教育王國

標題: （我好奇）有無家長無同小朋友報讀任何學習/興趣班呢？ [打印本頁]

作者: cindyyip21 時間: 14-12-27 16:03 標題: （我好奇）有無家長無同小朋友報讀任何學習/興趣班呢？

我舉手先，不過我小朋友得三歲幾，打算下年報游水。
有無家長好似我咁懶？

作者: liliankaykay 時間: 14-12-27 20:19 標題: 回覆：（我好奇）有無家長無同小朋友報讀任何學習/興趣班呢？

我女就快三歲，曾經報過音樂興趣班但佢唔鍾意，次次喊哂，仲破壞佢原本對音樂的興趣。我覺得太早送佢去興趣班，會大d先。

作者: Mmhs 時間: 14-12-28 09:11 標題: 回覆：（我好奇）有無家長無同小朋友報讀任何學習/興趣班呢？

重有我

兩個小朋友，一個兩歲半，一個四歲半，完全無去上興趣班，因為一來成效唔係噤大，二來啲時間好阻礙一家週末岀去玩。之前試過比姐姐上堂，但好似拉牛上樹，所以要佢自己好想上至再比佢學嘢。

作者: sunnymama2 時間: 14-12-28 09:48

仲有我！阿仔成日樹熊上身，好難比佢上興趣班

作者: cindyyip21 時間: 14-12-28 21:54

回覆 Mmhs 的帖子

其實我都覺得上興趣班會少左好多親子時間呀，可能因為我係雙職媽媽，放假想同佢相處。
我之前都有同我小朋友報畫班，雖然叫佢去畫佢係唔抗拒，但我覺得佢興趣唔大，有倒錢落海feel，哈哈。

你地會唔會怕好似爭d野咁？！其實我自己覺得同佢去多d大自然或四處遊覽，小朋友學到嘅野係好有得著呢。例如，我成日同我小朋友周圍去，放手比佢自己玩，佢會主動同陌生人傾計，好多陌生人都覺得我小朋友講野好叻，唔似得三歲。

我今日同佢去睇馬騮，玩怕羞草，佢大開眼界，覺得好有趣。

作者: sunnymama2 時間: 14-12-29 02:58

cindyyip21 發表於 14-12-28 21:54
回覆 Mmhs 的帖子

其實我都覺得上興趣班會少左好多親子時間呀，可能因為我係雙職媽媽，放假想同佢相處。

你的小朋友其實比其他人學得更多

作者: cindyyip21 時間: 14-12-29 09:16

回覆 sunnymama2 的帖子

我都覺得係。不過我有時都會覺得爭左d野，我承認我係會比較

所以希望有同路人，互勉。

作者: Mmhs 時間: 14-12-29 22:36 標題: 回覆：cindyyip21 的帖子

我都係返工一族，一星期兩日假期我覺得唔夠添，所以週圍去玩，大小公園，沙灘郊遊咩都玩。大自然好多嘢玩同學，簡單如沙地畫畫都玩餐飽，呀囡話其實唔駛玩具都好好玩。

未上小一功課未多之前，希望佢哋享受下玩，大家感情都好啲。

大家加油

作者: nana126 時間: 15-1-22 14:24 標題: 引用：回覆+sunnymama2+的帖子我都覺得係。不過

原帖由 cindyyip21 於 14-12-29 發表
回覆 sunnymama2 的帖子

我都覺得係。不過我有時都會覺得爭左d野，我承認我係會比較

絶對認同！
放假我們也是去坐巴士，去新界走走，囡囡不知多開心！

歡迎光臨教育王國 (/)