教育王國

標題: 好難受 [打印本頁]

作者: 麥子仲肥 時間: 14-12-4 18:00 標題: 好難受

昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byebye拍櫈
我仲滿心歡喜以為會有offer，結果都係waiting
我明白SC真係好多人申請，叻嘅背景好嘅大有人在
不過都好，令我唔好對收到其他名校offer抱有太大期望

諗起可能冇心儀學校offer，有d難過難受
或者阿仔自己已經揀咗鍾意嘅學校

我只係純發洩，如果唔係真係谷死，並冇對任何學校不滿

作者: soso3509 時間: 14-12-4 18:01 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油呀!! 如果真係心儀..寫下求位信呀!!
waiting 仲有希望架!! 有其他出offer就有人放..
仲有八個月先開學!!

作者: holidayhwx 時間: 14-12-4 18:07 標題: 回覆：好難受

系唔系好大程度，填表個陣，都對爸爸媽媽畢業學校有一定要求。我仔當時都是表現好好，個老師話好乖仔好聽話。都係waiting

作者: Lilianyu500 時間: 14-12-4 18:07 標題: 回覆：好難受

仲有好多其它名幼都未放榜,加油啊

作者: helenmelody 時間: 14-12-4 18:08 標題: 回覆：麥子仲肥的帖子

加油，好的學校在等你的仔仔，緣份早注定。

作者: Vinccy 時間: 14-12-4 18:09 標題: 回覆：好難受

我都好難受，心儀幼稚園有學券又近屋企，但是只是收佢下午備取，焗住每個月比成萬銀讀貴書

作者: helenmelody 時間: 14-12-4 18:11 標題: 回覆：麥子仲肥的帖子

[廿四孝父母專欄] - 誰揀誰？

「我個仔到底衰啲乜？」這是小一直資及私立面試放榜後，
我最常聽到朋友問的問題。

到過多間名牌學校採訪，也曾跟不少校長深入談天，朋友們
以為我袋住不少入學貼士，也深知各間學校的收生要求，其
實不然。

你兒懂得寫自己中文名、別人懂得串helicopter
。你女懂得敲門叫老師早晨泊好椅子甚至敬禮，別人看到老
師在門外掉下物品時主動上前收拾。面試形式可以千奇百怪
，要找出哪個才是叻仔乖女？其實個個皆是。可是學校最後
會收哪個，沒有人寫包單，故你永遠猜不到「取錄」的意義
，我也答不到你孩子不獲取錄的原因。Reject or Waiting，只是一個答案而已，沒貶低成份。

11月，又到了幼稚園面試的日子，兩三個月後，相信又有
一批家長大問為什麼。幼稚園面試比小一更難考驗孩子實力
，孩子個個只有一、兩歲，或者只有神童才能脫穎而出；取
錄與否更加要講點緣份，有時候更需要靠人事。所以，「為
什麼」一類的問題會更難尋找到答案。

為了面試，家長們早已準備一些標準答題技巧：「我認同你
們學校的教學理念。」「我們假日會一家人行公園、到郊外
玩。」回答時，心裡不其然暗笑：喂喂喂，你好假呀！可是
想深一層，見新工時，我們都說會做好這份工，但上班後，
還不是依樣練精學懶請病假？把孩子和自己最好的一面呈現
出來，準不是錯，然而，就是因為已準備得最好了，輸了，
難免不甘。

去年，我也曾跟兒子參與這場幼兒競選，可是對一個早已熟
讀各大小幼稚園面試試題的普通阿媽來說，並無任何著數。
兒子做對了全部動作題，答對全部口試題，最後，我們在最
心儀的學校都落選了。學校到底要怎樣的孩子？我個仔到底
衰啲乜？我不敢問，也不知問誰。

大抵因為覺得已經把最好的給別人看，被拒絕當然不好受。
其實，如果「我個仔到底衰啲乜？」是沒有答案的話，為何
還要讓自己難受呢？不是我們不夠好，而是學校對「好」的
陳述跟我們不太一樣；不是這間學校不選我們，而是另一間
學校一早在等我們。

我們都有孩子，總知道這個世界很多事情也跟教仔方法一樣
，沒有最好，只有最適合。當然，我兒最後是有書讀，還要
是一間令我喜出望外的學校。當初被心儀拒絕之結，已經解
開。原來給別人Reject也不一定是壞事，這樣看的話
，孩子也不再「衰啲乜」，而是醒目地跟最適合他自己的學
校打通了緣份。

歌莉媽
超過8年親子工作經驗，經常接觸家長、學校、升學及健康
專家，走在育兒話題最前線；然而作為媽媽，只是初哥一名
。爸媽大學學海無涯，望與天下父母一同努力

作者: Melody008 時間: 14-12-4 18:12 標題: 回覆：好難受

好明白你感受，有時唔係因為入唔到而唔開心，係因為見到自己小朋友咁乖咁勇敢在陌生人面前做得咁好，但最後得waiting,係心痛個小朋友

作者: Melody008 時間: 14-12-4 18:14 標題: 回覆：好難受

況且根本冇人知學校收生標準

作者: winnietingting 時間: 14-12-4 18:18 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油！我囡早年sc都是waiting, 之後在四月左右收call有offer, 俾心機寫求位信，加油！

作者: rsx 時間: 14-12-4 18:23 標題: 回覆：Melody008 的帖子

以我個人帶兩個仔in埋都有廿幾三十次既經驗，結論係老師好少揀錯＆自己不太期望/求奇in果d反而會收，好可能係大人既表現影響幾大，總之只要平常心，始終仲細，前路漫漫，加油！

作者: annayu 時間: 14-12-4 19:10 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

明白你感受。
加油加油加油！

作者: piggymonkey 時間: 14-12-4 19:21 標題: 回覆：helenmelody 的帖子

作者: Girly 時間: 14-12-4 20:35 標題: 回覆：麥子仲肥的帖子

天無絕人之路，如果你囝囝做到st. Cat所有指令，我覺得一定有學校收佢！放心啦！

作者: helenmelody 時間: 14-12-4 20:47 標題: 回覆：rsx 的帖子

作者: crown_629 時間: 14-12-4 20:49

回覆麥子仲肥的帖子

很明白你感受。我小朋友也是in St Cat in 得很好，有禮有笑容，全部task自己完成，唱歌也面帶笑容，但收到waiting 信，真的很失望很失落。但感恩佢本身讀的學校也不差，直升上去其實也不錯。

作者: wwiinngg 時間: 14-12-4 20:52 標題: 回覆：好難受

我都係有呢個感受

作者: supercooffee 時間: 14-12-4 21:02 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

唔好唔開心，你只係因為覺得機會大但落空，感到失落。但不要灰心，自己覺得仔女表現好好就要開心，只是機會未到。大家係龍年仔女，大家一定有同感。人生流流長，唔好俾呢d事令自己唔開心，仔女係感覺到的。放心，明天是充滿希望的

作者: scorpiomandy 時間: 14-12-4 21:04 標題: 回覆：好難受

我深信上帝早已預備。。。各位加油呀

作者: 奶茶喱哩 時間: 14-12-4 23:12 標題: 引用：我都好難受，心儀幼稚園有學券又近屋企，但

原帖由 Vinccy 於 14-12-04 發表
我都好難受，心儀幼稚園有學券又近屋企，但是只是收佢下午備取，焗住每個月比成萬銀讀貴書

...

成萬

作者: woodstockming 時間: 14-12-5 15:17

麥子仲肥發表於 14-12-4 18:00
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

我都同您一樣感受........見到封信我真係眼濕濕.... 到依家.... 只可以話隨緣......
等晒所有學校出結果先再諗.....您揀人....人揀您..... it's the game!

您都要努力呀.....!!!!

作者: johnnywalker 時間: 14-12-5 16:48

提示: 作者被禁止或刪除內容自動屏蔽

作者: kululuc6 時間: 14-12-5 17:34 標題: 回覆：好難受

我同你case 一樣，阿女唱唒成首abc song, 最终都是pm waiting. 從字裡行間基本上是reject letter.有唒心理準備未必收，接信那刻仍是很難受。感覺過去努力(上playgroup, 身教，面試班，練習) 一刹那間白費了。幸好不是只報一間，希望在明天。共勉之！

作者: supercooffee 時間: 14-12-5 19:13 標題: 引用：我同你case+一樣，阿女唱唒成首abc+song,+

原帖由 kululuc6 於 14-12-05 發表
我同你case 一樣，阿女唱唒成首abc song, 最终都是pm waiting. 從字裡行間基本上是reject letter.有唒心理 ...

仲有邊間等緊？

作者: papa_ming 時間: 14-12-5 19:51 標題: 引用：好明白你感受，有時唔係因為入唔到而唔開心

原帖由 Melody008 於 14-12-04 發表
好明白你感受，有時唔係因為入唔到而唔開心，係因為見到自己小朋友咁乖咁勇敢在陌生人面前做得咁好，但最後 ...

你講得好岩

作者: YSF1 時間: 14-12-5 21:16 標題: 回覆：好難受

名幼預左啦，幾千人揀百幾人喎。

作者: angie0828 時間: 14-12-11 22:38 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油仲肥，你小孩應該很叻的！我覺得interview好講眼缘的！想當年大女in sc做得好好，有問必答，可能唔多啱老師口味，讚她的說話也十分'行'，當然最後是waiting, 同樣去年到細仔in時，明顯老師幾喜歡細仔，從說話間是感受到的！當然細仔現在是sc k1生！從過來人感受，收得未必好叻，唔收唔代表渣，只是好唔好彩已而，而囡囡也在另一間幼稚園讀得很好也很開心，希望失望的媽咪快收拾心情，始終學習的道路是很漫長，相信你們的小孩一定得的！加油！

作者: Bearstar 時間: 14-12-11 22:51 標題: 回覆：好難受

我都係未有offer, 我知我小朋友就算做得晒都唔可以叫叻，做足都唔一定有學校收，要配合好多野，但眼見個個有著落，自己無，覺得佢都唔係差，不期然就想問點解. 但就算點問都唔會有結果，我報左7 間， 3 間都出左，仲有幾間都唔易，所以唔敢抱希望. 但現在既我已經好失望，灰晒！
我而家只想發洩下，只想搵共鳴同安慰，因為過程中我好努力，亦辛苦過

作者: vpo0615 時間: 14-12-12 11:41

完全明白呢D感受, 但有時真係希望愈大, 失望愈大. 所以都係盡快收拾心情. 天無絕人之路.

作者: Anna媽媽 時間: 14-12-12 11:57

回覆 kululuc6 的帖子

完全明白感受，上playgroup, 身教，面試班，練習呢d我都做曬，名幼/龍校好可能全軍覆沒，講到底，名幼亦不代表什麽，學習和做人，漫漫長路啊！

作者: SaSaAndre 時間: 14-12-12 12:00 標題: 引用：好明白你感受，有時唔係因為入唔到而唔開心

原帖由 Melody008 於 14-12-04 發表
好明白你感受，有時唔係因為入唔到而唔開心，係因為見到自己小朋友咁乖咁勇敢在陌生人面前做得咁好，但最後 ...

好認同，其實係覺得小朋友已經盡力表現自己，但仍然未能獲得認同，真係好心痛，覺得難為了小朋友

作者: moledy 時間: 14-12-12 12:13

又係既, 太多人爭啦, 入唔到都唔代表自己小朋友唔得, 同埋人地學校可能有好多有關係既人事入去呀, 咁都會小左位比出邊D人, 仲要睇埋父母背景, 小1樣都唔得, 真係入到都係當BONUS...

作者: clsy111 時間: 14-12-12 17:16

今日又再收到WAITING了, 4 waiting + 1 rejected, 好失望, 真係咩心情都冇哂

作者: helenmelody 時間: 14-12-12 17:18

回覆 clsy111 的帖子

仲有無其他OFFER未出結果的? 希望在明天

作者: gg33 時間: 14-12-12 17:39 標題: 回覆：麥子仲肥的帖子

我都down左一輪，不過sc也不是唯一

作者: raytem 時間: 14-12-12 17:56 標題: 回覆：gg33 的帖子

我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple 至 Z, 顏色，形狀完全冇問題，照計唔蠢架，唉……仲懶醒唔担心，而家都唔知點算

作者: creama 時間: 14-12-12 18:26 標題: 引用：我仲灰，st+cat+waiting+都有失望，不過連

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple ...

你小朋友如果係早多幾年，係可以話好叻，你話你小朋友識個d, 我身邊大把小朋友喺歲半兩歲前已經識晒，而家d家長係train到d小朋友天才咁架，27個月唔少人已經識寫字母識流利中英對答識講故事，所以永遠唔好諗自己小朋友最聰明，更叻嘅人大有人在，唔好set個target太高個心會好過d.

作者: pizzaheidi 時間: 14-12-12 18:50 標題: 引用：我仲灰，st+cat+waiting+都有失望，不過連

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple ...

D 學校都唔知點？形狀，顏色，物件名稱唔識果陣，又用驚訝嘅語氣表示父母應該教下小朋友！乜都識又唔覺得 over 左！太老積唔收！唉！純粹個人感覺，好無奈, 究竟點樣拿（獵）好呢？玩殘父母

作者: Pigdripy 時間: 14-12-12 20:10 標題: 引用：我都係未有offer,+我知我小朋友就算做得晒

原帖由 Bearstar 於 14-12-11 發表
我都係未有offer, 我知我小朋友就算做得晒都唔可以叫叻，做足都唔一定有學校收，要配合好多野，但眼見個 ...

好同意。眼見個個有咁好嘅offer, 自己乜都無（希望只係未有），都好灰。雖然話贏在起跑線唔一定好，但起跑得唔好，之後可能仲難競爭。越收得多waiting and reject 信，就越擔心阿女前途...aii...

作者: super_kitty 時間: 14-12-12 21:08 標題: 引用：昨日收到SC+waiting+list+信，非常難過面試

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油呀！我都收左好幾封waiting !明白你心情

作者: booboozi 時間: 14-12-12 21:29

其實有時家長以為學識所有野去interview 先會成功，反而會令人覺得小朋友係train到咁叻，不是本身叻及有potential。特別不是著重學術的學校，可能observe緊小朋友向其他方面的發展呢。
好多老師校長interview開小朋友，應該識睇佢地想要的類型的小朋友。

作者: jason1978 時間: 14-12-12 21:51 標題: 引用：我仲灰，st+cat+waiting+都有失望，不過連

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple ...

學校會唔會喺睇小朋友答題嘅反應，家長嘅表現，多過答得啱定唔啱。
就好似隔離小一區咁講，有啲學校特突考小朋友反應，多過識幾多嘢。先會問埋啲好似好深，或者越級嘅問題。
我記得，有校長話小朋友答乜煮無緊要，只要佢有思考就得。佢會欣賞一啲答佢“老師，我唔識，你可唔可以教我呀？”多過佢答得到。
亦因為咁先出現所謂“學校玩嘢”具爭議嘅題目。

作者: raytem 時間: 14-12-13 19:24 標題: 引用：Quote:原帖由+raytem+於+14-12-12+發表我仲

原帖由 creama 於 14-12-12 發表
你小朋友如果係早多幾年，係可以話好叻，你話你小朋友識個d, 我身邊大把小朋友喺歲半兩歲前已經識晒，而家d ...

我冇講到我個女好叻，亦都唔覺得佢係天才，只係想講一般學校考既野都識晒，連自己讀緊既學校(唔係名校)都waiting啫，唔通要個2歲幾既小朋友去到小1level先有書讀咩？

歡迎光臨教育王國 (/)