教育王國

標題: 如何令小二閱讀理解及作文有進步? [打印本頁]

作者: KirryLai 時間: 14-11-27 17:38 標題: 如何令小二閱讀理解及作文有進步?

呀仔小二生, 中文閱讀理解, 看圖作文及作文很差, 閱讀理解10題錯5題,
而中文和英文作文文法及內容好差, 中文作文只有70分左右. 英文作文只有B, 尋日佢作的英文如下:

When my birthday party. Dad and Mum, they give my the present. It is a gun.

錯得好嚴重, 所以想問問大家有什麼方法改善?

作者: little_yolky 時間: 14-11-27 18:38

KirryLai 發表於 14-11-27 17:38
呀仔小二生, 中文閱讀理解, 看圖作文及作文很差, 閱讀理解10題錯5題,
而中文和英文作文文法及內容好差, 中 ...

你哋老師都真係好仁慈, 錯咁多都俾B, 如果我哋學校死咗好耐了。

中文作文阿囡無乜點錯都係得75分, 小二嚴咗, 無辦法, 唉。你仔仔睇多啲英文書應該會有改善。至於中文, 我多你5分唔敢亂點你, 不過, 暑假時, 我買咗兩本好靚既日記簿同囡囡玩交換日記, 佢好鐘意, 好似玩咁, 妹妹又無份, 覺得好似同媽媽既特別關係, 好鐘意。平時, 就睇好多台灣出既橋樑書, 我有bias, 唔鐘意香港出既童書, 大部份買台灣的。

中文作文想攞高分, 要識用多啲形容詞、成語。我囡囡用得唔夠, 所以得75分。

暑假再同佢特訓！

作者: KirryLai 時間: 14-11-28 08:18

回覆 little_yolky 的帖子

謝謝你的意見，而家我逢星期六有去圖書館借書比佢睇，每星期睇一兩本中文圖書，反而佢對英文圖書冇興趣，好難迫佢睇。

作者: little_yolky 時間: 14-11-28 09:51

KirryLai 發表於 14-11-28 08:18
回覆 little_yolky 的帖子

謝謝你的意見，而家我逢星期六有去圖書館借書比佢睇，每星期睇一兩本中文圖書， ...

真係要扼扼手

我囡囡本來都唔太睇英文書的。但得到網友K的指導, 依家暫時日日讀一本ORT。進展良好, 發現原來小朋友係會比想像中好的。

我都明白小二課程真係忙咗好多, 但係, 圖書館都有一啲比較薄/少字的書, 可以一次看完的。就算課文, 都有好多好的文章, 又短。如可能, 儘量陪佢每日可以看最少一本中文書仔, 一本英文書仔, 時間不許可, 都起碼一日中一日英, 到weekend再看長一點點的書, 每週寫週記, 不一定要長, 一兩句都可以, 這樣可能會好少少。

看書時, 文章內可能有一些新的詞語/成語, 可以點出嚟同佢深入說明, 唔駛多, 兩三個。日日兩三個, 就會多好多了。

有一次, 囡囡睇完一本書, 學識「竊竊私語」, 然後我們出街, 路途中兩母女細細聲講人哋壞話, 囡囡就突然同我講：媽咪, 我哋依家係咪响度竊竊私語, 真好笑。

作者: KirryLai 時間: 14-11-28 23:01

本帖最後由 KirryLai 於 14-11-28 23:03 編輯

回覆 little_yolky 的帖子

你既建議唔錯, 可是我同老公要返工, 回家已經7:45左右, 食完飯對完功課已經9:00 左右, 我盡量配合, 抽些時間陪佢睇書, 謝謝你呀!

作者: ankrock 時間: 14-11-29 02:28

回覆 little_yolky 的帖子

感謝分享!! 小兒都是正為作文及閱讀理解困擾中…
深明多看書是一大目標,要努力持之而行!

歡迎光臨教育王國 (/)