頑皮大時好叻,真係唔到你咁樂觀。
作者: bluigugub    時間: 15-1-6 10:57

本帖最後由 bluigugub 於 15-1-6 11:00 編輯


----
作者: MrBeast    時間: 15-1-6 12:20

回覆 gsrover 的帖子

以現時升中派位制度,小池大魚真的可以是一可行的策略
作者: hkpapa852    時間: 15-1-6 12:34

現實係,唔係條條魚可以話事想去邊個池都得;就算有得揀,你根本唔知自己係大魚定魚毛。小學做大池小魚,就注定與一線中學絕緣。
作者: licpd    時間: 15-1-6 13:13

本帖最後由 licpd 於 18-11-23 16:05 編輯
sakbbjaijai 發表於 15-1-6 09:18
Agree,  小學吧了。不過而家唔知點解就連幼稚園D 家長都會分小池大池,世界越來越變態了



  ...

del
作者: gsrover    時間: 15-1-6 14:38

hkpapa852 發表於 15-1-6 12:34
現實係,唔係條條魚可以話事想去邊個池都得;就算有得揀,你根本唔知自己係大魚定魚毛。小學做大池小魚,就 …
呢個唔認同, 大池就肯定師兄師姐會幫學校爭到BAND1位, 小池隨時俾師兄師姐害死你, 你考到曉飛都可能會死。
作者: gsrover    時間: 15-1-6 14:39

回覆 MrBeast 的帖子

唔認同, 小池可能連BAND1位都冇, 點有機會?
作者: jollyma    時間: 15-1-6 14:42

MrBeast 發表於 15-1-6 12:20
回覆 gsrover 的帖子

以現時升中派位制度,小池大魚真的可以是一可行的策略 ...
點解呢? 可否賜教?

作者: MrBeast    時間: 15-1-6 14:51

本帖最後由 MrBeast 於 15-1-6 14:52 編輯
jollyma 發表於 15-1-6 14:42
點解呢? 可否賜教?

所有小學都有b1位,事付多與少。只要是b1 category,  唔理你讀乜學校,都係一齊抽(within the same chosen net).  當然這不apply to 自行或直資,又或者可能二線小學上到b1a中可能會追得好辛苦,但不是完全沒機會。有錯請各前輩更正。
作者: hkpapa852    時間: 15-1-6 15:01

gsrover 發表於 15-1-6 14:38
呢個唔認同, 大池就肯定師兄師姐會幫學校爭到BAND1位, 小池隨時俾師兄師姐害死你, 你考到曉飛都可能會死 ...
不管大池小池, 每間學校都一定會有B1, B2同B3既學生, 只係比例問題. 所以SFA, APS, 油天都有人入所謂B3學校(雖然得三幾個).

大池小魚, 咪可能係名校中既B2, B3生囉, 小池大魚, 咪會變咗二/三線學校既B1生. 升中制度係B1生優先派學校, 做唔到B1生, 話之你係由小池定大池出嚟. 都係無得派先





作者: gsrover    時間: 15-1-6 15:04

MrBeast 發表於 15-1-6 14:51
所有小學都有b1位,事付多與少。只要是b1 category,  唔理你讀乜學校,都係一齊抽(within the same chose …
唔完全正確,有一個很大的盲點, 就係間小學有幾多位唔係睇個小朋友的本身成績,而係佢D師兄師姐的成績。所以小池係好危險。
作者: naughtybj    時間: 15-1-6 15:04     標題: 回覆:大池小魚or小池大魚

提示: 作者被禁止或刪除 內容自動屏蔽
作者: gsrover    時間: 15-1-6 15:14

hkpapa852 發表於 15-1-6 15:01
不管大池小池, 每間學校都一定會有B1, B2同B3既學生, 只係比例問題. 所以SFA, APS, 油天都有人入所謂B3學校 …
玩法你沒有說錯, 但數字就大有出入。一間TOP嘅小學,可以80﹣90﹪BAND1,你只要保持80名之內(以100人計),你就係BAND1,而且名校的BAND1位數目比較穏定,有多年往績做指標;相反一間BAND 1位少的學校,你就算考15名(100人),你都唔肯定自己係唔係BAND1。
估錯BAND係一件天大的悲劇,而且小朋友讀一間催谷的津小,所接受的教育/操練一定有所不同, 能夠保持咁高的BAND1﹪,絕非偶然。當然如果小朋友唔受得,就要俾機會佢跳船。


作者: MrBeast    時間: 15-1-6 15:15

gsrover 發表於 15-1-6 15:04
唔完全正確,有一個很大的盲點, 就係間小學有幾多位唔係睇個小朋友的本身成績,而係佢D師兄師姐的成績。所 ...
最容易就是睇往績,我看過一些二線小學派位也有2x-30% 英中。你可以話入sfa, aps 這類學校會有90% b1, 好好多,我只能說no free lunch. 當然大魚在大池不會太吃力
作者: hkpapa852    時間: 15-1-6 15:23

gsrover 發表於 15-1-6 15:14
玩法你沒有說錯, 但數字就大有出入。一間TOP嘅小學,可以80﹣90﹪BAND1,你只要保持80名之內(以100人計) ...
你都有一個盲點, 大池中, 大魚小魚係成日走(大魚自己走, 小魚被換走). 所以留得到最後, 小魚比例會小D.
仲有好多"偽大池", 升中資訊唔公開, 只係以"名氣"去吸引人, 但實則B1比例都只係普普通通

作者: kirstyau    時間: 15-1-6 15:33     標題: 回覆:大池小魚or小池大魚

個人睇法係小池大魚,冇錯可能比大池小魚仲易入band1中學,但入中學先見真章,大池訓練有素,小池始終身邊對手較參差,會不自慢左落黎而不自知!




作者: gsrover    時間: 15-1-6 15:34

本帖最後由 gsrover 於 15-1-6 16:02 編輯
MrBeast 發表於 15-1-6 15:15
最容易就是睇往績,我看過一些二線小學派位也有2x-30% 英中。你可以話入sfa, aps 這類學校會有90% b1, 好好 …

我相信大家都明白個情況,只係到升中先黎後悔就遲。我自己就係二線小學入BAND1,而家睇返其實係好渺茫,當年5個BAND,比而家估錯BAND的風險更高,全校真係得15個BAND1位。相反內子的小學當年都超過一半BAND1,睇見佢同佢D朋友,雖不算十拿九穏,但係論適應BAND1中學的能力,真係唔係小池出身的可以比較。
今日到自己嘅仔女入小學,就要識揀,小學係好大影響,而中學就更加改變你半生。

作者: gsrover    時間: 15-1-6 15:37

本帖最後由 gsrover 於 15-1-6 15:39 編輯
hkpapa852 發表於 15-1-6 15:23
你都有一個盲點, 大池中, 大魚小魚係成日走(大魚自己走, 小魚被換走). 所以留得到最後, 小魚比例會小D.
仲 …

唔係名氣,係往績。我唔信名氣。而到六年後,你個小朋友入到咩中學都係睇佢對上嗰年同埋隔多一年前的往績。
當然,要好小心你所講的偽名校,我個小朋友NET16,入面都有你講的呢種偽名校。

作者: MrBeast    時間: 15-1-6 15:56

gsrover 發表於 15-1-6 15:34
我相信大家都明白個情況,只係到升中先黎後悔就遲。我自己就係二線小學入BAND1,而家睇返其實係好渺茫,當 ...
所以我第一個回也是說有大池揀唔應放棄機會,但小一個game 太難玩了,有時不是小孩差,只是少了些運氣,在這情況在小池做大魚也是無辨法之中的辨法。
作者: gsrover    時間: 15-1-6 16:01

MrBeast 發表於 15-1-6 15:56
所以我第一個回也是說有大池揀唔應放棄機會,但小一個game 太難玩了,有時不是小孩差,只是少了些運氣,在 ...
對,小一遊戲真係好難玩, 雖然我有分,但係睇見D得15分的家長真係好無奈,仲有家姐入左直資或私小,都係好慘。除非你考直資同私小,根本同小孩的能力關係大不。
作者: marcuscyrus    時間: 15-1-6 16:05     標題: 引用:問題係你入去個池游之前,你無法估計其他魚

原帖由 myfanwy 於 15-01-05 發表
問題係你入去個池游之前,你無法估計其他魚是怎樣的魚,所以唔會知自己會是大魚或小魚,我傾向揀個靚池先, ...
認同




作者: little_yolky    時間: 15-1-6 16:51

hkpapa852 發表於 15-1-6 15:23
你都有一個盲點, 大池中, 大魚小魚係成日走(大魚自己走, 小魚被換走). 所以留得到最後, 小魚比例會小D.
仲 ...
為免麻煩, 所以我將條魚仔放入一個好地段既中池入面, 個中池連住另一個中池。如果佢變咗大魚, 咪自己鯉躍龍門躍去大池囉, 唔係既, 順住條水流游, 都最多游入另一個靚中池, 一於斷咗佢入小池既後路


BTW, 唔知係咪學校伙食好過頭, 囡囡原本係尖面靚女, 但近日覺得有D似唐代仕女圖入面既人物, 請問大家JM媽, 有無減肥方法, 怕佢變大魚唔成, 做咗條肥魚。

作者: little_yolky    時間: 15-1-6 17:10

hkpapa852  做運動, 游水最好!  發表於 1 分鐘前


講到游水, 真係要騎劫下樓主個帖等大家注意下。點解阿女突然由趙飛燕變咗做楊玉環呢, 就係因為暑假時, 我見阿女無嘢做, 咪俾佢學游水囉。一個禮拜兩堂, 爸爸帶去。點知, 呢個慈父多敗兒話見囡囡操水好辛苦, 肚仔會餓, 次次游完水就維他奶啦, 魚旦啦, 燒賣啦咁侍候, 一個暑假變咗隻豬頭。依家點都變唔返趙飛燕, 你話點算。
作者: little_yolky    時間: 15-1-6 17:14

MrBeast  少d食雞   發表於 4 分鐘前


我係特別節日至食雞的, 訓練到佢哋見到雞會好開心。呢種見到食物會感恩同開心既心情, 依家呢代小朋友好多已經無了。我家伙食簡直可以用苦行僧嚟形容, 我日日同囡囡講:好又一餐唔好又一餐啦, 好多人無嘢食架。99仲話我哋屋企食齋添 其實餐餐都有肉的, 只係將標準份量減半, 同埋個工人啲廚藝真係無乜藝術。
作者: hkpapa852    時間: 15-1-6 17:16

little_yolky 發表於 15-1-6 17:10
hkpapa852  做運動, 游水最好!  發表於 1 分鐘前
做完運動後暴飲暴食係大忌...... 肥得仲快!

作者: little_yolky    時間: 15-1-6 17:20

Yanamami  戒零食汽水之類  發表於 10 秒前


從來無零食汽水的。只有三餐正餐+茶點(水果)。唔知點解暑假游水既威力會咁驚人。半年都瘦唔番。好想叫C6賠番個尖面靚女俾我。
作者: little_yolky    時間: 15-1-6 17:22

hkpapa852 發表於 15-1-6 17:16
做完運動後暴飲暴食係大忌...... 肥得仲快!
因為我從來唔做運動, 所以唔知, 後來肥咗, 芭蕾舞老師同我講:增肥同減肥都係游水, 我先晃然大悟, C6真係無陰功。
作者: daddyday    時間: 15-1-6 17:27     標題: 回覆:大池小魚or小池大魚

係,亞仔暑假一星期游2天一個暑假已重了8磅,由4x變成5x。




作者: hkpapa852    時間: 15-1-6 17:29

little_yolky 發表於 15-1-6 17:22
因為我從來唔做運動, 所以唔知, 後來肥咗, 芭蕾舞老師同我講:增肥同減肥都係游水, 我先晃然大悟, C6真係無 ...
做完運動(特別係劇烈運動)會特別吸收, 如果吃正常的營養食物作補充係無問題, 但過量或食D容易致肥既食物就......

作者: MrBeast    時間: 15-1-6 17:35

little_yolky 發表於 15-1-6 17:14
MrBeast  少d食雞   發表於 4 分鐘前
若你真是好desparate, 真係可以試下食齋(以豆和姑作protein),當然要少油少糖,一星期一次,平時就多菜少肉,高calories, junk food 當然要cut, 或者會有意常不到的效果。
作者: puffy0305    時間: 15-1-6 18:23     標題: 引用:+本帖最後由+gsrover+於+15-1-6+15:39+編輯

原帖由 gsrover 於 15-01-06 發表
本帖最後由 gsrover 於 15-1-6 15:39 編輯
請問net 16嘅偽名校係邊間?可以pm我嘛?




作者: dingdingdong    時間: 15-1-6 18:57     標題: 引用:Quote:原帖由+gsrover+於+15-01-06+發表本

原帖由 puffy0305 於 15-01-06 發表
請問net 16嘅偽名校係邊間?可以pm我嘛?
我都想知,唔該pm埋我,thanks!




作者: kufubaby    時間: 15-1-6 19:11

本帖最後由 kufubaby 於 15-1-6 19:29 編輯

我覺得gsrover同hkpapa852都講得岩。
之前陪朋友聽過一個升中講座提及強網弱校及弱網強校問題,我想這個比喻比大池小魚更貼題。
佢提到小六生的banding其實係有分全港計及全區計,自行兩間時係睇全港排名,所以大池的小六生好大比例自行已成功。當去到揀同區中學,佢話强網弱校派得俾弱網强校差。他舉深水埗網為例,應該無人會不認同sfa夠強呱,但他們校內叻嗰批95%肯俾$的會去曬直私中學,5%有經濟考慮的會去一線官津,留到同區按banding派位的人數其實好少,所以梗分band 1,2,3時比例人數一樣細。


作者: sissysze    時間: 15-1-6 20:12     標題: 引用:hkpapa852++做運動,+游水最好!++發表於+1+

原帖由 little_yolky 於 15-01-06 發表
hkpapa852  做運動, 游水最好!  發表於 1 分鐘前
出年暑假試下先,我like楊玉環   好攬




作者: mcl203    時間: 15-1-6 20:37

個人覺得....大池好吖....起碼可以放多幾座山仔/海草都仲有位
池大d....游都游得happy d...多d野望吓 ~~~
作者: sissysze    時間: 15-1-6 20:47     標題: 回覆:大池小魚or小池大魚

我會去大池,係小池游得太耐會變得井底,自以為係小池勁,點知出公海同人一fight 就出局就大大 wok了,上到中學,比你zip 到b1 中,跟唔到,考DSE考得唔好咪一樣上唔到U,同埋我相信大池之所以成為大池係有佢嘅強項




作者: Yanamami    時間: 15-1-6 21:06

本帖最後由 Yanamami 於 15-1-7 10:14 編輯
little_yolky 發表於 15-1-6 17:22
因為我從來唔做運動, 所以唔知, 後來肥咗, 芭蕾舞老師同我講:增肥同減肥都係游水, 我先晃然大悟, C6真係無 ...

—个礼拜两堂,游完又食,呢个係增肥programme.如果—个礼拜游五日或以上,每次操两个鐘,呢个就係減肥programme,食乜都唔肥,但一停操就会發脹啦~
作者: Yanamami    時間: 15-1-6 21:15

本帖最後由 Yanamami 於 15-1-7 10:14 編輯

我贊成小学要係大池,不过到中学就要有自知之明。事关F4揀科以成績計,做唔到頭果浸就可能被逼揀d人地揀剩而自己又唔想讀既科,会影响入U呢~
作者: serinac    時間: 15-1-6 22:37     標題: 引用:我贊成小学要係大池,不过到中学就要有自知

原帖由 Yanamami 於 15-01-06 發表
我贊成小学要係大池,不过到中学就要有自知之明。事关F4揀科以成績計,做唔到頭果浸就可能被逼揀d人地揀剩而 ...
Good point. 簡到有興趣科目,才有機會變成黑馬發圍。




作者: bubuG    時間: 15-1-6 22:48     標題: 回覆:大池小魚or小池大魚

大池




作者: MayBride    時間: 15-1-6 23:08     標題: 回覆:大池小魚or小池大魚

This is a very interesting and informative topic. learn a lot about 升中, thanks for all feedback!




作者: sharonseak    時間: 15-1-7 00:04     標題: 引用:+本帖最後由+gsrover+於+15-1-6+15:39+編輯

原帖由 gsrover 於 15-01-06 發表
本帖最後由 gsrover 於 15-1-6 15:39 編輯
係咪柴灣嗰間呢?




作者: Tintin926    時間: 15-1-7 00:33

我一定會先選擇大池,有時小孩本質是到小學才可讓家長及自己看清,個人認為讀小學初中要有好成績,聰明和悟性不是太重要,反而小孩性格才是讀"得"書的根本要素。

其實晌香港讀"得"書(小學初中)的要素是專心加鬥心或聽話,在大池較大空間發展小孩的鬥心,若小孩性格是遇強會失自信那類,再轉他入小池也不難。

PS: 其實在香港讀書,大家都要面對現實,什麼"求學不是求分數",什麼"別和人比較",什麼"行行出狀元"都只是無奈的安慰。
作者: bobbob    時間: 15-1-7 00:44

識人大仔響大池讀書,讀咗6年不斷抱怨,超憎間學校,所以細仔必收都寧願唔揀。我覺得最緊要認清小朋友特性,真係勉強無幸福。
作者: gsrover    時間: 15-1-7 02:58

sharonseak 發表於 15-1-7 00:04
係咪柴灣嗰間呢?
我講嗰間係斜路男校
作者: ckh311    時間: 15-1-7 07:01     標題: 回覆:大池小魚or小池大魚

有得揀都會揀大池先,游唔掂最多跳小池,但當係小池游得太耐,俾你跳番入大池,都未必游得掂,沖浸死咪就慘😅。我識人係一間二線中小學讀,個6年讀得好開心,唔似d所謂一線咁逼,都考得名列前茅,上中學都入到一間同區band 1中學,佢地一家開心死,但點知原來係惡夢開始,一入去頭一年已追唔上,尤其英文仲俾人差,當然最後係考得差,學校要求重讀S1,第二年如是,屋企人無辦法,到最後只有轉咗一間band 2學校。可能小學讀得頗順利,老師眼中成績好又乖學生,一上到中學唔同哂,追極追唔到,就越放棄。但可能呢個咁啱係唔成功例子,讀書慢慢長路,最緊要訓練小朋友鬥志,跌低都要識爬起身再追,其實出來社會做事都一樣,唔好放棄。




作者: hagupit    時間: 15-1-7 08:36     標題: 引用:有得揀都會揀大池先,游唔掂最多跳小池,但

原帖由 ckh311 於 15-01-07 發表
有得揀都會揀大池先,游唔掂最多跳小池,但當係小池游得太耐,俾你跳番入大池,都未必游得掂,沖浸死咪就慘 ...
識人二綫小學入到1a中學, 小學全級20名內,不算名列前茅,但英文幾好,上到中學又讀得ok,中一都keep到中上成績,中學老師仲讚佢英文幾好,選左佢參加英文作文比賽。我覺得英文好係主因,而且佢勤力讀書。




作者: ckh311    時間: 15-1-7 09:06     標題: 引用:Quote:原帖由+ckh311+於+15-01-07+發表有得

原帖由 hagupit 於 15-01-07 發表
識人二綫小學入到1a中學, 小學全級20名內,不算名列前茅,但英文幾好,上到中學又讀得ok,中一都keep到中上 ...
所以一定有成功例子,始終讀書好講毅力,意志。因為我識嗰個係我朋友個姪女,佢都話以佢為借鏡,希望自己小朋友入到d一線小學,唔一定要最top個d,希望個底厚d。




作者: hkpapa852    時間: 15-1-7 09:22

本帖最後由 hkpapa852 於 15-1-7 09:35 編輯
kufubaby 發表於 15-1-6 19:11
我覺得gsrover同hkpapa852都講得岩。
之前陪朋友聽過一個升中講座提及強網弱校及弱網強校問題,我想這個比 ...

係真既, 去一個"強"既中學網讀間二線小學, 入到一線中學機會一定高過去D"弱"既中學網讀一線小學.

舉一個例:
將軍澳區讀黃X樹既B1學生同東區讀太X既B1學生, 你話去到統一派位時, 邊個入到一線中學機會高D吖?

作者: snow228    時間: 15-1-7 09:27     標題: 回覆:大池小魚or小池大魚

边個?




作者: gsrover    時間: 15-1-7 09:50

hkpapa852 發表於 15-1-7 09:22
係真既, 去一個"強"既中學網讀間二線小學, 入到一線中學機會一定高過去D"弱"既中學網讀一線小學.

舉一個 …
隔離升中派位,有一個表有晒每區英中學位數目同該區小學生人數,有埋各區入讀英中的機會率,好有參考價值。其實你的講法係有數可以計, 就係不同小學的BAND1人數 X 該區入英中的機會率, 你就比較到不同區份的小學入英中的機會。
作者: hkpapa852    時間: 15-1-7 09:56

gsrover 發表於 15-1-7 09:50
隔離升中派位,有一個表有晒每區英中學位數目同該區小學生人數,有埋各區入讀英中的機會率,好有參考價值。 ...
你都知嫁, 唔係間間小學會公佈升中派位詳情.



作者: kufubaby    時間: 15-1-7 10:02

hkpapa852 發表於 15-1-7 09:22
係真既, 去一個"強"既中學網讀間二線小學, 入到一線中學機會一定高過去D"弱"既中學網讀一線小學.

舉一個 ...
你誤會左,講者話佢話"强網弱校派得俾弱網强校差"。舉例説讀深水埗網强校如sfa好過讀九龍城某二󰀃三線啵,因為九龍城勁小學多每間band1生不止1/3, 所以拉curve二󰀃
三線小學band1生就唔會有1/3,就如grsover講佢當年讀二線小學只有15人去band1. 當全級150人即10% band1生。

其實當時有現場家長擧左幾間學校比較。那講者都講解得聽落幾合理。
我有時間pm你等你比下意見。thx

作者: gsrover    時間: 15-1-7 10:09

hkpapa852 發表於 15-1-7 09:56
你都知嫁, 唔係間間小學會公佈升中派位詳情.
YUP, 要花好多功夫。有D小學唔公佈,你就要從相反方向去CHECK, 例如CHECK下該區的一線中學收左咩學校的小學生, 又同中學的老師打聽一下, 同自己讀緊書的表弟妹交流下,睇下佢D同學讀邊升上黎多。總之響決定之前,要掌握多D數據。
呢PART往後都好緊要, 雖然點都會SET高D 成績TARGET俾自己的仔女, 但心裡一定有數, 佢考第幾係BAND 1, 呢個就係往後6年的BOTTOM LINE。

打個比喻,如果D仔女響大池上到3,4年班都去唔到BAND 1 條線, 咁你都可以轉去小池博一博,要知自己咩位置,唔好去到叩門先知死。 到時博到小池BAND 1 尾,可以入間唔好大谷的英中。雖然呢個PLAN B都仲係好理想, 未必有咩完美, 但係總好過煮到埋黎先食。

作者: Yanamami    時間: 15-1-7 10:13

本帖最後由 Yanamami 於 15-1-7 10:18 編輯
hagupit 發表於 15-1-7 08:36
識人二綫小學入到1a中學, 小學全級20名內,不算名列前茅,但英文幾好,上到中學又讀得ok,中一都keep到中上 ...

大前題喺:要喺band1英中如魚得水,就要小學英文底打的好(而家中學中文都好難,所以中文都要好,唔喺第日死中文,一樣入唔到U)。
作者: hkpapa852    時間: 15-1-7 10:34

本帖最後由 hkpapa852 於 15-1-7 10:43 編輯
kufubaby 發表於 15-1-7 10:02
你誤會左,講者話佢話"强網弱校派得俾弱網强校差"。舉例説讀深水埗網强校如sfa好過讀九龍城某二󰀃三 ...

用SFA呢D學校去同其它網既二線比較, 根本就唔係一個合適既比較.

深水埗區除咗2間私校外, 其它一線官津小學, 升讀一線中學比例都只係得4x% - 5x%, 攞佢地同其它網既二線小學比(個D升一線中學比例可能只有2x%-3x%), 咁先較合理和公平.

又D舉例子:
深水埗荔天, 升一線中學比例約50.3%, 深水埗網B1生取得一線中學學位機會: 978/(3356/3)=87.4%, 實質機會: 50.3%x87.4%=43.96%

九龍城基道小學升一線中學比例29.21%, 九龍城網B1生取得一線中學學位機會: 1791/(4294/3)=125.1%, 實質機會: 29.21%x125.1%=36.54%

深水埗一線, 仲係高過九龍城間非一線小學, 但如果轉咗用旅港開平嚟比較(都叫深水埗區一線尾):
升一線中學比例41.38%, 深水埗網B1生取得一線中學學位機會: 978/(3356/3)=87.4%, 實質機會: 41.38%x87.4%=36.17%  (仲低過基道少許喎)

一切只係數據比較, 只供參考, 現實重有好要考慮既因素, 如該區男女學生比例, 一線學校男女學額等........

* 數據來源:
1. 各區B1生取得一線中學學位機會, 請參考: http://www.edu-kingdom.com/forum.php?mod=viewthread&tid=2783853&extra=page%3D1
2. 升一線中學比例, 請參考:http://www.edu-kingdom.com/forum.php?mod=viewthread&;tid=2845555&extra=page%3D1
作者: MrBeast    時間: 15-1-7 11:44

ckh311 發表於 15-1-7 07:01
有得揀都會揀大池先,游唔掂最多跳小池,但當係小池游得太耐,俾你跳番入大池,都未必游得掂,沖浸死咪就慘 ...
你朋友有沒有後悔冇為孩子升中前 bridge the gap呢?  Hate to say 乜池乜魚都好,機會是留給有準備的人。
作者: hkpapa852    時間: 15-1-7 11:51

本帖最後由 hkpapa852 於 15-1-8 13:33 編輯
kufubaby 發表於 15-1-7 10:02
你誤會左,講者話佢話"强網弱校派得俾弱網强校差"。舉例説讀深水埗網强校如sfa好過讀九龍城某二󰀃三 ...

九龍城勁小學多? 其實可能好多係出名, 但升中未必真係咁出色..... 記得升中版聖家爸爸事件嗎? 原來有D係41網既名校, B1生可能1/3都唔夠.
再睇下2012-2014升中派位統計, 35網幾間一線小學, 升讀一線中學比例原來都唔係好高, 得紅馬一間超過40% (啱啱搵到奉基都有40%).






作者: bobbob    時間: 15-1-7 12:23

gsrover 發表於 15-1-7 02:58
我講嗰間係斜路男校
呢間以前確係名校嚟,佢亦無特別標榜,點解要話佢偽名校?我反而認為嗰啲迫學生一體一藝出去比賽攞威嘅先算虛偽。

作者: gsrover    時間: 15-1-7 12:29

本帖最後由 gsrover 於 15-1-7 16:01 編輯
bobbob 發表於 15-1-7 12:23
呢間以前確係名校嚟,佢亦無特別標榜,點解要話佢偽名校?我反而認為嗰啲迫學生一體一藝出去比賽攞威嘅先算 …

呢個一體一藝安排,我同太太的睇法南轅北徹,我傾向你的睇法,就係如果個小朋友冇天份冇興趣,即係為左滿足大人需要,學校需要,升中需要。
但係太太的睇法係響呢兩樣野上面的訓練係學術上俾唔到。同埋長大後對藝術的欣賞能力有好大幫助。

我就係冇乜“藝術的欣賞能力”的人, 但係佢自從17歲就冇掂過個琴。。。。。。。。。所以呢, 呢一PART我都冇咩結論,咪當俾個機會小朋友學下野,OR學周永康講“做係為左證明唔WORK”。。。。。。


回應點評
*”藝術的欣賞能力”。。。。。即係你問我除左成績,其他野有咩用。。。。。。除左食屙訓之外其他野真係可以冇用,咁人生又係唔係得呢三樣野。

我大個左先發現五音不全係好可惜的事,無認真學書法係好可惜的事, 無畫過一幅油畫都係好可惜的事, 去到歐洲睇D名畫,樣樣都唔識又係好可惜的事。咁你覺得“藝術的欣賞能力”有冇用

作者: gsrover    時間: 15-1-7 12:31

bobbob 發表於 15-1-7 12:23
呢間以前確係名校嚟,佢亦無特別標榜,點解要話佢偽名校?我反而認為嗰啲迫學生一體一藝出去比賽攞威嘅先算 …
你可以話佢無辜,但係真係好多人以為佢係名校,但TURN OUT已經唔係好耐。我都係呢兩年先發現呢個事實。
作者: bobbob    時間: 15-1-7 12:35

gsrover 發表於 15-1-7 12:31
你可以話佢無辜,但係真係好多人以為佢係名校,但TURN OUT已經唔係好耐。我都係呢兩年先發現呢個事實。 ...
都唔係名校N年囉,本區家長無理由唔知,至低限度我識嘅都知。
作者: bobbob    時間: 15-1-7 12:39

gsrover 發表於 15-1-7 12:29
呢個一體一藝安排,我同太太的睇法南轅北徹,我傾向你的睇法,就係如果個小朋友冇天份冇興趣,即係為左滿足 ...
識唔少細路讀呢啲,日日10幾20份功課(btw假期試過40份)之餘仲要日日練琴,真係無乜歡容。
作者: gsrover    時間: 15-1-7 13:15

bobbob 發表於 15-1-7 12:39
識唔少細路讀呢啲,日日10幾20份功課(btw假期試過40份)之餘仲要日日練琴,真係無乜歡容。 …
我個仔黎緊讀呢D, 平時我會同佢減下壓,放假會同佢出去玩, 只要唔好落井下石,應該都可以讀得開開心心。。。。。。。但都唔可能輕輕鬆鬆

作者: Jessy    時間: 15-1-7 14:48

bobbob 發表於 15-1-7 00:44
識人大仔響大池讀書,讀咗6年不斷抱怨,超憎間學校,所以細仔必收都寧願唔揀。我覺得最緊要認清小朋友特性 ...
咁最後大仔派中學派成點呢?

作者: rainbowcov    時間: 15-1-7 17:31

hkpapa852 發表於 15-1-7 09:22
係真既, 去一個"強"既中學網讀間二線小學, 入到一線中學機會一定高過去D"弱"既中學網讀一線小學.

舉一個 ...
請問即係黃X定太X高D呢?

作者: bobbob    時間: 15-1-7 17:41

gsrover 發表於 15-1-7 12:29
回應點評
*”藝術的欣賞能力”。。。。。即係你問我除左成績,其他野有咩用。。。。。。除左食屙訓之外其他野真係可以冇用,咁人生又係唔係得呢三樣野。

我大個左先發現五音不全係好可惜的事,無認真學書法係好可惜的事, 無畫過一幅油畫都係好可惜的事, 去到歐洲睇D名畫,樣樣都唔識又係好可惜的事。咁你覺得“藝術的欣賞能力”有冇用
好可惜,香港好多人仲停留響最基本嘅需要上(aka食瞓痾),去到歐洲寧願shopping都唔去museum。期望下一代會開始培養呢類情操。
作者: snow228    時間: 15-1-7 17:41     標題: 回覆:大池小魚or小池大魚

將軍澳是弱區。對嗎?




作者: hkpapa852    時間: 15-1-7 17:42

rainbowcov 發表於 15-1-7 17:31
請問即係黃X定太X高D呢?
真係咁想知? 計比你睇下:

黃X樹, 話晒地區一線, 估計升一線中學比例約50%(因為無公開); 西貢網B1生取得一線中學學位機會: 554/(2350/3)=70.72%, 實質機會: 50%x70.72%=35.36%

太X小學升一線和二線頭中學比例約55%, 估計一線中學佔7成, 即係約: 55%x70%=38.5%; 東區網B1生取得一線中學學位機會: 1059/(2794/3)=113.71%, 實質機會: 38.5%x113.71%=43.78%

一切只係數據比較, 只供參考, 現實重有好要考慮既因素, 如該區男女學生比例, 一線學校男女學額等........

* 數據來源:
1. 各區B1生取得一線中學學位機會, 請參考: http://www.edu-kingdom.com/forum.php?mod=viewthread&tid=2783853&extra=page%3D1
2. 升一線中學比例, 請參考:http://www.edu-kingdom.com/forum.php?mod=viewthread&;tid=2845555&extra=page%3D1

作者: snow228    時間: 15-1-7 17:43     標題: 回覆:大池小魚or小池大魚

興趣可以培養,但最好不是為考試而培養




作者: HaYi    時間: 15-1-7 19:34

聽過好多實例, 小學無意做了小池大魚, 喜滋滋的,  中學升上去了大池, 再做不了大, 所以小學的小池大魚短時間可能開心, 其實更要小心
作者: naughtybj    時間: 15-1-7 19:54     標題: 引用:聽過好多實例,+小學無意做了小池大魚,+喜滋

提示: 作者被禁止或刪除 內容自動屏蔽
作者: 熊牛不兩立    時間: 15-1-8 01:05     標題: 引用:Quote:原帖由+HaYi+於+15-01-07+發表聽過好

原帖由 naughtybj 於 15-01-07 發表
其實我小池做大魚、大池又做過小魚,小魚成長又做回大魚,但出了河又做回小魚,成長後又做回大魚,最後去了 ...
好句好句!可能我認真左。過份解讀你的幾句話。不過係香港教育制度下,小學、中學甚至乎大學,話之係大池做大魚或小池做大魚啦。出到大海咪又只能在地產霸權之下做蝦兵蟹將




作者: naughtybj    時間: 15-1-8 07:22     標題: 引用:Quote:原帖由+naughtybj+於+15-01-07+發表

提示: 作者被禁止或刪除 內容自動屏蔽
作者: gsrover    時間: 15-1-8 09:48

回覆 熊牛不兩立 的帖子

搵一萬同搵七萬一個月的蝦兵蟹將,都差好遠WOR
作者: GreenMaDad    時間: 15-1-8 11:21

小池跟大池真的很不同,看過一起出道的球星,入了大球隊的得以大展身手, 入了小球隊的幾年之後就沉寂下去, 當然, 仕途也要講命和運, 但與有實力的隊友一起練習與相處, 大球隊各方面的支持, 似乎是事半功倍吧.
作者: hkpapa852    時間: 15-1-8 11:37

GreenMaDad 發表於 15-1-8 11:21
小池跟大池真的很不同,看過一起出道的球星,入了大球隊的得以大展身手, 入了小球隊的幾年之後就沉寂下去,  ...
其實大池小池都好, 最緊要學校點教學生, 到底係教"好學生", 定係"教好"學生?

普巴遇著費格遜, 咪又係嘥咗! (又睇波既爸爸應該明點解)


作者: gsrover    時間: 15-1-8 11:48

hkpapa852 發表於 15-1-8 11:37
其實大池小池都好, 最緊要學校點教學生, 到底係教"好學生", 定係"教好"學生?

普巴遇著費格遜, 咪又係嘥咗! …
HAHA, 普巴,碧基,科蘭都係響大球會先成名 (講呢D就精神
作者: hkpapa852    時間: 15-1-8 11:55

gsrover 發表於 15-1-8 11:48
HAHA, 普巴,碧基,科蘭都係響大球會先成名 (講呢D就精神)
佢地係大球會成名, 不過佢地係第一間大球會M記入面就做咗負資產呢!
中國古語有句講得啱, 魚唔過塘唔會肥, 入到大池做唔到大魚, 轉池(不論大小)後可能有另一番新景象





歡迎光臨 教育王國 (/) Powered by Discuz! X1.5