教育王國

標題: 小一中英數 [打印本頁]

作者: lhingw 時間: 14-12-3 00:31 標題: 小一中英數

我仔現讀 K3，見好多小學會教深半年、一年，好想瞭解一下一般小學中英數會教咩？多謝大家的分享。

作者: MASAYA 時間: 14-12-3 01:28

我女地區一線尾津小, 第一個月好淺, 英文教A-Z, 數學教形狀, 上學期前英文都仲教緊is am are, head hair hand arm leg, 句型仲係i like a cat呢d, 數學就20內加減, 有文字題, 中文係好簡單既閱讀理解同默常用詞語, 例如: 詞語, 怎樣

總括黎講冇教深或教快, 甚至算淺, 不過功課幾多

如果target中文小學, 只要睇中文睇得明課文就handle到

作者: MrBeast 時間: 14-12-3 08:23

若kg 已有默書這方面就不需太擔心，心儀小學是中數的話就pat attention on 解題。

作者: longlokma 時間: 14-12-3 08:36 標題: 回覆：小一中英數

想知各年级教咩，其實去書局買本補充睇下便可以了。中、英文，只要平時和孩子多看書便不用担心。數學，初小的都好淺，只要確保老師教的全都明白便冇問題，閒时建議家長可以先教孩子看時鐘，特別是行针的，到初小教計算時距时便更容易上手。

作者: little_yolky 時間: 14-12-3 09:22

lhingw 發表於 14-12-3 00:31
我仔現讀 K3，見好多小學會教深半年、一年，好想瞭解一下一般小學中英數會教咩？多謝大家的分享。

...

我囡囡係二線私小, 你小朋友有著落未? 因為就算官津校都未必間間相同, 因為有啲教快一年或半年的, 尤其係數學。

我囡囡間無教快, 小一上學期數學完全食老本, 到下學期就學時鐘同元角兌換, 咁就出事了, 小一一般係文字題大件事啲。

英文就比較淺, 但都無樓上話教A-Z咁誇張, 有10本薄到暈書仔, 睇完做閱讀理解, 老師自己又篇咗一份in house彩色打印教材, 教下唔同既grammar咁。小一上學期都係教啲 a, an, the, pronoun, simple present tense, 標點符號, 看圖作文咁, 下學期就教多啲, 又有preposition, present continuous tense等等, 作文就作多10+個字。測考要考閱讀理解、填充(例如要填He, in, 俾個verb你要記得加S等等), 看圖作文/句, proofreading等等。

至於中文就真係.........因為普教中, 所以要適應多一樣嘢, 啲文章寫得幾好, 唔可以話淺, 有閱讀理解, 測考份卷有60%都係閱讀理解, 上學期仲有供詞填充, 重組句子, 作文。小二先係不供詞填充。

我校小一測考仲有老師讀題, 閱讀理解文章都會讀一次, 所以唔多識字基本都仲可以, 小二就要靠自己了。

我校小一無常識科, 但係你搞好一科中文, 就中、數、常都掂晒了。

作者: 小曳人 時間: 14-12-3 09:24

其實教深半年嘅學校佔少數

但上到小一，大多數家長頭痛閱讀理解，其他嘅問題不大，慢慢適應啦

作者: MrBeast 時間: 14-12-3 09:34

另外，depending on 學校程度和小孩底子，中文句子重組、擴寫，排句成段都要留意下

作者: lhingw 時間: 14-12-3 09:37 標題: 引用：我女地區一線尾津小,+第一個月好淺,+英文教

原帖由 MASAYA 於 14-12-03 發表
我女地區一線尾津小, 第一個月好淺, 英文教A-Z, 數學教形狀, 上學期前英文都仲教緊is am are, head hair ha ...

明白，多謝你詳細資料，似乎唔係太深，我仔應該 handle 到。

作者: fishballbaby 時間: 14-12-3 09:41 標題: 回覆：lhingw 的帖子

可以去書局研究吓，有好多小一各科的練習，甚至乎可買小一上學期的練習做吓。

作者: IloveJJ 時間: 14-12-3 09:43 標題: 引用：我仔現讀+K3，見好多小學會教深半年、一年

提示: 作者被禁止或刪除內容自動屏蔽

作者: lhingw 時間: 14-12-3 09:44 標題: 引用：想知各年级教咩，其實去書局買本補充睇下便

原帖由 longlokma 於 14-12-03 發表
想知各年级教咩，其實去書局買本補充睇下便可以了。中、英文，只要平時和孩子多看書便不用担心。數學，初小 ...

多謝你，仔一直有做果D補充練習，原來D練習係跟學校進度。

作者: lhingw 時間: 14-12-3 10:02 標題: 引用：Quote:lhingw+發表於+14-12-3+00:31+我仔現

原帖由 little_yolky 於 14-12-03 發表
我囡囡係二線私小, 你小朋友有著落未? 因為就算官津校都未必間間相同, 因為有啲教快一年或半年的, 尤其係數 ...

我仔暫時有間 2 線英文私小 offer, 仔讀英普幼稚園及比較喜歡英文，呢幾個月會教多些你提示過的 grammar, 希望到時可以跟到。返而真係有些擔心中文，中文字比較深、難記，仔會捨難取易，會選擇先英文、後中文。

作者: little_yolky 時間: 14-12-3 10:15

lhingw 發表於 14-12-3 10:02
我仔暫時有間 2 線英文私小 offer, 仔讀英普幼稚園及比較喜歡英文，呢幾個月會教多些你提示過的 grammar, ...

英文私小嗎? 即係乜都係英文啦, 咁搞掂閱讀理解就掂了。我的是中文私小, 所以你學校是英文私小, 肯定程度會再深少少。不過, 中文應該就無得淺。

作者: nekoneko79 時間: 14-12-3 10:24

間間學校都一定會先溫一溫A-Z, 只不過時間不同, 有D可能飛一飛就算
小一最重要學識睇題目解題, 雖然大部分學校的老師考試都會讀題目
但不會再加重點提示, e.g. 圈出, 剔出那些不同指示, 小朋友聽完都要記得跟足, 錯咗失分好慘呀! 另外基本上常識個d都會供字填充的, 但家長要同佢溫習多少少字彙, 唔識寫都要認到

作者: nekoneko79 時間: 14-12-3 10:26

我個人都會注重中文先, 因為小朋友升小學係用中文, 同埋中文其實難學過英文好多, 文字要靠死記同接觸得多; 英文方面, 只會俾佢習慣要串字, 同平時提供多少少語境, 先著重listening and speaking, 習慣了之後再追也可以

作者: bobbob 時間: 14-12-3 10:56

小一仲a-z? 學卷村校k2都教晒，會唔會淺咗啲？

作者: MASAYA 時間: 14-12-3 11:06

一開始係A-Z沒誤，可能係教育局規定，因為幼稚園唔係一定要讀，雖然我都相信冇小朋友上小學仲未識A-Z...

識自己睇得明課文好重要，唔係考試時老師讀唔讀卷既問題，係做家課識睇先可以自己做，識自己做等於每日溫習一次當日上堂教既野，自己打好個底，未來可以放手既日子就好近

作者: kenwong888 時間: 14-12-3 11:22

本帖最後由 kenwong888 於 14-12-3 11:23 編輯

bobbob 發表於 14-12-3 10:56
小一仲a-z? 學卷村校k2都教晒，會唔會淺咗啲？

Mine also aA-zZ woo!

But mine is jackpot SEN school!

作者: bobbob 時間: 14-12-3 11:38

kenwong888 發表於 14-12-3 11:22
Mine also aA-zZ woo!

But mine is jackpot SEN school!

唔同類別嘅特殊學校每區得1、2間，乜唔係就完評估再轉介嘅咩？

作者: kenwong888 時間: 14-12-3 11:46

本帖最後由 kenwong888 於 14-12-3 11:52 編輯

bobbob 發表於 14-12-3 11:38
唔同類別嘅特殊學校每區得1、2間，乜唔係就完評估再轉介嘅咩？

Mine is not 特殊學校!

Mine is 普通學校支援有特殊教育需要的學生!

PS no need for referral, simply choose SEN and input the code in the primary school form -- but unfortunately there is no code for 發展遲緩; so the social worker ask me to input 智障! I am so sad!

作者: bobbob 時間: 14-12-3 12:05

kenwong888 發表於 14-12-3 11:46
Mine is not 特殊學校!

Mine is 普通學校支援有特殊教育需要的學生!

咁就唔係sen school啦。發展遲緩係要填智障，但印象中間間官津都要提供融合教育服務喎。。

作者: keep-calm 時間: 14-12-3 12:07 標題: 回覆：小一中英數

似乎小學中文閲讀理解很重要！請問如幼稚園階段讀英普更能事半功倍？

作者: kenwong888 時間: 14-12-3 12:09

bobbob 發表於 14-12-3 12:05
咁就唔係sen school啦。發展遲緩係要填智障，但印象中間間官津都要提供融合教育服務喎。。 ...

Exactly true!

Government will provide extra funds to those schools according to the number of SEN students in-taken!

作者: kenwong888 時間: 14-12-3 12:11

bobbob 發表於 14-12-3 12:05
咁就唔係sen school啦。發展遲緩係要填智障，但印象中間間官津都要提供融合教育服務喎。。 ...

Initially i cannot quite comfortable and accpet my daughter is 智障!

I think she is only 發展遲緩!

作者: lhingw 時間: 14-12-3 15:46 標題: 引用：我個人都會注重中文先,+因為小朋友升小學係

原帖由 nekoneko79 於 14-12-03 發表
我個人都會注重中文先, 因為小朋友升小學係用中文, 同埋中文其實難學過英文好多, 文字要靠死記同接觸得多; ...

正確，仔學懂英文拼音之後，開始覺得中文深、難記，唔似英文識拼音就可以睇書。真心請教，除左多看、多寫，有沒有其他更好、有效方法學中文？

作者: lhingw 時間: 14-12-3 15:52 標題: 引用：Quote:lhingw+發表於+14-12-3+10:02+我仔暫

原帖由 little_yolky 於 14-12-03 發表
英文私小嗎? 即係乜都係英文啦, 咁搞掂閱讀理解就掂了。我的是中文私小, 所以你學校是英文私小, 肯定程度會 ...

中文學習真有點困難，認字還可以，但寫總是忘記一部分。請問有沒有心得學好中文？

作者: MASAYA 時間: 14-12-3 15:52

lhingw 發表於 14-12-3 15:46
正確，仔學懂英文拼音之後，開始覺得中文深、難記，唔似英文識拼音就可以睇書。真心請教，除左多看、多寫， ...

語言係聽 > 講 > 讀 > 寫，平時係中文溝通既話，K3/小一階段其實伴讀故事書好快就識睇，因為睇書前已經有五年中文溝通，開始睇書之後好快由個腦度對應返d字既音同形，要寫就需要多d時間，識睇係好快既事

作者: little_yolky 時間: 14-12-3 16:36

kenwong888 發表於 14-12-3 12:11
Initially i cannot quite comfortable and accpet my daughter is 智障!

I think she is only 發展遲緩!

其實係我哋現代人步伐太快啫, 尤其香港人。個個小朋友發展唔一樣, 有啲呢方面快, 果方面慢, 係我哋現代人無耐性咗, 咪發展遲緩囉。有啲小朋友學好多嘢, 係需要多啲時間消化一下, 消化完, 佢哋又會好叻了。佢哋係慢食文化主義者, 其他人則是快餐文化主義者而已。係教育局定唔知邊個發瘟無腦部門 (唔好意思, 唔好怪我講粗話) 亂group一通, 隨便將名稱放埋同一catalogue下面, 方便自己做嘢。你囡囡當然都係一位可愛既小公主嚟。

作者: little_yolky 時間: 14-12-3 16:38

lhingw 發表於 14-12-3 15:52
中文學習真有點困難，認字還可以，但寫總是忘記一部分。請問有沒有心得學好中文？

...

唉, 成日漏一畫, 漏一點咁,

小二好啲了, 因為識字多咗, 識拆部記, 例如斧頭邊、耳仔邊咁提佢。

作者: bobbob 時間: 14-12-3 17:12

little_yolky 發表於 14-12-3 16:36
其實係我哋現代人步伐太快啫, 尤其香港人。個個小朋友發展唔一樣, 有啲呢方面快, 果方面慢, 係我哋現代人無 ...

個grouping又係確幾『韌』耳嘅，理論上評估係跟據某啲worldwide benchmark而定，比如2歲generally要識啲乜乜，3歲要識啲物物，評估嘅items好extensive 同comprehensive，目的係早啲辨認到問題而採取相應行動去幫個小朋友。但小朋友確實個個步伐唔同，如果唔爭得遠其實好易追，尤其係咁細個。

作者: kenwong888 時間: 14-12-3 18:18

little_yolky 發表於 14-12-3 16:36
其實係我哋現代人步伐太快啫, 尤其香港人。個個小朋友發展唔一樣, 有啲呢方面快, 果方面慢, 係我哋現代人無 ...

作者: nekoneko79 時間: 14-12-4 08:50

回覆 keep-calm 的帖子

如果用普讀中文咪仲衰, 其實我一d都唔贊成普教中
又要佢再適應多一種語言.............
不如先集中火力做好中文(廣東話為母語)同英文

作者: nekoneko79 時間: 14-12-4 09:48

回覆 MASAYA 的帖子

聽說讀寫四階段是學習語言/語文的重點
但中文不比英文容易, 尤其由聽說跳往讀寫
因為中文為方塊文字, 不是英文般的拼音, 不能以phonics等方法教授
可參考坊間的圖像記憶法等方法也不錯
另外家長伴讀時, 要著意用書面語讀出, 那孩子就可以沿著聲音配對識字
當然, 先要口語講故事培養其閱讀興趣, 往後才慢慢書面語認字
孩子只要愛上那故事, 就不怕逐個字逐個字認, 媽媽也不用怕使用書面語怪怪的

作者: EllaPoon 時間: 14-12-4 13:50

如果小朋友英文較強,是否應選擇英小較為事半功倍,亦能容易上英中?? 請賜教.

作者: lhingw 時間: 14-12-4 16:15 標題: 引用：似乎小學中文閲讀理解很重要！請問如幼稚園

原帖由 keep-calm 於 14-12-03 發表
似乎小學中文閲讀理解很重要！請問如幼稚園階段讀英普更能事半功倍？

...

仔學校有教普通話及拼音，仔唔認得D字、唔識廣東話讀音，但會自己拼讀普通話，所以普教及認字是2回事。

作者: lhingw 時間: 14-12-4 16:20 標題: 引用：回覆+MASAYA+的帖子聽說讀寫四階段是學習

原帖由 nekoneko79 於 14-12-04 發表
回覆 MASAYA 的帖子

聽說讀寫四階段是學習語言/語文的重點

認同，中文真的不易學，學認字還好些，學寫真的進度很漫，今日記啱，明天又漏一筆😪😪

作者: MASAYA 時間: 14-12-4 16:38

nekoneko79 發表於 14-12-4 09:48
回覆 MASAYA 的帖子

聽說讀寫四階段是學習語言/語文的重點

中文我都係用拆字方法去教，例如：「說話」係「言」+「兌」同「言」+「舌」，講出黎既就用言字邊，記到部首，另一邊有時係近音字，有時係近義字，「打」「訂」「叮」呢d記住打係用手，訂係用講，叮係一個聲音，用各類方法拆開黎記，做得多方法熟左就好易記，小一頭三個月跟實d，之後就可以自己溫默書，但前提都係要識自己睇課文，當然每個小朋友進度不同，我相信快側一個月，慢側半年可上手，同埋方法有好多種，小一家長要幫手搵適合小朋友既方法

歡迎光臨教育王國 (/)