教育王國
標題: 關於自閉症 [打印本頁]
作者: 宏宏 時間: 14-12-28 21:06 標題: 關於自閉症
如果小朋友2歲半經醫生確定自閉症，3歲再經精神科醫生再次確定，需要讀s位，但3歲8個月時經政府派心理學家觀課1天，心理學家表示大，小肌，言語都係正常範圍，及有良好動機跟人互動，無需s位，只建議兼收或普通位，我小朋友其實近來進步極大，開始會關心人，固執行為都改善極大，鐘意同小朋友玩，會主動關心別人，模仿及學習能力高，雖然有發脾氣，但會聽道理，會主動做功課，至於叫佢應唔應人方面...以前十問九唔應，而家已經進步到叫2聲就會應，仲會反問對方：「做咩事呀？」，心理學家指小朋友只係社交較差，讀兼收或普通位會較好刺激，如果我今次唔要s位，以後就再沒有機會要求醫生轉比我，我都明白一位難求...唉，如果我派到s位唔要，下次唔會再比我，開學時學校都提出小朋友轉s位較合適，但過了幾個月，現在完全推翻，覺得原校合適，老師們覺得小朋友問題不大，我自從知道小朋友有事後，全副心機放落佢度，其實自閉症有無康復既可能？？我成日覺得自己未做到最好，常常怪自己，好大壓力
作者: 聽雨聲 時間: 14-12-28 21:36
回覆 宏宏 的帖子
已經好叻啦，比好多人都進步快,我諗你已盡晒力,唔好俾自己太大壓力。睇你咁講你仔如無其他情緒問題，我都覺得兼收位好啲，同龄人對佢刺激大,進步會更快。
作者: 宏宏 時間: 14-12-28 22:04 標題: 引用：回覆+宏宏+的帖子 已經好叻啦，比好多人都
原帖由 聽雨聲 於 14-12-28 發表
回覆 宏宏 的帖子
已經好叻啦，比好多人都進步快,我諗你已盡晒力,唔好俾自己太大壓力。睇你咁講你仔如無其 ...
作者: 宏宏 時間: 14-12-28 22:17 標題: 回覆：關於自閉症
我小朋友最大優點係可以坐定定做野，唔會走開，教咩佢都受，叫佢坐係度做同一樣野佢都好專心，請問有無好建議佢學d咩較好？而家每星期學琴、畫畫、跳舞，雖然姑娘建議要學800蚊每堂既正式訓練，但係我想分散投資，主要唔想放棄平時上堂既時間，協康都要排半年，排政府就要等多3個月有額外言語治療...而且學校每月有2-3堂言語治療..以前未有兼收學校時就每月有做12堂言語治療、職業治療及自閉治療，維持左差不多9個月，所以之前自己都學左好多野..想自己教返..但keep住都有進步，慳返既錢買玩具教材
作者: 聽雨聲 時間: 14-12-29 07:43
比我仔叻得多,我都無咩建議可以俾你啦，不過學咁多要睇返小朋友負唔負荷到,俾返啲玩嘅時間佢。
作者: Sienna419 時間: 14-12-29 08:45 標題: 回覆：宏宏 的帖子
支持你!
你好咖呀!
作者: 宏宏 時間: 14-12-29 09:28 標題: 引用：支持你! 你好咖呀! +
原帖由 Sienna419 於 14-12-29 發表
支持你!
你好咖呀!
作者: 宏宏 時間: 14-12-29 09:31 標題: 引用：比我仔叻得多,我都無咩建議可以俾你啦，不
原帖由 聽雨聲 於 14-12-29 發表
比我仔叻得多,我都無咩建議可以俾你啦，不過學咁多要睇返小朋友負唔負荷到,俾返啲玩嘅時間佢。 ...
政府心理學家要成年先1—2次，無咩人可以傾訴，因為身邊人唔知我仔情況..有時個仔扭計，只會話我唔識教..
作者: 聽雨聲 時間: 14-12-29 10:52
回覆 宏宏 的帖子
你仔而家幾大?而家同齡人比相差幾個月?就咁睇佢都已好叻，唔使理其他人點講,真正嘅朋友知道會諒解同幫助,亂講嘢嘅朋友不要也罷!凡事自己盡力就好,有咩結果都唔係你可以控制啦。你排s位點解又讀到兼收位?
作者: 宏宏 時間: 14-12-29 16:37 標題: 引用：回覆+宏宏+的帖子 你仔而家幾大?而家同齡
原帖由 聽雨聲 於 14-12-29 發表
回覆 宏宏 的帖子
你仔而家幾大?而家同齡人比相差幾個月?就咁睇佢都已好叻，唔使理其他人點講,真正嘅朋友 ...
作者: 聽雨聲 時間: 14-12-29 19:56
回覆 宏宏 的帖子
哇！咁快排到i位?今日去公園玩又識咗個比我仔細两個月嘅自閉症小朋友，佢两歲做評估排s位,經過年幾密集訓練，今年入s位,而家學校已建議佢讀返主流幼稚園，但個媽咪話唔轉，佢話會讀两三年,之後可能再出主流留班讀一年k3先入小學。所以入唔入s位主要睇媽咪點諗啦。
作者: 宏宏 時間: 14-12-30 00:22 標題: 引用：回覆+宏宏+的帖子 哇！咁快排到i位?今日去
原帖由 聽雨聲 於 14-12-29 發表
回覆 宏宏 的帖子
哇！咁快排到i位?今日去公園玩又識咗個比我仔細两個月嘅自閉症小朋友，佢两歲做評估排s ...
作者: 聽雨聲 時間: 14-12-30 07:28
回覆 宏宏 的帖子
咁s位嘅治療多好多,又比較針對性,個個都想打好個底先讀小學啦！不過就會搞到條隊好長咯,而且我覺得讀主流對小朋友嘅刺激仲好,學嘢更快
作者: DENNIS201 時間: 15-7-31 03:17
宏宏 發表於 14-12-29 16:37 
我仔2歲半時排i位，3歲時就排到，點知當排到i位後學校覺得小朋友唔合適i位，要約心理學家3個月後觀課再寫紙 ...
作者: cyriliris 時間: 15-8-4 16:23 標題: 回覆：關於自閉症
好想請教大家:
i位，s位即係咩？？
讀呢類型學校有咩好處唔好處？
因我仔最近去cac評估過，而家諗緊之後教育上點對佢最好，因為我自己佢無咩問題，但老師就覺得佢社交情緒有障礙，我好困惑
作者: DENNIS201 時間: 15-8-5 00:20
本帖最後由 DENNIS201 於 15-8-5 00:20 編輯
回覆 cyriliris 的帖子
你可以睇呢篇講 I E S 位
http://peggying.mysinablog.com/index.php?op=ViewArticle&articleId=2644888
作者: cyriliris 時間: 15-8-5 12:02 標題: 回覆：DENNIS201 的帖子
多謝介紹，很有幫助。
作者: cyriliris 時間: 15-8-5 12:08 標題: 回覆：DENNIS201 的帖子
想問問文中所講的位是否確診有自閉症先用得？？
作者: DENNIS201 時間: 15-8-5 13:59
回覆 cyriliris 的帖子
要具資格人士(例如兒童心理學家)評估左先可以去社工度開始排隊
作者: daibolam 時間: 15-8-6 00:53 標題: 引用：如果小朋友2歲半經醫生確定自閉症，3歲再經
原帖由 宏宏 於 14-12-28 發表
如果小朋友2歲半經醫生確定自閉症，3歲再經精神科醫生再次確定，需要讀s位，但3歲8個月時經政府派心理學家 ...
| 歡迎光臨 教育王國 (/) |
Powered by Discuz! X1.5 |