教育王國

標題: 兩歲半囝囝成日問點解 [打印本頁]

作者: sunnymama2 時間: 14-12-26 09:41 標題: 兩歲半囝囝成日問點解

囝囝快兩歲半啦，呢幾個月成日問點解，例如點解會落雨，點解太陽要落山。睇醫生，醫生話唔好食雞蛋，囝囝即刻問點解唔可以食雞蛋，又問幾時至食得。食藥水前，又要問每枝藥水有乜用。。總之一日問到黑

我好少接觸其他同年紀的小朋友（番左兩個月pn就退學），所以唔知其他小朋友係唔係咁。有時覺得佢好蠢，咁簡單的野都要問，因為解釋左好多次。有時又欣賞佢發問的精神，好想佢繼續好奇落去。照講佢係鐘意學野，但極唔鐘意番學，懶到出汁。

大家有遇過呢類小朋友嗎？事事問點解，係好定唔好大家會點教育呢d小朋友呢？？先謝謝

作者: popomama2012 時間: 14-12-26 21:50 標題: 回覆：兩歲半囝囝成日問點解

我個囡兩歲半,乜野都唔問,你個囝每事問,係好奇心刺激佢大腦在思考,我覺得绝對係好事~~

作者: cindyyip21 時間: 14-12-26 21:58

我仔仔兩歲幾個陣都成日問問題，佢又真係好鍾意學野，到現在三歲幾都係咁問，我都會認真答佢，就係想佢keep住好奇心。不過我仔仔好鍾意返學，佢話返學有好多小朋友同佢玩。

作者: Franceschingyi 時間: 15-1-5 08:22 標題: 引用：囝囝快兩歲半啦，呢幾個月成日問點解，例如

原帖由 sunnymama2 於 14-12-26 發表
囝囝快兩歲半啦，呢幾個月成日問點解，例如點解會落雨，點解太陽要落山。睇醫生，醫生話唔好食雞蛋，囝囝即 ...

這是兒童發展必經階段，我們做家長的，要有耐性回應，用他們理解的方法去講解

作者: longsky 時間: 15-1-5 09:20 標題: 回覆：兩歲半囝囝成日問點解

我仔兩歲幾,唔識發問,我反而擔心

作者: chiliwu 時間: 15-1-6 23:22 標題: 回覆：兩歲半囝囝成日問點解

小朋友必經階段。明知點解都仲要問添……

作者: pizzaheidi 時間: 15-1-7 00:22 標題: 引用：囝囝快兩歲半啦，呢幾個月成日問點解，例如

原帖由 sunnymama2 於 14-12-26 發表
囝囝快兩歲半啦，呢幾個月成日問點解，例如點解會落雨，點解太陽要落山。睇醫生，醫生話唔好食雞蛋，囝囝即 ...

恭喜你！發問係好事黎咖！當然有時唔係三言兩語能夠解釋果陣，梗係有 d 煩 la ! 我有個方法睇書學，同人分享過話有用，希望幫到你！

當你應付唔切佢 d 問題果時，你試你反問佢丫：例如：點解......？你就反問：你覺得呢？佢應該即時會停頓幾秒然後答你：我覺得.....囉！甘你只需回應佢：原來你覺得甘甘甘！可能佢想法好無聊，但唔需要即時糾正佢，有 d 野佢大左就明咖 la ! 反問更能引發思考，答案反而不重要！

我有同事試過work ! 我個 b 25 個月，暫時未問野，希望到時用得著！

作者: bonmom 時間: 15-1-7 10:03

pizzaheidi 發表於 15-1-7 00:22
恭喜你！發問係好事黎咖！當然有時唔係三言兩語能夠解釋果陣，梗係有 d 煩 la ! 我有個方法睇書學，同人分 ...

我都用呢個方法,好work,仲可以令佢發揮創意呢

作者: cacathepanda 時間: 15-2-7 22:13 標題: 回覆：兩歲半囝囝成日問點解

這是必經階段，2歲人仔，咩都未見過，問係好事，用最簡單方法回答，例如點解行雷，我唔會答我仔正極同正極相撞，我會答佢因為2舊雲撞車

作者: cacathepanda 時間: 15-2-7 22:18 標題: 回覆：兩歲半囝囝成日問點解

佢宜家5歲，我已經唔知答咗幾多萬個為什麼

作者: JK427 時間: 15-2-11 11:44

我囡而家2歲, 佢都會問點解同乜野黎架; 我地都會盡量解答佢嘅問題. 其實我自己細個都好鍾意問點解, 不過我媽咪無乜耐性, 只係周我話唔係所有野都有得解. 所以, 到而家自己做媽咪就盡量滿足我囡嘅好奇心.

歡迎光臨教育王國 (/)