教育王國

標題: 你會點睇小學生跳一級？ [打印本頁]

作者: Vero 時間: 14-12-18 01:38 標題: 你會點睇小學生跳一級？

老師覺得佢超越其他學生，阿仔覺得D野好淺有時重好悶，有時候上堂做完野會自己取出自己喜歡的書自己閲讀。唔知跳級是否一好選擇。好處壞處？

作者: lillymarie 時間: 14-12-18 15:47

Vero 發表於 14-12-18 01:38
老師覺得佢超越其他學生，阿仔覺得D野好淺有時重好悶，有時候上堂做完野會自己取出自己喜歡的書自己閲讀。 ...

跳級是學校給小朋友的選擇嗎？除了跳級，有沒有試其它方法？例如拔尖？小朋友本身在班上年齡和其他同學相差幾遠？
我大仔幾乎是班中最小的，和最大的同學相差一年半。他只是數學較好，學校讓他數學讀高一級。他讀得好開心，話讀咁耐書（現中三）第一次覺得自己數學有野學。

如果小朋友所有方面都超前，跳級相信會有正面作用。

作者: 阿女爸爸 時間: 14-12-20 00:30 標題: 回覆：你會點睇小學生跳一級？

學業上應該能令佢更開心及更有自信。融入年紀較大的圈子確實不容易，可能尼方面要有適當輔導。除非學校有好多人都係跳班，始終跳班都係一d special case, 容易在學校出名，會有較大壓力。可能之後要多跟學校溝通。

作者: hadwinboy 時間: 14-12-20 00:32 標題: 回覆：你會點睇小學生跳一級？

我仔是12月細仔讀小二，小一有些已經是7歳我仔則剛剛生日7歳，可以知道同級好多同學仔會大他一年。學術及理解上我仔冇問題，甚至超前同班同學，但體形上差一截，又矮半個頭，我知他有時也有點不自然，他不會同高大那些玩。所以如果你個仔跳級，在相處上不知有沒有問題。

作者: Vero 時間: 14-12-21 02:49 標題: 引用：Quote:Vero+發表於+14-12-18+01:38+老師覺

原帖由 lillymarie 於 14-12-18 發表
跳級是學校給小朋友的選擇嗎？除了跳級，有沒有試其它方法？例如拔尖？小朋友本身在班上年齡和其他同學相差 ...

學校沒有發表意見，沒有其他選擇，但我知道學校有先例比學生跳級，所以想了解下好壞和其他人經驗才再和學校傾。我仔英、數、science,都比較advance, 所以我們才有此想法。

作者: Vero 時間: 14-12-21 02:54 標題: 引用：學業上應該能令佢更開心及更有自信。融入年

原帖由 阿女爸爸 於 14-12-20 發表
學業上應該能令佢更開心及更有自信。融入年紀較大的圈子確實不容易，可能尼方面要有適當輔導。除非學校有好 ...

以你經驗，要點輔導？他現在三年級，如果係，出年會跳到五年級。你們的小孩跳前或後，有無自己睇返或者做返miss左果年既練習？

作者: Vero 時間: 14-12-21 02:59 標題: 引用：我仔是12月細仔讀小二，小一有些已經是7歳

原帖由 hadwinboy 於 14-12-20 發表
我仔是12月細仔讀小二，小一有些已經是7歳我仔則剛剛生日7歳，可以知道同級好多同學仔會大他一年。學術及理 ...

我仔比同齡較細，但是個子比平均高些。我擔心佢既成熟程度及一些常識及自理能力會較差。

作者: lillymarie 時間: 14-12-21 04:59

跳級一般要全部科目超前的啊。

作者: lillymarie 時間: 14-12-21 20:02

http://www.qagtc.org.au/accelera ... arents-and-teachers

以上網址講得都幾仔細，可以參考一下。

小三若跳上小五，好快就有呈分試，夠時間給小朋友適應嗎？有沒有和學校適量一下其它可能性？

作者: miriam 時間: 14-12-22 00:05

Vero 發表於 14-12-18 01:38
老師覺得佢超越其他學生，阿仔覺得D野好淺有時重好悶，有時候上堂做完野會自己取出自己喜歡的書自己閲讀。 ...

我識得一位小朋友 IQ140, 佢 P.2 轉校時其中一間學校畀佢跳級, 但佢爸爸希望佢跟合適年齡讀合適年級, 所以選左另一間學校, 主要係跳一級所有同學都大佢一年或年半, 相對係同學眼中佢係好細個, 未必會夾得黎, 反而會影響左佢日後交際發展.

既然老師容許你仔仔做完野睇其他書, 就無謂跳級喇.

作者: lillymarie 時間: 14-12-22 05:35

小四的課程和小三比，會深了好多，而且一般學校對初小（小一至小三）學生的要求不高，但到小四開始就會嚴謹好多，要求亦提高。或者到時你小朋友的感受會有不同。

如果小朋友到時仍然感到淺易，不如努力做好成績，考間精英中學更好。

我朋友的小朋友小一跳級至小二，他由班中大仔變成細仔，適應得很好。不過，跳級此安排是朋友和老師閒談時問有無可能跳級，學校經過一輪觀察後向朋友提出。

作者: longlokma 時間: 14-12-22 07:40 標題: 回覆：你會點睇小學生跳一級？

如果你孩子中文水平並未超前，建議你真的再三考慮跳级才好。老實說，在小學階段，特別是初小，英、數、常、science、音樂、普通話等超學年的孩子有好多，可想像各校全级首三名(甚至更多)的其實也是这類学生。

中文，是需要時間浸淫的，本地學校对中、英文深度的要求差異甚大，越高年级这差異越明顯。其實，孩子有能力的，不用等学校教授各科知識，校外亦有很多途徑可以滿足他。留在原级，一方面能輕鬆考取優異成績升中，另一方面又可以和同齡同學玩樂。所以家長真是要仔細想清楚。

作者: 小曳人 時間: 14-12-22 10:54

同意樓上講：中文問題
真係最難跟到嘅一科！要求唔單只閱讀能力，如果唔係語言資優嘅，跳一級就未必跟得到！

作者: 小曳人 時間: 14-12-22 12:07

樓主，建議你同資優教育學院聯絡，佢地會有consultant同你傾小朋友嘅問題，更可安排做跳級評估 (收費)
睇下小朋友適唔適合

作者: bibitom 時間: 14-12-24 03:08 標題: 引用：如果你孩子中文水平並未超前，建議你真的再

原帖由 longlokma 於 14-12-22 發表
如果你孩子中文水平並未超前，建議你真的再三考慮跳级才好。老實說，在小學階段，特別是初小，英、數、常、 ...

我都考慮過呢個問题，班主任話佢上所有堂都係唔聽書，又唔温書，只係老師們覺得佢識哂，所以由得佢，但發覺佢和同學有相處問题，我都係想搞掂佢點做一個學生先，唔打算跳級

作者: qwop 時間: 14-12-24 10:14

本帖最後由 qwop 於 14-12-24 10:14 編輯

longlokma 發表於 14-12-22 07:40
如果你孩子中文水平並未超前，建議你真的再三考慮跳级才好。老實說，在小學階段，特別是初小，英、數、常、 ...

分析得好好，我自己經驗，尤其仲有一科中文bible,深到無朋友，比我仔跳級都未必應付到。所以可在其他方面滿足小朋友，如HKAGE同中大。

作者: mandytsemk 時間: 14-12-25 01:14 標題: 回覆：你會點睇小學生跳一級？

校阿仔今年小二，校長有建議阿仔跳級，但我無答應，因為阿仔係超細仔，12月30出世，我想佢同年齡差唔多既小朋友多啲相處，難道佢跳完都覺得程度淺又要再跳？畢竟對佢將來，社交能力好總會比較有優勢吧！由舊年開始，學校給他做小老師，老師還請他教其中一位同學背乘數表，他好有planning，話首先要教佢背2，5，10，然後背 4，8，之後就輪到3，6，最後背7，由淺入深喎! 我覺得咁樣幾好，input同output都做得到，對佢嚟講自己當溫書之餘又有滿足感，一舉幾得架!

作者: JCR 時間: 14-12-29 15:46

中文真的很重要，尤其對内容的理解而不是只有閱讀，
中文理解能力的提高，對很多學科都有幫助，我也覺得聪明的小孩的
语言理解能力會稍好些，而這對他吸收新知識是有幫助的

如以下小三/小四的數學题，只要看懂，答案就出来，根本没有繁琐的計算，
所以，這是在考對题目的理解而不是考計算，

语言理解能力好的，相信其他學科也不會差到那里，

歡迎光臨教育王國 (/)