教育王國

標題: 點解會放棄培僑？ [打印本頁]

作者: cocobearkein 時間: 14-12-2 11:54 標題: 點解會放棄培僑？

如題!

作者: ckh311 時間: 14-12-2 12:03 標題: 回覆：點解會放棄培僑？

好多可能性，有機會有更好直資私小offers，自行心儀個間攪掂咗。因我有朋友自行已攪掂，一來係自己鍾意嘅津小，二來唔使錢。所以有好多因素嘅

作者: cocobearkein 時間: 14-12-2 12:06

回覆 ckh311 的帖子

thank you~~

作者: llkllkllk 時間: 14-12-2 12:16

I want to know too, 聽講現在的校長比較谷及嚴, 冇帶書都要被記名, 不再像以往般愉快學習

作者: daddykei 時間: 14-12-2 12:32 標題: 引用：I+want+to+know+too,+聽講現在的校長比較谷

原帖由 llkllkllk 於 14-12-02 發表
I want to know too, 聽講現在的校長比較谷及嚴, 冇帶書都要被記名, 不再像以往般愉快學習 ...

我囝日日番學都好開心呀！而且功課唔多！相比一般官津校，培僑真係讀得較輕鬆！

作者: piggymonkey 時間: 14-12-2 12:37

回覆 daddykei 的帖子

唔係通常直私都谷D 咩? 反而官津仲chur, 咁做乜要俾貴學費讀?

作者: cocobearkein 時間: 14-12-2 12:44

回覆 daddykei 的帖子

我想問你仔仔會唔會覺得學校好親中呢？

作者: AgapePa 時間: 14-12-2 12:51 標題: 引用：I+want+to+know+too,+聽講現在的校長比較谷

原帖由 llkllkllk 於 14-12-02 發表
I want to know too, 聽講現在的校長比較谷及嚴, 冇帶書都要被記名, 不再像以往般愉快學習 ...

愉快學習唔等如可以唔帶書

作者: daddykei 時間: 14-12-2 12:54 標題: 引用：回覆+daddykei+的帖子唔係通常直私都谷D+

原帖由 piggymonkey 於 14-12-02 發表
回覆 daddykei 的帖子

唔係通常直私都谷D 咩? 反而官津仲chur, 咁做乜要俾貴學費讀? ...

一般直資學校資源比較豐富，學校可以自行編制課程，不用跟教局，所以教學比較靈活，可因應學生情況作調整。培僑課程比較少抄寫訓練，以閱讀，寫作，思考為主幹，所以相比一般官津，功課上是比較輕鬆！再加上是一條龍，沒有了呈分試的壓力，不用操卷，多出來的時間可以用作教授其他知識。

作者: kerkermui 時間: 14-12-2 12:57

piggymonkey 發表於 14-12-2 12:37
回覆 daddykei 的帖子

唔係通常直私都谷D 咩? 反而官津仲chur, 咁做乜要俾貴學費讀? ...

津校係抽獎入，乜人都有，如果講一線>50%band 1生嘅學校，你話佢谷成點？！
直資私小，揀過先入到，一般學生家庭比較鍾意放資源响小朋友身上 (起碼先俾學費)，小朋友大多中上資質
因為課程自由度大，直私好多都教深少少，或因應個別學校教學理念而分配資源 (e.g. 較多NET、活動教學等)
唔係一味死谷

如果講小一，一定係津小功課多，聽過日日最少十樣，假期over 20! ，但就算話谷嘅私小，都係大約每日3-6樣功課

作者: hoihoima 時間: 14-12-2 13:06

piggymonkey 發表於 14-12-2 12:37
回覆 daddykei 的帖子

唔係通常直私都谷D 咩? 反而官津仲chur, 咁做乜要俾貴學費讀? ...

我唔想我孩子對小學的回憶只有一個“chur”字，同埋直資有較多資源，有各自特色，所以選直資。

作者: hoihoima 時間: 14-12-2 13:09

piggymonkey 發表於 14-12-2 12:37
回覆 daddykei 的帖子

唔係通常直私都谷D 咩? 反而官津仲chur, 咁做乜要俾貴學費讀? ...

如果你對小學的要求只是“chur”，官津啱你。

作者: piggymonkey 時間: 14-12-2 13:25

回覆 hoihoima 的帖子

我都好想供到佢讀直私, 但我有2個小朋友, 條數真係頂唔順
我大嗰個出年先K1, 又細B, 非學券一條龍連報都無報, 自知唔夠大B 爭, 而家都唔知點部署好

作者: daddykei 時間: 14-12-2 13:25 標題: 引用：回覆+daddykei+的帖子我想問你仔仔會唔會

原帖由 cocobearkein 於 14-12-02 發表
回覆 daddykei 的帖子

我想問你仔仔會唔會覺得學校好親中呢？

我明白你的的意思，因為我也有擔心過。老實說，我感受不到你所說的，反而覺得有點像國際學校，學校比較自由，很多presentation 和討論！

作者: daddykei 時間: 14-12-2 13:29 標題: 引用：回覆+hoihoima+的帖子我都好想供到佢讀直

原帖由 piggymonkey 於 14-12-02 發表
回覆 hoihoima 的帖子

我都好想供到佢讀直私, 但我有2個小朋友, 條數真係頂唔順

直資學校有政府資助，可以申請學費減免呢！

作者: cocobearkein 時間: 14-12-2 13:41

回覆 daddykei 的帖子

thank you^^

作者: ccycsy 時間: 14-12-2 13:58

我覺得現時培僑在溫校長的管理下很好, 再輕鬆的學校也必需有限制, 如欠交功課, 不帶齊課本這些習慣不加以責罰的話會養成小孩沒有責任感, 變得很懶散, 對小朋友一點好處也沒有, 輕鬆學習也必須有紀律.

適當的抄寫也是必需的, 如老師教完不要求抄寫, 學生如何記得字該如何寫? 這方面培僑做得很好, 有抄寫但量不多, 不過份. 基本上每天學生都能輕鬆完成功課, 家長與小孩並不會覺得吃力.

作者: daddykei 時間: 14-12-2 14:18 標題: 引用：我覺得現時培僑在溫校長的管理下很好,+再輕

原帖由 ccycsy 於 14-12-02 發表
我覺得現時培僑在溫校長的管理下很好, 再輕鬆的學校也必需有限制, 如欠交功課, 不帶齊課本這些習慣不加以責 ...

非常同意

作者: bubuG 時間: 14-12-2 14:24 標題: 回覆：點解會放棄培僑？

我連報都冇報過。

作者: sspang 時間: 14-12-2 15:09 標題: 回覆：點解會放棄培僑？

小學階段應培養小朋友喜愛學習、責任感!我家小一小朋友因忘記帶功課回家,主動要求寫電郵給老師道歉，欣賞學校老師悉心教導

作者: bb007 時間: 14-12-2 15:13

我發覺培僑好似食榴槤咁, 中意就好中意, 唔中意果D好抗拒, 離遠就走, 有D食左一次就愛上了. 多謝果D唔食的, 先有更多機會俾有心讀o既人

作者: sspang 時間: 14-12-2 15:26 標題: 回覆：點解會放棄培僑？

平心而論這間算是平民直資了！雙語環境加學習樂器,即使小朋友在官津免學費,許多家長放學後也安排補習和參加體藝活動準備升中競爭,時間學費差不多!

作者: Joystarter 時間: 14-12-2 15:46

回覆 sspang 的帖子

非常贊成，人棄我取。好可惜我仲未有入場卷

作者: msbear 時間: 14-12-2 16:00

就於學校背景, 我都擔心過, 聽到好多傳聞, 自己有好多先入為主睇法, 不過我花左時間去瞭解, 如參觀開放日, 問現有用家嘅COMMENT, 先去報考, 幸運地佢收左, 而我都為左佢而放棄左其他OFFER同大抽獎, 希望無揀錯~

作者: siden 時間: 14-12-2 16:04 標題: 引用：我覺得現時培僑在溫校長的管理下很好,+再輕

原帖由 ccycsy 於 14-12-02 發表
我覺得現時培僑在溫校長的管理下很好, 再輕鬆的學校也必需有限制, 如欠交功課, 不帶齊課本這些習慣不加以責 ...

Agree

作者: siden 時間: 14-12-2 16:10 標題: 引用：就於學校背景,+我都擔心過,+聽到好多傳聞,+

原帖由 msbear 於 14-12-02 發表
就於學校背景, 我都擔心過, 聽到好多傳聞, 自己有好多先入為主睇法, 不過我花左時間去瞭解, 如參觀開放日, ...

平時經過附近，見小學生們都正正經經，校風應該不錯

作者: gk678 時間: 14-12-2 18:12

問題唔係培僑, 而係點解會放棄 "自行分配學位".
要知道呢個階段, 每人只得一間, 即係唔係心水都唔會揀;
咁有幸抽到, 點解要放棄?
答案應該係有直資收左啦.
所以, "問題唔係培僑度".

作者: Babyarsene 時間: 14-12-2 21:04 標題: 引用：回覆+sspang+的帖子非常贊成，人棄我取。

原帖由 Joystarter 於 14-12-02 發表
回覆 sspang 的帖子

非常贊成，人棄我取。好可惜我仲未有入場卷

Same here, 我都好鍾意，但仔連2nd 都冇

作者: DevilPig 時間: 14-12-2 22:27 標題: 引用：Quote:原帖由+cocobearkein+於+14-12-02+發

原帖由 daddykei 於 14-12-02 發表
我明白你的的意思，因為我也有擔心過。老實說，我感受不到你所說的，反而覺得有點像國際學校，學校比較自由 ...

但係國民教育呢？

作者: samchan2179 時間: 14-12-3 02:21 標題: 引用：就於學校背景,+我都擔心過,+聽到好多傳聞,+

原帖由 msbear 於 14-12-02 發表
就於學校背景, 我都擔心過, 聽到好多傳聞, 自己有好多先入為主睇法, 不過我花左時間去瞭解, 如參觀開放日, ...

放❤️，唔會有錯！

作者: joyce1234 時間: 14-12-3 08:26 標題: 回覆：點解會放棄培僑？

點解唔會放棄培僑？朋友係左派學校教書，個女考小學時，培僑從不在名單上。

作者: Charlotte_mom 時間: 14-12-3 08:35 標題: 引用：Quote:原帖由+piggymonkey+於+14-12-02+發

原帖由 daddykei 於 14-12-02 發表
一般直資學校資源比較豐富，學校可以自行編制課程，不用跟教局，所以教學比較靈活，可因應學生情況作調整。 ...

一條龍都可以有呈分。呈分只係將校內試分數呈去教育局。如果打算直升，唔需要操fit，根本零壓力。有呈分只會令想參加派位的同學多一個選擇

作者: Charlotte_mom 時間: 14-12-3 08:40 標題: 引用：問題唔係培僑,+而係點解會放棄+"自行分配學

原帖由 gk678 於 14-12-02 發表
問題唔係培僑, 而係點解會放棄 "自行分配學位".
要知道呢個階段, 每人只得一間, 即係唔係心水都唔會揀;
咁 ...

咁又未必。有家長play safe，揀高機會例如母校，但未必係最心儀。你見有個帖都係講中左自行唔去註冊。

作者: msbear 時間: 14-12-3 09:41

回覆 joyce1234 的帖子

你朋友有無具體說法? 願聞其詳
講真,喺未瞭解過培僑之前就係聽得太多呢類朋友傳聞, 對呢間學校有先入為主睇法, 如國民教育, 左校等等..
瞭解完後, 學校背景會令人關注, 但係真係要去睇清楚, 係唔係如傳聞一樣, 教育方向係咪同自己一致, 好似培僑為例, 瞭解完我都要花時間游說老公自己去瞭解學校, 好彩睇完, 問埋讀緊嘅用家, 真係岩先去報名, 唔好因為傳聞而抺殺左學校嘅努力~

作者: sze0203 時間: 14-12-3 09:49

用家話培僑係國語教數學, 用大陸版書教中文, 想請問其實同香港版中文書有何分別? 國語教數學又能否真的理解數學解題? 培僑出品, 國語強一定無須懷疑!!

作者: ccycsy 時間: 14-12-3 10:18

培僑的學生數學科用普通話教, 成績一樣好; 英語更不用講, 各方面都做得很好, 看得出英文組的老師很用心教, 自己編制的課程配合全世界不同地方的知識去教授, 中間會穿插文法, 令小朋友在學習時不會覺得枯燥乏味, 而是興趣盎然, 對學習英文有很大的幫助; 中文科用國內的書本我覺得是文字真的比較優美, 語句不會口語化, 對他們寫作措詞有很大的影響, 寫出來的文章比較好. 其它科目也做得很好, 這裡就不多說了. 培僑是很重視閱讀的, 這點很重要!

總而言之, 培僑做得很好, 並不是外界有些人一知半解所說的那樣, 培僑絕大部份學生的家長對小孩都是有要求的, 所以大部份小孩表現不錯, 特別是近幾年錄取的學生資質都是很好的, 將來的成績一定會更好!

作者: stepyau 時間: 14-12-3 10:30

回覆 joyce1234 的帖子

我朋友教地區名津，有直屬中學，他也不讓自己的女兒入讀，情願比錢讀私校，因爲他自覺女兒不適合學校的教學方法。所以家長選擇學校，未必完全關學校左中右事。另外，我覺得學校強調中國傳統、愛國，我覺得不是100%壞事，關鍵是持平，而不是洗腦式一面倒支持某一方面的意見。

作者: JadeW 時間: 14-12-3 11:02 標題: 回覆：stepyau 的帖子

持平很重要，但始終學校、老師，甚至家長都未必能做得到持平或從不同的角度去分析解說！

作者: jutma 時間: 14-12-3 11:40

回覆 piggymonkey 的帖子

其實而家家長就係怕左津小果種好多功課、測驗、考試既模式, 先想入直、私, 如家長所講, 課程較自由, 可自訂課程, 靈活d, 同資源較多, 語言環境相對會較好, 而不只是谷。

作者: piggymonkey 時間: 14-12-3 12:14

回覆 jutma 的帖子

我以爲係覺得官津程度唔夠直私高 (in another word = 唔夠谷), 和唔想落大抽獎唔知派去邊, 才俾錢讀直私

作者: 993rs 時間: 14-12-3 12:20

stepyau 發表於 14-12-3 10:30
回覆 joyce1234 的帖子

我朋友教地區名津，有直屬中學，他也不讓自己的女兒入讀，情願比錢讀私校，因爲他 ...

我有去過培橋、聽過校長的講解。有兩個 points 我係好認同的：

1/ 「國教」係「國民」及「德育」教育，並非教小朋友唱國歌時要感動流涕，係對國家既了解；
2/ 就算要幫小朋友洗腦，香港係一個資訊開放既地方，點洗腦？呢頭洗完腦，轉頭睇生果（呢句我加既）

作者: subb 時間: 14-12-3 12:29

本帖最後由 subb 於 14-12-3 12:30 編輯

jutma 發表於 14-12-3 11:40
回覆 piggymonkey 的帖子

其實而家家長就係怕左津小果種好多功課、測驗、考試既模式, 先想入直、私, 如家 ...

咁又唔好打哂一船人, 我識人在直資做主任仔女在津校讀又有, 在a津校教去了b津校讀都有, 香港社會氣氛下, 邊間唔谷, 只是方法唔同, 又或者不用學校谷家長自然會爭長短而去谷,
其實只是"沒有學校是最好, 只有最適合而已" !

作者: bb007 時間: 14-12-3 14:14

回覆 993rs 的帖子

個人認為小朋友應該對自己祖國(係祖國, 唔單係中國)有基本了解及認識, 我想小朋友對中國傳統文化有認知, 但係如果對果D自己都唔想話自己係中國人, 對國旗, 國歌, 中國文化本身已經抗拒o既人, 培僑可能會令佢唔自在, 確實無謂勉強去讀, 何況仲有好多有心要讀o既人

作者: joyce1234 時間: 14-12-4 06:52 標題: 引用：回覆+joyce1234+的帖子你朋友有無具體說

原帖由 msbear 於 14-12-03 發表
回覆 joyce1234 的帖子

你朋友有無具體說法? 願聞其詳

我朋友間學校係制度／學制上已有（培養愛國心），我朋友話除左制度之外，成個校園既氣氛文化呢啲睇唔到既野，仲令佢却步，所以佢從不考慮任何類似既學校，最重要既原因係唔放心，唔放心將仔女放在這類學校讀。特別係最近佔中一事，雖然兩邊各有不對之處，但愛國陣營既思考方法同質素同邏輯往往令人驚嘆，好多代表人物呢度唔講嘞。所以更令佢好firm自己個選擇。當然佢不會一竹篙打一船人，不過佢話背景同財政來源呢兩樣野，好決定請乜老師、學校大方向、學校文化等等，培僑課程制度上或者呢方面冇好明確既設計，但背景同資源雄厚的確是事實，佢只係擔心，同埋唔想將仔女放在uncertainty 之上。

當然，呢個係佢既價值觀，唔認同既人自然唔認同，一講到培僑背景也自然會引起用家不滿。講到最後這只有個人選擇，無意引發罵戰和爭論，大家各尋所好便是。

作者: bubuG 時間: 14-12-4 07:50 標題: 回覆：點解會放棄培僑？

我有個國內朋友在香港中資機構打工，海歸派，思想中間偏左（但都冇香港愛字頭咁左），孩子在香港讀書，佢有兩個offers，其中一個是PK，佢另寧願讀本地二綫私小（硬件輸PK一百條街），也放棄PK。

作者: kennycwk 時間: 14-12-4 10:36 標題: 回覆：點解會放棄培僑？

哈哈！男拔女拔都有人放棄的！不要介懷其他人的選擇

作者: BabyKD 時間: 14-12-4 10:45 標題: 回覆：點解會放棄培僑？

唔知幾時會call waiting 呢？

作者: dohdohsiusiu 時間: 14-12-4 10:57

我朋友的老公好鍾意培橋, 有了培橋offer後已放棄了其他唔錯的學校.
仲話如果有幸女拔收的話,可能亦會揀培橋
大家會這樣選擇嗎?

作者: kennycwk 時間: 14-12-4 11:01 標題: 回覆：點解會放棄培僑？

有條thread話已經call緊waiting喇！

作者: msbear 時間: 14-12-4 12:05

回覆 joyce1234 的帖子

多謝分享, 理性討論同分享應該唔會掀起駡戰卦~
當然每個家長都有唔同經歷, 會有唔同選擇, 好認同之前有家長比喻為食榴槤, 家家有求, 總之希望每個小朋友都搵到合適嘅學校~

作者: Bigtaoc123 時間: 14-12-8 17:12 標題: 引用：如題!

原帖由 cocobearkein 於 14-12-02 發表
如題!

可能有更好更近屋企既學校。又或者怕發電站。

作者: cocobearkein 時間: 14-12-14 02:38

回覆 Bigtaoc123 的帖子

thx!!

作者: ahmatt 時間: 14-12-15 12:13

ccycsy 發表於 14-12-3 10:18
培僑的學生數學科用普通話教, 成績一樣好; 英語更不用講, 各方面都做得很好, 看得出英文組的老師很用心教, ...

"中文科用國內的書本" 會是簡化字定繁體字呢?

作者: DevilPig 時間: 14-12-15 12:39 標題: 引用：Quote:原帖由+cocobearkein+於+14-12-02+發

原帖由 daddykei 於 14-12-02 發表
我明白你的的意思，因為我也有擔心過。老實說，我感受不到你所說的，反而覺得有點像國際學校，學校比較自由 ...

小學同中學有無國民教育？

作者: DevilPig 時間: 14-12-15 12:40 標題: 引用：我連報都冇報過。 +

原帖由 bubuG 於 14-12-02 發表
我連報都冇報過。

咁你報邊間？

作者: JadeW 時間: 14-12-15 13:27 標題: 回覆：ahmatt 的帖子

是繁體字版的人教版中文語文書。

作者: bubuG 時間: 14-12-15 14:08 標題: 引用：Quote:原帖由+bubuG+於+14-12-02+發表我連

原帖由 DevilPig 於 14-12-15 發表
咁你報邊間？

報信耶穌果D學校，冇宗教只報TSL and CKY

作者: JadeW 時間: 14-12-15 14:23 標題: 回覆：DevilPig 的帖子

你指的國民教育是指那一方面呢

作者: angrybusilver 時間: 14-12-15 14:43

其實我都好欣賞校長的領導，不過校長將退休了，不知由誰來接管了。

作者: dumpboys 時間: 14-12-15 15:23

very good 老師

作者: silver921 時間: 14-12-15 16:08 標題: 回覆：angrybusilver 的帖子

最怕換校長

作者: hoihoima 時間: 14-12-16 11:26

angrybusilver 發表於 14-12-15 14:43
其實我都好欣賞校長的領導，不過校長將退休了，不知由誰來接管了。

知唔知幾時退休？

作者: joyjoyparent 時間: 15-3-28 18:35

據聞培僑不考澄分試, 入咗好難出. 請問是不是呢?

作者: 壞寶貝 時間: 15-3-29 09:25 標題: 回覆：joyjoyparent 的帖子

進出與否，家長自行決定。個人認為，轉校最佳時間在小五或以前，要特別關注是普教中文，學生不易適應(要揀選普教小學替補為佳)！

作者: queen_sze 時間: 15-3-30 10:40

今前期到任的的副校對教學都非常熱心,每日小息都在操場睇場,成日都會出口教導

作者: jamlee309 時間: 15-3-30 12:08 標題: 回覆：點解會放棄培僑？

轉了副校長？

作者: daddykei 時間: 15-3-30 14:35

係請多了一位副校. 現時有兩位副校. 連文嘗副校, 前小西灣培僑小學校長, 退休後被邀請到培僑書院做副校! 佢好有經驗, 你可以上網search下, 有好多佢嘅報導.

作者: jamlee309 時間: 15-3-30 19:18 標題: 回覆：點解會放棄培僑？

小學部有兩個副校長？定係小中學合併

作者: daddykei 時間: 15-3-30 21:32 標題: 回覆：點解會放棄培僑？

中學部有中學部嘅副校長！校長就睇哂全校！

作者: 壞寶貝 時間: 15-3-30 21:34 標題: 回覆：jamlee309 的帖子

印象中係校長一位，中學部兩位副校長，小學部又有兩位副校長。

作者: jamlee309 時間: 15-3-31 08:03 標題: 回覆：點解會放棄培僑？

都幾多副校長喎!

作者: jamlee309 時間: 15-3-31 08:15 標題: 回覆：點解會放棄培僑？

我決定讀培橋，放棄其他offer, 小朋友都要早起返學

作者: daddykei 時間: 15-3-31 11:58

因為校長要睇哂全校, 所以副校角色好重要! 中小學加埋學生真係好多呢!
歡迎你加入培僑大家庭!

作者: smallred11 時間: 15-3-31 16:07

學校會分好與不好?自己沒資格定. 但學校是否適合子女才是重點吧.

國 ,左敎育?我反而覺得未夠程度

作者: jamlee309 時間: 15-4-1 11:57 標題: 回覆：點解會放棄培僑？

我鍾意培橋教學模式，但我唔知道培橋有無國教，如有我覺得唔係一件壞事，起碼少左有黃絲帶，嘻嘻！

作者: daddykei 時間: 15-4-1 13:33 標題: 引用：我鍾意培橋教學模式，但我唔知道培橋有無國

原帖由 jamlee309 於 15-04-01 發表
我鍾意培橋教學模式，但我唔知道培橋有無國教，如有我覺得唔係一件壞事，起碼少左有黃絲帶，嘻嘻！

...

學校沒有國教課，但外面嘅人總係唔信，就算信無國教都總覺得有洗腦！只有用家先知道真實情況！BTW 雨傘運動時學校有不少老師學生戴黃絲帶，更有學生罷課呢！

作者: jamlee309 時間: 15-4-1 14:09 標題: 回覆：點解會放棄培僑？

黃絲唔緊要，最重要唔好有激進行為

作者: daddykei 時間: 15-4-1 15:08 標題: 引用：黃絲唔緊要，最重要唔好有激進行為 +

原帖由 jamlee309 於 15-04-01 發表
黃絲唔緊要，最重要唔好有激進行為

super agree

歡迎光臨教育王國 (/)