教育王國

標題: 如果明知自行有得interview機會不大，仍會選嗎？ [打印本頁]

作者: happylogin 時間: 15-1-2 09:59 標題: 如果明知自行有得interview機會不大，仍會選嗎？

小女1b，想揀一間穩陣，一間進取。但都知呢間1A學校有得interview機會不大，你地仍會選嗎？其實我都想試下呀女level，係BE有家長講過，如果連in都冇得in，即係未達學校入讀嘅level，入到都驚佢讀得辛苦，到大抽獎我未必會揀呢間學校頭幾位。真是母親的抉擇。

作者: sweethome111 時間: 15-1-2 10:27

我都有好似你咁諗，想試下阿女level , 但後來諗到，如果見一間唔係人人in 的學校，間學校本身就可能有限額，而去揀呢間學校的學生，多數來自b1.
我想講其實試唔到啲咩，唔接見，唔等於你女女差，佢可能係名額後的第一人呢？咁只可能知道有幾人在今年(這校內)，成績比你女女好吧了，但唔代表你女女一定唔岩讀吧！

所以我後黎選擇好好利用每個個機會(^_-)

作者: MavisNg 時間: 15-1-2 11:15

自行我仍會揀高一線, 正如果D校長講, 每個人都認為無機會而唔入表, 到時果D機會, 咪比哂有入表果D......
如果真係鐘意間學校, 就入咗先, 而到大抽獎至保守穩陣D

作者: 瑩瑩老豆 時間: 15-1-2 11:50 標題: 引用：我都有好似你咁諗，想試下阿女level+,+但後

原帖由 sweethome111 於 15-01-02 發表
我都有好似你咁諗，想試下阿女level , 但後來諗到，如果見一間唔係人人in 的學校，間學校本身就可能有限額 ...

唔賭唔知時運高

作者: 123BB 時間: 15-1-2 12:09

瑩瑩老豆發表於 15-1-2 11:50
唔賭唔知時運高

我都賭一鋪, 我女全級名次9/162, 考慮報上智 or 英華女校 or mcs or 瑪利蔓

作者: dobbybabie 時間: 15-1-2 12:11 標題: 引用：小女1b，想揀一間穩陣，一間進取。但都知呢

原帖由 happylogin 於 15-01-02 發表
小女1b，想揀一間穩陣，一間進取。但都知呢間1A學校有得interview機會不大，你地仍會選嗎？其實我都想試下 ...

你自行可照去1A，和1b，如沒得in，伹又好心儀，大抽獎照填，如果唔是，大抽獎擺1b先

作者: 屋邨仔 時間: 15-1-2 12:17

  自行最重要揀啱 level 中學 ,因名額寶貴只得兩個 ,勉強 1b生選 1a 校自行只會 1,無得面試
2 ,不獲取錄
  原因 1a 校自行很時多有500-600人申請 ,面試可能得200人而取錄幾十人 ,1a生都末必穩入 , 1b生要突圍除非有特異功能而學校又欣賞 .
  但大抽獎又不妨揀 1a校 ,因 band 1 生機會均等 !

作者: LoveChild 時間: 15-1-2 12:58

屋邨仔發表於 15-1-2 12:17
自行最重要揀啱 level 中學 ,因名額寶貴只得兩個 ,勉強 1b生選 1a 校自行只會 1,無得面試
2 ,不獲取錄
...

我應同呢個想法, 因為我係穩陣形, 同時地都要睇吓邊一區, B1學位多於B1學生, 同B1學生多於B1學位係2會事

作者: chocolatebean 時間: 15-1-2 13:51

happylogin 發表於 15-1-2 09:59
小女1b，想揀一間穩陣，一間進取。但都知呢間1A學校有得interview機會不大，你地仍會選嗎？其實我都想試下 ...

如果係咁, 除非考頭10名, 否則想自行考B1A/B學校都好渺茫.

我地報考都係想比小朋友去擴闊眼界, 經歷下個過程. 總好過讓佢覺得自己力有不第, 比別人差, 連面試都唔比機會佢, 唔係學校唔比, 係父母睇唔起佢.

作者: twcho 時間: 15-1-2 16:49

自行我會搏高一綫。

作者: lcwz01 時間: 15-1-2 22:56

博b1a嘅學校最難，其他Band嘅學生會有機會向上流動，但報b1a學校，就必定要同1a生爭位，自行收30%, 即有70%b1a學生，自行報b1a學校失敗而回。

作者: mamamui 時間: 15-1-2 23:12

lcwz01 發表於 15-1-2 22:56
博b1a嘅學校最難，其他Band嘅學生會有機會向上流動，但報b1a學校，就必定要同1a生爭位，自行收30%, 即有70% ...

條數又不是這樣計的，band 1A 學生入神級直資的也不少，離場率高，加上直屬學校、不同區的學位分佈等因素都有影響。

作者: vckchoy 時間: 15-1-3 02:21

明知無得in報嚟做咩???
擺明浪費自行一個位。
進取又點?叩門果時都收有份in果D先喇!
哩D嘢當然自行楷段搞掂最好，到大抽獎就=賭命。

作者: さしみ 時間: 15-1-3 04:26

中學課程跟小學完全不同，感覺重頭來過，只要繼續努力，不用怕讀不上B1A中學的課程·

作者: 屋邨仔 時間: 15-1-3 09:47

條數又不是這樣計的，band 1A 學生入神級直資的也不少，離場率高?

神級直資5隻手指數晒 ,每間各有附屬小學 ,學位合計不足500個 ,而全港小學超過 400間 ,平均一間都無2位入神級直資,如何離場率高?
當然如小孩讀某某名私小又當別論 ,一般津貼小學有3人以上入神級直資應該已是地區名小學 .所以自行時可一間揀高一级 ,但切忌越幾級挑戰 .
自行不是買六合彩 ,報就有機會唔報就一定無機會 ,因為大部份1A學校申請人數衆多 ,會先以排名次第選人面試 ,強校頭十學生隨時排名高過弱校第一名 ,所以要睇睇自已學校近2 , 3年升中情况及参考班主任意見 ,詳細考慮清楚 !
原則是不浪費面試機會 .

作者: 瑩瑩老豆 時間: 15-1-3 10:57

LoveChild 發表於 15-1-2 12:58
我應同呢個想法, 因為我係穩陣形, 同時地都要睇吓邊一區, B1學位多於B1學生, 同B1學生多於B1學位係2會事
...

自行不受校網限制, 睇邊區B1位多沒大意思

作者: LoveChild 時間: 15-1-3 11:28

瑩瑩老豆發表於 15-1-3 10:57
自行不受校網限制, 睇邊區B1位多沒大意思

我明白, 可能我有固有思想, 除非神校, 自己小朋友又係有特異功能, 我覺得選本區學校係基本的, 我覺得學校再好, 要日日搭車轉完又轉才返到學校, 學校再好都要再考慮, 除非會搬,

作者: bb560 時間: 15-1-3 12:42 標題: 引用：小女1b，想揀一間穩陣，一間進取。但都知呢

原帖由 happylogin 於 15-01-02 發表
小女1b，想揀一間穩陣，一間進取。但都知呢間1A學校有得interview機會不大，你地仍會選嗎？其實我都想試下 ...

如果你講“進取“個間係你囡喜歡個間，我會報！我諗今年有D人會搏得好盡，東區最hit個幾間唔係依間。我見有人真係b1c學生自行都報庇理羅士，不過連1st in 都無羅。我覺得你只多搏高咗三分一格。你囡嘅師姊入b1頂班官遣學校可能係抽返嚟架。

作者: happylogin 時間: 15-1-3 13:57 標題: 引用：Quote:原帖由+happylogin+於+15-01-02+發表

原帖由 bb560 於 15-01-03 發表
如果你講“進取“個間係你囡喜歡個間，我會報！我諗今年有D人會搏得好盡，東區最hit個幾間唔係依間。我見有 ...

我女學校係地區名小學，按以住派位，考60-70都派到B1，上年入左神級名校有7個。我估呀女係1b生，想越少少級去1a。都估計好微，但都想試。

作者: happylogin 時間: 15-1-3 14:09 標題: 引用：+條數又不是這樣計的，band+1A+學生入神級

原帖由 屋邨仔 於 15-01-03 發表
條數又不是這樣計的，band 1A 學生入神級直資的也不少，離場率高?

神級直資5隻手指數晒 ,每間各有附屬 ...

我都同意你所講，我女話上年考第一個個都考左入神級直資，佢學校有7個考到神級直資，不過就唔知係咪全部都因為成績好而考入，因佢學校樂隊都好勁，試過有學生不是因為成績好叻而入，而因佢係樂隊成員而叩入左。

歡迎光臨教育王國 (/)