教育王國

標題: 聖心小六升中自行學位開放 [打印本頁]

作者: cmir 時間: 14-12-11 08:08 標題: 聖心小六升中自行學位開放

【太陽報專訊】有名牌直屬學校直升再無保證！最新的《申請中一自行分配學位手冊》揭示，南區著名女校嘉諾撒聖心書院，雖與中西區兩間直屬小學保留直屬關係，但本年度的升中派位自行收生階段報名，卻決定取消「直屬直升」機制，突然全面開放五十八個中一自行分配學位供全港小六生齊齊競逐，即撤銷兩間直屬小學共二百七十名應屆小六生的升讀優先權。有直屬小學家長批評校方欠缺諮詢，對現正就讀的學生非常不公，慘令家長陣腳大亂。

嘉諾撒聖心書院與中西區嘉諾撒聖心學校及嘉諾撒聖心學校私立部，為直屬學校關係。該校上年度還表明，「不公開接受中一自行分配學位的申請；只接受其直屬小學的小六學生申請」，但本年度突然開放五十八個中一自行分配學額。該校證實校董會今年通過相關決定，承認兩間直屬小學小六生再沒有優先升讀權。

二至三「聖心女」爭一位

嘉諾撒聖心學校校長周志堅解釋，辦學團體今年初決定與嘉諾撒聖心書院保留直屬學校關係，但同意回應公眾訴求，全面開放中一自行分配學位，讓其他小六生有更多選擇，兩間直屬小學的小六生仍可同時競逐。至於餘下一百三十五個統一派位學額，一如以往保留最多八成五、即約一百一十五個學額予直屬小六生，屆時料每兩至三名「聖心女」爭一個聖心書院中一學額。校方稱上月已通知小六生家長有關安排，亦理解部分家長對此感到不滿。

但本報發現小學大部分家長仍未從校方知悉變動，批評校方未有諮詢家長意見。小六生家長蔡太直斥，校方臨時取消直屬小學生直升的優先權，對正就讀的學生非常不公、小五生家長林太亦批評校方此舉令她陣腳大亂，將向校方了解詳情。

下學年全港餘額逾四千

而南區的英中學額因嘉諾撒聖心書院收生政策突變而驟增五十六個，急升一點四倍，極為罕見；因全港十八區中，有十六區的英中學額均報跌，其中以東區最嚴峻，因區內四間英中實施「隔年減班」（見表），令英中自行收生學額大減二十八個。由於適齡學童減少，教育局實施減派，據二○一三/一五年度《申請中一自行分配學位手冊》資料顯示，下學年全港英中中一自行分配學額只剩四千八百八十三個，較本學年減一百一十七個。以中一自行收生階段學額佔總學額三成推算，下學年全港料蒸發三百九十個英中中一學額。因此，雖然參加本年度升中派位暫訂小六學生人數雖較上年度減少約一千七百人，跌至約四萬七千一百五十人，但預料英中學額爭奪依然激烈。

十八區中學校長會聯席會議召集人林日豐指，適齡學童持續下跌，預計下學年全港將出現逾四千六百個中一餘額，建議各區校長拒絕以每班兩個「留班位」取錄叩門生。

作者: hkpapa852 時間: 14-12-11 08:31

我反而有興趣想知，仲有邊D津校係自行階段仍然係不收外生？

印象中好似只有培正

作者: eaubobo 時間: 14-12-11 08:31 標題: 回覆：聖心小六升中自行學位開放

可以忽然取消?！
咁其他學校之後會否跟隨?

作者: NaughtyKids 時間: 14-12-11 08:41 標題: 引用：可以忽然取消?！咁其他學校之後會否跟隨?

原帖由 eaubobo 於 14-12-11 發表
可以忽然取消?！
咁其他學校之後會否跟隨?

應該陸續有來

作者: jaycee_mami 時間: 14-12-11 08:57

怎可能突然取消直屬制度?! 對一班在讀的學生甚為不公平!

就算要取消, 都應該由未入學的小一生起執行, 還要在小一招生前清楚說明.

作者: hkpapa852 時間: 14-12-11 09:07

jaycee_mami 發表於 14-12-11 08:57
怎可能突然取消直屬制度?! 對一班在讀的學生甚為不公平!

就算要取消, 都應該由未入學的小一生起執行, 還 ...

大家睇清楚，不要人云亦云，只係取消自行階段相關小學生優先取錄，直屬關係不變；自行階段點收生，一向話事權都係中學度，教育局亦唔多理。
而且多數有直屬小學既中學自行階段既位都係開放俾街外人。

作者: jaycee_mami 時間: 14-12-11 09:37

hkpapa852 發表於 14-12-11 09:07
大家睇清楚，不要人云亦云，只係取消自行階段相關小學生優先取錄，直屬關係不變；自行階段點收生，一向話事 ...

謝謝您的提點, 原來只是取消"自行階段"優先取錄, 不是取消直屬關係, thanks.

作者: siden 時間: 14-12-11 10:05 標題: 回覆：聖心小六升中自行學位開放

平均每間小學少25個位。

成績top 1/2沒有影響，邊緣人就大穫。

作者: Ackl1002 時間: 14-12-11 10:09 標題: 回覆：聖心小六升中自行學位開放

聖心不嬲都無保證過全數直升㗎啦。我2x年前讀果陣都已經係咁，考全班20名打後的要有心理準備囉。

作者: hkpapa852 時間: 14-12-11 10:14

siden 發表於 14-12-11 10:05
平均每間小學少25個位。

成績top 1/2沒有影響，邊緣人就大穫。

其實沒有優先, 唔代表唔收, 未必58個都收晒外人, 可能仲有20%-50%都係聖心小學上.

其實任何唔係一條龍既小學, 入面班一線尾二線頭升中時都係最頭痛

作者: Amymichelle 時間: 14-12-11 10:15

所以話唔係一定guarantee架!

作者: CYPK 時間: 14-12-11 10:21

同學應該沒有影響，自行本來是收最頂的學生，之後才大抽獎

作者: siden 時間: 14-12-11 10:22 標題: 引用：Quote:siden+發表於+14-12-11+10:05+平均每

原帖由 hkpapa852 於 14-12-11 發表
其實沒有優先, 唔代表唔收, 未必58個都收晒外人, 可能仲有20%-50%都係聖心小學上.

其實任何唔係一條龍既小 ...

Agree, 我都覺得係，佢只係想多啲flexibility去收勁人，但以聖心的人情味，多數唔會用盡呢58去收哂外人。

作者: cmir 時間: 14-12-11 12:04

今年小六學生無心理預備, 比較慘

作者: siden 時間: 14-12-11 12:08 標題: 引用：今年小六學生無心理預備,+比較慘

原帖由 cmir 於 14-12-11 發表
今年小六學生無心理預備, 比較慘

Why not 1 年緩衝期，為乜急成咁

作者: AgapePa 時間: 14-12-11 12:13

cmir 發表於 14-12-11 12:04
今年小六學生無心理預備, 比較慘

其實有無呢58個自行位, 都係咁讀書啦, 唔會因為多58位, 就可以hea D讀

作者: hkpapa852 時間: 14-12-11 13:02

升中版D人對呢個消息無乜反應，其實係咪高小D學生家長一早有消息？

作者: 熊牛不兩立 時間: 14-12-11 14:11

本帖最後由熊牛不兩立於 14-12-11 14:12 編輯

hkpapa852 發表於 14-12-11 13:02
升中版D人對呢個消息無乜反應，其實係咪高小D學生家長一早有消息？

[url=http://www.edu-kingdom.com/forum.php?mod=viewthread&tid=2155873&extra=&page=18]http://www.edu-kingdom.com/forum.php?mod=viewthread&tid=2155873&extra=&page=18[/url]

我見有家長十一月已講....

作者: 瑩瑩老豆 時間: 14-12-11 14:50

siden 發表於 14-12-11 12:08
Why not 1 年緩衝期，為乜急成咁

唔通今年小六生質素急跌

作者: 瑩瑩老豆 時間: 14-12-11 14:55

cmir 發表於 14-12-11 08:08
【太陽報專訊】有名牌直屬學校直升再無保證！最新的《申請中一自行分配學位手冊》揭示，南區著名女校嘉諾撒 ...

本來就冇話有直升保證的, 我識有同學係想升但升唔到上中學的.
只是今次將自行位開放出來比其他小學生報, 等學校多些選擇.
直屬關係仍然保留, 即大抽獎位仍是大部份比聖心小學.

作者: 熊牛不兩立 時間: 14-12-11 15:01

瑩瑩老豆發表於 14-12-11 14:50
唔通今年小六生質素急跌

應該話中學呢幾年成績欠佳, 情況和未轉直資時的協恩一樣. 諗諗下以往只是在統一招收20位街外生, 現在微調加58負位比街外, 又唔係好大轉變. 何況自行時聖心都可能收返成績出眾的小學部學生...

作者: mcl203 時間: 14-12-11 15:03

都係為谷成績

最慘係如果現在先知，好多直資中學都截左止報名

作者: 瑩瑩老豆 時間: 14-12-11 15:05

eaubobo 發表於 14-12-11 08:31
可以忽然取消?！
咁其他學校之後會否跟隨?

其實唔少有直屬小的中學(例如MSS, SSGC, 真光中等) 在自行時都會收唔少街外學生. 反而像聖心在自行只收直屬小的做法是極少數的.

作者: little_yolky 時間: 14-12-11 16:09

hkpapa852 發表於 14-12-11 10:14
其實沒有優先, 唔代表唔收, 未必58個都收晒外人, 可能仲有20%-50%都係聖心小學上.

其實任何唔係一條龍既小 ...

但你都唔好話唔大鑊, 聖心啲位仲要係兩間小學分, 即係由以前100+位/2校, 變做47位/2校, 原本可能考級50都入, 依家變咗考30都唔一定入, 臨時臨急至咁搞, 你都唔好話唔亂陣腳。雖然話好叻果批無影響, 但好叻果批自行又未必一定揀佢, 所以一般叻果批由原本必入變成要同人爭, 真係.........可憐。

好彩我間無人同我爭

作者: hkpapa852 時間: 14-12-11 18:15

little_yolky 發表於 14-12-11 16:09
但你都唔好話唔大鑊, 聖心啲位仲要係兩間小學分, 即係由以前100+位/2校, 變做47位/2校, 原本可能考級50都入 ...

其實影響無咁多, 以前自行+直屬位, 有58+108, 依家只係話自行個58個唔一定收番小學既學生, 咁至少仲有108個位, 即係原本既2/3左右.

其實大多數有直屬小學既中學, 佢地既自行位都唔會只收直屬小學既學生, 只係聖心小學既家長一向習慣了, 覺得係必然, 依家話唔係必然自然會唔開心

作者: moseslam616 時間: 14-12-11 18:17

little_yolky 發表於 14-12-11 16:09
但你都唔好話唔大鑊, 聖心啲位仲要係兩間小學分, 即係由以前100+位/2校, 變做47位/2校, 原本可能考級50都入 ...

係由173位/2校改為115位/2校喎

作者: stepyau 時間: 14-12-11 21:13 標題: 回覆：聖心小六升中自行學位開放

嗰58個自行位有機會收返聖心學生，所以未必有想像中咁大影響。

作者: lawa 時間: 14-12-12 00:47

回覆 little_yolky 的帖子

其實聖心中學一向自行時對外收約 20 人, 依家改為 58 人, 即只是對外收多 30幾個人. (今天蘋果日報報導)

作者: mcl203 時間: 14-12-12 01:45

lawa 發表於 14-12-12 00:47
回覆 little_yolky 的帖子

其實聖心中學一向自行時對外收約 20 人, 依家改為 58 人, 即只是對外收多 30幾 ...

屬南區校網的嘉諾撒聖心書院，過去自行和大部份統一派位學額只供直屬的嘉諾撒聖心學校小六學生報讀，每年只撥出約20個學額在統一派位階段招收非該校小學生。但開6班中一的嘉諾撒聖心，明年撥出58個學額作自行派位收生，全港小六女生都可報讀，是近年首次政策變動。校方將根據學生成績、操行和課外活動表現，篩選學生參與面試。該校表示公開招生是回應公眾訴求，中學部仍會在統一派位階段預留85%學額供小學部學生競逐。

http://hk.apple.nextmedia.com/news/art/20141211/18965244

作者: lawa 時間: 14-12-12 22:41

回覆 mcl203 的帖子

Thanks!

作者: chingcging 時間: 15-4-24 13:55 標題: 回覆：聖心小六升中自行學位開放

其實最大獲係大把南區人同你爭！之前唔開放學位，女仔同區真係得華呂同中真！依家你同我講，讀置始田始海寶嘅女仔可以自行入form俾聖心，你都咪話唔開心呀！

作者: happy03 時間: 15-6-30 18:40

如果它早點供佈就可以給我們小六家長一個心理準備。

歡迎光臨教育王國 (/)