教育王國

標題: 小一寫字醜樣點算 [打印本頁]

作者: nillnill 時間: 14-11-27 23:30 標題: 小一寫字醜樣點算

老師投訴小朋友寫字醜樣，之後試過叫小朋友不停罰寫字，寫到晚上十二點都寫唔好，有咩辦法可以改到小朋友寫醜字

作者: Shangrila 時間: 14-11-28 02:33 標題: 回覆：小一寫字醜樣點算

你咁樣罰佢只會無心機。

你小朋友寫字手力夠嗎？有時候可能係小肌肉未控制得好，可玩手推車。(佢趴喺地，你提起佢雙腳，要佢用手向前行)

如果係中文字，你要教佢啲字嘅結構，例如:如、機，兩個字都係左右結構，但寫出來時，如要左右差不多大少先好睇，機就要左邊瘦啲先好睇，即係教佢點樣裝個字。

你可以同佢每日練習一下，唔使多，舉例每日練5個字，每個寫3次，初時你先寫俾佢睇，解釋咗，叫佢跟你寫，後期你可寫完叫佢自己揀返覺得邊個最靚，問下佢點解。

如果連你自己手字都唔ok，最古老但又有效嘅方法就係去學書法，等老師教佢。

英文字教法都係大同小異，只要個個字母大小相約，距離適當，就唔會太醜樣。

作者: Shangrila 時間: 14-11-28 02:36 標題: 回覆：小一寫字醜樣點算

手推車大辛苦就剪下紙，摺下嘢啦！

作者: Yanamami 時間: 14-11-28 08:49

罰有用咩？

佢K3时d字如何?教佢裝字吖,寫啱比例就唔肉酸。

作者: MrBeast 時間: 14-11-28 09:13

nillnill 發表於 14-11-27 23:30
老師投訴小朋友寫字醜樣，之後試過叫小朋友不停罰寫字，寫到晚上十二點都寫唔好，有咩辦法可以改到小朋友寫 ...

如唔介意，post 一兩幅你覺得肉酸的字上來望望。

作者: rrMM 時間: 14-11-28 11:36

我個女都是。
小一暑假再練習
小二有驚喜
慢慢來吧

作者: CMSmile 時間: 14-11-28 12:45 標題: 回覆：nillnill 的帖子

用罰既方法真係唔可行，反而會令到個小朋友反感，小一可能小肌肉未係最好，我個仔小一時寫字都係麻麻地，到依家小二進步左好多，大左一年，小肌肉又會好些，鼓勵多d個小朋友，佢自然會有心機去寫，加油呀，媽媽

作者: little_yolky 時間: 14-11-28 14:15

nillnill 發表於 14-11-27 23:30
老師投訴小朋友寫字醜樣，之後試過叫小朋友不停罰寫字，寫到晚上十二點都寫唔好，有咩辦法可以改到小朋友寫 ...

咁你自己係唔係都覺得啲字醜樣?

我細囡(K3)啲字都醜樣, 但我無話佢, 當佢「間唔中」寫出一兩個靚字時, 我就讚佢, 佢會好開心。

你唔好介意, 我响隔離特殊教育網 (唔係話你小朋友有問題), 見到有家長個小朋友寫字都核突, 佢哋聽講座後學咗一個方法：

角色扮演：賣水果
小朋友：水果販
媽媽：顧客

媽：(指住小朋友啲字) 老闆, 你啲生果唔多靚喎, 唔夠新鮮, 有啲仲爛既, 可唔可以換過啲靚既俾我。
(小朋友改好咗啲字)
媽：唔, 呢啲生果靚好多喇。

如果小朋友覺得自己啲生果已經好靚, 你就唔好同佢拗, 讚吓佢都好努力入貨, 品質都好, 但可以介紹一啲上等貨式(靚字)佢睇, 叫佢下次可以入啲再好啲既貨, 吸引多啲客人幫襯。

作者: 芒果布din 時間: 14-11-28 17:56

可能係小肌肉發展未成熟，阿囡在這三個月寫字大有進步，除了小肌肉發展好咗，最緊要是得到別人的讚賞和鼓勵，學校不約而同有兩個老師都讚佢。

你可以留意下佢執筆手勢正唔正確，如果正確是用指力去寫字，而不是用手腕力。阿囡之前寫字超醜既原因就是用錯腕力去寫，現在改善當中。

作者: sumyau1012 時間: 14-11-29 23:49 標題: 回覆：nillnill 的帖子

我女小一小二時的字都寫得好差，成日被老師投訴。到今年三年級，字體突然靚左好多。我估係小肌肉發展得慢，大小小無問題。或者你試下寫詞語時，拿他的手一起寫，教他點分佈個字在格仔內，有時可能是空間感。

歡迎光臨教育王國 (/)