教育王國

標題: 請教英普/英粵選擇 [打印本頁]

作者: moniko 時間: 14-11-29 21:53 標題: 請教英普/英粵選擇

而家有offer am英粵， pm英普。唔知點揀好呀， am 時間好用好多，但差唔多學費好似學埋普通話抵好多。可以俾d意見嗎？

作者: jason1978 時間: 14-11-29 22:02 標題: 回覆：請教英普/英粵選擇

睇吓英粵有無教普通話

作者: moniko 時間: 14-11-29 22:51 標題: 引用：睇吓英粵有無教普通話 +

原帖由 jason1978 於 14-11-29 發表
睇吓英粵有無教普通話

有呀，一星期兩堂， 20分鐘。

作者: jason1978 時間: 14-11-29 23:08 標題: 回覆：請教英普/英粵選擇

我會選英粵。小學面試多用廣東話

作者: hedhed 時間: 14-11-29 23:15 標題: 引用：我會選英粵。小學面試多用廣東話 +

原帖由 jason1978 於 14-11-29 發表
我會選英粵。小學面試多用廣東話

一定㨂英普，廣東話平日生活有排學，宜家英普先係主導

作者: chungayu2 時間: 14-11-30 00:50

看運氣！我小朋友在國際校讀PN，由於內地國語先生有經驗，帶住個net,咁就出問題了，什麼都是國語先生主導，連教小朋友面對事情都用中國式方法⋯⋯我小朋友在現在一些學校學到的事也沒表現出來，相反性格行為差了⋯⋯今年我轉回本地班了！普通話第時小學也有，我未見過有小朋友話難⋯⋯

作者: moniko 時間: 14-11-30 02:41 標題: 引用：看運氣！我小朋友在國際校讀PN，由於內地國

原帖由 chungayu2 於 14-11-30 發表
看運氣！我小朋友在國際校讀PN，由於內地國語先生有經驗，帶住個net,咁就出問題了，什麼都是國語先生主導， ...

呢個亦係我擔心之一啊。因為了解過學校請的是內地老師。雖然是有㨂選過，但我怕不知不覺中，學了內地那套。

但讀英粵的話，我自己沒能力教普通話，只能課餘學。

作者: moniko 時間: 14-11-30 02:42 標題: 引用：我會選英粵。小學面試多用廣東話 +

原帖由 jason1978 於 14-11-29 發表
我會選英粵。小學面試多用廣東話

但有媽媽說不要為面試而錯過語言學習黃金期。好難揀。。。

作者: 文文豬豬 時間: 14-11-30 03:05 標題: 回覆：請教英普/英粵選擇

好睇小朋友自己，我家小朋友背景一樣，一個懂兩文三語，另一個兩文兩語（英普），廣東話可以話溝通唔到！面試好唔著數！

作者: liliankaykay 時間: 14-11-30 03:08 標題: 回覆：請教英普/英粵選擇

我都會選英粵，普通話可以上到小學先學。粵語老師會帶得好好多。

作者: feimahoba 時間: 14-11-30 03:10 標題: 引用：Quote:原帖由+jason1978+於+14-11-29+發表

原帖由 moniko 於 14-11-30 發表
但有媽媽說不要為面試而錯過語言學習黃金期。好難揀。。。

我細個都係英粵，我亦冇出去學，只係靠小學學校教，個時隔一個禮拜先一堂普通話堂，但小學畢業已經可以同內地人對答如流，人地仲話我口音唔似香港人，講得算標準，而且之前有睇過d文章話廣東話有助學中文文言文，所以個人認為唔一定需要英普。不過每個人需要都唔同，真係睇你自己選擇。

作者: gg33 時間: 14-11-30 09:54 標題: 引用：好睇小朋友自己，我家小朋友背景一樣，一個

原帖由 文文豬豬 於 14-11-30 發表
好睇小朋友自己，我家小朋友背景一樣，一個懂兩文三語，另一個兩文兩語（英普），廣東話可以話溝通唔到！面 ...

你地平時在家冇同佢講廣東話?

作者: moniko 時間: 14-11-30 10:45 標題: 回覆：請教英普/英粵選擇

多謝大家意見啊！人生流流長，我都係俾小朋友讀英粵啦。遲啲學普通話都無蝕底既，諗返，我自己都係大左睇電視自學

謝謝大家意見！

作者: Moon1437 時間: 14-11-30 11:04 標題: 回覆：feimahoba 的帖子

我都贊成普通話唔難學，本人都係因工作上需要，本來普通話只是港式普通話，因工作要同不同的內地客，每天不停溝通，加上同事普通話很好，每天聽佢講，加上自己狂煲台劇，又鐘意睇下台灣綜藝節目，慢慢就講得流利，而且我生小朋友後沒工作了，沒有太多機會講普通話，而家間中去大陸按摩，同按摩師用普通話傾計，佢哋都以為我係内地人，知道我是香港人後，好意外，問點解我的口音一點也不似香港人！所以我覺得只要多講多聽就得！我小朋友都係讀英粵，都有教普通話，就可以了！我暫時覺得學好英文和廣東話比較重要，遲些小朋友大個d,再多教普通話都唔會遲

作者: 文文豬豬 時間: 14-11-30 15:15 標題: 回覆：gg33 的帖子

有！不過小朋友一定答英文！又或者佢聽唔明廣東話冇反應俾你！

作者: JenTam 時間: 14-11-30 17:22

支持母語教學。普通話學得好只係錦上添花。

作者: fishstoneb 時間: 14-12-1 09:37 標題: 回覆：請教英普/英粵選擇

點解大家只focus係普通話？英普班曰常同老師接觸都會用大量英文，反而英粵班廣東話主道，講英文機會少好多

作者: fwan1213 時間: 14-12-1 10:16 標題: 引用：點解大家只focus係普通話？英普班曰常同老

提示: 作者被禁止或刪除內容自動屏蔽

作者: fishstoneb 時間: 14-12-1 11:20

fwan1213 發表於 14-12-1 10:16
Not 100% correct. 睇下乜幼稚園，有d英文幼稚園，就算係英粵班，我相信都係英文主導！

...

請問那些英粵班幼稚園會以英文主道?

作者: fwan1213 時間: 14-12-1 11:27 標題: 回覆：fishstoneb 的帖子

提示: 作者被禁止或刪除內容自動屏蔽

作者: chungayu2 時間: 14-12-1 11:51

回覆 fishstoneb 的帖子

私/ ST.CAT, YORK, 奧基.....
資助/ 譚歐陽少芳......

作者: Penipony 時間: 14-12-1 16:26 標題: 引用：而家有offer++am英粵，+pm英普。+唔知點揀

原帖由 moniko 於 14-11-29 發表
而家有offer am英粵， pm英普。唔知點揀好呀， am 時間好用好多，但差唔多學費好似學埋普通話抵好多。可 ...

小女就讀國語主導嘅n班但每日有40min net. 家中廣東話為主.返左3個月學,小女英粵最有反應.普通話會久唔久,無啦啦爆幾句,幾個字!

比我再揀我都會揀英普!

作者: dbchu 時間: 14-12-1 16:32 標題: 引用：回覆+fishstoneb+的帖子私/+ST.CAT,+YORK

原帖由 chungayu2 於 14-12-01 發表
回覆 fishstoneb 的帖子

私/ ST.CAT, YORK, 奧基.....

St cat 一日得好小eng咋喎，英文為主？

作者: kkqueendom 時間: 14-12-1 16:42

回覆 dbchu 的帖子

st.cat 英粵同英普,花起英文既時間係一半一半

作者: fishstoneb 時間: 14-12-1 18:01

chungayu2 發表於 14-12-1 11:51
回覆 fishstoneb 的帖子

私/ ST.CAT, YORK, 奧基.....

St. cat 主流班以英文主導?是嗎? 以我所理解好似唔係, 佢地班主任, 平時係會同小朋友講講東話, e.g. 茶點時間, 排洗, 日常溝通係用廣東話rather than eng.

另外我侄女讀york 主流, 佢地都係廣東話主導架喎, 國際班至係英文主導架喎

簡單d 講, 主流班除左英文堂, 大多係用廣東話

作者: fwan1213 時間: 14-12-1 19:04 標題: 回覆：fishstoneb 的帖子

提示: 作者被禁止或刪除內容自動屏蔽

作者: fwan1213 時間: 14-12-1 19:13 標題: 回覆：fwan1213 的帖子

提示: 作者被禁止或刪除內容自動屏蔽

作者: hilouisll 時間: 14-12-1 21:50 標題: 引用：Quote:chungayu2+發表於+14-12-1+11:51+回

原帖由 fishstoneb 於 14-12-01 發表
St. cat 主流班以英文主導?是嗎? 以我所理解好似唔係, 佢地班主任, 平時係會同小朋友講講東話, e.g. 茶點時 ...

你是SC用家？

作者: moniko 時間: 14-12-1 22:01 標題: 引用：點解大家只focus係普通話？英普班曰常同老

原帖由 fishstoneb 於 14-12-01 發表
點解大家只focus係普通話？英普班曰常同老師接觸都會用大量英文，反而英粵班廣東話主道，講英文機會少好多

...

呢個我都有考慮過。我女粵>英>普，如果英普，就會變成英語為主導。

但而家英普offer 係pm，所以又多一個考慮因素。

作者: Ballack2012 時間: 14-12-1 22:16 標題: 引用：而家有offer++am英粵，+pm英普。+唔知點揀

提示: 作者被禁止或刪除內容自動屏蔽

作者: sweethearts 時間: 14-12-1 22:50 標題: 回覆：請教英普/英粵選擇

我的小朋友讀英粵。既是學習語言的黃金時期，更應多用粵語。粵語有九音，比普通話難學。小朋友粵語根基好，很容易學好普通話。英文語境才要刻意製造吧。除班主任外，York主流班和國際班課程完全一樣，接觸英文時間應該沒差。

作者: panda_k 時間: 14-12-1 23:14 標題: 回覆：sweethearts 的帖子

我認為廣東話等如中國的其中一個省份的方言,國際認受性不及普通話和英文, 小朋友在家的時間是遠遠多於學校,以一個主要說廣東話的家庭來說, 不會怕佢母語不流利,點解唔俾佢學校學英文同普通話? 語言要說得標準和流利, 最好係細細個開始學

作者: zebrabb 時間: 14-12-1 23:19 標題: 引用：我認為廣東話等如中國的其中一個省份的方言

原帖由 panda_k 於 14-12-01 發表
我認為廣東話等如中國的其中一個省份的方言,國際認受性不及普通話和英文, 小朋友在家的時間是遠遠多於學校, ...

上過英普同英粵班，真係大有不同

作者: sweethearts 時間: 14-12-2 00:13 標題: 回覆：請教英普/英粵選擇

對小朋友來說，普通話是容易學的。研究指出7歲前開始學的語言能達母語水平，若研究發現也適用於普通話，那小學才學也不遲。

回樓上，我從來沒說不用學普通話和英文。我們當然要製造英語語境給小朋友，家長對幼稚園英語語境要求高是無可口非。至於英普還是英粵，結果仍是小朋友7歲前能掌三文兩語，沒大分別。英粵英普的分別或許在於其他方面，例如班主任的背景和本地及內地學生比例。選擇在於家長取向。

作者: sweethearts 時間: 14-12-2 00:28 標題: 回覆：請教英普/英粵選擇

你在香港，難道還要擔心將來小朋友的普通話不流利？另外，普通話也有很多不同口音。小朋友應透過不同途徑媒體接觸不同地區的口音。我認為語言是溝通工具，學普通話是必要的，但不執著於幼稚園課堂時。除學術外，幼稚園教小朋友最基本知識包括禮貌尊重，個人衛生等等，母語粵語該是理所當然的語言。

作者: Cheesepop 時間: 14-12-2 00:40 標題: 引用：你在香港，難道還要擔心將來小朋友的普通話

原帖由 sweethearts 於 14-12-02 發表
你在香港，難道還要擔心將來小朋友的普通話不流利？另外，普通話也有很多不同口音。小朋友應透過不同途徑媒 ...

我本來同妳一樣咁諗，但發覺講同聽開英文，小朋友會冇咁有心機聽廣東話，又難學，驚第日會抗拒學寫，聽講影響就都會有少少，例如妳同佢講廣東話，佢要用少少時間諗（我估佢翻譯緊），唔知係咪有關

作者: sweethearts 時間: 14-12-2 06:04 標題: 回覆：Cheesepop 的帖子

唔好意思，你是說擔心母語廣東話不流利嗎？我意思是小朋友一定要學好廣東話。你大部分時間跟小朋友只說英文？

作者: moniko 時間: 14-12-2 09:42 標題: 引用：Quote:原帖由+panda_k+於+14-12-01+發表我

原帖由 zebrabb 於 14-12-01 發表
上過英普同英粵班，真係大有不同

可以講講分別嗎？謝謝啊！

作者: moniko 時間: 14-12-2 09:45 標題: 引用：我認為廣東話等如中國的其中一個省份的方言

原帖由 panda_k 於 14-12-01 發表
我認為廣東話等如中國的其中一個省份的方言,國際認受性不及普通話和英文, 小朋友在家的時間是遠遠多於學校, ...

我有內地親戚，家裏說上海話。但小朋友在學校只說普通話，回家也只肯說普通話，覺得上海話是次一等的。結果長大了也不太說上海話了。

可能是個別例子，卻又令我有點擔心。但我亦有你的考慮，家裏教廣東話的時間都很多了。。。

作者: zebrabb 時間: 14-12-2 10:59 標題: 回覆：請教英普/英粵選擇

我上過主流同英普，主流上英文的時間很少，多數只見廣東話老師授課，趣味少了一點，反而英普，英文老師好生動，我小朋友頗喜

作者: yannietimb 時間: 14-12-2 11:01 標題: 回覆：請教英普/英粵選擇

之前選校時，聽了一講座，幼稚園校長講既的一句，母語學習是讓小朋友最好吸收同表達的，我很認同！至於普通話，其實在這個年代，要說得流利實在不難！

作者: gillielam 時間: 14-12-2 11:28

回覆 moniko 的帖子

我識好多小朋友返英普，同學之間、家人都係講廣東話，小朋友英普其實只是中規中矩，除非你再自行加大力度train, 我小朋友正讀英文幼稚園，但回家後主要都係講廣東話，間中講下英文咁，最流利始終廣東話。

我之前都覺得普通話小學才學就ok, 諗住小學都普教中遲早識，但結果係一上小學你以爲學校會慢慢教你嗎？快過打針咁教聲母韻母，課文上堂已經全普通話，就直入test, 考拼音聲調，然後考listening! 我囡只喺k3時上下普通話興趣班，聽普通話能力不足，小一其他科好踴躍舉手答問題，唯獨中文，因為聽唔明，普通話listening 考試更是5錯3，中文考試成績即刻因為普通話分數拉低晒，中文作文又囗語化。因為中文成績比較差，對中文失去信心。結果我要喺繁忙嘅小一生活中，不斷要額外迫佢聽普通話，我自行taining左一年，佢又好俾心機學，而家小二終於進步好多，信心都提升返，但仍需努力！

所以細囝我一定早一點學普通話，因為幼稚園未有考試壓力，輕輕鬆鬆去打底，小一適應好好多

作者: sweethearts 時間: 14-12-2 12:12 標題: 回覆：gillielam 的帖子

我猜這是家長的意願，你認同普教中，所以選了普教中的學校。有些家長像我認為小一還在適應小學生活，普通話課已足夠，普教中不是必要的，那麼早便考普通話拼音更沒實際必要。學校可以教普通話拼音，但是否及哪級別要筆試是學校自行決定。

我們學廣東話也不用學拼音來糾正發音。中文的情況不同英文，拼字法phonics(有別於拼音phonetics)有助小朋友發音，但中文是象形文字，除了方便打字和外國人學普通話，我想不到有什麼必要學普通話拼音。

作者: gillielam 時間: 14-12-2 13:30

如果心儀小學是普教中，早點學一定好一點，阿囡讀一條龍kg, 我自己就唔會避普教中而唔直上小學

而家好多小學普教中，有些就分精英班是普教，如果不讀普教中小學，當然可以慢慢先去學普通話，我都係廿歲先學，有一大堆台灣朋友，而家聽講都好好

意見冇話誰對誰錯，每人認為較重要的都不同，家長依自己想法去選擇吧

作者: Cheesepop 時間: 14-12-2 13:40 標題: 引用：唔好意思，你是說擔心母語廣東話不流利嗎？

原帖由 sweethearts 於 14-12-02 發表
唔好意思，你是說擔心母語廣東話不流利嗎？我意思是小朋友一定要學好廣東話。你大部分時間跟小朋友只說英文 ...

我意思係小朋友習慣用英文思考，中文就會較弱，但相反慣了中文，英文其實易學的。

之前我只同小朋友講英文，interview 前問題就出現了，現在開始講番廣東話

作者: fishstoneb 時間: 14-12-2 13:59

回覆 hilouisll 的帖子

朋友個女讀St. Cat

作者: hilouisll 時間: 14-12-2 15:02 標題: 引用：回覆+hilouisll+的帖子朋友個女讀St.+Cat

原帖由 fishstoneb 於 14-12-02 發表
回覆 hilouisll 的帖子

朋友個女讀St. Cat

我個囡都讀SC，和你所說的不同

作者: sweethearts 時間: 14-12-2 15:04 標題: 回覆：Cheesepop 的帖子

父母為子女在家製造全英語環境，子女自然會以該語言為母語，見面時間少就另作別論。我相信你用全英文跟小朋友對話，你的英語水平應該很高，也想讓小朋友以英文為母語。用英文思考應該沒問題，廣東話則為第二語言。但有些父母的英文水平未不高，那會直接影響小朋友的詞彙，影響認知和表達能力，唯有在家外給小朋友地道英語語境。我認為父母應該小心處理學前的語境，讓小朋友能發展達道地水平的母語，這母語通常是小朋友思考的語言。

作者: sweethearts 時間: 14-12-2 15:06 標題: 回覆：Cheesepop 的帖子

我按錯了，上則是回覆你的

作者: fishstoneb 時間: 14-12-2 15:11

回覆 hilouisll 的帖子

以你所知play time, 茶點, 日常老師同小朋友溝通都係用英文rather than 廣東話?

咁英粵班幾時至用廣東話?

作者: helenmelody 時間: 14-12-2 15:39 標題: 回覆：moniko 的帖子

我都會選英粵，小學谷普通話都未遲。

作者: hilouisll 時間: 14-12-2 15:54 標題: 引用：回覆+hilouisll+的帖子以你所知play+time

原帖由 fishstoneb 於 14-12-02 發表
回覆 hilouisll 的帖子

以你所知play time, 茶點, 日常老師同小朋友溝通都係用英文rather than 廣東話?

雙班主任，英粵是NET+廣東話，英普是NET+普通話，3小時全程在課室內，我囡果班tea time是NET負責

歡迎光臨教育王國 (/)