教育王國
標題: 孖囝同班還是分班好？ [打印本頁]
作者: weiweibb 時間: 14-11-26 20:36 標題: 孖囝同班還是分班好？
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。
請問有孖仔／女的家長，同班和分班哪樣較好？你們的小朋友喜歡同／分班？
如果同班，老師或同學會否認錯？孖仔／女唔鍾意比較成績？
如果分班，溫功課或參加學校活動會否不方便？
請指教！
作者: nekoneko79 時間: 14-11-27 11:53
我覺得分班會好d, 因為佢地係埋同一班, 太容易有比較, 壓力會大d
老師又容易認錯咗, 隨時叫死一個, 冇叫另一個
至於溫書方面, 同級進度應該都不會差太遠的
課外活動當然冇問題, 又唔係跟分班編
作者: kenwong888 時間: 14-11-27 14:48
nekoneko79 發表於 14-11-27 11:53 
我覺得分班會好d, 因為佢地係埋同一班, 太容易有比較, 壓力會大d
老師又容易認錯咗, 隨時叫死一個, 冇叫另 ...
作者: pinkichung 時間: 14-11-27 16:42 標題: 回覆：weiweibb 的帖子
初小同班可以互相照應下。共同適應新環境。識新朋友。有共同話題。感情好好多
高小先分班都唔遲。到時大家可分享各班情況。而且到時亦會睇學習能力分班。
唔駛急分開佢地啦
我兩個k1,2同班。k3 分班
依傢好多幾傾。黎緊p1 同班
作者: pooh仔 時間: 14-11-27 16:44 標題: 引用：今日去學校註冊，校務處職員問我想孖仔同班
原帖由 weiweibb 於 14-11-26 發表
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。
請問有孖 ...
比我都會簡貧班. 主要可以吸唔同老師教法.
作者: Bao.Jin.Dup 時間: 14-11-28 00:21 標題: 回覆：孖囝同班還是分班好？
梗係分班好喇，獨立發展，各展所長，唔會太依賴另一個。
作者: soright 時間: 14-11-28 00:42 標題: 回覆：weiweibb 的帖子
同班：- 老師到學期尾都未分到樣。- 上堂叫錯名。-但可以問個叻d 果個做左咩，回家協助差d果位。
分班：-差d果位壓力少d。-但有時真係講唔出學左咩，無從入手協助。大家介紹大家朋友，朋友仔多d同埋一齊玩。-睇到邊個老師好d。
各有好壞。
作者: weiweibb 時間: 14-11-28 02:33
回覆 pinkichung 的帖子
我同你一樣, K1, K2 同班， K3 分班。我希望佢地小一同班先，因為驚佢地唔適應，一齊可以互相照應，小二才分班，但我老公話小一分班好D喎
作者: fc926 時間: 14-11-28 07:43 標題: 回覆：孖囝同班還是分班好？
小一是適應為主，唔單止小朋友要適應，家長都要適應，第一年同班比較好D，可以互相照應，抄手冊可以互相參考（因為我學校冇放手冊上網），另外最重要是默書測驗同日，他們可互做小老師互相溫習，家長可以慳功夫好多，升小二才分班都未遲
作者: weiweibb 時間: 14-11-28 09:38
本帖最後由 weiweibb 於 14-11-28 09:38 編輯
回覆 fc926 的帖子
唔該晒！我諗都係小一同班小二才分班。小學會否像幼稚園一樣，有名牌掛在身上，老師容易分辨他們呢
？
作者: Lyn 時間: 14-11-28 09:44
幼稚園未遇過, 小學係分班的, 我既理解係方便其他人辨認.
作者: Shangrila 時間: 14-11-28 22:53 標題: 回覆：孖囝同班還是分班好？
其實，只要你對小朋友唔係似到只係其中一個耳背多一粒墨嗰類，老師同同學都會分得到邊個打邊個。呢個係我嘅親身經驗。
同班最大嘅好處係兩個小朋友會同一日評估測考，同交一樣嘅功課，你唔會記錯日子，因為互補不足，小朋友會少欠嘢漏嘢攪錯日子等等問題，家長晚會/家長日唔使走兩場，父母會輕鬆啲，對小一學生嚟講，有助適應。
唔好嘅地方就係，如果其中一個小朋友本來性格就較依賴沉靜，佢會變得更無存在感，成日跟著另一個後面。
所以其實好需要睇你小朋友嘅性格同父母希望佢哋嘅發展係點。
作者: pinkichung 時間: 14-11-28 23:55 標題: 回覆：weiweibb 的帖子
我地都有派到個牌，但未知點用，不過我兩個係唔同樣，所以唔駛擔心會被認錯
作者: pinkichung 時間: 14-11-28 23:59 標題: 回覆：孖囝同班還是分班好？
依傢父母有時太著重成績發展，但記得親情係一世，兒時玩伴好緊要，記一世
作者: Orelia 時間: 14-11-29 08:29 標題: 回覆：孖囝同班還是分班好？
分班，因為同班老師資源經常投放在一個only, 好似當左佢地二合為一禁，除非精英班，否則都唔會放同班，加上同班會出現更多互相比較的情況，打擊另一個的自信，你要睇下佢地性格來決定，唔好比佢地依賴。
小朋友番學本來就唔會有兄弟姊妹同班的，不需給佢地額外的適應
作者: happycandy 時間: 14-11-29 09:17
倘若若是我的，我會幫他們報讀两間學校，根據他們所長，最好考試時不一樣，課程功課不一樣。
儘管是同一間不同班，老師仍然作比較，不同班，每一天的功課，两個會好混亂，而且好多時有得抄襲答案，反而同一班，你分開佢地各自做自己，仲好d。倘若有精英班，一個入到，一個入唔到，你都要諗下心理輔導。
作者: fc926 時間: 14-11-29 17:46 標題: 回覆：孖囝同班還是分班好？
孖的在同校好處就係互相幫助溫習及方便我去管理，自問真係比其他家長付出少，但效果令人相當滿意。至於比較，呢樣嘢她們由細到大都不停比較，我們從她們出世已經特別小心，一向最多買同款唔同色嘅衣服，從不買兩件一模一樣的東西，通常買兩款各一件交換share，但也難避免比較，幸好暫時都係良性競爭，她們大大下亦明顯各有所長，各向各所長發展
作者: wister 時間: 14-11-29 21:49
小一既話相信同一班會比較好，因為除左小朋友，家長都要適應學校既功課安排，一齊會比較容易照顧吧！
作者: wister 時間: 14-11-29 21:49
小一既話相信同一班會比較好，因為除左小朋友，家長都要適應學校既功課安排，一齊會比較容易照顧吧！
作者: Orelia 時間: 14-12-1 10:04 標題: 引用：今日去學校註冊，校務處職員問我想孖仔同班
原帖由 weiweibb 於 14-11-26 發表
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。
請問有孖 ...
我亦問過小學教師朋友，佢眼見同班的孖，一到分開一個到精英班，精英班的會成績一落千丈，所以佢叮囑我不要同班，其實同班的好處只是方便了家長而已，真的沒必要同班，他們是兩個個體，唔通第日要做同一間公司？
作者: weiweibb 時間: 14-12-1 12:03
回覆 Orelia 的帖子
謝謝給我另一種意見，即老師的角度和經驗。但唔明點解分班令入了精英班的一個成績一落千丈？是單一例子，還是大多數例子？
作者: babych 時間: 14-12-1 15:30
本帖最後由 babych 於 14-12-1 15:40 編輯
weiweibb 發表於 14-11-26 20:36 
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。
請問有孖 ...
當年我選擇分班, 因為我唔想佢地有比較. 到高小精英班無得選. 回望當年選擇正確
最有趣小一時哥哥在走廊跑, 老師叫佢唔好. 之後到細佬跑, 又比同一個老師見到, 話佢: "頭先咪叫你唔好跑囉" 佢話無呀, 我今日第一次見到老師, 個老師當時即時醒覺, 大家都忍唔住笑
非常同意ORELIA 呢句話: 小朋友番學本來就唔會有兄弟姊妹同班的，不需給佢地額外的適應
功課寫家課冊小一下學期後我無再CHECK, 自己功課自己負責, 好彩, 佢地都好有責任心. 初小時係D默書會亂D, 成日我都攪亂點解默完又默
仲有D學號, 差1,2個NO, 永遠都攪亂.
作者: maggielmy 時間: 14-12-1 22:36 標題: 回覆：孖囝同班還是分班好？
分班，小朋友應該各自發展，各自發掘興趣同性格，成日走埋一班會著重左係突出啲個位小朋友
作者: Jessy 時間: 14-12-2 12:57
如果是我, 同校的話一定選同班, 如果唔同班我諗我會唔識點同佢地跟功課, 呢個做左未, o個個完成未, 我會非常confuse!!!!
作者: minimami 時間: 14-12-2 23:17
本帖最後由 minimami 於 20-5-7 12:11 編輯
Deleted
| 歡迎光臨 教育王國 (/) |
Powered by Discuz! X1.5 |