教育王國

標題: 真心請教有感統問題小朋友既媽咪!! [打印本頁]

作者: snoopy333 時間: 14-11-26 15:40 標題: 真心請教有感統問題小朋友既媽咪!!

我小朋友三歲左右, 佢在協康會計知估後有感統問題如觸覺, 前庭敏感等.

佢行為上最主要既問題係:

- 很怕陌生人, 陌生地方. 要去好多次先開始適應. 有次新幼稚園老師站在佢坐位旁都哭, 但其他同學冇事.
- 當我在他身邊時佢特別扭計, 總要痴住我. 但其他人帶他時會聽話好多.
-  不願意嘗試新事物, 一試就哭
-  做事唔專心, 容易放棄

近兩三個月我時常帶佢去公園玩, 我發覺佢同以前有d唔同左.

- 兩歲半前唔打千秋, 而家陪佢會願意玩5-10分鐘, 但動作很細.
- 佢在公園玩滑梯時可以頭向前滑下來, 仲玩得好開心.
- 佢在家經常跳大床但出街就唔會玩彈床.
- 做感統治療時佢好怕個軟毛刷但在家就冇咁抗拒

我發覺佢如果在自由及熟悉的環境下其實都會試新野 (例如去公園), 但一到陌生環境即是咩都唔玩仲要反抗. 所以每次去協康佢都唔多聽指令, 一哭就可以浪費半堂. 我唔知繼續做是否有用?

作者: obedienceliu 時間: 14-11-27 13:48

回覆 snoopy333 的帖子

上了感統多久? 聽你咁講都進步了不少, 唔上的話, 你可以在家幫她嗎?

作者: snoopy333 時間: 14-11-27 14:59

回覆 obedienceliu 的帖子

其實佢既進步係來自去公園玩，協康只返左3堂。而且佢一去陌生環境就好抗拒，但一同公園就好d。我在家都有同佢做訓練，不過佢在家很懶，反而去公園仲開心，但天氣會越來越凍會少d去公園。

作者: obedienceliu 時間: 14-11-27 15:06

回覆 snoopy333 的帖子

我個仔6歲半, 今日第一堂上感統(私人訓練), 唔知要幾耐才可以回復正常!

作者: chibon 時間: 14-11-27 15:40

本帖最後由 chibon 於 14-11-27 15:41 編輯

建議你可以去遊戲輔導室做感統運動!

我個仔細個果時嘅情況同你個仔差不多, 但去完遊輔做左半年, 每週兩天的運動後, 非常大改善. 3歲至8歲係黃金時間, 越細做改變越快.

而家佢八歲啦, 我都好感謝以前係果度上堂的老師, 幸好我能幫他在小時候改善問題, 如果唔係, 呢d 問題改善唔到, 就像雪球一樣越變越大.
希望你唔好停, 一定要幫你的孩子找到改善的方法!

作者: obedienceliu 時間: 14-11-27 16:11

回覆 chibon 的帖子

請問遊戲輔導室是否感統訓練用那種? 每週兩天感統訓練嗎? 半年後改善了那方面? 行為? 言語? 學習能力提升?

作者: chibon 時間: 14-11-27 16:24

本帖最後由 chibon 於 14-11-27 16:26 編輯

他們是透過做運動去幫助感統孩子, 當然這些是和感統有關的. 一堂一個鐘大概有4-6位小朋友一齊上, 每3個為一組做翻筋頭, 秋千, 滑板車, 倒立, 坐轉盆拋波等.

但好明顯我個仔上完之後, 感統的問題好左好多, 情緒亦穩定左, 而且大多數的運動對身體的肌肉張力及體力都有幫助, 我覺得他的體力各方面都好左好多!

我個仔係情緒果方面的問題, 及去到陌生地方會好驚, 當時他正在上幼稚園, 每天上學都好怕上禮堂, 一去到就喊,(但其實唔係日日都要上, 而佢每天都問老師)我都唔明佢喊d 咩, 佢自己又講唔出驚咩....
以前佢唔玩秋千的, 後來就好肯玩, 去完做感統運動後明顯改善了! 後來漸漸返學都冇呢d 問題啦.

個人意思: 孩子每天都在成長, 能夠在他成長的時候幫忙他, 時間過了就冇架啦, 要襯早幫他. 過了黃金期有些方法便用不著了!

作者: obedienceliu 時間: 14-11-27 16:32

回覆 chibon 的帖子

明白, 今日第一堂是單對單上, 45分鐘, 如上了一段時間, 各方面有進步就會轉為小組形式上, 希望能提升能力, 謝謝!

作者: 東東公主 時間: 14-11-27 16:55 標題: 回覆：chibon 的帖子

遊戲輔導室是一間公司？或是一種堂？邊到有？thanks!

作者: 濼晴 時間: 14-11-28 16:01 標題: 回覆：chibon 的帖子

可唔可以 pm 間野個名唔該

作者: snoopy333 時間: 14-11-29 02:01

回覆 chibon 的帖子

請問當時你囝囝有冇驚上堂, 聽講遊戲輔導室係軍訓式訓練。

作者: chibon 時間: 14-12-1 09:59

是一間專門訓練有感統問題孩子的機構, 可以在yahoo search.

第一次他有喊的, 之後幾次就無啦! 他越不想去, 我越要給他去.
我知道對他是有幫助的, 好明顯一兩個星期就見到他有轉變, 所以一路keep 住一星期做兩次維持了半年.
當時就連幫我帶他去的老爺都贊成, 老爺是很理智的人, 都覺得做感統運動對他是很有明顯幫助的. (因為帶的人是他, 他很清楚孩子的轉變).

我又覺得唔係軍訓式喎, 每次做3-4節唔同的組的運動, 當然對有感統的小朋友來說一定係辛苦, 正正因為他們欠缺這些運動, 和大腦裏的神經線未接觸到位, 所以小朋友會逃避會喊.
但當他習慣了, 就自然會適應下來.
(個人意見, 好多有感統問題的小朋友就是在要發育時期沒有發育到及發展到他的需要, 意思是他需要爬的時間很少爬甚至沒有爬, 需要摸不同種類的物質, 觸感沒有接觸到, 以致他成長後有些問題出現了!)

我個仔的同學仔有過度活躍或專注力不足, 我問了他們, 原來很多在細個果時都有感統問題, 感統的問題如沒有被處理好, 將來衍生的問題會很多.

真心建議大家在孩子幼稚園時去處理, 因為及早注視和醫治, 及早康復!
將來升到小學真係好多嘢要顧及的, 未必有咁多時間去處理這些問題!

作者: snoopy333 時間: 14-12-1 16:35

回覆 chibon 的帖子

請問你囝囝幾時開始在遊戲輔導室上堂，是否上了半年就治好左感統問題?

作者: chibon 時間: 14-12-1 16:59

佢3歲左右, 我已經發覺佢有問題, 情緒方面有很大問題(一不喜歡就掉嘢, 大叫) 當時唔知點處理....
搵過很多機構 (耀能, 私人機構等) 做了幾間機構的評估, 又自己找了很多關於感統的書, 如孩子不笨等.......但有些活動在家未必有時間及地方可以做到...

直到佢 K.2 上學期, 都係係BK 度聽家長講的, 就係遊輔做了評估, 之後就持續做了半年, 半年後, 當時佢已經好到七七八八, 但其他佢的小肌肉都未完全可以控制得很好. 因為對我來說都幾大負擔. 後來我自行停了.
導師有叫我比佢去游水, 去多些遊樂場玩, 訓練佢嘅大肌肉等....

如果你說完全痊癒, 我覺得係每個小朋友都有各自本身的問題, 最好係問導師, 因為半年後都會做多次評估的.......
我個仔現在快八歲啦! 佢自己都知自己好衝動, 情緒方面佢亦開始知道自己生氣(我會叫佢冷靜D, 諗清楚先行動先講嘢) ......
但自理方面除了吃飯時吃到周圍都係, 其他嘢都係佢自己做.

歡迎光臨教育王國 (/)