教育王國

標題: 想賺錢定我仔真係咁差? [打印本頁]

作者: chaserwai 時間: 14-12-4 18:35 標題: 想賺錢定我仔真係咁差?

無可否認，我仔兩歲時只識發媽媽一個音，經健康院轉介到cac評估，我當時好擔心，帶左個仔去做私人言語評估，經評估後言語理解方面得一歲，當時中心建議我番密集(一個月包6堂言語治療，2堂音樂治療)，番左1個月，老師話我個仔徐左語言，連小肌都好差，學野較慢，比同齡小朋友差，話佢踩介，但大肌同社交都好，，上了4個月，因經濟因素要退學，加上老師話經過幾個月進步了不少，我見個仔開始講多左野，但都係單字，決定唔番密集，淨係報一星期一次既言語治療，再搵私人既學前班上，上左兩天，pg老師話呀仔大小肌好差，空間感弱，成日橫衝直撞，好似睇唔到咁，仲話我之前帶佢上個個密集左咩？講到好似冇進步咁！又話佢眼神唔夠，跟著佢就叫我報多一日pre school,又叫我報佢地既職業治療班!唔好上密集小組!聽到後好唔開心，好想喊，到底我信邊個好?其實佢地係咪想賺錢??

作者: SA同學 時間: 14-12-4 21:59 標題: 引用：無可否認，我仔兩歲時只識發媽媽一個音，經

原帖由 chaserwai 於 14-12-04 發表
無可否認，我仔兩歲時只識發媽媽一個音，經健康院轉介到cac評估，我當時好擔心，帶左個仔去做私人言語評估 ...

我覺得你而家有點迷惘，睇完你咁講，我估不是信邊個，而係兩邊都係睇緊當時嘅情況，幼童嘅成長很快，轉換環境又會對佢地有影響，所以不要太擔心呢！
我見過好多幼B細細個時已去不同機構做評估，但二至三年左右內都要再做評估，所以你可持續了解小朋友的變化，不同立即決定做大量不同類型的訓練，如果能力可以，做密集訓練是有需要。。。。明白經濟始終都是一個問題。。。!

作者: chaserwai 時間: 14-12-4 22:43 標題: 回覆：SA同學的帖子

咁你覺得我應該上番密集定普通pre school好?

作者: pocoyo123 時間: 14-12-5 00:19

我諗做任何訓練都好, 只得4個月時間, 是難睇到明顯進步, 如果經濟不許可, 先選比較重要的堂去做, 例如, 言語治療, 其他可以睇下有無一些小組上, 價錢比較經濟., 家長又可去上一些講座, 學習多些家居訓練技巧, 每天在家多做, 進步先會大的

作者: chaserwai 時間: 14-12-5 00:53 標題: 回覆：pocoyo123 的帖子

我而家就係報左言語治療，一星期一堂

作者: mimuib 時間: 14-12-5 01:17 標題: 回覆：想賺錢定我仔真係咁差?

只是做過言語評估?見你所描述，你仔仔好似需要做個全面評估喎，有時可能某d問題而影響言語，並唔係唔講嘢就一定關言語治療事架，如繼續估估下又燒銀紙，不如重新去評估過

作者: piglet0529 時間: 14-12-5 09:11 標題: 引用：無可否認，我仔兩歲時只識發媽媽一個音，經

原帖由 chaserwai 於 14-12-04 發表
無可否認，我仔兩歲時只識發媽媽一個音，經健康院轉介到cac評估，我當時好擔心，帶左個仔去做私人言語評估 ...

政府排左幾時評? 如評到有需要會有每月津貼, 不過我仔冇羅到, 未能提供更多資料

作者: feipow 時間: 14-12-26 11:05 標題: 回覆：想賺錢定我仔真係咁差?

提示: 作者被禁止或刪除內容自動屏蔽

歡迎光臨教育王國 (/)