教育王國

標題: 岩岩同仔仔in完培正 [打印本頁]

作者: nicoleric 時間: 14-11-29 14:36 標題: 岩岩同仔仔in完培正

我地in1:30，早左半個鐘去到，到點四時仔仔已企到攰要抱又扭計，好彩上課室時佢肯自己落地行樓梯，上到課室時見到有玩具玩又開心返，到嗌no. 出課室排隊見老師時，我同佢講：媽咪陣間去噓噓，你就跟老師去課室再玩玩具，要乖乖聽話知嗎？佢好爽咁應我好，到入去時老師拖住佢，佢即刻想掙扎，真係驚佢會喊，好彩最後都冇，見完仲係好鎮靜咁比老師最後一個拖出課室，見到真係由心笑出黎，因為平時我仔仔係好細膽好痴身，少少野都已經話驚驚同喊，我本來都係抱住比佢見下人既心態去見，但佢冇唔喊真係意料之外，仲識同我講老師送貼紙，係個個moment我已經覺得佢考唔考到都唔係問題～雖然要到2月先知result, 但我都想係呢度祝各位媽媽同小朋友面試時可以有好表現～

作者: lokka0611 時間: 14-11-29 14:44 標題: 回覆：岩岩同仔仔in完培正

好認同樓主嘅講法，我囡囡in 2:00，我眼見同组嘅小朋友都無喊，個個好叻叻咁跟老師入課室，我真係覚得好开心！

作者: helenmelody 時間: 14-11-29 14:50 標題: 回覆：nicoleric 的帖子

作者: creamb 時間: 14-11-29 15:59 標題: 引用：我地in1:30，早左半個鐘去到，到點四時仔仔

原帖由 nicoleric 於 14-11-29 發表
我地in1:30，早左半個鐘去到，到點四時仔仔已企到攰要抱又扭計，好彩上課室時佢肯自己落地行樓梯，上到課室 ...

我想見自己小朋友能獨立走入去interview已很惑動！

作者: clingy 時間: 14-11-29 15:59 標題: 回覆：nicoleric 的帖子

作者: humansky 時間: 14-11-29 21:05 標題: 引用：Quote:原帖由+nicoleric+於+14-11-29+發表

原帖由 creamb 於 14-11-29 發表
我想見自己小朋友能獨立走入去interview已很惑動！

我同你一樣，見到仔仔肯自己入去，係等的過程已經眼濕濕，覺得仔仔真的長大了，收唔收都係其次！

作者: nicoleric 時間: 14-11-29 21:28 標題: 回覆：humansky 的帖子

冇錯，個刻真係眼濕濕架，覺得仔仔開始識得獨立，向大個仔邁左一大步，真係好滾動～

作者: BBBQ 時間: 14-11-29 21:34 標題: 回覆：岩岩同仔仔in完培正

同意至極，單獨面試，真的大個了

作者: 小長方型 時間: 14-11-29 21:41 標題: 回覆：岩岩同仔仔in完培正

我之前同仔仔講今次面試係自己入去
Mama 不能入。點知仔仔入玩具房間已經叫我走。佢話媽媽唔入得來

作者: nicoleric 時間: 14-11-29 21:47 標題: 回覆：小長方型的帖子

你仔仔好叻呀～識得話返你轉頭～好smart 呀～

作者: ssshk 時間: 14-11-30 00:31 標題: 回覆：岩岩同仔仔in完培正

我都好感動，以為自己小朋友一定細膽唔會自己入去，點知冇喊又笑住出嚟

感恩

作者: Pinkmoon 時間: 14-11-30 00:45 標題: 回覆：岩岩同仔仔in完培正

歡迎光臨教育王國 (/)