教育王國

標題: 加拿大國際學校（左丁山） [打印本頁]

作者: elbar 時間: 14-12-11 09:38 標題: 加拿大國際學校（左丁山）

十二月四日賓架R請老友食飯，梗係喺灣仔佳寧娜開餐嘅，賓架R係佳寧娜三十年老主顧，由大老闆至總廚至大堂經理，邊個唔識佢，是故佢在佳寧娜潮州菜宴客，一定冇失拖，冇佢嘅話，左丁山唔去咁遠食潮州菜㗎。

吃罷，各人各自乘車離去，只有左丁山行去駱克道落灣仔地鐵站搭地鐵返中環，行咗兩步就落雨，即刻掉頭倒轉行，上天橋到新鴻基中心去鷹君中心、中環廣場等大廈行去地鐵站，即使落大雨都唔會濕身。原來飯腳之一，昔年美國銀行中國區主管黃自強（Richard Wong）亦係咁行，同路上中環，傾到不同雜事，偶然問到：「有冇做過義工？」李察云：「教育工作囉，我係加拿大國際學校創辦成員之一，我仲係創校校董會（Board of Governors）主席，係1990年代初期嘅事，創校時期搵地方、籌款、招生、招聘教師、樣樣辛苦，好彩得到自加拿大回流嘅朋友大力支持幫忙，先至辦得成，後來又得到馬會捐巨款，政府撥地，就在南朗山道興建新校舍，至今有中學、小學學生千幾人，IB試成績非常好。加拿大國際學校依家叫做有唔錯聲譽、站穩陣腳，學校在新學年請咗一個資歷極好嘅新主管（Head of School），統率中學小學，學校向前走，更進一步，應無問題。」

據佢講，新校長叫Dr. Gregg Maloberti，取用了一個中文名字，就係馬龍戈博士，來頭幾猛喎，係長春藤名校University of Pennsylvania嘅教育學博士，在美國教書教過英文文法、文學、歷史、寫作，又在學校做體育教練教越野跑、壁球、足球、滑雪及網球，可謂文武兼備，來港前係紐約Ross School臨時學校主管，之前做新澤西州Lawrenceville School嘅收生主管（Dean of Admission）達15年之久。碰到一位馬會要員，係咁意問吓佢識唔識Lawrenceville，佢即刻講：「唔好講笑，香港好多名人希望送子女入呢間寄宿學校㗎！」於是上網一查，先知道此校創辦於1810年，校園有700畝，申請入學比率係逢十取一，學費在全美私校最貴，有大把著名校友，馬龍戈博士來自該校，李察黃話希望佢可以將加拿大國際學校提升到更高層次。

左丁山

作者: ha8mo 時間: 14-12-11 19:07

提示: 作者被禁止或刪除內容自動屏蔽

作者: shadeslayer 時間: 14-12-11 19:51 標題: 引用：我上星期六睇左加拿大國際對法國國際的學界

原帖由 ha8mo 於 14-12-11 發表
我上星期六睇左加拿大國際對法國國際的學界足球決賽，我以為咁既戲碼，應該全場法文加英文啦，點知我竟然仲 ...

果真有唔少富貴本地人入讀

XXXXX

要有「唔少富貴本地人入讀」這結論，根本不用去球賽又聽到廣東話，査教育局資料便知。

就算查教育局資料，相信加拿大國際有很多回流加拿大籍人仕識廣東話，咁算唔算本地人？

Playground language 係乜，好是乎學校氣氛和個別學生。

作者: ha8mo 時間: 14-12-11 22:36

提示: 作者被禁止或刪除內容自動屏蔽

作者: shadeslayer 時間: 14-12-12 01:26 標題: 引用：Quote:shadeslayer+發表於+14-12-11+19:51+

原帖由 ha8mo 於 14-12-11 發表
查？我真係冇咁好心機研究哩D學校
唔係我能力可及
亦都唔係我想要的

所謂查只係 click 幾下，絕對易過去球賽聽人地講乜話。

作者: ha8mo 時間: 14-12-12 07:51

提示: 作者被禁止或刪除內容自動屏蔽

作者: shadeslayer 時間: 14-12-12 08:25 標題: 引用：現在叫外賣都係上網篤幾下就得真係睇網頁比

原帖由 ha8mo 於 14-12-12 發表
現在叫外賣都係上網篤幾下就得

真係睇網頁比親身見聞好

好唔好唔知，是乎「好」的定義為何。在找出香港國際學校有幾多本地生而言，上教育局 click 幾下，一定易過和準過去球賽，留意人地講乜話，然後上網話「原來」有好多本地人。我沒有把這一個個案歸納，你亦不用無限放大。

不同事情，要用合適工具，你唔係咁教仔咩？

作者: ha8mo 時間: 14-12-12 08:42

提示: 作者被禁止或刪除內容自動屏蔽

作者: lamyeelok 時間: 14-12-12 12:37

提示: 作者被禁止或刪除內容自動屏蔽

作者: shadeslayer 時間: 14-12-12 14:04 標題: 引用：你真係十個趣原來係針對我的「結論」而作出

原帖由 ha8mo 於 14-12-12 發表
你真係十個趣

原來係針對我的「結論」而作出指導，辛苦晒

我諗你有趣D。看球賽聽人地講乜話，然後推斷原來有不少本地人，是非常不可靠。正如網友說，不少學校的 PLAYGROUND LANGUAGE 是英文，本地人也如是。你去著這些學校的球賽，聽到只有英文，你又推斷學校無本地人？

講廣東話，也未必一定係本地人，加拿大人回流呢？

作者: ha8mo 時間: 14-12-12 14:37

提示: 作者被禁止或刪除內容自動屏蔽

作者: lamyeelok 時間: 14-12-12 15:51

提示: 作者被禁止或刪除內容自動屏蔽

歡迎光臨教育王國 (/)