教育王國

標題: 三次呈分後教育局會俾全港及本區BANDING位置給同學 [打印本頁]

作者: gs 時間: 14-12-28 02:37 標題: 三次呈分後教育局會俾全港及本區BANDING位置給同學

是否考完三次呈分後教育局會俾全港及本區BANDING給同學的,咁點解話成日又話估錯BAND?謝謝!

作者: goodenough 時間: 14-12-28 03:05

gs 發表於 14-12-28 02:37
是否考完三次呈分後教育局會俾全港及本區BANDING給同學的,咁點解話成日又話估錯BAND?謝謝!
...

教局只會比三個組別的比例給學校，唔會給同學的。學校就算知有幾多band 1同學都好，但唔知邊一個。舉個例，學校知道有50個band 1同學，咁是否就代表考第一至50就係band 1同學呢？當然唔會係啦！因為學校只能用標準分來計算，跟教局用配對分有不同，還要三次不同之下，差距會可能越來越大。
這情況下，老師只能跟據三次校內排名徘徊在50的同學，跟據三次的呈分的成績來推算。一但三次中有一次的排名是超越50名的，就要特別小心處理。或者雖三次都不出50名，但有其他同學出現三次大起落的情況，都有機會將這名三次不出50的同學迫落band 2。這類同學，一般老師都會歸納為邊緣人。正常情況下，只要將邊緣的範圍適當地調整，錯band的機會仍可避免。

那最有機會出現錯band的就是學校太進取。因為學校知道本區band 1位和band 1生的比例差異大，於是強將band 2同學說成是band 1，目的是想增加同學進入band 1學校的機會。只要這名同學隨機號碼唔好，隨時band 1學校抽唔到，但又因早已將band 1學校填滿頭的志願，這樣就有機會連band 2學校都派唔到要派到去第一間選擇的band 3學校。

假若你有留意的話，這類錯band的情況出現在band 1位有非常多餘下的區域，例如油尖旺和九龍城區。所以，大家最好，特別是邊緣的同學，在四月下旬舉行的家長會時，千萬要問清楚老師幾多名開始才算計落邊緣人範圍(唔好信其他家長的傳言，因為好多家長以為上年派幾多band 1學校就當有幾多band 1數量。亦有情況是家長們為了校譽，強將自己小學的band 1數量跨大的，情況非常普遍)，看看自己的三次校內排名有否超越這個名次。由自己掌握去搏好過由別人叫你去搏！

作者: moniquechoy 時間: 14-12-28 10:26

Goodenough : Sorry 我想知道這些資料從那裡得來的?

作者: austism 時間: 14-12-28 11:28 標題: 引用：Quote:gs+發表於+14-12-28+02:37+是否考完

原帖由 goodenough 於 14-12-28 發表
教局只會比三個組別的比例給學校，唔會給同學的。學校就算知有幾多band 1同學都好，但唔知邊一個。舉個例， ...

多謝你的分析，實在太好了，解釋得好清楚！

作者: goodenough 時間: 14-12-28 13:23 標題: 引用：Goodenough+:+Sorry+我想知道這些資料從那

原帖由 moniquechoy 於 14-12-28 發表
Goodenough : Sorry 我想知道這些資料從那裡得來的?

你不要盡信我，你亦無需理會真假，重點係你只需信你們的老師，請教老師。至少教局已要求大家的老師在同學選校有困難時，必需提供協助。

作者: mrs.so 時間: 14-12-28 16:41 標題: 回覆：goodenough 的帖子

講得有理

大埔區也有此類小學累死家長，而家長亦為校譽誇讚升中派位成績，害人不淺。

作者: Maggie3493 時間: 14-12-28 16:58

點解你會覺得教育局會知會小學banding 人數比例？此外，配對分是甚麼？是否指中英數各佔9,常識佔6,?

作者: goodenough 時間: 14-12-28 18:46 標題: 引用：點解你會覺得教育局會知會小學banding+人數

原帖由 Maggie3493 於 14-12-28 發表
點解你會覺得教育局會知會小學banding 人數比例？此外，配對分是甚麼？是否指中英數各佔9,常識佔6,? ...

唔係我覺唔覺得的問題，而係沒理由去相信學校可憑空推算。有人話可依據以往派位情況就得，如果真係咁，啲banding隨時會亂晒大籠，最簡單的就係上年好彩好多band 2 同學不論在自行或直資入左band 1英中，咁今年唔好彩咪錯晒，入晒band 3，出年學校變成最多就係band 3。

配對分係師兄姐在PS1的分數，由最高分開始排列，如同學在呈分試經標準化後即是乘9乘6嗰d,做完一輪之後，排第一的同學，就可以分配師兄姐在PS1最高的分數，如此類推。

由於學校係唔會知這個配對分，所以第一次呈分還可以推算到，但經過兩次，三次之後，加上同學有進步，退步，學校計算平均跟教局的又唔同，所以會出現極大的差異。如果你叫學校去估，根本就冇得估！

作者: goodenough 時間: 14-12-28 18:57 標題: 引用：Quote:原帖由+Maggie3493+於+14-12-28+發表

原帖由 goodenough 於 14-12-28 發表
唔係我覺唔覺得的問題，而係沒理由去相信學校可憑空推算。有人話可依據以往派位情況就得，如果真係咁，啲ba ...

還有，影響banding的不單是自己學校的事，人家學校的分數都會有影響的，教局都要排過先知，你話學校點樣可以用過往派位情況來推算.或者過往派位係某程度係可以反映同學在自行時的實力，特別係能進入某些直資和其他不在本區的名校人數，但要用來計banding,還是要更可靠的數據和資料才可以。

作者: Maggie3493 時間: 14-12-28 20:12

我只係唔覺得教育局會有咩原因會通知學校，政府嘅嘢，無原因點會做。如果無呢個比例，就理解點解學校會有話俾學生知佢係band1 頭band 2 尾，甚至估錯banding, 因為佢都係自己估。講真，自行有幾多可以誇banding...

作者: gs 時間: 14-12-28 20:17

回覆 goodenough 的帖子

如果泒位50名BAND 1, 咁學校會估有幾多BAND 1? 如果間學校太保守估計告訴同學頭30名是BAND１甚至更少ＢＡＮＤ　１，又或者其實間小學是有直屬中學的學校，（可以更多ＢＡＮＤ　２但其實是ＢＡＮＤ　１　的同學選上自己中學）因而用最少的估計ＢＡＮＤ　１，　那麼學校在頭三志願的數字會很理想，可以這樣理解嗎？

作者: gs 時間: 14-12-28 20:29

回覆 gs 的帖子

Goodenough,

如你所說叫學校去估，根本就冇得估 --那麼如何相信老師呢? 我就對估BANDING的事好困惑,謝謝!

作者: goodenough 時間: 14-12-28 22:24

gs 發表於 14-12-28 20:17
回覆 goodenough 的帖子

如果泒位50名BAND 1, 咁學校會估有幾多BAND 1? 如果間學校太保守估計告訴同學頭30 ...

你講這兩種情形都是經常發生，特別是有直屬中學的。通常係老師索性唔講band 幾，但講大話幫同學較多，講大話害同學的，始終較少。一些猛叫同學去搏的就會將band 2說成是band 1，而這班老師年年都係咁做，已變得非常清楚最後叩門的把握和應該叩甚麼門了。要明白，保守最終都會影響學校的派位口碑的，較聰明的老師係會叫你報一間band 1，然後第二間開始就填band 2，這種情況反而在EK都經常睇到。
所以家長都要學得聰明，在EK係有非常多有心的家長，每年將各區的升中人數和各組別的學位列出讓大家參考。還有選校策略，讓大家知道搏要怎樣搏。講到搏，EK有幾位家長出名搏的，到時你可能會得到他的啟示都未定！

如果因為驚老師會害人而唔信老師不如爭取多點機會跟老師溝通。老師已經係最清楚同學的情況的人，你唔信佢我都唔知除了你自己你還可信邊個！

作者: goodenough 時間: 14-12-28 22:27

gs 發表於 14-12-28 20:29
回覆 gs 的帖子

Goodenough,

你不如去多點去老師溝通先！

作者: TiffanyLing 時間: 14-12-29 09:55

goodenough 發表於 14-12-28 22:27
你不如去多點去老師溝通先！

請問乜野問題問老師0黎套banding, 會問到資料? 因為老師只會答各band佔1/3。謝謝

歡迎光臨教育王國 (/)