教育王國

標題: 咁多間名校，直資，私小都有參加升旗總會？ [打印本頁]

作者: maymay321 時間: 14-12-13 22:43 標題: 咁多間名校，直資，私小都有參加升旗總會？

我是否睇錯，咁多間名校，直資，私小都有升旗？？？
聖保羅男女中學附屬小學
保良局陳守仁小學
聖瑪加利男女英文中小學
播道書院（小學）
保良局林文燦英文小學
香港華人基督教聯會真道書院（小學部）
嶺南大學香港同學會小學

拔萃小學
軒尼詩道官立上午小學
瑪利諾神父教會學校(小學部)
瑪利曼小學
聖公會聖彼得小學（上午校）(下午)

http://www.ahkf.org.hk/school1e.php

http://www.ahkf.org.hk/school1a.php

作者: maymay321 時間: 14-12-13 22:44

本帖最後由 maymay321 於 14-12-13 22:45 編輯

http://www.hkexam.com/modules/primary/index.php?pa=viewads&lid=403&viewmsg=ALL
油天︰該校自回歸後，每年「十‧一」國慶日都會舉辦升旗禮，雖然不少小一學生仍未懂得唱國歌，但初次感受到升旗禮的莊嚴。就讀小一的譚兆皓表示首次在國慶時觀賞升旗禮，感覺新鮮。

作者: Charlotte_mom 時間: 14-12-13 23:21 標題: 回覆：咁多間名校，直資，私小都有參加升旗總會？

個人睇法，無論校方有無咩政治立場，左唔左都好，教懂學生慶祝國慶、專重國旗，正常不過吧

作者: Skyhouse 時間: 14-12-13 23:37 標題: 引用：我是否睇錯，咁多間名校，直資，私小都有升

原帖由 maymay321 於 14-12-13 發表
我是否睇錯，咁多間名校，直資，私小都有升旗？？？
聖保羅男女中學附屬小學
保良局陳守仁小學

認識祖國，參加升旗禮，何錯之有？

作者: Dinosaur430 時間: 14-12-13 23:40 標題: 回覆：咁多間名校，直資，私小都有參加升旗總會？

教小朋友認識自己祖國國旗、唱國歌，有問題嗎？有分係咪名校、直資、私校？

作者: maymay321 時間: 14-12-13 23:52

本帖最後由 maymay321 於 14-12-14 00:29 編輯

咪就係，邊有咁分既呢，慢慢就人人有份，真係勁呀！

作者: violetsareblue 時間: 14-12-13 23:54 標題: 回覆：maymay321 的帖子

有咁嘅需要嗎？國慶會展有升旗禮，又係放假家長可帶小朋友去睇，又何須攪到好特登咁去教ｄ細路，平時就咁傳統教學，個日就咁活動教學，純粹自己的觀感！但學校要搞就由得佢

！

作者: sorman 時間: 14-12-14 07:36 標題: 回覆：咁多間名校，直資，私小都有參加升旗總會？

一年一次，只要唔係月月唱。連我咁反共我都覺得ok。

但我會教佢要尊重，但唔需要感動。

到佢較大時更會教佢嗰五粒星代表乜，最大嗰粒伐表乜，當中幾咁荒謬。

國歌都會教佢背景係來源，教佢田漢、聶耳既下場。

當然，我就反對佢做升旗手。

作者: maymay321 時間: 14-12-14 08:16

自由講、自由港，知左記得同朋友講，好野梗係要share！

作者: Argyle 時間: 14-12-14 10:25 標題: 回覆：咁多間名校，直資，私小都有參加升旗總會？

男拔係反國教最旗幟鮮明的學校。男拔合唱團係曾經在國慶、回歸慶祝晚會有份參予表現。用單純的眼睛看世界，甚麼也看不過眼。

作者: deco99 時間: 14-12-14 10:32 標題: 回覆：violetsareblue 的帖子

美國幼稚園有升旗，仲有宣誓，每個星期都有，小朋友細細個已識唱國歌。每個國家都大致如此，唔出奇。

作者: ngokwan 時間: 14-12-14 10:54 標題: 回覆：咁多間名校，直資，私小都有參加升旗總會？

香港幼稚園都有教國旗國歌，正常不過啦

作者: 熊牛不兩立 時間: 14-12-14 12:10 標題: 回覆：咁多間名校，直資，私小都有參加升旗總會？

我有無睇錯？升旗有咩問題？外國地方好多時運動比賽或學校攪的活動都會有唱國歌，升旗。只時對自已國家的身份認同。我們中國人只愛國，不愛黨就得啦

作者: Jane1983 時間: 14-12-14 12:40

安排無問題，小朋友成長期自豪自己中國人的身份、愛國，一定好過討厭自己的國家。

作者: bearcat2003 時間: 14-12-14 12:50 標題: 回覆：咁多間名校，直資，私小都有參加升旗總會？

國慶升旗好正常，反對者有何理據？

作者: Conniekiki 時間: 14-12-14 12:57

外國都係咁, 啲所謂民主國家例如美國, 歐美都有呢啲教育。係香港先咁敏感。升國旗又唔係升黨旗，搞清楚意義先。

作者: dlee_ca 時間: 14-12-14 14:11 標題: 回覆：咁多間名校，直資，私小都有參加升旗總會？

有什麼問題？

作者: Soundervolt 時間: 14-12-14 18:19 標題: 回覆：咁多間名校，直資，私小都有參加升旗總會？

香港仲有人認為英國撤出後，香港已經獨立，有自己嘅國歌同國旗。就算幾唔鐘意個政權，香港係中國嘅其中一部份係不爭嘅事實

作者: janicelwy 時間: 14-12-14 19:09

路過，無論幾唔鍾意政府或大陸，識國歌，有升旗禮都唔係咩事啫。

作者: rockyng 時間: 14-12-14 19:14 標題: 引用：我是否睇錯，咁多間名校，直資，私小都有升

提示: 作者被禁止或刪除內容自動屏蔽

作者: rockyng 時間: 14-12-14 21:18 標題: 引用：我是否睇錯，咁多間名校，直資，私小都有升

提示: 作者被禁止或刪除內容自動屏蔽

作者: jane0809 時間: 14-12-14 21:19 標題: 回覆：咁多間名校，直資，私小都有參加升旗總會？

香港人真奇怪，喺學校升旗都覺得係怪，外國人眼中連自己國家國歌，學校有升旗儀式都唔識先至真正出奇

作者: serinac 時間: 14-12-14 23:17 標題: 引用：香港人真奇怪，喺學校升旗都覺得係怪，外國

原帖由 jane0809 於 14-12-14 發表
香港人真奇怪，喺學校升旗都覺得係怪，外國人眼中連自己國家國歌，學校有升旗儀式都唔識先至真正出奇

...

只要你從那「部分香港人」的角度去看，便不感到奇怪，因「部分香港人」從不認為自己是中國人，甚至自已是屬於中華民族，他們已經被人洗腦至認同愛國等於愛黨的謬論裏。相信沒有人懷疑緬甸昂山素姬的愛國情操，同時亦更沒有人相信她會愛執政的軍政府及其政黨吧！

自己身邊也認識一些人，他們只承認自己是香港人，對於中國人的身份非常忌諱。但當你問他們的國籍時，有外國passport 的，便說是xx國人，沒有passport 的，不是支吾以對，就是死撐自己只是香港人。甚麼時候多了個「香港族或香港籍」出來？這也難怪，英國人有數百年統治殖民地的經驗，柔性「洗腦」的手段，自然比只有幾十年歷史的中國共產黨強得多，要不然怎會連自己祖宗是誰，都忘得一乾二淨?

作者: Nateric 時間: 14-12-14 23:17 標題: 回覆：咁多間名校，直資，私小都有參加升旗總會？

我個仔最愛升旗隊，仲會學習中國文化，我覚得很好，十分支持他參加。我是土生土長的香港人。

作者: hadwinboy 時間: 14-12-14 23:44 標題: 引用：我是否睇錯，咁多間名校，直資，私小都有升

原帖由 maymay321 於 14-12-13 發表
我是否睇錯，咁多間名校，直資，私小都有升旗？？？
聖保羅男女中學附屬小學
保良局陳守仁小學

升美國旗就有問題啫

作者: littlefaith 時間: 14-12-15 00:00

雖然我個人唔喜歡共産黨，但回歸後，升國旗，認識祖國係常識吧﹗我甚至覺得小學已經應該教中史，依個亦係我幫個女揀真道其中一個主要因素(真道由小三已經有中史讀，我女今年小五，已經教到西漢)，話哂生係中國人，對中國一啲感情都冇，過份啲啩。

作者: siden 時間: 14-12-15 00:38 標題: 回覆：咁多間名校，直資，私小都有參加升旗總會？

我唔係好明有乜問題或有乜奇怪。

作者: babykeikeikei 時間: 14-12-15 00:43 標題: 回覆：咁多間名校，直資，私小都有參加升旗總會？

其實學校敎認識國家有咩問題？不喜歡在香港可以移民,香港而家係屬於中國的,面對現實吧

作者: himmamme 時間: 14-12-15 03:25

如果我冇搞錯，教育局規定全港所有中，小學校都在平日上課日，学校有定期的升旗活動，唱國歌。但每年幾多次我唔記得。實行了起碼十幾年。儀式不過只是十幾分鐘而已。幾唔鍾意中國政權都好，學校有升旗禮，教國歌，其實都好合理。就算反國教運動也不会針對這些儀式。雖然我個人也不喜歡孩子參與太多，但學校有這些安排是無可厚非的。
連呢d都唔想，可選擇國際学校或移民。

作者: Jane1983 時間: 14-12-15 07:33

吾少國際學校都有升旗儀式，不過係升人地國家的旗。

吾滿意政府施政、吾鍾意共產黨、討厭無文化的大陸人，這些和否定自己係中國人，厭惡自己國家，係兩碼子的事情。

作者: chubbybaby 時間: 14-12-15 07:45 標題: 引用：Quote:原帖由+maymay321+於+14-12-13+發表

原帖由 rockyng 於 14-12-14 發表
不喜勿讀，有國際學校可供選擇。

聽聞部份國際學校的中文課程是跟所被設立學校的國家所用的課程。所以是跟北京課程, 不是香港。恐怕也不能符合樓主的期望。

作者: Charlotte_mom 時間: 14-12-15 08:19 標題: 引用：Quote:原帖由+rockyng+於+14-12-14+發表不

原帖由 chubbybaby 於 14-12-15 發表
聽聞部份國際學校的中文課程是跟所被設立學校的國家所用的課程。所以是跟北京課程, 不是香港。恐怕也不能 ...

仲有用簡體字

作者: maymay321 時間: 14-12-15 09:30

時代巨輪下，升旗正呀，普教中正呀，一步又一步，一步又再一步，你們今天的想法造就明日的香港，土生土長的你（其他不適用），記著你們今天的選擇，好好放在心中，不用回答，10年後、20年後，一代又一代，到時不要問點解，是抵我們擁有的。

作者: rockyng 時間: 14-12-15 09:46

提示: 作者被禁止或刪除內容自動屏蔽

作者: Aiyoyo 時間: 14-12-15 10:11

回覆 maymay321 的帖子

你都知道時代變遷,香港已經不是日占或英占時期,如果想參加日本或英國的升旗禮,還是移民好

作者: Charlotte_mom 時間: 14-12-15 10:23

版主按: 此帖已與小一選校無關, 要討論政治, 去"時事擋台"較好, 謝謝留意

歡迎光臨教育王國 (/)