教育王國
標題: 過來人正能量分享 [打印本頁]
作者: YingYin 時間: 14-12-16 18:14 標題: 過來人正能量分享
Hi 大家好,我給你們一些正能量吧
我小女2歲時情況是這樣的
1) 不懂說一句話,語言評估只是一歲
2) 不懂指東西,用我們的手去指書中的字
3) 不望人,對自己名無反應
4) 不能坐在位,10秒都不能,上playgroup完全失控
5) 不能單腳跳,平衡很差,頭向前沖,很易跌倒
6) 對痛的反應慢,經常跌倒,都不哭
四年後現在呢?情況已令我好欣慰
在一所區內熱門的小學讀書,成績不錯
在這幾年,我做了
私人S位讀了1年，第二年再讀了私人S位開辦的私稚園補習班,下午在家附近讀k1（治療師叫我報的）,小朋友非常累，當時很心痛，但小朋友的確進步神速，因在私人S位與小朋友沒互動，但正常幼稚園可學到社交及學術……到K3才排到協康的E位了….另外，小女2歲時去了廣華針灸（逄星期六）那裏有好多同道中人架，針頭，約10多枝針留在頭，見到又好心痛，針了3個月，有聲音……慢慢鸚鵡學舌…..針了一年後停了，到3歲，就開始將我教佢的字讀出來，其間政府的物理治療，協康的職業治療不停上，我不知那樣最有幫助,可做都做了........但過了4年忙碌的訓練生活後,現在是一個很可愛小朋友了
另外不要問我是那間私人s位 ,因我相信很多都好好的,好多好full,那裡有位就上住先
亦有小朋友針灸後沒反應的
女兒沒吃supplement
大家加油,情況是可以改善的
作者: gk678 時間: 14-12-17 18:06
作者: irisban 時間: 14-12-18 13:41 標題: 回覆：YingYin 的帖子
你好，想問小朋友幼稚園時可以跟得上其他同學嗎?因我女兒理解弱，常識問題唔明。
作者: YingYin 時間: 14-12-18 23:33
過程當然不是一帆風順，在K1上學期，老師打來因女兒在學校大發脾氣，老師問我是否找些適合的學校比佢呢，唔好浪費我女兒時間……心情好低落，S位老師叫我唔好理那老師……下學期老師已無投訴，到K2另一位幼師教，佢已看不到女兒與其他小朋友有大分別，條路是難行，別人自然會識的事，佢都要教好耐，連雙腳跳這些簡單的事都做唔到，別人教3次，佢要教20-30次，但知識會慢慢累積……媽媽要努力呀
另外女兒社交亦ok，我經常帶佢去公園，會所玩，見有小朋友，就問人可否一起玩，久而久之佢就識同人玩
佢專注是較弱，情緒易起伏亦給我好大壓力，但每個小朋友都有不足之處，那裏不足，就幫手拉番佢上來，比起身體有事的小朋友，我們已很好彩
作者: Vichang 時間: 14-12-19 00:01 標題: 引用：Hi+大家好,我給你們一些正能量吧我小女2歲
原帖由 YingYin 於 14-12-16 發表
Hi 大家好,我給你們一些正能量吧
我小女2歲時情況是這樣的
作者: HMHG 時間: 14-12-19 03:52
YingYin 發表於 14-12-18 23:33 
過程當然不是一帆風順，在K1上學期，老師打來因女兒在學校大發脾氣，老師問我是否找些適合的學校比佢呢，唔 ...
作者: YingYin 時間: 14-12-19 09:14
言語治療只做了3個月，就沒做了，小朋友由早到晚都返學，言語可能就咁提升了，我有時間同佢睇下書，講故事，沒有刻意做其他了
專注方便，協康職業治療師幫了好大忙，每次見完面，都會比練習回家做，稍後再分享一下
作者: HMHG 時間: 14-12-20 22:21
回覆 YingYin 的帖子
謝謝你的分享！
作者: yicbc 時間: 14-12-22 17:03 標題: 回覆：過來人正能量分享
作者: abc_dad_dad 時間: 14-12-24 13:23
回覆 YingYin 的帖子
作者: michellebb1107 時間: 14-12-24 15:37 標題: 回覆：過來人正能量分享
請問你囡囡讀緊邊間私人s位，可以pm我嗎
作者: YingYin 時間: 14-12-25 16:06
本帖最後由 YingYin 於 14-12-25 22:00 編輯
私人S位讀了一年,在頭幾個月,沒有多大進步,直至換了個新的姑娘(佢姓郭的),這個姑娘叻到好短時間已看出女兒的強項,之後知道我選I 位,就話我女兒適合E位,我就轉;佢叫我報下午幼稚園,還扮家長幫我問幼稚園課程,睇下是否適合;女兒勁驚剪髮,佢將啦啦隊毛毛球放在我女頭上,每天剪幾條,之後女兒剪髮時居然微微笑,我話比姑娘知,先知道佢聽完我講,就想辦法幫緊女兒克服......我遇到錯折/打擊,佢都關心埋我情緒.....佢是我們的天使,但女兒離開S位不久,佢都離職了,佢係LAST DAY 那日我同佢講,你休息完後一定要做番這行,好多小孩要你幫架...所以好姑娘重要過那間機構,所以我才不告知你們是那間上呀!
作者: 聽雨聲 時間: 14-12-25 17:29
回覆 YingYin 的帖子
我都覺得老師係最重要的
作者: michellebb1107 時間: 14-12-25 23:27 標題: 回覆：YingYin 的帖子
呢個姑娘真係好好，我仔仔都有怕剪頭髮的問題，下次試下姑娘的方法
作者: rabbit2010 時間: 14-12-31 01:16 標題: 回覆：YingYin 的帖子
想問你女女有無介口？
作者: YingYin 時間: 14-12-31 19:04
2歲無飲牛奶，現在有飲鮮奶
作者: fandd 時間: 15-1-2 23:13
回覆 YingYin 的帖子
Hi,！YingYin，好耐無喺呢個平台与你對話！
我囝囝當年應該係你小朋既同學(私人訓練中心)，佢既表現同你既小朋友可算係「不相伯仲」。同你小朋友一樣，經歷幾年艱辛既努力，佢而家喺主流幼稚園讀緊K3，除咗社交稍為弱少少外，其他各方面表現與同齡既小朋友無異，來年亦可以入讀心儀既小學。
所以，請各位同路人唔好氣餒，應積極面對自己小朋友既問題，盡早向專家尋求協助，千奇唔好錯過治療既黃金期(2-6歲)呀！ Cheers!
作者: DENNIS201 時間: 15-2-6 13:00
小朋友當時有無自轉,玩車輪,排車,尖叫呢 d行為 ?
作者: Y123 時間: 15-2-11 10:11 標題: 回覆：過來人正能量分享
漫漫長路，大家加油
作者: fandd 時間: 15-2-11 22:40
其實兩歲時有「自轉、玩車輪、排車、尖叫...... 」都唔使咁驚住，可能喺三歲呢D表現就會完全消失。因三歲前既問題都不能完全作準。(當年我囝囝兩歲時被評為中度自閉+智障添！)
家長既着眼點應該喺小朋友既整體表現：語言、社交、認知
作者: DENNIS201 時間: 15-2-11 22:49 標題: 回覆：fandd 的帖子
當時咩機構評估？你之後點做？
作者: fandd 時間: 15-2-11 23:12
唔嫌太長既話，睇下下面我喺兩年前既分享吖！
我囝囝現時4歲1個月，不妨參考佢過去的經歷。
囝囝自出生後便成日喊，仲唔肯俾人抱。到一歲後，佢又成日唔睬人，唔聽指示。你叫佢時，佢有心情就望吓你，但大部份時間都係唔睬人(即唔望人)。平日佢最鍾意玩車(特別係巴士)，雖然無玩車轆，但成日鍾意扮停車場排車(橫排、直排、分類排、扮塞車……)。由於佢到三歲才懂說單字，故三歲前用了很多身體語言去表達自己的需要。(二歲多才懂用手指作指示)。
在一歲多，我曾帶佢返個2間playgroup，返咗差唔多1年，但結果係徹底失販，每次佢都唔肯聽導師既指示，唔肯排排坐，只顧自己四周「遊魂」，或自己玩中心既玩具；期間自然多次受到中心既導師及負責人投訴。
經諮詢醫生朋友意見，最後準備帶佢去衞生署兒童體能智力測試中心(CAC)作評估，點知原來最快都要等7個月才有期，唯有自行找私人訓練中心作評估(只需等一週----費用$6500)。評估結果：醫生話囝囝有中度自閉症，最好盡快排政府S位(每週5天密集式訓練)。無幾耐負責社工向我表示，囝囝排S位至少要等1年多。
為咗唔想錯過治療自閉症既黃金期(1-2歲)，唯有自費去報讀私人S位(每月$7500，言語治療及職業治療另計，每50分鐘收$800)。其實當時已有多間主流幼稚園取錄囝囝讀N班，但想到佢返playgroup既表現，相信比佢返N班也是浪費時間，所以最後冇比佢讀。期間為咗幫佢，我仲帶咗佢去做針炙，但只做咗4個月，見毫無成效，就停咗。
喺過去1.5年的S位訓練，囝囝有顯著進步→肯聽指示、坐定定、肯望人；到三歲開始識講嘢後，同我哋便更多互動。本來諗住等佢K1才嘗試返主流，不過除我哋覺得佢有顯著進步外，S位的導師也支持囝囝提前嘗試返主流，所以佢先會喺上年2月開始返主流N班。(插班)
不過，在不同學校面試N班過程中(插班)，我也有一些不愉快的經歷：其中有一間幼稚園，在面試前已知道囝囝情況，到面試時，因開始時老師 不肯讓囝囝玩園內的遊樂場，故他十分不合作，既不肯回答問題，又不段大哭，最後老師 給了「很多說話」我聽；另一間幼稚園，面試時囝囝非常合作，跟足指示，做到老師 的要求，並得到高度讚賞，但最後都因為見他只懂說單字而未獲取錄。但我不氣餒，繼續尋找，終於成功找到一間。
由上年2月開始，囝囝上午上S位訓練，下午返主流N班。由於我不想幼稚園老師對囝囝有「先入為主」的感覺，故我事先未有通知他們有關囝囝的自閉問題。喺頭幾個月，我同老婆曾經擔心會否收到學校既投訴電話(以前由工人帶佢上playgroup時經常收到這類電話)，但好彩沒有。後來我直接向班主任查詢囝囝的學習情況，她表示囝囝很乖，又聽指示，能與其他們同學融洽相處，只是語言表達不太流利。後來因某些原因我需向學校透露囝囝的自閉問題，她們也感到有些驚訝，不太相信囝囝會有自閉問題。自返咗N班後，雖然囝囝個人係攰D(每晚九時便睡覺)，但社交及語言發展明顯進步好多(讀K1後進步更多)。由上年9月開始，佢已沒有返S位，改上全日制主流K1班，至今仍未有收到學校的投訴電話，見到佢已能適應啦！
回顧喺年半入面，我覺得囝囝得以改善，原因有：
1. 囝囝的病情可能不是醫生描述那麼嚴重
2. 隨著年歲增長，囝囝的身心發展得到自然改善(2-3歲間)
3. 私立密集式S位的幫助：囝囝經由一群專業的幼兒導師、語言治療師、職業治療師及心理學家的訓練，我認為是最重要的因素
4. 我倆公婆每天與囝囝寓遊戲於學習(每天至少1.5小時，假日則全天候)
所以，只要肯不斷嘗試，囝囝或多或少一定有進步既！努力呀！
補充：如果小朋友既社交、語言及智力都算過得去既話，我高度建議俾佢返主流幼稚園，因為嗰度既環境係可以幫助小朋友較全面既發展。
作者: DENNIS201 時間: 15-2-11 23:38 標題: 回覆：fandd 的帖子
多謝分享，介唔介意pm我你小朋友番密集的地方，另外想知道小朋友兩歲前情緒好唔好？尖叫多唔多
作者: YingYin 時間: 15-2-12 13:43
本帖最後由 YingYin 於 15-2-12 13:51 編輯
回覆 DENNIS201 的帖子
協康做評估(自傾),之後排政府位,等候期間做密集訓練,之後政府confirmed是自閉
另外,小女無尖叫但有自轉,這是感統出了問題,要找職業治療師幫忙,職業治療師我是找協康的
作者: chingchingma89 時間: 15-2-16 19:50 標題: 回覆：過來人正能量分享
我仔三歲半，今日被CAC評為懷疑自閉症普系，想問係咪要精神科醫生經過診斷，才可確診是自閉症抑或有自閉傾向。
另醫生建議排E位，或可考慮排I位，我想問E或I位較佳，我仔現在一主流幼稚園讀K1，每星期參加私人的OT和ST。
謝謝。
作者: lauywa 時間: 15-2-21 09:50
阿仔三歲，二歲半時評為有自傾及一年半言語delay，排緊I 位，但屋企人只覺阿仔言語delay外，其他ok，今年９月讀主流K1，好喜歡依間幼稚園，萬一四月派到有I位，都唔知點決擇好？
作者: YingYin 時間: 15-2-22 16:55
回覆 lauywa 的帖子
E位是不錯的選擇，入了E位，所有導師會同小朋友做評估，看小朋友程度而给予不同服务，我那時每星期有—次職業治療，亦有言語治療，導師會給我们家居功课(训練)，我是排到協康E位，我覺得好好，每月好像比60元，但排了3年，幼稚園讀下午班，導師很配合，所有training安排上午上，不用請假，囡囡是由工人帶上堂，我好彩 請到好工人，每天同女兒做培訓，進步好多
作者: YingYin 時間: 15-2-22 17:00
本帖最後由 YingYin 於 15-2-22 17:10 編輯
回覆 chingchingma89 的帖子
CAC及協康都是評為自傾，係聯合確定為自閉，但聯合最流，只是家長填問卷，問了女兒叫咩名，最好朋友叫咩名兩條問題(女兒沒答那醫生）,計分計出這個答案D。我當初選了I位，但私人S位導師叫改為E位，幫我寫信，我去社署改的。另外提提你们,我们小孩最好不要選活動教學，傳統教學較合適，因佢地唔識點變通，解難有困難。
作者: Jjchow2015 時間: 15-2-22 22:04 標題: 回覆：YingYin 的帖子
咁小朋友上完training 再番學會不會好辛苦？冇得午睡！
另外，請問專注問題可以點攪？成日被老師投訴！😞
作者: chingchingma89 時間: 15-2-25 20:06 標題: 回覆：過來人正能量分享
儘管CAC評我仔為懷疑自閉症譜系，是否需經精神科醫生才可正式診斷他為自閉症、自閉傾向、亞氏保家症或其他。
謝謝。
作者: annie40 時間: 15-2-28 21:05
https://m.youtube.com/watch?v=V706mzNWII4
http://www.guduzh.org.cn/tabid/65/Default.aspx
北京星星雨教育中心，田惠萍
| 歡迎光臨 教育王國 (/) |
Powered by Discuz! X1.5 |