教育王國

標題: 真心請教，管教問題。 [打印本頁]

作者: wendyaupooh 時間: 14-12-19 15:51 標題: 真心請教，管教問題。

小朋友經常被老師投訴搶/攞人物件或野食，我地鬧又鬧過，打又打過，氹又氹過，軟硬都唔得。
文具佢有齊，無既都會買，野食佢想食乜都比佢帶返學，我地唔知重可點教。
已經比老師blacklist, 到底係我地教得唔好，定係佢本身有d情緒/行為病既問題呢？
有無人可以教我點做？我地已經唔識教了。另一問題係老師覺得佢唔驚老師，呢點我地又可以點做？

作者: little_yolky 時間: 14-12-19 15:54

wendyaupooh 發表於 14-12-19 15:51
小朋友經常被老師投訴搶/攞人物件或野食，我地鬧又鬧過，打又打過，氹又氹過，軟硬都唔得。
文具佢有齊，無 ...

可唔可以搵下學校社工幫幫呀。

作者: HaYi 時間: 14-12-19 17:11

我覺得有其它問題, 不是普通管教的, 找社二或教育心理學家問下

作者: Yanamami 時間: 14-12-19 17:50

好似楼上講，唔似管教问題，可能係其他问題｡有無發現以下問題添？
1. 對於例行的工作感到厭煩，甚至不屑一顧。
2. 不喜歡機械式背誦或重複的作業。
3. 自我要求過高，嚴厲自責，不能忍受失敗。
4. 對於別人的意見好作批判。
5. 時常口頭上表示其叛逆性。
6. 在不適當的時機，開玩笑或說俏皮話。
7. 情緒過於敏感，可能過度反應，容易生氣，事情不順，則容易哭泣。
8. 對於細節沒有興趣。
9. 反抗權威，固執，不順從。
10. 喜歡支配別人。

作者: wendyaupooh 時間: 14-12-19 18:13

Yanamami 發表於 14-12-19 17:50
好似楼上講，唔似管教问題，可能係其他问題｡有無發現以下問題添？
1. 對於例行的工作感到厭煩，甚至不屑一 ...

以上都有幾點有，特別10，佢好鍾意做大，人地唔聽佢就唔同人做朋友。

作者: Yanamami 時間: 14-12-19 18:25

本帖最後由 Yanamami 於 14-12-19 18:26 編輯

小朋友可能有特别需要，唔識控制自己情緒，唔識同人相处，做野好衝动唔諗後果，未必有心曳曳但就俾周圍既人覚得佢教而不善｡試下同社工傾下，可能轉介上d適合既course会好d?

作者: HaYi 時間: 14-12-19 18:44

通常有

阿氏
ADHD
對抗性 ODD
都有以上的情況, 尤其不懂社交的相處問題, 大左都未必改善到, 所以早些找專業的人仕問下好D

作者: teddy_k 時間: 14-12-19 23:42 標題: 回覆：真心請教，管教問題。

提示: 作者被禁止或刪除內容自動屏蔽

作者: teddy_k 時間: 14-12-19 23:50 標題: 回覆：真心請教，管教問題。

提示: 作者被禁止或刪除內容自動屏蔽

作者: wan_sosin 時間: 14-12-20 00:59

wendyaupooh 發表於 14-12-19 15:51
小朋友經常被老師投訴搶/攞人物件或野食，我地鬧又鬧過，打又打過，氹又氹過，軟硬都唔得。
文具佢有齊，無 ...

我個仔都係反叛形,但因為由細到大都跟得好緊去教佢,佢最少唔會蝦人!但就一樣唔怕老師,我教我仔唔係要聽老師話,而係同老師合作,老師要做嘢,同學要學習,唔好令佢哋為難,要幫幫忙!
要佢幫忙,而唔係叫佢聽話,反而我個仔受,因為我當佢係比較大個,而我仔本身真係比同齡心志大個d.
佢上堂會無心機,佢畫花本書好,做乜都好,我唔介意,只要唔影響課堂就可接受.

作者: 已刪除用戶 時間: 14-12-20 16:18 標題: 回覆：真心請教，管教問題。

學校有無社工及教育心理學家？向班主任要求轉介，睇下幫唔幫到小朋友

作者: wendyaupooh 時間: 14-12-20 23:51

多謝甘多位意見。我地只係感覺老師好討厭我女，佢完全無提過亦無講過佢可能有其他問題引致呢d行為。我諗我會自己出去搵人做評估先再直接搵學校傾。暫時老師都已經標籤佢係壞學生。
點解我甘講呢，有次有些同學唔見左某d上堂用品，甘岩我女無帶返學，佢一口咬定係我女拎左人叫佢還比人，原本每人廿粒，我女話佢比返人之後得返13粒，我唔知佢拎左人幾多粒，但肯定有d唔關佢事，否則佢無可能得返13粒。我女話有同老師講，但老師唔信佢，同到而家為止，佢每日上堂都話唔夠做唔到練習，而老師係無理過佢。
唉，我都唔知我可以點同呢個班主任講或傾，我同老公一致認為佢覺得煩，唔想理。

作者: Yanamami 時間: 14-12-21 09:10

wendyaupooh 發表於 14-12-20 23:51
多謝甘多位意見。我地只係感覺老師好討厭我女，佢完全無提過亦無講過佢可能有其他問題引致呢d行為。我諗我 ...

都可揾註校社工傾下，佢应該对不同小朋友較有經驗同持平｡幾方面—齐做啦~自己又出去做下評估｡小朋友校內成績如何？

作者: wendyaupooh 時間: 14-12-21 11:35

佢成績ok架，不過我個人覺得佢唔係資優既。
甘我放完假都直接搵下學校社工。

作者: missli88 時間: 14-12-22 16:49

提示: 作者被禁止或刪除內容自動屏蔽

作者: naughtybj 時間: 14-12-24 05:45 標題: 引用：小朋友經常被老師投訴搶/攞人物件或野食，

提示: 作者被禁止或刪除內容自動屏蔽

作者: kin818kin 時間: 14-12-24 13:03

本帖最後由 kin818kin 於 14-12-24 13:03 編輯

wendyaupooh 發表於 14-12-20 23:51
多謝甘多位意見。我地只係感覺老師好討厭我女，佢完全無提過亦無講過佢可能有其他問題引致呢d行為。我諗我 ...

係唔係資優唔係你同我去評，係要專家做好多TEST ，得出的結果。

好似我仔都有上堂唔專心，周身動，坐唔定，玩文具......好多問題，當年我同老師提出問佢會唔會有過度活躍症？跟住老師問左所有教佢的老師，最後一致認為佢有這個問題，後來經學校請左專家來做左TEST ，TEST 左出來竟然話佢係資優，不專注不算好嚴重，可以不食藥。

這些TEST 最好經學校做會好好多，因為外面好貴。

現在重點係搵出個原因......WHY？知道左才再想辦法解決。

班主任方面，你地都要放開成見，老老實實同老師表達你地的憂慮，想佢提供幫忙，並且要同老師道歉一直以來帶比佢的麻煩，明白佢地的辛苦，請佢體諒。講多D 好話，始終阿女係學校時間長過家中，有老師的照顧會好好多。

加油呀﹗

歡迎光臨教育王國 (/)