教育王國
標題: 忍唔住為明慧講幾句說話 [打印本頁]
作者: Mother_Joyce 時間: 14-11-28 22:36 標題: 忍唔住為明慧講幾句說話
本帖最後由 Mother_Joyce 於 14-11-29 00:12 編輯
啱啱有jm話呢part亂碼，宜家有無亂吖？thx!
喺BK都遊蕩咗幾乎3年，一直都係睇帖唔復帖，從playgroup到報考PN到最近嘅報考K1，都係喺BK偷師嘅，如果唔系呢排出現一D我覺得比較過分嘅言論，我估我會繼續潛水落去。
我系明慧嘅真正用家，宜家小朋友讀緊北角嘅國際班，PN，上午班。所以我講嘅，都只可以系我喺北角校區嘅見聞同感受，太子系點，我就唔知道喇。我描述嘅內容，系從2013年我幫小朋友報名PN，到宜家呢個moment，今日，啱啱參加完家長會。
2012年，我估所有龍B嘅爸爸媽媽都經歷過PN報名嘅折磨，有一部分嘅學校，就算唔需要通宵排隊，都要一早起身排隊，就係為咗可以攞一個籌去面試，或者攞到先到先得嘅機會。但係明慧提供一大段長時間去比我哋報名，只要系Deadline之前，你交曬D材料比佢，就OK喇，我已經好appreciate.
喺面試之前，學校會邀請家長去開一個家長會。留意開BK嘅家長會記得，好多人都狂插校長，話佢用好多時間講留位費講錢，話佢商業化無愛心鐘意show off，blablabla，基本上，年年都有咁嘅留言。但係你哋有無諗過，宜家有幾多怪獸家長，自己hold住幾個offer，又唔放出來，令到苦苦等待嘅其他爸爸媽媽好擔憂，亦令到學校無咁順暢咁安排下一年嘅新生呢？宜家BK都出現好多POST，呼籲各位家長放返D offer出來，點解陳校長喺家長會入邊，用多D時間呼籲各位，如果唔想take呢個offer，就請盡早放出來，就比大家插呢？其實，如果你真系有心有好多疑問想同校長交流，都可以系會議結束之後問校長架，起碼我就係咁，我有問咗校長幾個問題，佢都好有耐性咁回答我，一直答到我無嘢問為止，呢個過程中，無任何嘅唔耐煩同埋趕我走嘅意思。
到面試，一個家長會被安排喺同校長一間房，一邊填問卷，一邊同校長“交流”，基本上考你一心二用先得。另一個家長就會陪小朋友入班房，大概有20 pair，大家一齊唱歌跳舞。然後，再入另一間房，4-6位小朋友一組,group in，大概就疊下積木，認下水果，指下眼耳口鼻，喂下公仔食嘢咁，無問家長問題。至於D媽咪話咁樣in好倉促，其實我都系咁覺得架，但系事實系，呢個就係遊戲嘅規則。每間學校都有自己嘅一套interview小朋友嘅標準同方法，如果你想有offer，與其抱怨，不如睇下點樣可以做得更好。當年，我老公入房填問卷，我有提醒過佢，儘量寫快D寫多D，佢一攞到份卷，就系咁答系咁答。而我一直都有教小朋友唱好多歌，個日啱啱好，D歌全部都係識嘅，所以小朋友都好投入。小組面試，玩嘅遊戲都係小朋友平時系屋企比較有興趣嘅，再加上我個組，有兩個小朋友一直喊一直喊，我個女就好淡定咁系度完成指令。
所以面試呢家嘢，除咗要有準備，都係要有運數。大家都從PN in到K1，無可能呢個咁簡單嘅道理都唔知道架。其實我想講比最近話明慧歧視佢嘅個位家長聽。一來，天外有天，人外有人，自己當然就覺得自己嘅小朋友好叻，事實上，仲有D大B更加叻，差一個月就差好多架啦。二來，點解有D人平平無奇，偏偏咁富貴？因為人哋好運，中六合彩啊嘛。。。咁請問，你可以怪邊個？如果，你真系覺得學校歧視你或者你小朋友而且令你覺得好唔舒服嘅，你可以去平機會去為自己爭取個公義，我相信香港目前，仲系一個法治嘅社會。
之後，我攞咗國際班嘅AM offer，就無再in其它學校，一心一意等開學喇。接落來我可以講下關於學校嘅嘢。
有人話明慧好商業化，從攞到offer到宜家讀緊書，咁耐以來同學校嘅交手，我又唔系好覺得，舉例（為咗寫呢個Post我專門翻箱倒櫃揾返D收費通知出來）：
學費：3,600每個月，交12期。
因為明慧嘅假期比較短，所以交12期。再加上小班教學，每個班1姨姨1廣東話老師1外籍老師（我女女班嘅，系一位講英式英文好好聽嘅老師，我好中意聽佢講野），師生比例好好，我覺得值得。
上學期書簿雜費：Total 2,740，我覺得好抵——
- 書本：每個禮拜都有一兩本新書帶返來，學完嘅，老師會印一個taught字，就可以放喺屋企唔帶返學校，書嘅質量都好好，而且多元化，中文英文同埋有D感官嘅書都有。
- 練習冊：有歌曲集有art file仲有唔同嘅親子作業。
- 手工勞作：時不時都有D作品帶返來，入邊有唔同材質嘅嘢。
- 茶點：有麵包有餅有粥啊麥皮啊之類嘅仲有juice，反正我女女都好鍾意食學校嘅嘢。
- 校服：用金綸公司。如果有爬BK嘅家長應該都知道，金綸比較貴D，但系質量唔錯。呢個學校無硬性規定，你自己去其它地方訂造都得。
- 其它：有書包、杯、毛巾盒
- 學校會定期有主題party同生日會，多數時候，都唔需要家長準備食物去。
旅遊：11月頭去咗黃金海岸，大人130蚊，小朋友唔洗100（揾唔到張通告），主要系交通，有個導遊叔叔，一人送一條毛巾。開頭我都覺得貴，後來參加咗之後，我覺得可以接受，因為整個安排都好好又舒服。
除此之外，就無其它收費喇，又無叫我哋參加咩班買D乜，我真系唔明白，點解D人話呢間學校商業化呢？（字數太多，下文繼續）
作者: Mother_Joyce 時間: 14-11-28 22:36
本帖最後由 Mother_Joyce 於 14-11-29 00:41 編輯
（繼續上文）
講下D老師。我真系好感謝明慧嘅老師。我女女，8月開學，除咗陪佢一齊上適應堂好開心之外，一離開我，就一直喊一直喊，系喊得比較犀利個類。老師每一日都打電話比我，同我講女女嘅情況，而且按照女女嘅情況，調整咗返學嘅時數。我真系好擔心，老師仲日日安慰我，話唔好急唔好擔心佢哋會幫助小朋友去適應，據我所知，我女女前兩個禮拜，老師都成日攬住佢上堂嘅！我女女，從系屋企見到校服就開始喊，到宜家，如果我遲少少出門，都催我快D走，變化真系好大。而且一見到老師，就乖到不得了又聽話，當曬老師系女神咁，又話好鍾意老師，所以我好放心。另外，明慧嘅老師好有心，我女女返學第三日，入門口，其它老師見到佢，已經好熱情咁叫佢個名。我送女女返學，到第二個禮拜，其它嘅老師，已經知道我系邊個邊個嘅媽咪。再講下我哋去旅行，去黃金海岸，都幾曬，老師除曬鞋系沙灘度同我哋玩遊戲撲上撲落，又幫我哋影相又同我哋傾計未停過。所以，有D嘢系真心定系假意，你唔會feel唔到架。
講下課程。我覺得課程幾深，數字顏色形狀中文英文字母，個個禮拜都教，但系女女學得好開心而且時不時又up幾句出來，每個禮拜都有親子作業，就係貼下字母油下顏色，都幾輕鬆，當然，都係需要你攞出少少時間來，同小朋友一起完成。仲有一本成長手冊要時不時寫下嘢貼下相片，老師有次有開玩笑同我講，媽咪你認真做啦，到時可以攞來送比女女做嫁妝。所以，我哋次次都好認真咁做架。老師好有心，會整理一個art file，入邊有小朋友嘅作品比我哋keep住。而且明慧本來語言環境就好好，粵語國語同英文，每個禮拜仲有一堂日文。我見到有D post之前話過唔想比小朋友系咁複雜嘅語境度長大。Come on，一個禮拜一堂課，可以複雜得去邊？其實我都唔明白點解學校要揀日文，反正又唔使考試又唔使另外比錢，學下有乜壞呢？我女女，時不時又飆D唔知咩詞或者幾句歌出來，我懷疑系講緊日文。都唔錯吖！喺升班方面，明慧系PN直升K1，唔需要任何嘅評估，就係學校出一份通告，你簽完交埋留位費就得喇，安安心心。
雖然女女入讀明慧唔夠4個月，但系真系好大進步，而且日日好開心，老師又好錫我個女，我真系好鍾意呢間學校。特別今日參加咗家長會，睇到女女喺學校原來已經咁叻，識得自己拾書包自己攞杯攞盒出來等茶點，之後自己執碟放好擺好毛巾，上堂又開心又投入，比著你哋，見到咁用心嘅一班教育工作者喺度耕耘，但係喺香港最有影響力嘅BK就一直比人插，會不會覺得好痛心呢？我唔知明慧嘅老師有無睇BK，如果睇到，個心都會唔好受。作為明慧嘅家長，平時喺BK唔出聲，唔等於默認。所以，我決定用兩三個鐘頭嘅時間，寫呢篇嘢。
如果你質疑我系打手，咁你就繼續質疑啦，我唔會回應，因為點回應，你都覺得系一個打手喺度狡辯。如果你唔鍾意我嘅言論系度插我嘅，我都唔會回應，因為我唔系FTM，平時都要返工放工陪小朋友，無咁多時間來回交戰。但系如果想請教一下明慧嘅其它細節，可以提出來，我知道嘅，或者其它睇咗帖嘅明慧用家知道嘅，我會盡力回覆你。
如果你真係甘唔鐘意，點解你仲要去面試？一邊面試又一邊去鬧學校鬧校長鬧老師？既然你覺得學校so called“商業化”、學校嘅理念咁唔啱你、面試嘅方式你咁唔鐘意，點解你唔將更加多嘅機會，比D真正有需要嘅用家呢？
P.S.利益申報一下：我目前有明慧嘅K1 offer(因為系直升)，亦有另一間龍校嘅K1 offer，喺度考慮緊未比留位費，畢竟龍年B競爭太激烈，驚P1更加慘烈，但系又唔捨得走。
講完。
作者: andyan324 時間: 14-11-28 23:27 標題: 引用：（繼續上文）講下D老師。我真系好感謝明慧
原帖由 Mother_Joyce 於 14-11-28 發表
（繼續上文）
講下D老師。我真系好感謝明慧嘅老師。我女女，8月開學，除咗陪佢一齊上適應堂好開心之外，一 ...
作者: Julybabe 時間: 14-11-28 23:35
Mother_Joyce 發表於 14-11-28 22:36 
（繼續上文）
講下D老師。我真系好感謝明慧嘅老師。我女女，8月開學，除咗陪佢一齊上適應堂好開心之外，一 ...
另外想請教樓主mama -
(1) do you have any info about P1 allocation of MW because as I checked on its website, it seems to be an accumulated figures of all the years.. Where can I find, e.g. 上年小一派位程況?
(2) is it English are taught by native speaking teachers? On a daily basis?
Thank you so much for your sharing
作者: yanlaw0824 時間: 14-11-28 23:35 標題: 引用：（繼續上文）講下D老師。我真系好感謝明慧
原帖由 Mother_Joyce 於 14-11-28 發表
（繼續上文）
講下D老師。我真系好感謝明慧嘅老師。我女女，8月開學，除咗陪佢一齊上適應堂好開心之外，一 ...
作者: dundfg 時間: 14-11-28 23:37 標題: 回覆：Mother_Joyce 的帖子
the teaching staff are always energetic and patient even if they have to face more energitic kids and parents with various questions! I hve to say the principal is a good manager who well manages the staff and school administration!
作者: dundfg 時間: 14-11-28 23:47 標題: 回覆：Julybabe 的帖子
eng taught by net
作者: Mother_Joyce 時間: 14-11-28 23:51
本帖最後由 Mother_Joyce 於 14-11-29 00:13 編輯
回覆 yanlaw0824 的帖子
哎呀，可能系我喺word copy and paste 過來時，亂咗碼。
已經改咗一次，仲有無亂吖？我大大話話寫咗兩三個鐘架^_^
作者: Mother_Joyce 時間: 14-11-28 23:53
回覆 andyan324 的帖子
耐心等下啦。落大訂時，會好多位放返出來。我都系十五十六中。
作者: Julybabe 時間: 14-11-28 23:54
dundfg 發表於 14-11-28 23:47
eng taught by net
作者: Mother_Joyce 時間: 14-11-28 23:58
回覆 Julybabe 的帖子
(1) do you have any info about P1 allocation of MW because as I checked on its website, it seems to be an accumulated figures of all the years.. Where can I find, e.g. 上年小一派位程況?
佢website度有寫，派得幾好架，因為課程一向都幾深，而且學校會比足指引大家去準備（呢一點我都只系了解過無經歷過）。唔好話P1，宜家單單系我哋PN考K1，其實都幾容易攞到外邊嘅唔錯offer，因為明慧確實教得好好。
但系畢竟佢無小學，所以都存在一定風險。只可以咁講。
(2) is it English are taught by native speaking teachers? On a daily basis?
如果系國際班（即系我女女讀緊嘅），系一個粵語老師，一個net..日日陪住小朋友，即系3個鐘頭都喺度，無論你上音樂堂上日文堂茶點時間上普通話堂，呢個粵語老師同net同一個生活姨姨，都會陪住小朋友。
K1以後，會變成1個國語老師一個net一個姨姨，呢一點，我覺得好好。
作者: Julybabe 時間: 14-11-29 00:14
Mother_Joyce 發表於 14-11-28 23:58
回覆 Julybabe 的帖子
(1) do you have any info about P1 allocation of MW because as I checked on its ...
作者: Julybabe 時間: 14-11-29 00:15
dundfg 發表於 14-11-28 23:47
eng taught by net
作者: Mother_Joyce 時間: 14-11-29 00:17
回覆 dundfg 的帖子
我都算系煩個種家長，4-5點得閒嘅時候，就會打電話比老師問女女情況，老師都會好耐心咁同我傾，一直傾到我cut線為止。好感謝老師。
作者: Mother_Joyce 時間: 14-11-29 00:24
回覆 Julybabe 的帖子
唔透露住喇，因為仲未決定take唔take，唔take就隨風而去當無事發生啦。而且仲有培正呢間神校未考。
唔好意思吖！
作者: jelly-pudding 時間: 14-11-29 00:40 標題: 回覆：忍唔住為明慧講幾句說話
升小學呢樣嘢，係講考私直資定政府派位呢？如果考私小直資據我所知北角呢邊都有小朋友考到港同，真光，玫小，漢華等等。至於派位，同你讀邊間kg 冇關係。 自行係計分，大抽獎係靠luck。 我仔係北角明慧讀緊K3,我地得15分所以落空，大抽獎會抽返net 14. 小兒暫時有一個私小offer.
作者: Viviwanwu 時間: 14-11-29 00:40 標題: 回覆：Mother_Joyce 的帖子
我都係明慧家長，學校真係好用心教小朋友。
當初簡介會對陳校長感覺麻麻，但返學後完全已觀，囝囝第二日返學，校長就認得佢，老師每一至兩星期會主動致電家長講述囝囝在校情況，呢D就算係神級學校都未必做到
作者: Julybabe 時間: 14-11-29 00:52 標題: 引用：回覆+Julybabe+的帖子
唔透露住喇，因為仲
原帖由 Mother_Joyce 於 14-11-29 發表
回覆 Julybabe 的帖子
唔透露住喇，因為仲未決定take唔take，唔take就隨風而去當無事發生啦。而且仲有培正 ...
作者: Julybabe 時間: 14-11-29 00:57 標題: 引用：升小學呢樣嘢，係講考私直資定政府派位呢？
原帖由 jelly-pudding 於 14-11-29 發表
升小學呢樣嘢，係講考私直資定政府派位呢？如果考私小直資據我所知北角呢邊都有小朋友考到港同，真光，玫小 ...
作者: jelly-pudding 時間: 14-11-29 01:02 標題: 引用：Quote:原帖由+jelly-pudding+於+14-11-29+
原帖由 Julybabe 於 14-11-29 發表
我自己心儀囡囡可以入到傳統女校……我自己培小……私小，吾行計分制，幫吾到佢……
...
作者: siushuk 時間: 14-11-29 01:09 標題: 回覆：Viviwanwu 的帖子
請問你囝囝讀緊pn 定 K1 呢？
作者: MiffyShe 時間: 14-11-29 01:53
I am so happy to see this post as I cannot see many comments on this school except "commercial". I am considering to accept the offer.
I would like to know if the syllabus is too difficult for kids. I don't like school with is very 谷 and make kids always feel difficulties in learning.
Thanks for Ming Wai parents' sharing.
作者: Annbaat 時間: 14-11-29 02:16 標題: 回覆：忍唔住為明慧講幾句說話
我女差點跟樓主囡囡做同學。
我都好鍾意明慧，未生小朋友時見到呢間學校嘅兔仔logo已經好留意。去年，報PN老公去聽簡介會，老公對陳校長嘅評價好正面同欣賞，佢讚佢直接到pt，唔會只係讚自己做得幾好幾好。加上阿女in 7間學校，呢間狀態極佳，所以當時我地視明慧為第一志願，收到offer後連學之園嘅interview都放棄。
最後，因為有另一學校嘅K1offer，我決定當細b，不做龍年大b(龍年爭位太嚴重)，所以放棄了明慧。
看你嘅文，有點後悔㗎，不過讀書還是揀間適合小朋友性格。
作者: Ronald@EK 時間: 14-11-29 02:29 標題: 回覆：Mother_Joyce 的帖子
多謝Joyce媽的詳細分享！
感恩小女兒能在明慧上學，並在老師細心教導下能很快適應學習環境，愉快上學。小女兒回家後，很多時候要我們一家人假裝同學，看她就模仿班主任老師Ms Becky和湯老師拿起書本說課和唱中英文歌...... 這些都是我們一家人意想不到的。
現時PN課程對小女兒不太困難。老師和工友姨姨都很有愛心。除日常上課外，小女兒還有參加學校的課外舞蹈班，小女都很喜歡。
利申：小女兒在太子明慧讀上午PN班。並已交K1留位費。
作者: choibobo 時間: 14-11-29 08:38 標題: 引用：多謝Joyce媽的詳細分享！
感恩小女兒能在
原帖由 Ronald@EK 於 14-11-29 發表
多謝Joyce媽的詳細分享！
感恩小女兒能在明慧上學，並在老師細心教導下能很快適應學習環境，愉快上學。小 ...
作者: muffincake 時間: 14-11-29 08:43 標題: 回覆：choibobo 的帖子
其中一個班主任已經係NET,就算不是上英文堂，外藉老師都在旁幫手
作者: Ronald@EK 時間: 14-11-29 09:05 標題: 回覆：choibobo 的帖子
太子現只有國際班。PN會有各一個NET及廣東話班主任，到K1時會廣東話班主任會由普通話班主任代替。
作者: choibobo 時間: 14-11-29 10:07 標題: 回覆：忍唔住為明慧講幾句說話
昨日打去學校問，個老師話local班得一個廣東話班主任，所以我唔肯定阿女去民生定明慧好，民生雙班主任制嘛
作者: qqmiki 時間: 14-11-29 10:25 標題: 引用：+本帖最後由+Mother_Joyce+於+14-11-29+00:
原帖由 Mother_Joyce 於 14-11-28 發表
本帖最後由 Mother_Joyce 於 14-11-29 00:12 編輯
啱啱有jm話呢part亂碼，宜家有無亂吖？thx!
作者: yanlaw0824 時間: 14-11-29 13:01 標題: 引用：+本帖最後由+Mother_Joyce+於+14-11-29+00:
原帖由 Mother_Joyce 於 14-11-28 發表
本帖最後由 Mother_Joyce 於 14-11-29 00:13 編輯
回覆 yanlaw0824 的帖子
作者: jelly-pudding 時間: 14-11-29 22:41 標題: 回覆：忍唔住為明慧講幾句說話
我仔由N到K3 都喺本地班。每班一個班主任不過一班只有12至14個小朋友. 呢兩年收生多咗每班可能多人咗不過我就唔太清楚。我仔今年K3 都係一班15人。
本地班唔係每日都有外籍老師課不過佢地英文程度絕對ok. 今個月專題學習係Plant, 佢地學緊植物的不同部份: Root, Stem, Leaves, Flowers, Fruit. 下星期老師會帶佢地去參觀香港公園睇植物，應該算係專題研習。
作者: jelly-pudding 時間: 14-11-29 22:42 標題: 引用：我仔由N到K3+都喺本地班。每班一個班主任不
原帖由 jelly-pudding 於 14-11-29 發表
我仔由N到K3 都喺本地班。每班一個班主任不過一班只有12至14個小朋友. 呢兩年收生多咗每班可能多人咗不過我 ...
作者: Mother_Joyce 時間: 14-11-30 00:45
MiffyShe 發表於 14-11-29 01:53
I am so happy to see this post as I cannot see many comments on this school except "commercial". I ...
就PN來講，我覺得課程好豐富，以我嘅觀點，都算系幾深架，不過唔見得學校會谷學生谷家長，因為無評估又對我哋家長無咩要求。就好似填色咁，我由得我女女油，出咗界，老師都系有比叻叻我女女。又無話一定要我哋家長講故事啊溫書啊咁。因為我都算系hea個類家長，我覺得4歲前，唔需要咁谷，女女鍾意點就點啦，但系so far我都未感到有咩壓力。
所以，我覺得課程深唔一定等於會谷嘅。當然，PN相比K1，會輕鬆好多。
作者: Mother_Joyce 時間: 14-11-30 00:46
回覆 Annbaat 的帖子
唔洗後悔，每間學校都有佢吸引人之處，最緊要當下，你小朋友系開開心心咁返學就得啦！
作者: Dragonmama2012 時間: 14-11-30 01:12 標題: 回覆：忍唔住為明慧講幾句說話
作者: RonnyBB 時間: 14-11-30 02:18 標題: 回覆：忍唔住為明慧講幾句說話
感謝樓主分享，我也很奇怪為何bk會有這麼多負面評價……但也發現很多k1學生也可轉到龍校……很開心見到有真正用家的分享！因正為N班選擇而煩惱……
請問樓主的女兒是否下午班？
你知道明慧的畢業生英文水平如何嗎？
小朋友上到K班(國際班)會否只懂英普而不懂廣東話(中文)？
作者: MiffyShe 時間: 14-11-30 02:27
回覆 Mother_Joyce 的帖子
多謝MOTHER_JOYCE分享!
另請教明慧家長, K1-K3 INT 'L班係NET+普通話班主任, 如家中用廣東話, 可以明白老師講解嗎?
普通話班主任是否NATIVE SPEAKER?
THANKS!!
作者: my2008bb 時間: 14-11-30 13:31
回覆 Mother_Joyce 的帖子
唔知我地同唔同班呢？我女都讀緊am int"l這帖導出我們用家的心聲。
作者: andyan324 時間: 14-11-30 14:31 標題: 引用：昨日打去學校問，個老師話local班得一個廣
原帖由 choibobo 於 14-11-29 發表
昨日打去學校問，個老師話local班得一個廣東話班主任，所以我唔肯定阿女去民生定明慧好，民生雙班主任制嘛
...
作者: bebemuimui 時間: 14-11-30 16:35 標題: 回覆：Mother_Joyce 的帖子
妳一定好自豪！
作者: Mother_Joyce 時間: 14-11-30 22:56
RonnyBB 發表於 14-11-30 02:18
感謝樓主分享，我也很奇怪為何bk會有這麼多負面評價……但也發現很多k1學生也可轉到龍校……很開心見到有真 ...
佢都只不過系返咗三個幾月堂，我覺得英文語感好咗好多，最明顯就係，同佢講英文，佢會好快咁對你有回應，同外國人相處，都好smooth好自然。
我幾鍾意明慧系PN對班主任嘅安排，一個廣東話班主任一個net，所以，小朋友平時相處，中文英文都會一齊講。因為我唔系好希望佢長大之後連自己嘅母語都講唔好，所以我喺屋企，會主要同佢講廣東話，所以唔會出現唔識廣東話嘅問題。
至於英普，系K1之後先會咁，所以可能要問下其他讀緊嘅jm先得喇。
作者: Mother_Joyce 時間: 14-11-30 23:01
MiffyShe 發表於 14-11-30 02:27
回覆 Mother_Joyce 的帖子
多謝MOTHER_JOYCE分享!
所以，如果你嘅小朋友未接觸過普通話，可能要比多少少時間佢去適應lor，但相信問題唔大。
我聽唔出佢系唔系Native Speaker吖因為我自己普通話都唔系講得太好
作者: Mother_Joyce 時間: 14-11-30 23:02
my2008bb 發表於 14-11-30 13:31
回覆 Mother_Joyce 的帖子
唔知我地同唔同班呢？我女都讀緊am int"l這帖導出我們用家的心聲。
作者: Mother_Joyce 時間: 14-11-30 23:04
bebemuimui 發表於 14-11-30 16:35
妳一定好自豪！
作者: tanglymama 時間: 14-12-1 00:27
回覆 Ronald@EK 的帖子
多謝不同媽媽的分享！
我也是明慧的真正用家，我囝囝喺太子分校讀，由PN插班讀升至現在K1，囝囝是細B，所以沒有其他幼兒園的offer, 最終Waiting到有位讀書也很感恩了。
原本都覺得學費有點費，上學年$4200 x 11, 現在K1$45xx, 不過佢真係學到很多東西回來。
由PN班講先，很感恩囝囝遇上了兩位很好的班主任，NET是很有愛心，而廣東話班主任是令自己很感動的，由於自己的囝囝是頑外囝，很不容易教，又坐唔定，但老師安慰我同我講，「我會訓練佢的」，而不是投訴，我當場覺得好似有人幫我擔起這個擔子，老師是有責任心和有立場的，很感激。因我是自己接放學的，老師每次放學也會跟我講囝囝在校的情況，囝囝的表現有時好D有時又頑皮，到學期尾也有坐不定的時間。但小朋友是喜歡返學的，時常回家不同的唱歌，NET和我講我囝會用英文同佢溝通，但我們在家是講廣東話的，我當時是半信半疑的。
明慧是直升K1的，K1是英普班，初初我很擔心佢唔適應，因為佢話「普通話好難聽，唔知講詳、唔鍾意普通話、你唔好講」。返了三個月，已經適應了些，他不抗拒講普通話和有時回家也會彈幾句普通話。在家他自己同自己玩時會講英文。最開心的是由佢坐唔定到現在K1的老師同我講佢現在他是留心上堂，而且專注力高。
我不知道其他老師是怎樣，但我仔PN和K1的班主任也很好，有愛心，連學校的姨姨好多都叫得出我仔的名。這是我親身的經歷。
時常在EK看到有關明慧的評論也是負面多的，最緊要我囝喜歡返學、喜歡自己看書、學到嘢。
作者: MiffyShe 時間: 14-12-1 02:11
回覆 Mother_Joyce 的帖子
多謝回應, 我放心好多
作者: Julybabe 時間: 14-12-1 08:30 標題: 回覆：忍唔住為明慧講幾句說話
各位媽媽好 想請教小一入學方面 知吾知明慧在叩門放面 成功率怎樣 thanks for sharing in advance
作者: choibobo 時間: 14-12-1 08:37
想問你地識唔識讀LOCAL班K1既同學呀,佢地既英文都OK嗎?因為我有民生OFFER,而最中意佢有NET做班主任,但明慧好似出名D,但LOCAL CLASS冇NET班主任, 一星期得2堂ENG,各20MINS,真係唔多夠咁
作者: shersiu 時間: 14-12-1 10:57
提示: 作者被禁止或刪除 內容自動屏蔽
作者: myserena 時間: 14-12-1 12:13 標題: 回覆：忍唔住為明慧講幾句說話
好開心睇到呢個post，因為係真正既用家分享，而唔係果啲非用家而淨係得一句「明慧商業化」，再唔係「明慧校長寸」呢兩句。
我女也是明慧n班，讀得非常好，班主任也很好。開家長會睇返個video，見到小朋友既成長真係好感動。我個人覺得明慧既老師或是學校政策都好好。因為我女搭校車，我很少見到老師，我又唔會主動打返學校，但班主任反面會主動打電話比我講返呀女既情況。家長會既video，我相信很多家長都會好想要，如果明慧係一間只為賺錢既商業化學校，大可以將呢個video 轉做商品高價出售比家長，但明慧無咯。我亦係其中一個問班主任有無得買返個video 既家長:p，但可惜無。
仲有我想補充去學校旅行果日，之前一晚我對住通告執野時，通告話帶啲玩具去沙灘下，但我享香港未帶過個女去沙灘，沙灘玩具當然無，即時落街買又買唔到，又驚個女第日個個有佢無，就買左吹泡泡啦，好過無。點知第二日返到學校，原來學校有沙灘玩具派比小朋友，我個女玩得好開心，其實學校真係照顧得好周到。
所以其實明慧真係一間好有heart 既學校。師資亦很好，老師有耐性亦有愛心。
仲有就係話校長寸，我反而覺得校長個人實事求是，有果句講果句，講野唔會轉彎抹角，用一大堆懶好聽既說話去包裝，直接了當既風範，我相信唔係人人做得到。我個人反而係好欣賞。
我覺得我女可以享度讀書真係好幸福。
作者: 小貓1124 時間: 14-12-1 13:14 標題: 引用：好開心睇到呢個post，因為係真正既用家分享
原帖由 myserena 於 14-12-01 發表
好開心睇到呢個post，因為係真正既用家分享，而唔係果啲非用家而淨係得一句「明慧商業化」，再唔係「明慧校 ...
作者: MiffyShe 時間: 14-12-1 23:06
回覆 jelly-pudding 的帖子
唔好意思, 想請教明慧老師會唔會好嚴肅傳統果D? 定算活動教學? 功課多嗎?
另教德育方面好嗎?
THANKS!
作者: jelly-pudding 時間: 14-12-1 23:33 標題: 引用：回覆+jelly-pudding+的帖子
唔好意思,+想
原帖由 MiffyShe 於 14-12-01 發表
回覆 jelly-pudding 的帖子
唔好意思, 想請教明慧老師會唔會好嚴肅傳統果D? 定算活動教學? 功課多嗎?
作者: jelly-pudding 時間: 14-12-1 23:36 標題: 回覆：忍唔住為明慧講幾句說話
功課方面K2 果時有開始寫英文字同簡單的中文字，一星期做一份剪報同閱讀報告。不過好simple, just pick a book and then draw a picture and write down some new words learnt from that book.
今年K3, 每日兩至3樣
作者: 龍校之友 時間: 14-12-1 23:52 標題: 引用：+本帖最後由+Mother_Joyce+於+14-11-29+00:
原帖由 Mother_Joyce 於 14-11-28 發表
本帖最後由 Mother_Joyce 於 14-11-29 00:12 編輯
啱啱有jm話呢part亂碼，宜家有無亂吖？thx!
但明慧教學有一套，國際班有外藉國語老師各一，唔使半年基本上聽得明外語。全日班七點幾有老師standby照顧小朋友，陪佢地睇故事書，仲好有愛心添。家長仲可以返工前親子，同佢一齊入去揀書睇，一流。但每月學費七千大洋，要命……
作者: 龍校之友 時間: 14-12-2 00:02 標題: 引用：Quote:原帖由+Mother_Joyce+於+14-11-28+發
原帖由 龍校之友 於 14-12-01 發表
包車去黃金海岸每位收$100-130肯定貴。旅遊巴可以坐50人，換句話講每架車收$5000-6000。你問下冠忠包車北角 ...
作者: MiffyShe 時間: 14-12-2 00:30
回覆 龍校之友 的帖子
北角有國際全日制嗎? 我見WEBSITE寫K1-K3 $5860X12個月
學校只講我知K3得PM
作者: vcheng99 時間: 14-12-2 00:49 標題: 回覆：忍唔住為明慧講幾句說話
我女女讀太子明慧pn, 多謝樓主替我們媽媽說出心底話，亦為小朋友及媽媽還一個公道。從一開始爬文，就看到很多很多負評，心中實在不解。何謂商業化?試問那一間幼稚園不賺錢? 校長現實，貪錢? 校長只在簡介會講出媽媽不想聽的事實，告知大家想清楚才留位，留位費是沒得退。如果校長氹你留位，想賺你d留位費，就唔洗特別提醒你，小心考慮。我好欣賞校長的率直。那些不是用家的人，常批評明慧，可知這做法相當不公平。好像給小孩標籤了，選明慧的父母都是罪人。我女女從一開始不太懂說話，到現在，在家不停的說說說，唱學校教的兒歌，我好肯定是老師的功勞。我不敢說老師是最好，但老師都有耐性及跟進。女女兩天沒有上學，亦打電話給我了解情況。女女亦認識班內其他同學。從一開始不願上學，到現在未到門口已急不及待和我說再見，我相信女女一定很喜歡上學。幼稚園其實只是一個平台給小孩學習獨立，這方面明慧稱職有餘。希望各媽媽在批評一間學校時，請考慮其他家長及小朋友，公平一點吧。
作者: Julybabe 時間: 14-12-2 00:55 標題: 引用：Quote:原帖由+龍校之友+於+14-12-01+發表包
原帖由 龍校之友 於 14-12-02 發表
其他學校旅行收費相若，但通常去荔x山莊，xx 渡假村，xx 渡假營，包入場費，相對較合理。黃金海岸公衆地方 ...
作者: Julybabe 時間: 14-12-2 01:12 標題: 引用：好開心睇到呢個post，因為係真正既用家分享
原帖由 myserena 於 14-12-01 發表
好開心睇到呢個post，因為係真正既用家分享，而唔係果啲非用家而淨係得一句「明慧商業化」，再唔係「明慧校 ...
作者: Mother_Joyce 時間: 14-12-2 01:35
龍校之友 發表於 14-12-2 00:02
其他學校旅行收費相若，但通常去荔x山莊，xx 渡假村，xx 渡假營，包入場費，相對較合理。黃金海岸公衆地方 ...
我同C6研究過，可能系永東D車貴D，不過坐落去幾舒服，然後每個小朋友都有一套玩具咧，玩具質量都OK，唔系大陸貨，加上老師真系同我哋玩遊戲玩到身水身汗（因為我本人非常怕曬），所以，整體都可以接受。
全日班嘅家長可以入去同小朋友揀書咁正？我見到北角呢邊每個月學費應該唔洗7000吖，好似系五六千左右。從8點直落到下晝6點，我覺得好抵吖，不過會唔會小朋友太辛苦？我C6系都唔比女女讀全日，本來我想申請轉嘅。
作者: Mother_Joyce 時間: 14-12-2 01:48
vcheng99 發表於 14-12-2 00:49
我女女讀太子明慧pn, 多謝樓主替我們媽媽說出心底話，亦為小朋友及媽媽還一個公道。從一開始爬文，就看到很 ...
我女女依家每日都要求自己“咩”書包，一返到學校門口，就會頭都唔回咁行入班房...
之前佢病咗一個禮拜，老師基本上check住打電話來問情況，而且會話，“好掛住佢，希望佢快D返來”，你聽完之後，個心真系好warm...
如果唔系因為明慧無直升小學，喺升學方面都係有D風險，因為我驚龍年競爭太大...我都唔需要再出去interview其它K1...我凈系揀咗3間龍校in...
正如呢位媽媽所講嘅，希望下年、下下年嘅家長喺報名前，要search明慧去做下功課嘅時候，可以睇到一D過往真正用家嘅經歷。呢個亦都係我連學費啊乜費啊面試啊家長會啊比較多嘅細節，儘量記得都寫曬出來嘅原因。對學校公平D，對老師公平D，因為D老師真系有heart嘅。
作者: Mother_Joyce 時間: 14-12-2 01:53
MiffyShe 發表於 14-12-2 00:30
回覆 龍校之友 的帖子
北角有國際全日制嗎? 我見WEBSITE寫K1-K3 $5860X12個月
就K來講，
5860呢個系國際全日班嘅價錢。
國際半日K系3530。
k1-k2 有分上/下午班，K3就只有下午班，不過上課時間就多咗45分鐘左右，校長話，可以再安排多少少課程活動比學生去適應小學。
作者: Mother_Joyce 時間: 14-12-2 01:55
Julybabe 發表於 14-12-2 00:55
好想好想請教衣道的經驗家長 究竟北角明慧好定九龍塘好？我地本身係N無人仕 要讀心儀小一多數要叩門私小或D ...
作者: Ronald@EK 時間: 14-12-2 02:17 標題: 回覆：Julybabe 的帖子
個人小小分享：
-九龍塘的學校類別眾多，有龍校，有課程較深，收費高低不同的等因素，難以直接比較，要按個人喜愛選擇
-北角明慧較太子明慧有名和有較好過往小一派位記錄。太子明慧近期有在門外貼出去年太子畢業生派位記錄作參考
-對比其它學校，個人喜愛明慧因校內設有小童軍及交通安全隊，可讓女兒在K班時體驗團體及紀律生活
作者: choibobo 時間: 14-12-2 06:43 標題: 回覆：忍唔住為明慧講幾句說話
所有家長都係comment國際班，有冇本地班用家講下呢
作者: 龍校之友 時間: 14-12-2 08:58 標題: 引用：Quote:龍校之友+發表於+14-12-2+00:02+其他
原帖由 Mother_Joyce 於 14-12-02 發表
我同C6研究過，可能系永東D車貴D，不過坐落去幾舒服，然後每個小朋友都有一套玩具咧，玩具質量都OK，唔系大 ...
作者: Julybabe 時間: 14-12-2 09:27 標題: 引用：Quote:Julybabe+發表於+14-12-2+00:55+好想
原帖由 Mother_Joyce 於 14-12-02 發表
明慧得北角同太子bor，無九龍塘...你系指九龍塘嘅學校？
作者: Mother_Joyce 時間: 14-12-2 09:56
龍校之友 發表於 14-12-2 08:58
唔通北角明慧收我七千？其他家長平d？我個小朋友讀全日國際班，你呢？明慧星期五旅行，家長要請假，老師唔 ...
(1)
其實學費（無包雜費）同返學時間喺學校網站度列曬出來，你可以上去check返，再唔系，你打電話比老師問都OK gar…
(2)
我小朋友讀北角明慧上午國際班。北角同太子嘅學費本來就唔同gar…
(3)
有D名校，有學券，學費幾百蚊都有吖。我有offer個間，無學券，學費都唔洗2500，仲要交10期咋…明慧系獨立私立類型的學校，再加上佢嘅師生比例同D課程，我覺得可以接受。
(4)
如果學校願意禮拜六、日先來搞親子旅遊、開家長會，當然最好啦。但係其實好多學校，都係揀禮拜五，就好似上次我哋去黃金海岸咁，除咗我哋，仲有上水另一間幼稚園同九龍塘一間國際學校，據我所知，我其他媽媽朋友嘅幼稚園，基本上都係揀禮拜五。明慧唔算特殊，只可以反應出，你另一個小朋友讀緊嘅傳統名校，好好吖！
作者: Julybabe 時間: 14-12-2 14:55 標題: 引用：個人小小分享：
-九龍塘的學校類別眾多，
原帖由 Ronald@EK 於 14-12-02 發表
個人小小分享：
-九龍塘的學校類別眾多，有龍校，有課程較深，收費高低不同的等因素，難以直接比較，要按 ...
作者: RonnyBB 時間: 14-12-2 17:01 標題: 引用：Quote:龍校之友+發表於+14-12-2+08:58+唔通
原帖由 Mother_Joyce 於 14-12-02 發表
(1)
其實學費（無包雜費）同返學時間喺學校網站度列曬出來，你可以上去check返，再唔系，你打電話比老師問 ...
因為一般收十個月學費都係由9月至6月。
作者: mapp2009 時間: 14-12-2 17:03
回覆 龍校之友 的帖子
http://www.mingwai.edu.hk/programs/pre-nursery/
http://www.mingwai.edu.hk/programs/nursery/
以上第1條link是PN班學費, 第2條link是K.1班學費, 我估計website不會列明所有費用
當然你正是北角分校PN用家, 你最清楚, 畢竟website可以錯
作者: Julybabe 時間: 14-12-2 23:17 標題: 引用：回覆+龍校之友+的帖子
+http://www.mingwa
原帖由 mapp2009 於 14-12-02 發表
回覆 龍校之友 的帖子
http://www.mingwai.edu.hk/programs/pre-nursery/
作者: 龍校之友 時間: 14-12-2 23:46 標題: 引用：Quote:原帖由+mapp2009+於+14-12-02+發表回
原帖由 Julybabe 於 14-12-02 發表
其實我想講……3600 per month真係好抵囉……我吾明点解d人話佢commercial?!
...
作者: 龍校之友 時間: 14-12-3 00:06 標題: 回覆：龍校之友 的帖子
此外，間間學校講座都強調教學理念，家校溝通，品德教育。陳校長每年都講留位費永不退回，你搵律師追都無用，我會請律師同你打，真系直率得可愛。
作者: vcheng99 時間: 14-12-3 01:16 標題: 回覆：龍校之友 的帖子
我去果個簡介會，校長唔係咁既語氣架喎。你係咪其中一個家長想退留位費，所以咁激動同不滿呀? 既然你已知學校不是你那杯茶，為何要入讀呢?
作者: Julybabe 時間: 14-12-3 07:28
本帖最後由 Julybabe 於 14-12-3 07:32 編輯
龍校之友 發表於 14-12-2 23:46
貴同commercial系兩回事。我兩個小朋友讀明慧，預咗比萬幾銀一個月，你情我願，無話貴唔貴，最緊要學到嘢。 ...
哦....原來係甘所以你有此睇法。不過我覺得hkd130搞活動，衣個價錢倘算合理，純粹個人意見不喜勿插
作者: jelly-pudding 時間: 14-12-3 07:31 標題: 回覆：忍唔住為明慧講幾句說話
點解你要捉住校長其中一句說話重複咁講呢？其實喺簡介會果度校長有講過其他嘢架，你唔會只聽到一句說話吧。可能佢覺得咁樣講風趣啲啫，何必咁認真呢？其實好多幼稚園都冇得退留位$架啦。
作者: Pinkmoon 時間: 14-12-3 07:31 標題: 回覆：忍唔住為明慧講幾句說話
边间龍校offer?
作者: 龍校之友 時間: 14-12-3 08:57 標題: 回覆：Pinkmoon 的帖子
BK媽咪，relax，純粹分享，無踩自己小朋友學校嘅意思，揀得明慧，自然系覺得佢好，但唔代表佢收費唔貴，唔commercial，每個人都可以講自己感受，系咪？ 其實好多媽媽上bk索料，想知用家感受，評語，但用家分享時稍作批評，其他家長就會解讀為踩自己小朋友學校，引來一大班圍攻。 上年系度講龍校，BK媽媽第一個反應系【收你個仔先算】，好喇，有幾間正取offer唔知點揀，bk媽媽又鬧你霸住學位，無同理心，叫你快快寫信比學校放棄學位。網上世界將人性赤裸裸展現出來，平常心去睇，其實好有趣。
作者: 龍校之友 時間: 14-12-3 09:01 標題: 引用：边间龍校offer?
+
原帖由 Pinkmoon 於 14-12-03 發表
边间龍校offer?
作者: 龍校之友 時間: 14-12-3 09:10 標題: 回覆：龍校之友 的帖子
其他校長，老師同家長，恕我不作回應，唔想引起駡戰。有幸小朋友好好彩，受到好學校青睞，唔使再過日日check emails，睇信箱嘅日子，往後只會盡力配合學校教好小朋友。希望主垂憐其他受難中嘅家長。
作者: longsky 時間: 14-12-3 09:18 標題: 引用：BK媽咪，relax，純粹分享，無踩自己小朋友
原帖由 龍校之友 於 14-12-03 發表
BK媽咪，relax，純粹分享，無踩自己小朋友學校嘅意思，揀得明慧，自然系覺得佢好，但唔代表佢收費唔貴，唔c ...
作者: lovebb2 時間: 14-12-3 09:19 標題: 引用：Quote:原帖由+Julybabe+於+14-12-02+發表其
原帖由 龍校之友 於 14-12-02 發表
貴同commercial系兩回事。我兩個小朋友讀明慧，預咗比萬幾銀一個月，你情我願，無話貴唔貴，最緊要學到嘢。 ...
作者: JenLau88 時間: 14-12-3 09:23 標題: 回覆：龍校之友 的帖子
Agree
作者: Annbaat 時間: 14-12-3 12:42 標題: 引用：Quote:原帖由+Julybabe+於+14-12-02+發表其
原帖由 龍校之友 於 14-12-02 發表
貴同commercial系兩回事。我兩個小朋友讀明慧，預咗比萬幾銀一個月，你情我願，無話貴唔貴，最緊要學到嘢。 ...
作者: RonnyBB 時間: 14-12-3 12:46 標題: 引用：Quote:原帖由+龍校之友+於+14-12-02+發表貴
原帖由 Annbaat 於 14-12-03 發表
無得咁比，好多教會學校資源真係多好多，特別係龍校仲有好多校友，舊生資助。明慧背景，始終係商業機構。
...
重要是私立是否一分錢一分貨。
作者: 龍校之友 時間: 14-12-3 13:49 標題: 回覆：RonnyBB 的帖子
以事論事，七千銀一個月，有 net 有 native PTH 教師，仲幫你湊全日仔，ok 啦。但百三銀 weekday 去公衆海灘就見仁見智喇，咁啱另一個小朋友學校又搞旅行，周末去渡假村包營費，都系百三銀，家教會仲話可以賺大錢，夠成年開支，比你點睇？作為全職家長，唔系話攞假就攞假，又唔忍心只有自己小朋友無人陪。有時辦教育，唔可以下下向錢看，既然個個星期六可以打開門口做生意，用一個星期六搞周年旅行都唔過份啩？去海洋公園收百三超值，去百福道公園唔通又收百三？公道自在人心啦。
作者: 龍校之友 時間: 14-12-3 13:55 標題: 引用：Quote:原帖由+龍校之友+於+14-12-02+發表貴
原帖由 lovebb2 於 14-12-03 發表
大坑真光？真係好學校
作者: penn_2010 時間: 14-12-3 14:21
小貓1124 發表於 14-12-1 13:14
認同，通常係非用家先話唔好！
唔係喎，我係現任學生家長。我對明慧好失望好失望好失望.....但由於小朋友讀緊，唔想點相，所以唔講咩事了。總之，明慧好不近人情，我對學校好心 淡........
作者: lovebb2 時間: 14-12-3 16:40 標題: 引用：Quote:原帖由+lovebb2+於+14-12-03+發表大
原帖由 龍校之友 於 14-12-03 發表
今年in得唔錯，可能有機會。大個個系另一間我更喜歡的學校。
作者: Mother_Joyce 時間: 14-12-3 17:56
本帖最後由 Mother_Joyce 於 14-12-3 20:33 編輯
penn_2010 發表於 14-12-3 14:21
唔係喎，我係現任學生家長。我對明慧好失望好失望好失望.....但由於小朋友讀緊，唔想點相，所以唔講咩事 ...
唔好意思，係我太魯莽，希望你兩個小朋友都可以讀同一間學校，等你唔使咁煩...
作者: 小貓1124 時間: 14-12-3 18:05 標題: 引用：Quote:小貓1124+發表於+14-12-1+13:14+認同
原帖由 penn_2010 於 14-12-03 發表
唔係喎，我係現任學生家長。我對明慧好失望好失望好失望.....但由於小朋友讀緊，唔想點相，所以唔講咩事 ...
作者: siushuk 時間: 14-12-3 19:05 標題: 回覆：penn_2010 的帖子
終於明白點解咁多針對明慧但又冇實質內容既post la
作者: eekg 時間: 14-12-3 19:11 標題: 引用：Quote:penn_2010+發表於+14-12-3+14:21+唔
原帖由 Mother_Joyce 於 14-12-03 發表
我見到你7日前有張Post，問有無人收到北角明慧嘅K1 offer…如果系現有用家，我哋系唔需要任何面試，就直升K ...
作者: penn_2010 時間: 14-12-3 20:17
Mother_Joyce 發表於 14-12-3 17:56
我見到你7日前有張Post，問有無人收到北角明慧嘅K1 offer…如果系現有用家，我哋系唔需要任何面試，就直升K ...
先生/小姐，我有兩個小朋友，一個讀緊，一個 waiting, 點解我唔係現任家長？你未搞清楚就話人。
我只不過講返我既感受。我知你小朋友讀得好開心，可惜發生係我同我小朋友身上唔係囉。
唔係人人都一定喜歡明慧，難道我地就唔可以講返自己的感受？
作者: penn_2010 時間: 14-12-3 20:21
eekg 發表於 14-12-3 19:11
你跟埋佢個post la，佢個大b讀緊，細b之前in pn 冇offer，今年in k1 waiting。
謝謝你。
作者: Mother_Joyce 時間: 14-12-3 20:37
penn_2010 發表於 14-12-3 20:17
先生/小姐，我有兩個小朋友，一個讀緊，一個 waiting, 點解我唔係現任家長？你未搞清楚就話人。
我只不 ...
唔好意思，我已經修改咗啱啱嘅post，希望唔會令你嘅感受更加雪上加霜。我係太激動和敏感了。
其實如果你再寫下求位信，或者同你讀緊嘅小朋友嘅班主任傾下，會唔會有用呢？
但系咧，據我所知，咁樣嘅情況都唔系第一次，之前都已經有人講過，有小朋友系度讀緊，未必會收返。
我可能會放返個位出來，到時希望你可以心想事成！
作者: penn_2010 時間: 14-12-3 20:48
Mother_Joyce 發表於 14-12-3 20:37
唔好意思，我已經修改咗啱啱嘅post，希望唔會令你嘅感受更加雪上加霜。我係太激動和敏感了。
謝謝你。你所講的我去年今年都全部做哂，甚至做多。
呢幾年發生好幾件事，真係對學校好心酸。
我宜家仲要幫細B撲學校，希望你明白做家長的現在有幾無奈和徬徨。
作者: 龍校之友 時間: 14-12-3 20:51 標題: 回覆：Mother_Joyce 的帖子
欺凌系 bk 特色，認真便輸了。
| 歡迎光臨 教育王國 (/) |
Powered by Discuz! X1.5 |