教育王國

標題: 你當我自卑⋯唔識玩lee個幼稚園面試遊戲 [打印本頁]

作者: suki.ywk 時間: 14-12-31 15:51 標題: 你當我自卑⋯唔識玩lee個幼稚園面試遊戲

我真心自問個女所以面試唔叫差⋯,所有佢要做既野都做哂答哂! 我都只係apply有學卷既幼稚園, 係! 我認, apply果d都係一講個名大家都會知既幼稚園⋯7間⋯但最後換來既係全部reject, 只有2間waiting..有d連in既機會都冇!
我開始懷疑係自己陀衰個女, 因為我地住屋邨, 校網又差⋯父母又唔係高學歷高收入⋯又唔係名牌學校畢業! 所以我應該只得邨校offer? (冇意詆毀邨校, 收我女果間我都覺得以邨校計係唔錯既! 只係不是最心儀)

呻完⋯

作者: 964000 時間: 14-12-31 16:01 標題: 回覆：你當我自卑⋯唔識玩lee個幼稚園面試遊戲

你吾好太吾開心, 我識人大女加專業人士in時答晒問題一樣冇offer，主要報晒地區名校及一講就知個D, 反而冇報村校

作者: sunnymama2 時間: 14-12-31 16:32

坦白講，我覺得某些幼稚園可能會睇父母背景，但呢d野冇得變。可以變的父母教育子女的方法和態度，一些軟件好重要，如待人接物，解難力，抗逆力，學習興趣，自信等等。只要配合適當的教育，子女係龍的始終係龍，駛乜驚呀？

作者: sunnymama2 時間: 14-12-31 16:35

仲有，學卷幼稚園間間都參唔多，差在出唔出名，求其一間只要老師校長有heart，教育理念相近的村校可以讀已經好好啦，think positive!

作者: littlemybabe 時間: 14-12-31 16:40

唔使咁自責, 出名幼稚園競爭超大, 好多人都食白果~

作者: suki.ywk 時間: 14-12-31 16:50 標題: 回覆：sunnymama2 的帖子

你講得啱⋯所以我而家當慳埋果幾百蚊校車費, 放返落阿女既教育基金⋯我老公都話只要自己有心教, 做好自己本份, 教曉阿女待人接物, 禮義廉恥,就已經足夠!

作者: suki.ywk 時間: 14-12-31 16:54 標題: 回覆：sunnymama2 的帖子

多謝你既安慰! 係呀, 收我女間邨校校長好似好好, 聖誕O-Day都邀請我地lee批出年先返學既學生及家長參與, 當日見校長好好, 就算果日得13度都企出門口接待學生同學生say hohoho..merry christmas.. 勁nice!!

作者: suki.ywk 時間: 14-12-31 16:55 標題: 回覆：964000 的帖子

你朋友個B都係龍年?

作者: Littlecarrie 時間: 14-12-31 17:02 標題: 引用：多謝你既安慰!+係呀,+收我女間邨校校長好似

原帖由 suki.ywk 於 14-12-31 發表
多謝你既安慰! 係呀, 收我女間邨校校長好似好好, 聖誕O-Day都邀請我地lee批出年先返學既學生及家長參與, 當 ...

現在都有offer了嗎？咁就可以放心啦！

作者: Carrie226 時間: 14-12-31 17:09 標題: 引用：多謝你既安慰!+係呀,+收我女間邨校校長好似

原帖由 suki.ywk 於 14-12-31 發表
多謝你既安慰! 係呀, 收我女間邨校校長好似好好, 聖誕O-Day都邀請我地lee批出年先返學既學生及家長參與, 當 ...

邨校都好架，如果想學術，可以用果啲錢出去再學！

作者: 裝修師傅 時間: 14-12-31 18:38 標題: 引用：我真心自問個女所以面試唔叫差⋯,所有佢要

原帖由 suki.ywk 於 14-12-31 發表
我真心自問個女所以面試唔叫差⋯,所有佢要做既野都做哂答哂! 我都只係apply有學卷既幼稚園, 係! 我認, appl ...

我個囡囡都一樣，公共屋邨樓下嘅幼稚園都唔收，反而區內一間叫做有名氣嘅幼稚園收咗，小朋友面試唔代表乜嘢，同抽獎差唔多啫，當然抽唔到獎一定有少少唔開心

歡迎光臨教育王國 (/)