教育王國

標題: 馬鞍山合一堂，可以俾下意見嗎？ [打印本頁]

作者: PEANUTROLL 時間: 14-12-24 17:53 標題: 馬鞍山合一堂，可以俾下意見嗎？

馬鞍山合一堂，可以俾下意見嗎？

作者: candice1019 時間: 14-12-26 01:16

我都想知，呢間學校注重英文嗎？一個星期有幾多堂英文幾多堂國語？

作者: mercuryki 時間: 14-12-27 22:18

朋友經驗，合一堂係happy school功課相較淺D,你可能要預k2開始要出去外面補習,學phonics....etc 但小朋友會開心D,睇下你要求咩

作者: PEANUTROLL 時間: 14-12-28 15:22 標題: 回覆：馬鞍山合一堂，可以俾下意見嗎？

我鍾意合一堂夠近，老師有愛心，校舍空間大，但婆婆好擔心囝囝小一升唔到好小學，功課跟唔上，煩惱中

作者: siden 時間: 14-12-28 15:53 標題: 回覆：馬鞍山合一堂，可以俾下意見嗎？

純粹個人喜好，學費不是問題的話，馬鞍山康傑好好多。基本上所有馬鞍山學卷幼稚園，都太happy, 如父母不加點料，上小學咪話唔吃力。

當然堅持幼稚園愉快少功課的家長是不會認同的。大家取向不同而已。所以不喜拜託勿插。

作者: BERNICEJUNE 時間: 14-12-28 20:07

本帖最後由 BERNICEJUNE 於 14-12-28 21:19 編輯

唔知點解合—Ｄ家長對學校都是有讚冇彈，相信學校有番咁上下才值得讚。零負面消息，仲想點？
靈糧丶合—丶美善非常多人報名希望入讀，囗碑及實力相信大家也心中有數吧！

作者: wingyan2011 時間: 14-12-28 20:40 標題: 回覆：BERNICEJUNE 的帖子

合一堂有學劵，地方又大，又多人報名又難入，好野黎👍

作者: candice1019 時間: 15-1-2 17:05

合一堂我都相信是好野來的，但覺劵學校一定係會淺啲，要出去補一補也無可厚非。
我正考慮緊馬鞍山合一堂定救世軍田家炳，大家可以比啲意見嗎？

作者: echan0117 時間: 15-1-2 18:11 標題: 回覆：馬鞍山合一堂，可以俾下意見嗎？

我囡讀緊 n 班，老師姐姐好有愛心，我囡番得好開心，但，程度相對係淺，如唔介意程度淺，可以考慮。合一真係好學校黎架

作者: kerorowaiwai 時間: 15-1-2 18:36 標題: 引用：純粹個人喜好，學費不是問題的話，馬鞍山康

原帖由 siden 於 14-12-28 發表
純粹個人喜好，學費不是問題的話，馬鞍山康傑好好多。基本上所有馬鞍山學卷幼稚園，都太happy, 如父母不加 ...

我想問康傑點解你覺得好？

作者: siden 時間: 15-1-2 20:56 標題: 引用：Quote:原帖由+siden+於+14-12-28+發表純粹

本帖最後由 siden 於 15-1-2 21:03 編輯

原帖由 kerorowaiwai 於 15-01-02 發表
我想問康傑點解你覺得好？

我們生活在現實，現實就是幼稚園程度太淺的話上小一會有gap好吃力。除非家長K2、K3俾小朋友出街食補品。咁點解唔揀一間接到小學課程的幼稚園，要浪費小朋友玩樂的時間出去食補品？當然唔係話讀教得深的幼稚園的家長就唔會學extra嘢，咁起碼可以上少兩三樣吧？除非full time mum可以在家長期每天教小朋友學多少少，咁又唔同，讀教得好淺學卷幼稚園也問題不大，也不用食補品。

邊個唔想小朋友有探索求知非谷的幼稚園生活？之但係好多津直私學校小一功課的程度明顯與開心派幼稚園有距離。

已經不是要什麼贏在起跑綫，只是希望升小一適應過程順暢而已。

如因經濟情況必要讀開心派學幼稚園，那麼放多些親子學習時間也可補不足，只是雙職父母會辛苦些。

話說回來，數年前在康傑讀，校長、老師、工友們都看得出愛護學生，連書記姐姐也超好人。每星期手册內有老師親手寫的一小段評語，不是只有一些行貨的tick,circle, cross comments. 觀乎各種學校運作，沒發現什麼行政混亂的情況，樣樣野都企企理理，教材都看得出用心design, 唔係好行貨。N班已經有上天台看turtle或其他植物觀察等活動。

最記得係當年小朋友講嘢表達稍慢，雖然不太明顯，但老師都留意發現到，親自告知我，並提供埋一些以前有家長用過提供給學校的私人機構資料，叫我可以考慮做些簡單評估訓練，當中看得出是善意提醒，完全沒有「其」視或反感的意思。講真，情況咁mild, 好多幼稚園未必spot到，spot 到咁mild嘅野都未必花時間同你講，講完都未必咁善意攞埋之前家長經驗資料給你參考, 真係算係咁。

不過你最好問番現任家長comments, 會update 些。我唔知近年課程作風有冇改。

作者: kerorowaiwai 時間: 15-1-2 21:02 標題: 回覆：siden 的帖子

多謝你嘅資料，因為呀仔考左呢間，但自又咩都唔知，由頭到尾只係聽人講，所以自己都唔知點做決定

歡迎光臨教育王國 (/)