教育王國

標題: 高小初中想嘗試睇金庸, 請教睇邊本先呢? [打印本頁]

作者: 小時了了 時間: 14-11-28 09:58 標題: 高小初中想嘗試睇金庸, 請教睇邊本先呢?

話說小女依家小四, 因我帶她於上星期六及日參觀完中學後, 呢幾日我猛向佢落藥升中學會點點點, 依家小學嘅佢要點點點到時升中時就會好輕鬆了. 尋晚同佢傾開, 佢阿媽我當年小學六年級時已睇晒當年好 hit 嘅"瓊瑤"厚厚的愛情小說廿幾三十本, 所以佢阿媽我嘅中文自認到依家都唔錯

如果佢想好過媽咪嘅中文, 六年班時開始睇金庸小說都有機會. 哈! 小女近排嗰團"好學之火"好旺盛, 竟然 "誇下海口" 想試吓四年班睇金庸. 既然小女有呢個 "雄心壯志", 我都想試吓係圖書館借俾佢睇, 但我真係無睇過金庸武俠小說, 請指教初看者應睇邊本先呢? 邊本有趣及無咁深呢?

作者: YolandaTam 時間: 14-11-28 10:36 標題: 回覆：小時了了的帖子

小女四年級暑假睇咗射鵰同神鵰，呢兩本比較有趣。不過由於篇幅長，平日睇可能會廢寢忘餐，建議長假先睇。另可試衛斯理，情節吸引，二百零頁，一個週末睇晒。

作者: MASAYA 時間: 14-11-28 10:57

我自己細個睇射鵰先，但全部金庸小說我推薦笑傲江湖畀小朋友睇，無歷史背景同人物性格清楚 (岳不群除外)，所以價值觀都清晰，而且桃谷六仙有趣程度不比韋小寶低

作者: YolandaTam 時間: 14-11-28 11:10 標題: 引用：我自己細個睇射鵰先，但全部金庸小說我推薦

原帖由 MASAYA 於 14-11-28 發表
我自己細個睇射鵰先，但全部金庸小說我推薦笑傲江湖畀小朋友睇，無歷史背景同人物性格清楚 (岳不群除外)， ...

小朋友會唔會唔明“君子劍” 有幾虛偽，練葵花寶典點解要自宮？係咪要家長指引？

作者: MASAYA 時間: 14-11-28 11:26

YolandaTam 發表於 14-11-28 11:10
小朋友會唔會唔明“君子劍” 有幾虛偽，練葵花寶典點解要自宮？係咪要家長指引？

...

最好當然有家長指引，我相信小學生會偽君子，金庸小說每套都不同程度既情愛，如果要簡單d純樸d，我會選擇雪山飛狐，不過有復仇，而且open ending，都係要PG家長指引
p.s. 我到而家都唔明點解要自宮，唔識內功，諗唔明男人練太監功會走火入魔即係乜

作者: YolandaTam 時間: 14-11-28 13:13 標題: 回覆：MASAYA 的帖子

欲練神功，必先自宮，許或因為走火入魔會慾火焚身

作者: A-Mum 時間: 14-11-28 13:21

我介紹阿仔睇雪山飛狐先，因為短啲，無咁易嚇怕佢，之後佢就自己一套套睇落去，連越女劍都想睇埋

作者: bobbob 時間: 14-11-28 13:38

個人經驗咪睇笑傲江湖住，初頭幾個chapter講林平之悶到瞓得著。
我覺得睇天龍八部時間過得快，因為劇情緊湊，而且主角一早就出場。如果嫌長可以睇俠客行，故事比較特別，但太細睇又未必明。

作者: jumphigh 時間: 14-11-28 14:07 標題: 回覆：高小初中想嘗試睇金庸, 請教睇邊本先呢

提示: 作者被禁止或刪除內容自動屏蔽

作者: YuYuMother 時間: 14-11-28 14:14 標題: 引用：射鵰開始最好，但初頭真係要有耐性睇 +

原帖由 jumphigh 於 14-11-28 發表
射鵰開始最好，但初頭真係要有耐性睇

同意，先睇射鵰，可以的話再睇神鵰倚天跟住去。天龍八部笑傲江湖鹿鼎記等建議之後先睇。

作者: YolandaTam 時間: 14-11-28 14:15 標題: 引用：個人經驗咪睇笑傲江湖住，初頭幾個chapter

原帖由 bobbob 於 14-11-28 發表
個人經驗咪睇笑傲江湖住，初頭幾個chapter講林平之悶到瞓得著。
我覺得睇天龍八部時間過得快，因為劇情緊湊 ...

我次次睇天龍八部都skip第一章，我無慧根，嗰啲佛理睇到我

明明每個字都識，夾埋就不明所以

作者: little_yolky 時間: 14-11-28 14:40

MASAYA 發表於 14-11-28 11:26
最好當然有家長指引，我相信小學生會偽君子，金庸小說每套都不同程度既情愛，如果要簡單d純樸d，我會選擇雪 ...

用科學既術語, 應該係葵花寶典係俾女性練既武功, 男性有男性荷爾蒙, 唔可以練, 所以要練就要自宮。

因為男性荷爾蒙旺盛成日影响男性既腦思維(呢點你都應該好明白), 所以練咗時一分心就會亂咗團氣, 導至走火入魔, 即係內氣功團氣流亂咗, 傷及五臟六腑, 會引致思覺失調或精神分裂。明未?

作者: janettsui 時間: 14-11-28 15:36

雪山飛狐短D容易睇完有動力D

作者: YuYuMother 時間: 14-11-28 15:57 標題: 回覆：高小初中想嘗試睇金庸, 請教睇邊本先呢

你可以提議睇邊幾本先，但我建議你比囡囡自己揀，佢地有自己preference......

我家有整套金庸，我最初都係提議某幾本，但之後佢自己揀。天龍八部書劍佢反而覺得悶，係睇哂其他最後先再睇。佢有興趣就會好快刨哂。

作者: Shangrila 時間: 14-11-28 22:05 標題: 回覆：高小初中想嘗試睇金庸, 請教睇邊本先呢?

其實好多學校都會用射鵰做高小指定讀物。

作者: 小時了了 時間: 14-11-29 07:30

多謝各位好介紹， shortlist 後優先次序射鵰/雪山飛狐, 神鵰, 倚天......射鵰/雪山飛狐睇下圖書館有無俾人借咗先！

作者: 已刪除用戶 時間: 14-11-29 12:25

本帖最後由 yuenkw 於 14-12-1 13:23 編輯

射鵰同碧血劍條主線係國仇家恨，夠正氣；人物正邪、性格比較分明，男女之間的感情、情慾描述少。
啱小學生多d。

作者: torunpoland 時間: 14-11-29 15:21

射鵰簡單點, 人物性格鮮明, 對高小初中生較易.

希望你的小朋友會喜歡... 然後15套看畢, 相信, 中文水平會有大進步, 從而在相當不錯的成績單上反映出來.

作者: 小時了了 時間: 14-11-29 17:25

torunpoland 發表於 14-11-29 15:21
射鵰簡單點, 人物性格鮮明, 對高小初中生較易.

希望你的小朋友會喜歡... 然後15套看畢, 相信, 中文水平會 ...

尋晚放工諗住去圖書館睇下有無得借，但我去到時已夜晚八點零五分已關門了。今日去開商務原來有會員優惠日有折，忍唔住買咗雪山飛狐，原價＄48，會員價＄43.2，原來金庸小說咁平，仲平過台灣童書。

雪山飛狐只有1冊完, 射鵰有4冊才完, 我同女未曾接觸過金庸小說，最後我都係選擇1冊完的雪山飛狐, 希望佢有成功感完成，然後愛上金庸小說。

作者: A-Mum 時間: 14-11-29 18:35

祝你囡囡早日上癮！

如果睇得多又打算借，圖書館有大字版架，無咁壞眼

作者: 小時了了 時間: 14-11-29 19:44

A-Mum 發表於 14-11-29 18:35
祝你囡囡早日上癮！

如果睇得多又打算借，圖書館有大字版架，無咁壞眼 ...

我真係想小女上癮！望都咁望。但。。。剛才小女嘗試翻看第一頁，佢話有啲字唔識解 e.g 肥膘 (我都唔識解

！！！) 我都要諗下計仔點樣鼓勵佢繼續嘗試睇落去。

作者: cwaisum 時間: 14-11-29 20:16 標題: 回覆：高小初中想嘗試睇金庸, 請教睇邊本先呢

鹿鼎記好看，韋小寶市儈世俗，與康熙感情真摯，雖說風流成性，但有情有義。我想孩子看得好開心。

另外，衛斯理的科幻小說也十分好看，我女兒小四已看了不少。

作者: bibitom 時間: 14-11-30 00:20 標題: 回覆：小時了了的帖子

睇連城訣先，短至長

作者: MASAYA 時間: 14-11-30 01:02

bibitom 發表於 14-11-30 00:20
睇連城訣先，短至長

連城訣太慘... 睇完好sad...

作者: jumphigh 時間: 14-11-30 07:56 標題: 回覆：高小初中想嘗試睇金庸, 請教睇邊本先呢

提示: 作者被禁止或刪除內容自動屏蔽

作者: lambeanmama 時間: 14-11-30 09:05 標題: 引用：睇金庸根本不需要考慮長短，或去比較一套有

原帖由 jumphigh 於 14-11-30 發表
睇金庸根本不需要考慮長短，或去比較一套有幾多本。任何一套，只要能耐心看首册的四份之一，看過了交代背景 ...

非常同意。我由小四開始迷金庸。由倚天開始。之後睇射鵰，笑傲，天龍，神鵰。覺得無咩需要跟次序。不過，也同意射鵰的正邪對錯明顯，對小朋友來說更易理解。

作者: thexfiles1000 時間: 14-11-30 12:27

我覺得最好係連城訣，唔係太長, 但描寫得好細膩

作者: yklee 時間: 14-11-30 13:14

樓主你心態好似我，開頭擔心睇吾掂嚇死佢，我女高小由雪山飛狐開始睇跟着射鵰，神鵰，倚天，笑傲，鹿鼎記，後再轉睇文學書，打好個中文底子，而家中四中文科幾好。

作者: Mini-mummy 時間: 14-11-30 19:53 標題: 回覆：高小初中想嘗試睇金庸, 請教睇邊本先呢?

唔好意思⋯⋯我細過冇睇過小說⋯只記得同媽咪睇過電視劇，係未有邊本要睇先？因為另一本會有上一本的兒女角色出現？

唔知大家明唔明我問咩～

作者: torunpoland 時間: 14-11-30 21:37 標題: 回覆：Mini-mummy 的帖子

冇話邊本一定要睇先至明另一本。
但是，有若干角色是先出現於一本，再於另一本重現。若是要說次序，射鵰、神鵰、倚天。

作者: MASAYA 時間: 14-11-30 22:02

Mini-mummy 發表於 14-11-30 19:53
唔好意思⋯⋯我細過冇睇過小說⋯只記得同媽咪睇過電視劇，係未有邊本要睇先？因為另一本會有上一本的兒女角 ...

射鵰 -> 神鵰 -> 倚天
書劍 + 雪山飛狐 -> 飛狐外傳

射鵰同天龍八部有關係, 可以不分先後, 神鵰同笑傲江湖有少許關係, 又係先後冇所謂, 其它小說某程度都有少許關係, 不過大部份次序冇所謂, 呢個係金庸既世界觀

作者: jumphigh 時間: 14-11-30 22:08 標題: 引用：Quote:Mini-mummy+發表於+14-11-30+19:53+

提示: 作者被禁止或刪除內容自動屏蔽

作者: jumphigh 時間: 14-11-30 22:55 標題: 引用：Quote:原帖由+MASAYA+於+14-11-30+發表射鵰

提示: 作者被禁止或刪除內容自動屏蔽

作者: thexfiles1000 時間: 14-12-1 01:24

jumphigh 發表於 14-11-30 22:08
仲有，碧血劍同鹿鼎記也有關係的

其實鹿鼎記同連城訣都有少少關連

作者: jvcfamily 時間: 14-12-1 23:30

回覆小時了了的帖子

我最愛射鵰，其次為倚天,廘鼎記，書劍，神鵰。當年我小三開始睇古龍的絶代雙驕，好多字唔識,唔係好明內容.跟住睇射鵰，覺得好好睇，唔識既字問父母，因為覺得D人物有趣，所以好有心機同耐性睇。

作者: KoWY72 時間: 14-12-3 11:16

提示: 作者被禁止或刪除內容自動屏蔽

作者: MASAYA 時間: 14-12-3 11:24

KoWY72 發表於 14-12-3 11:16
回覆 MASAYA 的帖子

金庸的武俠小説值得向小朋友推介，因為除了可提升中文能力外，更可從小説學習人性。當 ...

咁你應該好鍾意風清揚，自己深居簡出，頓悟最上乘武功，徒弟又天資好成就高

作者: KoWY72 時間: 14-12-3 11:30

提示: 作者被禁止或刪除內容自動屏蔽

作者: 小時了了 時間: 14-12-4 09:52

本帖最後由小時了了於 14-12-4 09:54 編輯

哈!哈! 華人地方原來真係好多金庸迷

大家對金庸小說如數家珍, 小女子汗顏了.

小女子嘗試睇雪山飛狐十幾頁, 發覺本書一開頭講"大師兄"鍾意"小師妹", "小師妹"又鍾意另一個男仔, 係咁講愛情咁, 而我腦裏面不斷搜尋無線 N 年前的古裝金庸劇, 想問問大家雪山飛狐係咪周潤發+戚美珍那套 "大師兄"+"小師妹"那套呢??

作者: YuYuMother 時間: 14-12-4 10:15 標題: 引用：+本帖最後由+小時了了+於+14-12-4+09:54+編

本帖最後由 YuYuMother 於 14-12-4 10:19 編輯

原帖由 小時了了 於 14-12-04 發表
本帖最後由小時了了於 14-12-4 09:54 編輯

哈!哈! 華人地方原來真係好多金庸迷大家對金庸小說 ...

你講周潤發戚美珍呢套應該係笑傲江湖。
我睇既雪山飛狐係呂良偉做胡一刀/胡斐，謝賢做苗人鳳，曾華倩做苗若蘭。

好懷念小時候睇金庸既劇集，黃日華/郭靖、翁美玲/黃蓉、梁朝偉/張無忌……

電視劇陪我成長。

作者: gk678 時間: 14-12-4 10:34

正路睇射鵰先, 然後直落睇埋神鵰, 跟住俾佢自己揀.

作者: 小時了了 時間: 14-12-14 06:53

本帖最後由小時了了於 14-12-14 08:10 編輯

KoWY72 發表於 14-12-3 11:16
回覆 MASAYA 的帖子

金庸的武俠小説值得向小朋友推介，因為除了可提升中文能力外，更可從小説學習人性。當 ...

"金庸的武俠小説值得向小朋友推介，因為除了可提升中文能力外，更可從小説學習人性。當中我最欣賞及值得推介的首選是「笑敖江湖」莫屬了。

「笑敖江湖」反映人性刻畫入眉，十分傳神，是作為教導孩子認識世態炎涼的好材料。

在笑傲江湖小說中，人物性格描述得最活靈活現及可作為提醒小朋友人性險惡的典型例子要算是岳不群。縱觀「笑敖江湖」描述的岳不群，資質平庸未能學得華山派最上剩武功，雖然已能透過玩弄權術從人事鬥爭中取得長門之位，而在江湖中表面上也成功扮演成謙謙君子般，被稱為「君子劍岳不群」。可是，他表面正氣凜然，實則是假仁假義，陰險奸狡。他自己礙於天資所限，武功平凡，卻又極具野心，想當武林盟主之位，一統江湖，唯我獨尊。論武功，他自知難與真正高手匹敵，唯有使用陰招，扇風點火，挑撥離間，企圖迫走絕頂高手，以為這樣就可坐享其成，因為他最怕就是有高手在場，高手一出招，便知有沒有，而會顯得他那三腳貓功夫變成宜笑大方。所以他想盡辦法，排除異己，常常借刀殺人，想用他人之力把武功能力勝過他自己的人一一鏟除或迫走，免得與他競爭做武林盟主。後來，為求學得上剩武功，先是不擇手段利用女兒去偷取「辟邪劍譜」（即「葵花普典」），繼而不惜「欲練神功，引刀自宮」。可是，即使能偷學神功，自以為武功大進，但礙於資質所限，只能學到皮毛，武功仍是二三流，難登大雅之堂，與令狐沖比拼時，始終不敵令狐沖從華山前輩中學得的獨孤九劍，還是要一敗塗地，還搞到自己不淪不類，不男不女，認真是自作孽。

「笑敖江湖」最為人樂道的是能充分反影不同的人性，小說中描述不同人物的特徵，在現今社會中也隨處可見類似的人版，這類武俠小說，情節緊湊，又富教育意義，值得向小朋友推介，不過要有家長指引。"

我開始有少少明明地您所講那人嘅「君子劍岳不群」野了。
例子:
"一個愉快而有效學習的個案" # 473, #494, #495, #502, http://www.edu-kingdom.com/forum.php?mod=viewthread&tid=2701200&extra=page%3D1&page=24 該樓帖樓主只會欣然接受與他相同意見，如持用不同意見並直接引用返他自己所講過的說話及其他網友的說話，該樓主的情縮反應就會好似有點。。。，與他一直以來謙謙君子言詞大大相反，都是我的錯，講事實，惹人生氣了。

作者: 小時了了 時間: 14-12-14 07:01

本帖最後由小時了了於 14-12-29 20:50 編輯

KoWY72 發表於 14-12-3 11:16
回覆 MASAYA 的帖子

金庸的武俠小説值得向小朋友推介，因為除了可提升中文能力外，更可從小説學習人性。當 ...

"一個愉快而有效學習的個案 # 509 幫我解釋我的網名 " 小時了了" http://www.edu-kingdom.com/forum.php?mod=viewthread&tid=2701200&extra=page%3D1&page=26........

14-6-16 我係 "小時了了" 帖, 已解釋了我為何改這名 #8, "我真係以"小時了了大未必佳" 來提醒自己唔好對阿囡將來抱咁大期望。" & #9 "王家爸爸看到你的名，就想起孔融。" 去年中我同阿囡講故事咁講 "小時了了大未必佳" 的"世說新語" 這個故事, 我好記得我話孔融 "寸" 高官大人 "寸" 到無聲出, 阿囡當時聽到笑到格格聲. 後來我係另一帖提及阿囡今年年頭背 "三字經" 出現 "融四歲能讓梨弟於長宜先知" 同埋讀杏林子的 "生之頌", 作者自序寫自己 "小時了了" 自己長大後真的 "大未必佳 http://www.edu-kingdom.com/forum.php?mod=viewthread&tid=2825996&page=1#pid38783767

14-6-21 00:48 "我囡這樣學典故/中史/世史/科學...等" 帖亦再一次解釋了我為何改這名 #55 付出的努力與成果有時（好多時）未必成正比例的。作為父母，大家都想盡力預備及俾最好的給仔囡，至於仔囡是否 "虛不受補" ,要睇佢自己做化了。"小時了了，大未必佳"，係提醒我自己對阿囡的將來不要抱好大期望（真心的），咁我自己對佢就唔好咁大失望。http://www.edu-kingdom.com/forum.php?mod=viewthread&tid=2810318&extra=&page=3

作者: 小時了了 時間: 14-12-14 07:21

本帖最後由小時了了於 14-12-28 19:37 編輯

KoWY72 發表於 14-12-3 11:16
回覆 MASAYA 的帖子

金庸的武俠小説值得向小朋友推介，因為除了可提升中文能力外，更可從小説學習人性。當 ...

Deteled

作者: 小時了了 時間: 14-12-14 07:25

本帖最後由小時了了於 14-12-28 19:40 編輯

Deleted

作者: 小時了了 時間: 14-12-14 07:39

本帖最後由小時了了於 14-12-30 09:13 編輯

這令我更想睇"聰明仔爸"被封戶而導致已失傳的好似好上乘嘅教育心得了, 唔知"聰明仔爸妹夫"唔知會唔會開帖教一招半式呢！

P.S.以為失傳的 "聰明仔爸爸的伴讀文章" http://www.edu-kingdom.com/forum.php?mod=viewthread&tid=2561265#6
書名：培育好男孩 - 父子一起走過成長路
作者：李明樂
出版社：明文出版社

作者: 小時了了 時間: 14-12-14 08:02

本帖最後由小時了了於 14-12-28 19:38 編輯

Deleted

作者: 小時了了 時間: 14-12-14 08:14

本帖最後由小時了了於 14-12-28 19:39 編輯

Deleted

作者: eviepa 時間: 14-12-14 11:36

小時了了：

對著聰明仔爸，我和他極端敵對的，不會用我慣常用的語氣去回應。

我對你的質疑，抱著平常心的，我並沒有甚麼不快，只是心有的一句，就表現出來，如有甚麼語言衝撞，令你不快，我謹此致歉。

另外，我只是好奇，你引我女兒入不到心儀學系的一節，起初我以為你是照copy明仔爸的留言，但後來我卻發表並非他的手筆，應是你寫的，我的感覺是奇怪，並非不快，因為以我對你的認識，你不會將全無關聯的東西在大家辯論時寫出。

作者: KoWY72 時間: 14-12-14 16:50

提示: 作者被禁止或刪除內容自動屏蔽

作者: little_yolky 時間: 14-12-18 14:15

小時了了發表於 14-12-14 07:01
"一個愉快而有效學習的個案 # 509 幫我解釋我的網名 " 小時了了" http://www.edu-kingdom.com/forum.php?m ...

哇, 好多字, 真係要edit一下, 睇得好辛苦。

BTW, 見到你同囡囡講「小時了了」個故仔, 我都記得幾個月前同囡囡講過, 不過, 重點唔一樣, 除咗講孔融讓梨之外, 我仲同佢講埋孔融最後死得好慘, 原因係孔融自己都要負責。他太驕傲, 所以到處得罪人, 最後亦無人幫佢講說話。睇下小時了了個故事 (真果個), 我同阿囡講, 個高官雖然唔啱, 特登講說話俾孔融聽, 但人哋係長輩, 你係晚輩, 人哋話你咪 "good" 一聲吞咗佢, 仲要大庭廣眾落人面, 俾你威一次, 但同人結咗怨, 就唔化算了。退一步海闊天空, 唔好學孔融。

作者: Haochen 時間: 14-12-28 18:04

提示: 作者被禁止或刪除內容自動屏蔽

作者: 小時了了 時間: 14-12-28 20:05

本帖最後由小時了了於 14-12-28 20:44 編輯

A-Mum 發表於 14-11-29 18:35
祝你囡囡早日上癮！

如果睇得多又打算借，圖書館有大字版架，無咁壞眼 ...

"圖書館有大字版"-----多謝您提點圖書館有大字版, 我與小女只有公眾假期才可以有時間去圖書館，所以，呢個聖誕節 "的" 起心肝去圖書館嘗試借射鵰 (之前買了本雪山飛狐普通版，啲字好細及本書好厚，小女及我都唔係好享受，都唔係好想睇)。好明顯，呢次借咗大字版射鵰，字體大容易睇好多及本書薄啲(雖然會有好多冊)，而一開頭劇情比雪山飛狐故事吸引力大好多，對我及小女初看者來說，射鵰真係容易睇好多，而小女本身鍾意中史，我又會俾詩／詞／古文小女睇及背誦，佢聽過秦檜，岳飛等歷史人物，雖然靖康之難呢個歷史未同小女講故事咁講過，我絕對相信佢睇完射鵰後，對中史及岳飛那篇古文"滿江紅"及有一篇古文"岳飛之少年時代"都會好大興趣及得著。佢依家剛開始睇射鵰，好似有幾好嘅開始，希望佢會一直追金庸小說下去。

作者: A-Mum 時間: 14-12-28 21:31

小時了了發表於 14-12-28 20:05
"圖書館有大字版"-----多謝您提點圖書館有大字版, 我與小女只有公眾假期才可以有時間去圖書館，所以，呢個 ...

需要更大隻字，更輕更薄嗎？唸下買部 kindle 啦，鍾意睇書幾好用架！

作者: MASAYA 時間: 14-12-28 22:16

我想知而家多數人係睇邊個版本既金庸小說?

我個年代多數睇第二版, 即係射鵰有小紅馬冇小紅鳥既版本, 神鵰冇甄志丙既版本

作者: A-Mum 時間: 14-12-28 23:25

MASAYA 發表於 14-12-28 22:16
我想知而家多數人係睇邊個版本既金庸小說?

我個年代多數睇第二版, 即係射鵰有小紅馬冇小紅鳥既版本, 神鵰 ...

神鵰係咪得新舊兩版? 舊版係尹志平，新版係甄志丙？我地盡量揾舊版睇

作者: 小時了了 時間: 14-12-29 20:47

本帖最後由小時了了於 14-12-29 21:52 編輯

引用 #31 torunpoland: http://www.edu-kingdom.com/forum.php?mod=viewthread&tid=2834019&extra=page%3D1&page=2 金庸小說對提升孩小的中文水平的見解如下：

金庸作為由文學作品, 地位之高, 已經不用懷疑. (當然仍有許多爭論空間, 但這是學術問題)

但是, 對於提升孩小的中文水平, 確是毫無疑問. 第一, 金庸小說行文流暢, 單是這一點, 已夠回本. 一句句通順的句子, 連起來, 就是通順的段落. 現在, 你打開許多本地報章, 我敢說除了大公文匯, 已經沒幾句是通暢的句子. 多看本地報紙之效, 不比從前.

第二, 描寫細緻. 有了通順的句子, 內容呢? 小說說的是佈局架構, 學生考試未必用得這一高招, 便學查生描寫風景, 人物的心理, 這裡又有好多彈藥, 儲起平日作文用.

第三, 用詞精準而多變, 這點都不用解釋啦, 同一心情, 查生總有三四個詞語形容. 平日儲起又夠用.

額外的好處也不用多說, 對中國文化的認識.... 以上說的比較功利, 但即使如此, 都是好處, 初中就可以開始. 要是有興趣, 高小也可以, 但不用急於高小快人一步, 小五至中二轉變很大, 說不定孩子到中一就產生莫大興趣.

作者: longlokma 時間: 14-12-29 21:46 標題: 回覆：高小初中想嘗試睇金庸, 請教睇邊本先呢

係，依家我提自己其實唔驶太心急，始終社會变左，好難要求孩子跟自己小時侯看中文小說的步伐。我会先比孩子了解多d歷史先，再鼓勵他看金庸。暫時預算升中前能开始看第一套已ok, 因為只要开到頭，他自然会一套套追看下去，时间已不是问題。

作者: 小時了了 時間: 14-12-30 09:21

本帖最後由小時了了於 14-12-30 09:42 編輯

longlokma 發表於 14-12-29 21:46
係，依家我提自己其實唔驶太心急，始終社會变左，好難要求孩子跟自己小時侯看中文小說的步伐。我会先比孩子 ...

....... 因為只要开到頭，他自然会一套套追看下去，时间已不是问題。

好認同您 "要开到頭" 呢句好緊要, 因為如果自己當初以唔好慳心態(因為已俾錢買了雪山飛狐), 一定要小女及自己睇雪山飛狐先, 但因為雪山飛狐開頭劇情真係比較沈悶, 對我及小女第一次睇及接觸金庸小說來說真係唔係好享受及唔想睇落去了, 真係好容易放棄架.

但換了另一本射鵰做閱讀金庸小說開頭, 小女呢幾日真係追來睇.

"好嘅開始就係成功咗一半", 大家努力啊!

作者: sexymami 時間: 14-12-30 23:56 標題: 引用：+本帖最後由+小時了了+於+14-12-30+09:42+

原帖由 小時了了 於 14-12-30 發表
本帖最後由小時了了於 14-12-30 09:42 編輯

我都喜歡射，唔喜歡雪

作者: sexymami 時間: 14-12-30 23:58 標題: 回覆：sexymami 的帖子

喜歡射鵰，唔喜歡雪山。之後再睇埋神鵰啦！都好正！加油！

作者: 小時了了 時間: 14-12-31 07:08

本帖最後由小時了了於 14-12-31 07:09 編輯

因為自己都唔係好詳細記得靖康之難，打算係網上搜尋有關資料然後講故事咁講俾小女聽，搜尋到呢條 link http://resources.hkedcity.net/resource_detail.php?rid=1592427255 (此簡報(投影片7-37)介紹北宋末年「靖康之難」的始末及北宋政權覆亡) 自己睇過，好簡單易明，小朋友應該睇得明。

作者: 青青河邊草 時間: 15-1-4 17:24 標題: 回覆：高小初中想嘗試睇金庸, 請教睇邊本先呢

佢鍾意揀邊本就邊本

作者: 青青河邊草 時間: 15-1-4 17:27 標題: 回覆：高小初中想嘗試睇金庸, 請教睇邊本先呢

其實咁細個無必要睇金庸住
金庸係啱啲有些歷史知識基礎嘅人睇
否則睇左都只能領略皮毛
小四大可看看通俗小說先
瓊瑤衛斯理的文字淺白易懂
小朋友容易維持閱讀樂趣

作者: Olympian 時間: 15-1-4 21:23 標題: 回覆：青青河邊草的帖子

有件事我諗左好耐，唔知啱唔啱。

如果小朋友已經看金庸小說這類既長篇，內容又豐富，加上情感細緻的小說，那英文閱讀方面會否追得上呢？小朋友會否再看內容較簡單的英文故事呢？如果閱讀英文同類程度的故事，又可能太艱深。

我覺得若中文故事娛樂性超前英文太遠，小朋友就再不會看英文書了。相反，英文超前一點不打緊，因中文是母語，若一向有中文的閱讀習慣，好容易追得上閱讀相若程度的中文書。

始終要保持中英文書都看不容易啊！

作者: MASAYA 時間: 15-1-4 22:13

Olympian 發表於 15-1-4 21:23
有件事我諗左好耐，唔知啱唔啱。

如果小朋友已經看金庸小說這類既長篇，內容又豐富，加上情感細緻的小說， ...

中強英弱, 中文買資訊性雜誌, 英文買故事書
中弱英強, 中文買故事書, 英文買報紙雜誌

我唔會強制要睇乜野, 不過調節買邊類新書, 小說/故事用黎提高某語言閱讀興趣

作者: bobbob 時間: 15-1-5 08:32

唔係咁明點解會推介衛斯理，撇除內容空泛及不合情理（大多結局都解唔通），其實啲書寫得都麻麻，內容有啲又唔係咁兒童適宜，我唔會推介比小學生睇。

作者: 青青河邊草 時間: 15-1-5 08:50 標題: 引用：唔係咁明點解會推介衛斯理，撇除內容空泛及

本帖最後由青青河邊草於 15-1-5 13:01 編輯

原帖由 bobbob 於 15-01-05 發表
唔係咁明點解會推介衛斯理，撇除內容空泛及不合情理（大多結局都解唔通），其實啲書寫得都麻麻，內容有啲又 ...

無必要推介甚麽，帶小朋友到圖書館，任他們自己選擇就可以了。我高小到初中係經常蒲圖書館的人，乜嘢作家都睇一餐，瓊瑤，亦舒，嚴沁，古龍，金庸，衛斯理……通通都睇。

閱讀係講求樂趣的，這些書在父母眼中可能唔入流，但我就是因為它們而愛上閱讀，繼而喜歡寫作。

作者: IloveJJ 時間: 15-1-5 10:53 標題: 引用：有件事我諗左好耐，唔知啱唔啱。如果小朋

提示: 作者被禁止或刪除內容自動屏蔽

作者: bobbob 時間: 15-1-5 11:59

青青河邊草發表於 15-1-5 08:50
無必要推介甚麽，帶小朋友到圖書館，任他們自己選擇就可以了。我高小到初中係經常蒲圖書館的人，乜嘢作家都 ...

我細個嗰陣都好鍾意去圖書館，其實你講呢堆作家我嗰陣都有睇過（老咗反而無乜睇中文小說），不過如果要推介俾小學生我唔會，始終題材內容唔太適合（自問保守唔太接受小學生睇埋啲灑鹽花作品），佢自己攞嚟睇就無話可說。

作者: bobbob 時間: 15-1-5 12:06

Olympian 發表於 15-1-4 21:23
有件事我諗左好耐，唔知啱唔啱。

如果小朋友已經看金庸小說這類既長篇，內容又豐富，加上情感細緻的小說， ...

我識嘅小朋友中如果小時睇英文書（初小已可睇幾百頁嘅YA小說），到高小睇金庸係完全無問題，相反如果好中文書嘅又真係會較抗拒睇英文書，就算睇都只為交差。

作者: 小時了了 時間: 15-1-5 12:13

本帖最後由小時了了於 15-1-5 13:07 編輯

青青河邊草發表於 15-1-5 08:50
無必要推介甚麽，帶小朋友到圖書館，任他們自己選擇就可以了。我高小到初中係經常蒲圖書館的人，乜嘢作家都 ...

我自己當年高小及初中睇小說嘅作家: 瓊瑤，嚴沁，衛斯理另加岑凱倫 (真係呢幾位作家當年嘅書全部睇晒架, 因為我有 3 個家姐, 我小學時佢地係中學, 佢地成日借呢幾個作家書返房睇, 佢地睇完又未到期還書, 我就係呢段期間偷佢地啲書睇). 好後期自己先至有睇杏林子

而呢幾個作者-- 亦舒，古龍，金庸，當年就無睇喇, 依家幾十歲人先至開始第一本睇金庸射鵰, 其他作者都仍未睇

純個人自己經驗之談 (我自己認為係不好的經驗, 不喜勿插), 係我成長過程嘅戀愛拍拖經歷, 瓊瑤，嚴沁及岑凱倫嘅愛情小說對我影響好深遠, 因為我好感情豐富, 多愁善感, 真係愛情小說上晒腦 (坦白講, 我真係認為荼毒咗我嘅愛情觀思想呢

) 最後, 因為自己後來有信仰後而對愛情觀有另一新睇法及經歷, 我當時已同自己講, 日後如果自己有小朋友, 一定唔可以咁早俾佢睇瓊瑤等作家愛情小說, 避免過早早熟及影響心神,亂人心志.

瓊瑤愛情小說啲文筆真係好好, 書入面又引用好多詩詞, 有的書名都係出自詩詞 ------ 如"在水一方", "庭院深深" 等, 幾有文學色彩, 但係我自己認為唔係好適合高小及初中睇

而衛斯理, 當時我又係上晒腦, 真係好認真不停思考係地球上係咪真係會有"藍血人", 係咪真係有人啲血藍色, 亦成日諗外星人等.

所以, 依家小女睇咩書, 我真係好小心及好有心機幫佢選擇, 因為我唔想小朋友純淨心靈, 未有足夠智慧分別時而受不良影響, 影響心神, 亂人心志! 我好想小女有積極而正面的思想啊呀!

作者: longlokma 時間: 15-1-5 12:58 標題: 引用：+本帖最後由+小時了了+於+15-1-5+12:44+編

原帖由 小時了了 於 15-01-05 發表
本帖最後由小時了了於 15-1-5 12:44 編輯

哈哈哈，我自细睇武俠小說，金庸、古龍、梁羽生……等上哂腦，同學叫我大侠添

高小开始睇岑凱倫，又开始发夢，幻想有白馬王追我…………亦舒我唔喜歡，因太現實了，冇得发夢

初中就睇倪匡的衛斯理、原振侠、羅開，但越后期的越咸濕，唔好太早比仔睇住

作者: 小時了了 時間: 15-1-5 13:14

本帖最後由小時了了於 15-1-5 13:22 編輯

longlokma 發表於 15-1-5 12:58
哈哈哈，我自细睇武俠小說，金庸、古龍、梁羽生……等上哂腦，同學叫我大侠添高小开始睇岑凱倫，又 ...

唉!岑凱倫啲愛情小說全部以對話形式寫, 瓊瑤描寫得細膩及優美好多. 岑凱倫令我中學時真係以為愛情係: 男朋友係有錢又英俊, 女嘅(以為自己) 係幾咁吸引異性, 大把人追, 然後我慢慢選擇後大團完結婚, 幸福快樂地生活. 真係以為係咁架

幾傻呀!

依家現實係倆公婆, 公一份, 婆一份, 自己放工後返到屋企變身小學專科補習萬能老師, 小女學術上有咩唔識要教識佢, 而我另一身份又係阿四, 打掃, 洗衫, 摺衫等家務一腳踢. 呢啲愛情小說邊有提呀!!!

作者: longlokma 時間: 15-1-5 13:24 標題: 引用：+本帖最後由+小時了了+於+15-1-5+13:15+編

原帖由 小時了了 於 15-01-05 發表
本帖最後由小時了了於 15-1-5 13:22 編輯

咁我覺得每個少女都應該有一段造夢的青葱歲月，那時的陶醉感覺，我至今仍有深刻記憶啊！

作者: torunpoland 時間: 15-1-5 13:42 標題: 回覆：小時了了的帖子

我中二看了一本嚴沁《溫柔的夜》，覺得劇情悶得發荒，所以，只此一本，再不開卷。岑海倫從沒看過。但中一開始亦舒，非常精彩，屬於貼地式寫實的愛情夢幻，好彩，中學時代至今的愛情觀只受她影響，所以，女人一定要自強不息，辛苦賺錢雖然艱苦，但不用仰人鼻息，那是真正的自由自主。聽你說，我慶幸少女時代只愛亦舒。（我也夢想入新聞系）

作者: little_yolky 時間: 15-1-5 13:53

回覆 torunpoland 的帖子

女人一定要自強不息，辛苦賺錢雖然艱苦，但不用仰人鼻息 <----- 呢句阿爸由細到大都係咁教啦。

我初中時瓊瑤、亦舒、岑海倫等等都睇過, 到最後都唔鐘意, 改行睇福爾摩斯, 真係超好睇。

作者: little_yolky 時間: 15-1-5 13:57

MASAYA 發表於 15-1-4 22:13
中強英弱, 中文買資訊性雜誌, 英文買故事書
中弱英強, 中文買故事書, 英文買報紙雜誌

唉, 好似阿囡咁, 中強(相對)英弱(勁弱), 中文睇緊西廂記, 英文仲係ORT Level 4, 唉, 日日係咁嘆氣, 我就嚟變咗備長「嘆」了

作者: 小時了了 時間: 15-1-5 13:59

本帖最後由小時了了於 15-1-5 14:10 編輯

torunpoland 發表於 15-1-5 13:42
我中二看了一本嚴沁《溫柔的夜》，覺得劇情悶得發荒，所以，只此一本，再不開卷。岑海倫從沒看過。但中一開 ...

我記得當年中學時有一課文講咩 "三日不讀書, 便覺語言無味, 面目可憎" 咁, 睇書閱讀會影響人思想及氣質, 我好 buy 韓愈提倡 "文以載道" --- 以文章來說明道理, 因為我依家都係用呢樣野來教女做人處世係點. 所以, 我個人體會書的正確愛情觀都好緊要啊!

作者: 小時了了 時間: 15-1-5 14:05

本帖最後由小時了了於 15-1-5 14:06 編輯

little_yolky 發表於 15-1-5 13:57
唉, 好似阿囡咁, 中強(相對)英弱(勁弱), 中文睇緊西廂記, 英文仲係ORT Level 4, 唉, 日日係咁嘆氣, 我就嚟 ...

您囡好勁架, 鍾意粵劇, 中文及中國典故呢啲對佢來說好淺咋. 佢地啲粵劇劇本好深呀!

其實好想問妳好耐, 妳囡囡學粵劇係小學課外活動學, 抑或係出面學呢? 如果係出面學, 方唔方便講係邊學呢? PM 告之亦可!

作者: torunpoland 時間: 15-1-5 14:14 標題: 回覆：小時了了的帖子

韓愈文以載道之說乃針對六朝華麗矯飾的文風而言，有其時代性的背景，但也解釋了為何魯迅是文豪、而張愛玲只是優秀作家。

作者: little_yolky 時間: 15-1-5 14:19

小時了了發表於 15-1-5 14:05
您囡好勁架, 鍾意粵劇, 中文及中國典故呢啲對佢來說好淺咋. 佢地啲粵劇劇本好深呀!

其實好想問妳好耐, 妳 ...

佢唯一俾我覺得佢叻既, 就只有唱戲把聲好靚而已, 其他.......唉！

之前學思凡, 所以睇《紅樓夢》, 跟住唱牡丹亭驚夢, 就要睇《牡丹亭》, 原著佢又唔識睇喎, 邊度死本兒童版牡丹亭俾佢丫, 鬼咁辛苦搵到本《還魂記》繪本俾佢, 點知發晒颷, 話個故仔唔係全部, 只有一部份。阿囡大人呀, 你估阿媽開出版社咩。前排生日又話要本《西廂記》, 我問佢, 你都無唱西廂記, 睇嚟做乜? 好難買喎, 佢話睇定先, 以後可能會唱。最後要去台灣三民書店空運俾位大小姐, 最慘係前幾日去「讀書人」打書釘, 原來佢哋有賣

我囡囡幼稚園開始學粵劇, 係自己出去學的, 係99既杰作, 佢細細個時請佢湊咗一排, 佢日日同佢開電視煲粵劇同大長金, 細路見到啲衫好靚, 咪鐘意咗囉, 但99又不負責任喎, 搞到佢鐘意咗但又唔負責帶佢去學, 搞到我兩公婆接送生涯真係好辛苦。

呻咗咁耐, 佢係响大埔「耀鳴聲劇團」度學的。佢學私鐘, 妹妹因為五音不全, 為免徙米飯, 所以只俾佢學大班, 平好多。

作者: longlokma 時間: 15-1-5 14:28 標題: 引用：Quote:小時了了+發表於+15-1-5+14:05+您囡

原帖由 little_yolky 於 15-01-05 發表
佢唯一俾我覺得佢叻既, 就只有唱戲把聲好靚而已, 其他.......唉！

我十零歲果陣又係好喜歡聽粤剧，低能到買casette 機時(当时未興md/cd/dvd) 我攞盒粤曲帶去试播

作者: 青青河邊草 時間: 15-1-5 14:31

其實讀書年代就係可以發夢既年代, 我覺得係好正常.
我細個都係武俠小說入晒腦, 但我又唔覺得有好大問題.
講真, 以前果D書黃色極., 又點及得依家D網上資訊咁變態.
如果我小朋友係迷上看文字書, 我覺得點都好過佢用D時間來上網睇埋D無謂網站. 依家D網站雜誌, 仲教壞細路. 仲未計果D郁D就強奸通姦的電視劇.

至於愛情觀, 根本唔同年紀就會有唔同既發展. 係人都有幼稚過的年代, 做父母唔駛下下要小朋友skip左幼稚的階段, 呢D唔係叫慳時間, 而係忘了我地人, 人既性格發展必須係有過不成熟的階段.

作者: little_yolky 時間: 15-1-5 14:44

longlokma 發表於 15-1-5 14:28
我十零歲果陣又係好喜歡聽粤剧，低能到買casette 機時(当时未興md/cd/dvd) 我攞盒粤曲帶去试播

...

你真係好核突

阿囡最初學果半年, 因為唔識字, 日日播CD死記歌詞, 我聽到頭痛食咗幾排panadol先可以活到今天。粵劇真係唔知有咩好聽。我以前仲唔敢話俾人聽兩個囡學粵劇, 咁老土, 後來要表演, 要包飛sale飛先迫於無奈問人要唔要飛睇先穿煲。最攞命係表演時, 聽到坐後面D C9阿嬸, 話咁細個去唱戲, 緊係父母迫啦, 完成父母後生既心願啦.....真係想死

作者: longlokma 時間: 15-1-5 14:50 標題: 引用：Quote:longlokma+發表於+15-1-5+14:28+我十

原帖由 little_yolky 於 15-01-05 發表
你真係好核突

我真是喜歡聽架！唐滌生的词真係好靚

作者: torunpoland 時間: 15-1-5 14:55 標題: 回覆：longlokma 的帖子

唐滌生的辭遲早入中學中國文學教材，冇得頂

作者: little_yolky 時間: 15-1-5 15:07

torunpoland 發表於 15-1-5 14:55
唐滌生的辭遲早入中學中國文學教材，冇得頂

係就好, 咁我阿女可以讀少好多。最近又會新學《洛神》

不過, 要同個豆丁解釋啲歌詞意思, 真係難為了阿媽

作者: Olympian 時間: 15-1-5 18:35

小時了了發表於 15-1-5 12:13
我自己當年高小及初中睇小說嘅作家: 瓊瑤，嚴沁，衛斯理另加岑凱倫 (真係呢幾位作家當年嘅書全部睇晒架, ...

回想細個時瓊瑤、亦舒、岑海倫都睇過，但唔鐘意，都係鐘意武俠、科幼及偵探.... 驚覺自已係男仔頭﹗但都係好細個就想拍拖，後生愛情至上﹗個女唔好似我就好了﹗

作者: torunpoland 時間: 15-1-5 19:14 標題: 回覆：little_yolky 的帖子

阿爸教，同從字裏行間睇住蔣南孫、朱瑣瑣經歷而得出的結論，內容相同，感受不一。

作者: 小時了了 時間: 15-1-6 06:04

本帖最後由小時了了於 21-4-7 20:40 編輯

little_yolky 發表於 15-1-5 14:19
佢唯一俾我覺得佢叻既, 就只有唱戲把聲好靚而已, 其他.......唉！

呻咗咁耐, 佢係响大埔「耀鳴聲劇團」度學的。佢學私鐘, 妹妹因為五音不全, 為免徙米飯, 所以只俾佢學大班, 平好多。

點解我咁問呢? 因為小女幼稚園時係北區大會堂嘅畫班學畫畫時，有一次等上堂，湊巧有一班小學生及家長係大堂度傾偈講有關一陣粵劇表演及遲啲去廣州集訓學粵劇事宜，我個時好奇搭訕問家長佢地仔女讀緊邊間小學，咁好有粵劇學。家長答係培正小學，之後佢地家長講學粵劇點樣點樣好 (我唔記得講咩有幾好了)，而啲小學生又話鍾意粵劇喎，背台詞又唔覺深及難喎！當時我曾閃過一絲想法日後小女有機會試下學粵劇。亦曾因為其中一個因素可以學粵劇而曾考慮過報考培正小學呢。

我唔知出面課外活動會有粵劇俾小學生學，真係未聽過，我真係孤漏寡聞，不要見笑。我會試下開始問下小女學粵劇事宜。

作者: little_yolky 時間: 15-1-6 12:22

小時了了發表於 15-1-6 06:04
點解我咁問呢? 因為小女幼稚園時係北區大會堂嘅畫班學畫畫時，有一次等上堂，湊巧有一班小學生及家長係大 ...

依家網絡發達, 我哋呢D C9唔會再孤漏寡聞了

我當時都唔識, 阿囡話要學跳舞, 即刻上網search, 學粵劇, 又search。大埔有幾間小學都有粵劇學的, 囡囡老師有去教。前幾年D小朋友積極D, 暑假時老師都有組團上廣州10日習訓基本功, 但之前啲小朋友大咗, 有啲去咗演藝, 有啲考DSE自己出去接表演, 依家呢批家長, 積極既唔太多, 感覺有D沒落

BTW, 我都唔知培正有粵劇學, 可惜阿囡幼稚園時考唔到, 無緣份

作者: A-Mum 時間: 15-1-8 20:31

[color=rgba(0, 0, 0, 0.701961)]
需要更大隻字，更輕更薄嗎？唸下買部 kindle 啦，鍾意睇書幾好用架！

[color=rgba(0, 0, 0, 0.701961)][color=rgba(0, 0, 0, 0.7019607843137254)]
[color=rgba(0, 0, 0, 0.7019607843137254)]little_yolky 睇壞眼呀！發表於 3 天前

Kindle 唔同 iPad架, 睇 kindle 等如睇白紙黑字嘅書，不過佢仲好D, 因為可以放大D字睇，無咁易近視呀

作者: Jackieson 時間: 15-2-24 11:14

回覆小時了了的帖子

過咗一排，阿女仲有冇借金鏞或其他書睇?

作者: 小時了了 時間: 15-2-24 15:31

Jackieson 發表於 15-2-24 11:14
回覆小時了了的帖子

過咗一排，阿女仲有冇借金鏞或其他書睇?

嘻！嘻！借金庸大字版書，要我得閒有時間湊佢去圖書館先至得架！呢排有時間都捉咗佢去睇中醫清感冒調理身體先，而每晚睇書睇緊作家阿濃的書，及睇優秀文章咋。

作者: yuhehe 時間: 15-2-25 00:33 標題: 引用：小女四年級暑假睇咗射鵰同神鵰，呢兩本比較

原帖由 YolandaTam 於 14-11-28 發表
小女四年級暑假睇咗射鵰同神鵰，呢兩本比較有趣。不過由於篇幅長，平日睇可能會廢寢忘餐，建議長假先睇。另 ...

真係睇衛斯理好啦，唔好睇原振俠呀

作者: annie40 時間: 15-2-25 09:14

回覆 little_yolky 的帖子

養過孩子的人，才會真心明白何謂＂性格使然＂。

作者: annie40 時間: 15-2-25 12:24

torunpoland 才體會到性格不同帶來的分別發表於 2 小時前
xxxxxxx
完全同意。

朋友常問何以不多添幾個孩子，心想教養不是工廠的生產缐，弄掂了就可倒模式制作。而是重新開個條line學習如何跟孩子配合，條新line能否行得通，父母只能見著走，不欲虛懷若谷，難矣！

當父母的，除了自身有點模模範，大量要做的是跟孩子溝通，明白他們的真正需要，溝通得當，路便好走了。

女女的法國同學，剛滿十七歳，跟父母要了一輛紅色法拉利，話是他的dream云云。其實孩子要的是自信和被別人注意和欣賞，而不是法拉利。可惜父母聴錯了。

作者: laorenjia 時間: 15-2-25 13:08

annie40 發表於 15-2-25 12:24
torunpoland 才體會到性格不同帶來的分別發表於 2 小時前
xxxxxxx
完全同意。

唉，我就冇你咁醒，俾上天整蠱，有咗乜都唔駛理嘅大女後唔知足就整多個乜都要理嘅細女。

作者: MASAYA 時間: 15-2-25 13:26

laorenjia 發表於 15-2-25 13:08
唉，我就冇你咁醒，俾上天整蠱，有咗乜都唔駛理嘅大女後唔知足就整多個乜都要理嘅細女。
...

好多人都係，如果第一個麻煩，就唔會生第二個，如果第二個都唔煩，就會生第三個，生到有一個煩到頂唔順先停產，所以多數孻仔孻女都係麻麻煩煩，因為佢地麻煩先冇細佬妹

頭盔：當然有例外

歡迎光臨教育王國 (/)