教育王國

標題: 針灸 & 言語治療師，唔該過來人給予意見和經驗！！！ [打印本頁]

作者: Smile_wen 時間: 14-12-21 00:59 標題: 針灸 & 言語治療師，唔該過來人給予意見和經驗！！！

我本身無識點教小朋友，而家仔仔仲要係特殊。所以好想過來人比D意見。
仔仔12月底就27個月，上個月係私人機構評估為輕微自閉，言語delay一年，只會發爸爸喱個音，其他咩單字都沒有，係BB話，教叫媽媽，發音似Wawa。
上佐一個月訓練班,一周2次（感統和言語）；我未見到有進步，不過嬌氣佐好多，去到中心門口已開始眼紅，喊住入課室；落堂見到我，即詐嬌，喊出來。下月中，將轉去密集班，我唔知道喱D訓練效果如何，但係好期望仔仔咯語言能力可以盡快改善。
但言語治療師話我仔好敏感，好唔中意比人掂塊面，特別係嘴，所以好多野做唔到，只能慢慢來。
我有考慮過言語治療加堂訓練，但見到甘多人話針灸有效，我又想試下，可唔可以提供D有關資料比我參考？
我仔唔識吹和吸喱兩個動作；唔會雙腳離地跳起（只會做姿勢）；但對語言理解OK，因爲基本指令都會聼，坐地鐵聼到到站咯名，會主動準備落車；中意聼故事，認識好多字（醫生話要減少），但講野就如此遲緩，喱係我最操心咯問題！！！

作者: 聽雨聲 時間: 14-12-21 09:40

回覆 Smile_wen 的帖子

有無擦身?擦身可以減敏，叫治療師教你。佢唔識講你點知佢識好多字?

作者: babecat1 時間: 14-12-21 10:47 標題: 引用：我本身無識點教小朋友，而家仔仔仲要係特殊

原帖由 Smile_wen 於 14-12-21 發表
我本身無識點教小朋友，而家仔仔仲要係特殊。所以好想過來人比D意見。
仔仔12月底就27個月，上個月係私人機 ...

已pm

作者: 濼晴 時間: 14-12-21 13:15 標題: 回覆：Smile_wen 的帖子

無論上任何堂暫時一個月未能到功效

小女上左半年只開始進步上完 32堂可以甩得唔洗再上，除左出去訓練你在屋企都要日日訓練

Hku speech clicin有做開有自閉加 speech 既小朋友佢地好 professional 真心推介

唔好心急我明白既比點時間心機同錢

指日可待

作者: Smile_wen 時間: 14-12-21 15:25

回覆聽雨聲的帖子

治療師有教擦身,但因各方面原因，平均1日最多擦2次.至於認字,係因有時我們講出咩字時,仔仔會用手指著果D字,而我地亦確認過一次,就係特意寫好多張字條,我讀咩字,他就係入面執出來比爸爸.
但佢一樣有甘多trouble，特別係語言,我發夢都夢見佢講野。
雖然醫生話輕微，但輕微咯定義有幾廣？日後會唔會慢慢嚴重？會唔會引發其他問題？等等.....
知道唔好想太多，但我無法控制内心咯恐懼。佢越來越大，但都未識講，我個心就越來越難平靜。

作者: Smile_wen 時間: 14-12-21 15:26

回覆 babecat1 的帖子

Thank you.

作者: Smile_wen 時間: 14-12-21 15:44

回覆濼晴的帖子

每次上完堂，關於口肌方面的訓練項目，都註明未接受，即未做。甘係唔係代表我仔唔岩上口語訓練著？
係屋企，佢要咩野時，我都要佢開口叫媽媽先，或講要和比，但始終都係其他音。
我明白需要時間，但想到仔仔基本咯吹和吸都唔曉，而個口又超敏感，牙刷掂下嘴邊都唔得；我咯夢幾時先會成真？

作者: 楽家豆豆 時間: 14-12-22 11:49 標題: 回覆：Smile_wen 的帖子

有無人諗過同仔女做舌針？ ?
好驚，。但喺聽講效果好好

作者: 濼晴 時間: 14-12-23 12:46 標題: 回覆：Smile_wen 的帖子

但學speech 本身要理解左你既說話先

作者: ChattyST 時間: 14-12-29 13:27

無論上什麼課堂還是接受針灸, 都需要時間!
如你經濟負擔得到, 就加針灸. 但不要停密集及各治療.
因我的學生中, 有人針灸好有效, 有人針完反應不大

作者: Smile_wen 時間: 15-1-3 16:17

回覆 ChattyST 的帖子

Hi Chatty,.我先生對於針灸有所保留,擔心嚇親仔仔.
你係語言治療師,所以我想問下你意見,插位讀N班+個別訓練或只上密集班?邊個會好D??

作者: fandd 時間: 15-1-3 22:58

回覆 Smile_wen 的帖子

Smile_wen，唔好咁擔心！我囝囝三歲時至開姓講第一個單字，到咗而家(差唔多6歲)已嘜都識講。佢由兩歲開始就上密集式訓練，另加每週一課言語治療，喺一年內都好似毫無多用；嗰段時間雖然好UP，但仍然不斷同佢講嘢，介紹佢身邊見到既人、事、物。到佢三歲講第一個字開始，唔使3個月已亦成「開籠雀」。諗返轉頭，佢既成功我覺得「訓練」係最重要既因素，但當然要比一段長時間，所以千萬唔好急呀！

至於針炙，我阿仔都試過四個月(每週2-3次，又要食中藥)，但見成效不大(雖然中醫每次都會話阿仔既情況好咗，e.g.話佢多咗發音、舌底下既肌內無咁腫脹......總之好似自圓其說)，而阿仔於每次治療前後都會勁喊，為免持續影响佢既心理，所以停咗！

作者: ChattyST 時間: 15-1-5 17:15

本帖最後由 ChattyST 於 15-1-5 17:15 編輯

回覆 Smile_wen 的帖子

因為我無面見你小朋友, 我的建議只可作為參考!
如果孩子體力麻麻, 只上密集, 小朋友會無咁辛苦! 而且打好個底(語言能力, 大小肌肉能力), 到時上主流幼稚園會好好多
同埋如果插位讀N班+個別訓練, 你要預時間每日做家居訓練

歡迎光臨教育王國 (/)