教育王國

標題: 青衣啟思K1 offer [打印本頁]

作者: ltymama 時間: 14-12-15 09:46 標題: 青衣啟思K1 offer

青衣啟思收我龍年11月細囡PM,手上無其他offer,我多數會讀，見好少家長談及，想問下好唔好？我個人主要睇老師有冇愛心，小朋友返得開唔開心，學術反而其次，有家長可以分享嗎？

作者: fdsafdsa 時間: 14-12-15 09:49

ltymama 發表於 14-12-15 09:46
青衣啟思收我龍年11月細囡PM,手上無其他offer,我多數會讀，見好少家長談及，想問下好唔好？我個人主要睇老 ...

小朋友會讀得好開心, 仲會好鐘意唱歌.

作者: kvvvcheung 時間: 14-12-15 09:57

any 學卷?

作者: ltymama 時間: 14-12-15 10:19 標題: 回覆：青衣啟思K1 offer

有學卷

作者: legolas625 時間: 14-12-15 10:19

呢間唔收我仔，其實我面試個日就早知，所以無失望，同埋有其他學校的OFFER。

想分享我當日面試青衣啟思的經歷，當日一間房有4名小朋友，得3名老師IN，可能想留一個位俾扭計的小朋友冷靜下先，安排其實OK。我仔扭左計，於是我同阿仔先係一邊玩玩具。

點知3名老師IN其他小朋友，IN左好耐好耐，我同阿仔玩玩具，都玩到悶，連我都開始無耐性，個一刻我真係覺得自己係無人理的孤兒寡婦，之後老師終於IN完，都仲無人招呼我，D老師經過眼望望我地，我個刻嬲嬲地，已好想拉仔走。最後，終於有老師過黎IN，我仔講野唔叻，從老師皺眉頭的表情，我已知衰左，被人嫌棄，最後老師草草地叫我地走。

出到房，老公話一直在窗口觀察，覺得3個老師在鬧耐，因為其他房差唔多時間入的小朋友，好早已經出番黎，淨係得呢間房咁慢，當一個老師完IN起身，其他的老師咁岩無耐就IN完，他懷疑有老師唔想IN多個，鬥耐拖長黎做，我聽到後好愕然，因為無諗過會咁。

我仔今年去過好多間學校面試，有D雖然唔收我仔，但我都覺得老師好NICE，好努力引導我仔做TASK、答問題，但呢件事令我對呢間學校的印象打折扣。樓主提及唔知老師有無愛心，令我有感而發。

作者: ltymama 時間: 14-12-15 10:21 標題: 回覆：fdsafdsa 的帖子

咁就好了，我個囡好鍾意唱歌跳舞，依家返緊PN,每天回家都會哼歌。

作者: JoyceMum 時間: 14-12-15 12:05 標題: 回覆：青衣啟思K1 offer

老師有愛心,常update parent child status,上學happy

作者: JoyceMum 時間: 14-12-15 12:06 標題: 回覆：青衣啟思K1 offer

教育署視學評語很好

作者: ltymama 時間: 14-12-15 15:15 標題: 回覆：JoyceMum 的帖子

多謝回覆,視學報告真的很好

作者: MM_Zhu 時間: 14-12-15 18:11 標題: 回覆：青衣啟思K1 offer

Same PM offer
In 果日，我地都玩左好耐先in我地，幾驚呀仔無耐性，but 有俾到offer，2月B。呀仔鍾意唱歌跳舞，應該會揀呢間。讀得開心就得。

作者: sheldonbb 時間: 14-12-15 21:19 標題: 回覆：青衣啟思K1 offer

我囝囝讀緊n 班，日日都好開心唱歌跳舞

作者: Pugpugpug 時間: 14-12-15 23:53

ltymama 發表於 14-12-15 09:46
青衣啟思收我龍年11月細囡PM,手上無其他offer,我多數會讀，見好少家長談及，想問下好唔好？我個人主要睇老 ...

同你一樣呀，12年11月細仔，見左6間暫時得啟思pm offer，都會照讀。

歡迎光臨教育王國 (/)