教育王國

標題: 升唔到學位課程，係咪一定要搵文憑黎讀？ [打印本頁]

作者: wwyee 時間: 14-12-17 11:28 標題: 升唔到學位課程，係咪一定要搵文憑黎讀？

以前我地讀書，讀唔上中三中五出黎做野，有人會學壞做爛仔老泥妹，亦有人事業有成，個期大部分學生哥個腦轉數比較高。到左而家中六畢業出黎，讀唔上嘅同樣出黎做野，有D會進修下，但好似無咩目標，問題青年而家應該少左，隱青就應該多左。
成日聽人講讀文憑上堂老師教得好hea浪費金錢，讀職訓又話無用，咁而家係高不成低不就，係咪都要求其搵野報讀？

作者: brother4 時間: 14-12-17 12:35 標題: 回覆：升唔到學位課程，係咪一定要搵文憑黎讀？

本帖最後由 brother4 於 14-12-17 12:38 編輯

張張刀冇把利=冇用，不如考慮，大陸/台彎，見
台灣共有六所大學被WFOT（世界職業治療師聯盟）認可，現時台灣有台大、中興、嘉義、屏東科技提供獸醫學.....

作者: wwyee 時間: 14-12-17 12:58 標題: 回覆：brother4 的帖子

已過台灣免試申請，再者個仔唔考慮台灣讀書，可能無感興趣嘅學科，反而對大陸免試有興趣，但身邊人始終對北上讀中醫唔睇好，話中醫起碼要3四十歲先可能有成就，勸告另選其他學科副學士，文憑或職訓。究竟為興趣定為生活，前者“車此”後者等如盲目？再同個仔討論，可能佢會目標（免試最低要求3322）無埋，出黎做野算喇。

作者: brother4 時間: 14-12-17 13:30 標題: 回覆：升唔到學位課程，係咪一定要搵文憑黎讀？

應選孩子喜，讀中醫不如讀西醫，考慮留學，如英，澳，德，西班牙，不過回港要考牌

作者: wwyee 時間: 14-12-17 18:44 標題: 回覆：brother4 的帖子

就是成績不夠好，中醫真係咁差？

作者: brother4 時間: 14-12-17 20:43 標題: 回覆：升唔到學位課程，係咪一定要搵文憑黎讀？

行行出狀員，中醫有針炙科，內科，傷科。。。一般有9科，傷科=跌打，應出路不錯。

作者: Yanamami 時間: 14-12-18 08:20

人囗老化，讀護理应有出路｡都唔止要女仔，都要大大力嘅男護嘅，不过係厌惡性工作囉｡

作者: wwyee 時間: 14-12-18 09:40 標題: 回覆：升唔到學位課程，係咪一定要搵文憑黎讀？

真心醫生醫護真係要好敬業。當前出生率偏低，人口老化，呢行長期欠缺人手，出路真係唔駛太擔憂，係值得考慮，最後取決真係交返比佢自己諗。

作者: Viman 時間: 15-1-10 18:25 標題: 回覆：wwyee 的帖子

你囝喜歡中醫，唔差呀……起碼他知道自己想掂

作者: babywoman 時間: 15-1-11 13:11 標題: 回覆：升唔到學位課程，係咪一定要搵文憑黎讀？

我老闆係中醫，50歲。以前做中醫，現開藥廠。
若學有所成，我覺ok喎。
最重要有興趣。

作者: sally2002hk01 時間: 15-1-12 11:43

而家DEGREE都唔係話好突出架咋,只係普通人
我班朋友全部要進修讀哂MASTER先升到職
而家要求真係好高
讀文憑上堂你想出黎認受性好D一定係讀返大學搞既文憑課程..
但唔係大學附屬學院果D WO...

作者: 咸蛋三寶飯 時間: 15-2-21 22:00

wwyee 發表於 14-12-17 11:28
以前我地讀書，讀唔上中三中五出黎做野，有人會學壞做爛仔老泥妹，亦有人事業有成，個期大部分學生哥個腦轉 ...

其實我覺得睇個人有咩打算，有啲人可能知道自己冇辦法再讀上去，又想早啲出尼做野，就唔會再讀上去。

歡迎光臨教育王國 (/)